ତୀତସ 2:10 - New Testament in Pengo Parja Language

¹⁰ ହେୱାର୍ ମାଲିକ୍‌ତାଙ୍ଗ୍ ଇନାକା ପା ଚର୍ କିମେର୍, ମାତର୍ ହେୱାର୍ ୱିଜୁଦିନ୍ ବିଶ୍ୱସ୍ତ ମାନାର୍ ଇଞ୍ଜି ଚଚେର୍। ମା ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ବିଷୟରେ ହିକ୍ଷା ହିୟେର୍, ହେୱାର୍ ଇଲେକେ ବ୍ଯବହାର୍ କିନି ଦର୍‌କାର୍, ହେୱାରିଙ୍ଗ୍ ମାନାୟାର୍ ସନ୍‌ମାନ୍ କିନାର୍।

ତୀତସ 2:10 Iomraidhean Croise

ମାତିଉ 24:45

ଯୀଶୁ ଆରେରଗ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍‌ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍।

ମାତିଉ 5:16

ହେଲେକେ ମି ବଇଟାନି ଅଜଡ଼୍ ମାନାୟ୍ ମୁମ୍‌ଦ ଚଞ୍ଜିଆ ଆୟେତ୍, ଇନେସ୍‌କି ହେୱାର୍ ମି ହାର୍ଦି କାମାୟ୍ ହୁଡ଼୍‌ଜି ସରଗ୍‌ନି ଆବାଙ୍ଗ୍‌ ଜୟ୍-ଜୟ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:47

ନାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ଈଶ୍ୱରତାକେ ନା ଜିବୁନ୍ ବେସି ୱାରି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:80

ହେ ଯୋହନ ଈଶ୍ୱରଆତ୍ମା ସାକ୍ତି ପାୟାଆଜି ଦିରେ-ଦିରେ ଗାଜା ଆତାନ୍। ଆରେ ଇସ୍ରାଏଲ ଜାତିନି ମାନାୟାର୍‌ତାକେ ଶୁଣାୟ୍ କିୱିପାତେକ୍ ଟାଙ୍ଗ୍ରାବାହାତ ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:10

ହିରୁ କାମାୟ୍‌ତିଙ୍ଗ୍ ଯଦି ହାର୍‌ଦାଙ୍ଗ୍ କିନାନ୍, ଲାଗିଙ୍ଗ୍ ହେୱାନ୍ ଗାଜା କାମାୟ୍‌ତିଙ୍ଗ୍ ପା ହାର୍‌ଦାଙ୍ଗ୍ କିଦେଙ୍ଗ୍ ଆଡ୍‌ନାନ୍‌। ଇନେର୍ ଅଲପ୍ ଜିନିଷ୍‌ତିଙ୍ଗ୍ ପାର୍ତି କିୟିଆତାତ୍, ଲାଗିଙ୍ଗ୍ ହେୱାନିଙ୍ଗ୍ ଗାଜା ଜିନିଷତିଙ୍ଗ୍ ପା ପାର୍ତି କିୟାଆନାତ୍।

ଜହନ୍‌ 12:6

ମାତର୍ ଇଷ୍କାରିତିୟ ଯିହୁଦା ଗରିବ୍ ଲକାର୍ କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାନ୍। ହେୱାନ୍ ଚର୍ ମାଚିଲେ ଇ କାତା ୱେଚ୍‌ଚାନ୍। ହେୱାନ୍ ଚେଲାହିର୍ କାଜିଙ୍ଗ୍ ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଆରେ ହେୱାନ୍ ଲାଗାୟ୍ ର ପେଡ଼ି ମାଚାତ୍, ଆରେ ପେଡ଼ିତାକେ ଚର୍ କିତି ଡାବୁଙ୍ଗ୍ ଇଡ଼୍‌ଜି ମାଚାନ୍।

୧ କରନ୍ତିୟ 4:2

ଲାଗିଙ୍ଗ୍ ଇମ୍‌ଣି ମାନାୟ୍‌ତିଙ୍ଗ୍ ତା ମାଲିକ୍ କାମାୟ୍ ହିତାନ୍‌ନା, ହେୱାନ୍ ଦରମ୍‌ଆଜି ତା ଆଦେସ୍ ଅନୁସାରେ କାମାୟ୍ କିନି ଦର୍‌କାର୍।

