ତୀତସ 2:12 - New Testament in Pengo Parja Language

¹² ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ତୀତସ 2:12 Iomraidhean Croise

ମାତିଉ 12:32

ଆରେ ଇନେର୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିରଦ୍‌ତାକେ ନିନ୍ଦା କିନାର୍, ହେୱାନିଙ୍ଗ୍ କେମା ହିଇଆନାତ୍, ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ବିରଦ୍‌କିଜି ନିନ୍ଦା କିନାର୍ ହେୱାନିଙ୍ଗ୍ ଇ ଯୁଗ୍‌ଦ କି ପାଚେନି ଯୁଗ୍‌ଦ ପା କେମା ହିଇୟାଉତ୍।”

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:6

ହେୱାର୍ ରିକାର୍ ଈଶ୍ୱରତାକେ ହାର୍ଦି ମାନାୟ୍ ମାଚାର୍। ହେୱାର୍ ରିକାର୍ ମାପୃତି ୱିଜୁ ଆଦେସ୍ ମାନିକିଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:75

ହେୱାନ୍ ମାଙ୍ଗେଙ୍ଗ୍ ଈଶ୍ୱରତାକେ ଅସାହାଞ୍ଜ୍‌ନାନ୍ ଆରେ ୱିଜୁଦିନ୍ ମାଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 6:25

ମାନାୟାର୍ ହାମ୍‌ଦୁର୍ ଆଣ୍ଟିପାଡ଼୍‌କା ଯୀଶୁଙ୍ଗ୍ ହୁଡ଼୍‌ତାର୍। ଆରେ ହେୱାର୍ ହେୱାନିଙ୍ଗ୍ ୱେନ୍‌ବାତାର୍, “ଗୁରୁ, ଏନେଙ୍ଗ୍ ଇବେ ଏଚେପାଦ୍ନା ୱାତାଇ?”

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ପକ୍ୟାତାକା 24:25

ଆରେ ଈଶ୍ୱର କାତାତିଙ୍ଗ୍ ମାନିକିଜି ମାନାକା, ଜାର୍ କରାପ୍ ବାବ୍‌ନାତିଙ୍ଗ୍ ସମ୍ବାଲି କିନାକା ଆରେ ଈଶ୍ୱର ସେସ୍‌ଦିନ୍‌ତ ବିଚାର୍‌କିନି ବିଷୟରେ ପାଉଲ ୱେଚ୍‌ଚାନ୍। ଲାଗିଙ୍ଗ୍ ଫେଲିକ୍‌ସ ରାଜା ପାଣ୍ଡ୍ରାଆଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଏଚେକ୍ ମାନେତ୍, ସୁବିଦା ଆତିସ୍ ନିଙ୍ଗେଙ୍ଗ୍ କୁକ୍ତାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହାଲା।”

ରୋମିୟ 12:2

ଏପେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିନିଲେକେ କିମାଟ୍, ମାତର୍ ଈଶ୍ୱର ମି ମାନ୍ତି ବାବ୍‌ନାତିଙ୍ଗ୍ ବାଦ୍‌ଲାୟ୍ କିଜି ପୁନି ମାନାୟ୍ ଲେକେ କିଦେନ୍, ଆରେ ଏପେଙ୍ଗ୍ ହାର୍ ବାବ୍‌ନା ବାବିକିଦେଙ୍ଗ୍ ଆଡ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚାକିତି କାମାୟ୍ ୱିଜୁତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଆରେ ହେଲେକେ କିନାଦେର୍। ଆରେ ଏପେଙ୍ଗ୍ ପୁନାଦେର୍ ଯେ, ହେୱାନ୍ ହାର୍ କି, ଟିକ୍ ଆରେ ୱାରି କିନିଲେକେ କାମାୟ୍ କିଦେଙ୍ଗ୍ ଇଚା କିନାନା।

ରୋମିୟ 6:12

ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ କିନି ଇଚା, ମା ଗାଗାଡ଼୍‌ତିଙ୍ଗ୍ ସାସନ୍ କିଦ୍‌ମେତ୍, ଆରେ ଏପେଙ୍ଗ୍ ପା, ପାପ୍ କାମାୟ୍ କିନି ଇଚା ଅନୁସାରେ କିମାଟ୍।

ରୋମିୟ 6:19

ଆନେଙ୍ଗ୍ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି କାଜିଙ୍ଗ୍ ଚାକର୍ ଆରେ ମାଲିକ୍ କାତା ୱେଚ୍‌ଚାନାଙ୍ଗା, ଆଗେ ଏପେଙ୍ଗ୍ ଅଦରମ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଦରମ୍‌ନି ଚାକର୍ ଆନି ଦର୍‌କାର୍, ଲାଗିଙ୍ଗ୍ ଏପେଙ୍ଗ୍ ପବିତ୍ର ମାନାୟ୍ ଆଦେଙ୍ଗ୍ ଆଡ୍‌ନାଦେର୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

