ତୀତସ 2:14 - New Testament in Pengo Parja Language

¹⁴ ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ତୀତସ 2:14 Iomraidhean Croise

ମାତିଉ 1:21

ହେଦେଲ୍ ବପାଙ୍ଗ୍ ଜନମ୍ କିନାତ୍, ଆରେ ଏପେଙ୍ଗ୍ ତା ତର୍‌ ଯୀଶୁ ହିନାଦେର୍, ଲାଗିଙ୍ଗ୍ ହେୱାନ୍ ତା ମାନାୟାରିଙ୍ଗ୍ ୱିଜୁ ପାପ୍‌ତାଙ୍ଗ୍ ଉଦାର୍ କିନାନ୍।”

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 3:12

ହେୱାନ୍ କେଇଦ ଗହମ୍‌‌ନି ପଲ ଏଡ଼ାଇ କିଦେଙ୍ଗ୍ ତା କେଇଦ ହେଚି ମାନାତ୍। ହେବେତାଙ୍ଗ୍ ହେୱାନ୍ ତାସ୍‌ତିଙ୍ଗ୍ ପଲତାଙ୍ଗ୍ ଏଡ଼ାଇ କିନାନ୍। ହେୱାନ୍ ତା ହେଚିତାଙ୍ଗ୍ ବାଚିକିତି ହାର୍ଦି କୁଲିଙ୍ଗ୍ ରୁଣ୍ଡାଇକିଜି ପାଲ୍‌ତାକେ ଅଜି ଇଟ୍‌ନାନ୍। ତାପାଚେ ପଲ ଆରେ ଦର୍‌କାର୍‌ଆୱି ବାରବିନି ଜିନିଷ୍‌ତିଙ୍ଗ୍ ୱିଜୁଦିନ୍ କାଚାଆନି ନାଣିତାକେ ଅଜି ତୁସିହିନାନ୍‌।”

ଜହନ୍‌ 10:15

ଆନେଙ୍ଗ୍ ହେଲେକେ ନା ମେଣ୍ଢାକାଙ୍ଗ୍ ପା ପୁନାଙ୍ଗ୍, ଆରେ ହେୱେକ୍ ପା ନାଙ୍ଗେଙ୍ଗ୍ ପୁଞ୍ଜ୍‌ନିକ୍। ଆନେଙ୍ଗ୍ ମେଣ୍ଢାକାଙ୍ଗ୍ ନା ଜିବୁନ୍ ହିଦେଙ୍ଗ୍ ପା ରାଜି ମାନାଙ୍ଗ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

ପକ୍ୟାତାକା 15:14

ବିନ୍‌ଜାତିନି ମାନାୟାର୍‌ତାଙ୍ଗ୍ ଈଶ୍ୱର ଆଗେ ଦୟାକିଜି କେତେକ୍ ମାନାୟାରିଙ୍ଗ୍ ତା ଜାର୍ ମାନାୟ୍ କିତି ବିଷୟରେ ମାଙ୍ଗେଙ୍ଗ୍ ବୁଜାଇକିଜି ୱେଚ୍‌ଚାତାନ୍‌ନା।

ପକ୍ୟାତାକା 15:9

ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ପକ୍ୟାତାକା 9:36

ଯାପା ସହର୍‌ତାକେ ଟାବିଥା ତର୍‍ଦାକାନ୍ ରକାନ୍ ଚେଲାହି ମାଚାନ୍। ତା ତର୍‌ ଗ୍ରୀକ୍ ବାଷାତାଙ୍ଗ୍ ଦର୍କା ଇଞ୍ଜି ୱେଚ୍‌ଚି ମାଚାର୍, ଇଦାଙ୍ଗ୍‌ନି ଅର୍ତ ଚିତ୍ରାକଟ୍ରା। ହେୱାନ୍ ରକାନ୍ ହାର୍ଦି କାମାୟ୍ କିନାକାନ୍ ମାଚାନ୍, ଆରେ ମାନାୟାରିଙ୍ଗ୍ ଦାନ୍ ହିଜିମାଚାନ୍।

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”

ଏପିସିୟ 1:11

ତା ଆଗେ କିତି ଜଜ୍‌ନାତାଙ୍ଗ୍ ଖ୍ରୀଷ୍ଟତାକେ ରବେ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତା ମାନାୟ୍ କିଜି ବାଚି କିତ୍‌ତାନ୍‌ନା। ହେୱାନ୍ ତା ଇଚା ଆରେ ଜଜ୍‌ନାତାଙ୍ଗ୍ ୱିଜୁ ବିଷୟ ଟିକ୍ ବାବ୍‌ରେ ପୁରା କିନାନ୍।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 2:10

ଆରେ ଈଶ୍ୱରତିଙ୍ଗ୍ ହେବା କିନି କଗ୍‍ଲେକ୍ ଇଲେକେ ଆଜି ଜେକନିକାରିଙ୍ଗ୍ ହାର୍ଦି କାମାୟ୍ କିଜି ଜାର୍‌ତିଙ୍ଗ୍ ସୁନ୍ଦ୍ରି ଇଞ୍ଜି ଚଞ୍ଜିୟା ଆୟେକ୍।

୧ ତିମତି 2:6

ହେୱାନ୍ ୱିଜାକାରିଙ୍ଗ୍ ପାପ୍ ଆରେ ହାଃନି ଶାକ୍ତିତାଙ୍ଗ୍ ମୁକ୍ତିକିନି କାଜିଙ୍ଗ୍ ତା ଜିବୁନ୍‌ତିଙ୍ଗ୍ ଡାବୁଙ୍ଗ୍ ହିସାବ୍‌ରେ ହିତାନ୍। ହେୱାନ୍ ହାଃତିଲେ, ଈଶ୍ୱର ଟିକ୍ ସମୟ୍‌ତ ଚଚ୍‌ଚାନ୍‌ନା ଯେ ହେୱାନ୍ ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ଇଚା କିନାନା।

