ତୀତସ 2:7 - New Testament in Pengo Parja Language

⁷ ଏପେଙ୍ଗ୍ ର ମାନାୟ୍ ମାନି କିତିଲେକେ ୱିଜୁ ବିଷୟରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଈଶ୍ୱର ବିଷୟରେ ହିକ୍ଷା ହିନିହିଙ୍ଗ୍ ହାର୍ଦି ମାନ୍‌ତାଙ୍ଗ୍ ଆରେ ମାନାୟାର୍ ସନ୍‌ମାନ୍ କିତିଲେକେ ହିକ୍ଷା ହିୟାଟ୍।

ତୀତସ 2:7 Iomraidhean Croise

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 2:17

ଆରେ ଏପେଙ୍ଗ୍ ପୁଚାଦେର୍‌ନା ଯେ, ଆପେଙ୍ଗ୍ ହେୱାନ୍ ପନି ମାନାୟାର୍‌ଲେକେ ଆକାୟ୍। ଇମ୍‌ଣି ମାନାୟାର୍ ଡାବୁଙ୍ଗ୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା, ମାତର୍ ମାଙ୍ଗେଙ୍ଗ୍ ପକ୍ତିତି ଈଶ୍ୱର ଚଚ୍‌ଚାନାନା ଇଞ୍ଜି ପୁନ୍‌ଞ୍ଜି ଆପେଙ୍ଗ୍ ଦରମ୍‌ଆଜି ଖ୍ରୀଷ୍ଟ ଅଦିକାର୍ ହୁଦାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାପା।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 8:8

ଆନେଙ୍ଗ୍ ମିଙ୍ଗେଙ୍ଗ୍ ଇଲେକେ ନେ କିୟାଟ୍ ଇଞ୍ଜି ଆଦେସ୍ ହିଦୁଙ୍ଗା। ମାତର୍ ଜେକନି ମଣ୍ଡ୍‌ଲିନି ପାର୍ତି କିନାକାର୍ ସାଇଜ କିଦେଙ୍ଗ୍ ବେସି ଇଚା କିଜି ଲାଡ୍ କିନିଲେକେ, ଏପେଙ୍ଗ୍ ଜେକନି ପାର୍ତିକିନି ଗରିବ୍ ମାନାୟାରିଙ୍ଗ୍ ଲାଡ୍ କିନାଦେରା କି ଆକାୟ୍ ପୁଞ୍ଜେଙ୍ଗ୍ ଇଲେକେ ଇଞ୍ଜ୍‌ନାଙ୍ଗା।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

ପିଲିପିୟ 1:10

ଲାଗିଙ୍ଗ୍ ଏପେଙ୍ଗ୍ ୱିଜୁତାଙ୍ଗ୍ ହାର୍ଦି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଆରେ ଖ୍ରୀଷ୍ଟ ଦିନ୍‌ତ ଏପେଙ୍ଗ୍ ଟିକ୍ ଆରେ ଇନା ଦସ୍ ପା ମିଙ୍ଗେଙ୍ଗ୍ ହିଲ୍‌ଗୁତ୍।

୨ ଥେସଲନୀକିୟ 3:9

ଆପେଙ୍ଗ୍ କଷ୍ଟ କିନାପା, ଆରେ ମା ଆଦିକାର୍ ମାନାତ୍ ଯେ, ଏପେଙ୍ଗ୍ ମାଙ୍ଗେଙ୍ଗ୍ ସାଇଜ କିଦାଟ୍ ଇଞ୍ଜି ଇଞ୍ଜେଙ୍ଗ୍ ଆଡ଼୍‌ଦାନାପ୍, ମାତର୍ ଆପେଙ୍ଗ୍ ହେଲେକେ କିୱାତାପ୍‌ନା। ଇନେସ୍‌କି ଆପେଙ୍ଗ୍ ଇଚା କିଜି ମାଚାପ୍ ଯେ, ଆପେଙ୍ଗ୍ ଇନେସ୍‌ଲେକେ କିଜି ମାଚାପ୍ ହେଲେକେ ଏପେଙ୍ଗ୍ ପା କିୟାଟ୍।

୧ ତିମତି 4:12

ଏନେଙ୍ଗ୍ ବେଣ୍ଡିଆ ହିମ୍‌ଣା ଆତାଇନା ଇଞ୍ଜି ଇନେର୍ ନିଙ୍ଗେଙ୍ଗ୍ ଇନସ୍ତା କିଦ୍‌ମେର୍, ଲାଗିଙ୍ଗ୍ ଏନେଙ୍ଗ୍ ବେଣ୍‌କିନିହିଙ୍ଗ୍। ନି ଚାଲିଚଲନ୍‌ତାକେ, ଜେକନିକାରିଙ୍ଗ୍ ଲାଡ୍ କିନିହିଙ୍ଗ୍, ଖ୍ରୀଷ୍ଟ ପାର୍ତିତାଙ୍ଗ୍, ସାଦୁ ଜିବୁନ୍ କାଟିକିଜି ପାର୍ତି କିନାକାର୍ ମୁମ୍‌ଦ ହାର୍ ଆଜି ମାନା।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

୧ ପିତର 5:3

ଈଶ୍ୱର ମିଙ୍ଗେଙ୍ଗ୍ ହିତ୍‌ତି ମାନାୟାରିଙ୍ଗ୍ ସାସନ୍ କିମାଟ୍, ମାତର୍ ହାର୍ କାମାୟ୍ କିୟାଟ୍ ହେୱାର୍ ମିଙ୍ଗେଙ୍ଗ୍ ହୁଡ଼୍‌ଜି ହିକାଆନାର୍।