୧ ଥେସଲନୀକିୟ 4:7

ଈଶ୍ୱର ମାଙ୍ଗେଙ୍ଗ୍ ପାପ୍ କାମାୟ୍ କିଜି ଯିବୁନ୍ କାଡିକିଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ଦରମ୍ କାମାୟ୍ କିଜି ପବିତ୍ର ଆଜି ଯିବୁନ୍ କାଡିକିଦେଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୧ ଥେସଲନୀକିୟ 4:9

ଆନେଙ୍ଗ୍, ପାର୍ତିକିନି ଟଣ୍ଡାରିଙ୍ଗ୍ ଲାଡ୍‌କିନି ବିଷୟରେ ଲେକିକିନି ଦର୍‌କାର୍ ଆକାୟ୍, ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍, ଆରେ ଈଶ୍ୱର ମିଙ୍ଗେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ହିକାୟ୍ କିତ୍‌ତାନ୍‌ନା।

୧ ତିମତି 4:12

ଏନେଙ୍ଗ୍ ବେଣ୍ଡିଆ ହିମ୍‌ଣା ଆତାଇନା ଇଞ୍ଜି ଇନେର୍ ନିଙ୍ଗେଙ୍ଗ୍ ଇନସ୍ତା କିଦ୍‌ମେର୍, ଲାଗିଙ୍ଗ୍ ଏନେଙ୍ଗ୍ ବେଣ୍‌କିନିହିଙ୍ଗ୍। ନି ଚାଲିଚଲନ୍‌ତାକେ, ଜେକନିକାରିଙ୍ଗ୍ ଲାଡ୍ କିନିହିଙ୍ଗ୍, ଖ୍ରୀଷ୍ଟ ପାର୍ତିତାଙ୍ଗ୍, ସାଦୁ ଜିବୁନ୍ କାଟିକିଜି ପାର୍ତି କିନାକାର୍ ମୁମ୍‌ଦ ହାର୍ ଆଜି ମାନା।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

୧ ତିମତି 6:9

ମାତର୍ ଇମ୍‌ଣାକାର୍ ହାଉକାର୍ ଆଦେଙ୍ଗ୍ ଇଚାକିନାର୍, ହେୱାର୍ ୱିଜୁ ପର୍‌କାର୍ ପାପ୍ କାମାୟ୍ କିନାର୍ ଆରେ ଜାଲ୍‌ଦ ଆର୍‌ନାର୍, ହେୱାର୍ ବିପତ୍ ଆରେ ବୁଦିହିଲ୍‌ୱି କାମାୟ୍ କିନାର୍। ଇ ଲେକେ ଇଚା ହେୱାରିଙ୍ଗ୍ ନଷ୍ଟ ଆରେ ବୁଡାଇ କିନାତ୍।

୨ ତିମଥି 3:12

ସତ୍‌ରେ ଇମ୍‌ଣାକାନ୍ ଯୀଶୁ ଖ୍ରୀଷ୍ଟତାକେ ପାର୍ତିକିନାର୍ ଆରେ ଇନାକା ଈଶ୍ୱରତିଙ୍ଗ୍ ୱାରି କିୟିକିନାର୍ କି ହାର୍ ଲାଗ୍‌ଦାନାତ୍ ହେଦାଙ୍ଗ୍ କିଦେଙ୍ଗ୍ ଇଚାକିନାର୍, ହେୱାର୍ ଦୁକ୍‌କଷ୍ଟ ପାୟାଆନାର୍‌।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

ଏବ୍ରି 8:11

ଆରେ, ‘ମାପୃଙ୍ଗ୍ ପୁନାଟ୍ ଇଞ୍ଜି ୱେଚ୍‌ଚି,’ ହେୱାର୍ ତା ସହର୍‌ତାକେ ମାନି ମାନାୟାରିଙ୍ଗ୍, କି ହେୱାର୍ ତା ହାଙ୍ଗ୍‌ଦାକାରିଙ୍ଗ୍ ହିକ୍ଷା ହିଉର୍। ଇନେସ୍‌କି ହିରୁତାଙ୍ଗ୍ ଗାଜା ପାତେକ୍ ହେୱାର୍ ୱିଜାକାର୍ ନାଙ୍ଗେଙ୍ଗ୍ ଈଶ୍ୱର ଇଞ୍ଜି ପୁଞ୍ଜ୍‌ନାର୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।

୨ ପିତର 3:11

ଇଦାଙ୍ଗ୍ ସତ୍ ଯେ ଈଶ୍ୱର ଇ ୱିଜୁ ବିଷୟ ଇଲେକେ ନଷ୍ଟ କିନାନ୍। ଲାଗିଙ୍ଗ୍ ଏପେଙ୍ଗ୍ ପବିତ୍ର ଆରେ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିୟାଟ୍।

୧ ଯୋହନ 2:27

ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।

୧ ଯୋହନ 2:6

ଇମ୍‌ଣି ମାନାୟ୍ ଈଶ୍ୱର ହୁଦାଙ୍ଗ୍ ମାନାଙ୍ଗ୍ ଇଞ୍ଜି ୱେଚ୍‌ନାନା, ହେୱାନ୍ ଯୀଶୁ ଖ୍ରୀଷ୍ଟ ଲେକେ ଯିବୁନ୍ କାଟିକିନି ଦର୍‌କାର୍।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”