୧ ତିମତି 6:18

ଆରେ ଜେକନିକାରିଙ୍ଗ୍ ଉପ୍‌କାର୍ କିଜି ୱିଜୁ ସତ୍ କାମାୟ୍‌ତାଙ୍ଗ୍ ହାଉକାର୍ ଆନାର୍ ଆରେ ମେଲାଆତିୟା ଆଜି ଆରେ ଦୟାନି ମାନ୍‌ତାଙ୍ଗ୍ ଦାନ୍ ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟାଟ୍।

ତୀତସ 2:7

ଏପେଙ୍ଗ୍ ର ମାନାୟ୍ ମାନି କିତିଲେକେ ୱିଜୁ ବିଷୟରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଈଶ୍ୱର ବିଷୟରେ ହିକ୍ଷା ହିନିହିଙ୍ଗ୍ ହାର୍ଦି ମାନ୍‌ତାଙ୍ଗ୍ ଆରେ ମାନାୟାର୍ ସନ୍‌ମାନ୍ କିତିଲେକେ ହିକ୍ଷା ହିୟାଟ୍।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 10:24

ଆରେ ଜାର୍-ଜାର୍‌ତିଙ୍ଗ୍ ଲାଡ୍ ଆରେ ହାର୍ଦି କାମାୟ୍ କିନି କାଜିଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଦେଙ୍ଗ୍ ଦିୟାନ୍ ହିନାସ୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଜାକ୍‌ବ 4:8

ଈଶ୍ୱର ଲାଗାୟ୍ ୱାଡ, ଲାଗିଙ୍ଗ୍ ହେୱାନ୍ ମି ଲାଗାୟ୍ ୱାନାନ୍। ଏ ପାପି ମାନାୟ୍ କାଦେର୍ ଏପେଙ୍ଗ୍ ପାପ୍ କାମାୟ୍‌ତାଙ୍ଗ୍ ଦେହାଆଡ, ଏ ରି ମାନ୍ୟା ମାନାୟ୍ ଆନାଦେର୍, ଏପେଙ୍ଗ୍ ମି ଗରବ୍‌ତିଙ୍ଗ୍ ଟିକ୍ କିୟାଟ୍।

୧ ପିତର 1:18

ଏପେଙ୍ଗ୍ ପୁଚାଦେର୍‌ନା ଯେ, ଆଗେ ଏପେଙ୍ଗ୍ ବେକାର୍ ଜିବୁନ୍ କାଟିକିଜି ମାଚାଦେର୍, ହେଦାଙ୍ଗ୍ ମି ଆକଦାଦିର୍‌ତାଙ୍ଗ୍ ହିକା ଆଜି ମାଚାଦେର୍। ମାତର୍ ଈଶ୍ୱର ମିଙ୍ଗେଙ୍ଗ୍ ବେକାର୍ ଜିବୁନ୍‌ତାଙ୍ଗ୍ ମୁକ୍ତି କିଜି ମାନ୍‌ଞ୍ଚାନ୍। ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ନି କାଜିଙ୍ଗ୍ ନଷ୍ଟ ଆନି ହନା କି, ରୁପା ବ୍ୟବହାର୍ କିୱାଦାଙ୍ଗ୍ ମାଚାନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 1:9

ମାତର୍ ଯଦି ଆସେଙ୍ଗ୍ ଜାର୍-ଜାର୍ ପାପ୍‌ତିଙ୍ଗ୍ ଈଶ୍ୱରତିଙ୍ଗ୍ ୱେଚ୍‌ନାସ୍। ଲାଗିଙ୍ଗ୍ ହେୱାନ୍ ମା ପାପ୍ କେମା କିଦ୍‌ନାନ୍ ଆରେ ୱିଜୁ ଅଦରମ୍‌ ନୁସ୍ତାନ୍‌ନା। ଇନେସ୍‌କି ହେୱାନ୍ ସତ୍ ନ୍ୟାୟ୍ ବିଚାର୍ କିନାକାନ୍।

୧ ଯୋହନ 3:2

ଏ ନା ଲାଡ୍‌ନି ସାଙ୍ଗ କାଦେର୍, ନଙ୍ଗୟ୍ ଆସେଙ୍ଗ୍ ଈଶ୍ୱର ମେହିକାସ୍ ଆତାସ୍‌ନା। ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଆସେଙ୍ଗ୍ ଇନେସ୍ ଚଞ୍ଜିଆ ଆନାତ୍ ହେଦାଙ୍ଗ୍ ପୁନ୍‌ୱାତାସ୍‌ନା। ମାତର୍ ଇଦାଙ୍ଗ୍ ଆସେଙ୍ଗ୍ ପୁଚାସ୍‌ନା, ହେୱାନ୍ ଏଚେପାଦ୍ନା ଆରେରଗ ୱାନାନ୍ ଆସେଙ୍ଗ୍ ତା ଲେକେ ଆନାସ୍, ଇନେସ୍‌କି ହେୱାନ୍ ଇନେସ୍‌ଲେକେ ସତ୍ ହେଲେକେ ତାଙ୍ଗେଙ୍ଗ୍ ହୁଡ଼୍‌ୟା ଆନାତ୍‌।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।