ଏପିସିୟ 4:1

ଆନେଙ୍ଗ୍ ଯେ ମାପୃଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା, ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ଈଶ୍ୱର ମିଙ୍ଗେଙ୍ଗ୍ ଇନାକିଦେଙ୍ଗ୍ କୁକ୍ତାତାନ୍‌ନା ହେବେ ଆସ୍ତି ଲେକେ ହାର୍ ଆଜି ଜିବୁନ୍ କାଟିକିୟାଟ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

୧ ତିମତି 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆପେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନ୍ ତାକେ ଆହା କିନାପା, ହେ ଈଶ୍ୱର ଆଦିକାର୍‌ତାଙ୍ଗ୍ ଆନେଙ୍ଗ୍ ରକାଙ୍ଗ୍ ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆତାଙ୍ଗ୍‌ନା।

୧ ତିମତି 5:17

ଇମ୍‌ଣି ପ୍ରାଚିନାର୍ ତା କାମାୟ୍ ହାର୍‌ଦାଙ୍ଗ୍ କିନାର୍, ଆରେ ହେୱାର୍ ବେସି କାମାୟ୍ କିଜି କାତା ଶୁଣାୟ୍ କିନି ମାନାୟ୍ ଆରେ ହିକ୍ଷାହିନି ମାନାୟ୍ ରି ଗୁଣ୍ ସନ୍‌ମାନ୍ ପାୟାଆନି ଜଗ୍ଯ ଆନି ଦର୍‌କାର୍।

୧ ତିମତି 6:1

ଇମ୍‌ଣି ପାର୍ତିକିନି ଟଣ୍ଡାର୍ ଦାସ୍ ଆଜି ର ମାଲିକ୍ ତାରେନ୍ ମାନାରା, ହେୱାର୍ ତା ମାଲିକ୍‌ତିଙ୍ଗ୍ ୱିଜୁ କାମାୟ୍‌ତାକେ ସନ୍‌ମାନ୍ ହିନି ଦର୍‌କାର୍। ଲାଗିଙ୍ଗ୍ ଜେକନିକାର୍ ଈଶ୍ୱରତିଙ୍ଗ୍ ଆରେ ମା ହିକ୍ଷାତିଙ୍ଗ୍ ନିନ୍ଦା କିଦେଙ୍ଗ୍ ଆଡୁର୍।

୧ ତିମତି 6:3

କେତେକ୍ ମାନାୟାର୍ ବୁଲ୍ ହିକ୍ଷା ହିନାରା। ଯୀଶୁ ଖ୍ରୀଷ୍ଟ ହିଜି ମାନ୍‌ଞ୍ଚି ହିକ୍ଷା ଆରେ ଈଶ୍ୱରତିଙ୍ଗ୍ ସନ୍‌ମାନ୍ କିନି ହିକ୍ଷାତାଙ୍ଗ୍ ହେୱାର୍ ହିକ୍ଷା ମାହାଆଉତା।

ତୀତସ 1:3

ଇଦାଙ୍ଗ୍ ହେ ଟିକ୍ ୱେଡ଼ାଲିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିତାନ୍‌ନା ଆରେ ଆସେଙ୍ଗ୍ ୱିଜାକାର୍‌ତାକେ ଶୁଣାୟ୍ କିନାସା। ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକା ଦାୟିତ୍‌ପ ହିତ୍‌ତାନ୍‌ନା, ଆରେ ହେୱାନ୍ କାଜିଙ୍ଗ୍ ଇ କାମାୟ୍ କିଦେଙ୍ଗ୍ ଆଦେସ୍ ହିତ୍‌ତାନ୍‌ନା।

ତୀତସ 3:4

ଇ ଲେକେ ଆତିସ୍‌ପା ଈଶ୍ୱର ମା ଉଦାର୍ କିଦ୍‌ନାକାନ୍ ତା ଦୟା ଆରେ ଲାଡ୍ ମାଙ୍ଗେଙ୍ଗ୍ ଚଚ୍‌ଚାତାନ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।