ତୀତସ 2:13 - New Testament in Pengo Parja Language

¹³ ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ତୀତସ 2:13 Iomraidhean Croise

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 26:64

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆଁ, ଆନେଙ୍ଗ୍ ଈଶ୍ୱର ମେହି ଖ୍ରୀଷ୍ଟ। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ ଏପେଙ୍ଗ୍ ହାତ୍‌ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାର୍କ 14:62

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ହେୱାନ୍। ଆରେ ଏପେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ପକ୍ୟାତାକା 24:15

ଇ ମାନାୟାର୍ ଇନେସ୍ ଅଦରମ୍‌ ଆରେ ଦରମ୍ ମାନାୟ୍ ହାଃଜି ଆରେରଗ ଜିବୁନ୍ ଆନାର୍ ଇଞ୍ଜି ଆହା କିନାରା, ଆନେଙ୍ଗ୍ ପା ଈଶ୍ୱରତାକେ ହେଲେକେ ନେ ଆହା କିନାଙ୍ଗା।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:18

ଆନେଙ୍ଗ୍ ହାର୍ କିଜି ପୁଚାଙ୍ଗ୍ ଯେ, ନଙ୍ଗୟ୍ ଆନେଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆନାଙ୍ଗା ହେବେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଇମ୍‌ଣି ଗୌରବ ପାଚେ ହିଦ୍‌ନାନ୍ ହେଦାଙ୍ଗ୍ ଗାଜା।

୧ କରନ୍ତିୟ 1:7

ହେଦାଙ୍ଗ୍ ପବିତ୍ର ଆତ୍ମା କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ୱିଜୁ ପର୍‌କାର୍ ଆଶ୍ରିବାଦ୍ ହିତ୍‌ତାନ୍‌ନା, ଇ ୱିଜୁ ପବିତ୍ର ଆତ୍ମାନି ଦାନ୍ ମା ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି କାତିହିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

କଲସିୟ 3:4

ମିଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାନାନ୍, ହେପାଦ୍ନା ଏପେଙ୍ଗ୍ ପା ତା ଗୌରବତାଙ୍ଗ୍ ଚଞ୍ଜି ଆନାଦେର୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

୨ ଥେସଲନୀକିୟ 2:8

ହେପାଦ୍ନା ହେ ଅଦରମ୍‌ ମାନାୟ୍ ଚଞ୍ଜିଆ ଆନାନ୍, ଆରେ ଏଚେପାଦ୍ନା ମାପୃ ଯୀଶୁ ୱାନାନ୍, ହେ ଅଦରମ୍‌ ମାନାୟ୍‌ତିଙ୍ଗ୍ ତା ଆଦେସ୍‌ତାଙ୍ଗ୍ ମାର୍ନେ ଅହ୍‌ନାନ୍।

୧ ତିମତି 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆପେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନ୍ ତାକେ ଆହା କିନାପା, ହେ ଈଶ୍ୱର ଆଦିକାର୍‌ତାଙ୍ଗ୍ ଆନେଙ୍ଗ୍ ରକାଙ୍ଗ୍ ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆତାଙ୍ଗ୍‌ନା।

୨ ତିମଥି 1:2

ତିମତି ଆନେଙ୍ଗ୍ ନି ଲାଗାୟ୍ ଇ ଚିଟି ଲେକିକିନାଙ୍ଗା। ଏନେଙ୍ଗ୍ ନା ଲାଡ୍‌ନି ମାଜି ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

୨ ତିମଥି 4:8

ମାପୃ ନ୍ୟାୟ୍‌ତାକେ ବିଚାର୍‌କିନି ମାନାୟ୍ ଆରେ ବିଚାର୍ କିନିହିଙ୍ଗ୍ ନା କାଜିଙ୍ଗ୍ ଇଡ଼୍‌ତି ଦରମ୍‌ନି ମୁକୁଟ୍ ନାଙ୍ଗେଙ୍ଗ୍ ହିଦ୍‌ନାନ୍। ଆପ୍‌କା ନାଙ୍ଗେଙ୍ଗ୍ ନେ ପୁରଷ୍କାର୍ ହିଦୁନ୍, ମାତର୍ ଏଚେଜାଣ୍ ହେୱାନ୍ ୱାନି ହାଜ୍‌ଦିଙ୍ଗ୍ ବେସି ହୁଡ଼୍‌ଜି ମାନାରା, ହେୱାରିଙ୍ଗ୍ ପା ହିନାନ୍।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

ତୀତସ 1:4

ମା ଆବା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ତୀତସ 3:4

ଇ ଲେକେ ଆତିସ୍‌ପା ଈଶ୍ୱର ମା ଉଦାର୍ କିଦ୍‌ନାକାନ୍ ତା ଦୟା ଆରେ ଲାଡ୍ ମାଙ୍ଗେଙ୍ଗ୍ ଚଚ୍‌ଚାତାନ୍।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

୧ ପିତର 1:3

ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

୧ ଯୋହନ 4:14

ଆବା ଈଶ୍ୱର ତା ମେହି ଯୀଶୁଙ୍ଗ୍ ପୁର୍ତିନି ମାନାୟାରିଙ୍ଗ୍ ଉଦାର୍ କିଦ୍‌ଦେଙ୍ଗ୍ ପକ୍ତାତାନ୍‌ନା। ଇଦାଙ୍ଗ୍ ଆପେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼ତାପ୍‌ନା, ଆରେ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାପା।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।