ତୀତସ 1:9 - New Testament in Pengo Parja Language

⁹ ଇମ୍‌ଣି ହିକ୍ଷା ହେୱାନ୍ ପାୟାଆତାନ୍‌ନା ହେ ପାର୍ତିକିନି ହିକ୍ଷାତିଙ୍ଗ୍ ହେୱାନ୍ ବେସି ପାର୍ତିକିନି ଦର୍‌କାର୍। ଲାଗିଙ୍ଗ୍ ହେୱାନ୍ ସତ୍ ହିକ୍ଷାତାଙ୍ଗ୍ ଜେକନିକାନିଙ୍ଗ୍ ସାହାସ୍ କିଦେଙ୍ଗ୍ ଆଡ୍‌ନାନ୍ ଆରେ ତା ହିକ୍ଷାତିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାନ୍।

ତୀତସ 1:9 Iomraidhean Croise

ପକ୍ୟାତାକା 18:28

ହେୱାନ୍ ଯିହୁଦି ମାନାୟାର୍ ଜୁକ୍ତିତିଙ୍ଗ୍ ସାହାସ୍ ହୁଦାଙ୍ଗ୍ କାଟିକିଜି ୱେଚ୍‌ଚି ମାଚାନ୍। ଆରେ ଦରମ୍ ସାସ୍ତର୍‌ତାଙ୍ଗ୍ ଯୀଶୁ ନେ ଖ୍ରୀଷ୍ଟ ସତ୍ ଇଞ୍ଜି ଚଚ୍‌ଚି ମାଚାନ୍।

୧ କରନ୍ତିୟ 14:24

ମାତର୍ ଯଦି ଏପେଙ୍ଗ୍ ୱିଜାଦେର୍ ଈଶ୍ୱର କାତା ୱେଚ୍‌ଚି ମାନାଦେର୍, ଆରେ ବିନ୍‌ଜାତି କି ଇଲେକେ ବିଷୟତିଙ୍ଗ୍ ବୁଜାଆୱି ମାନାୟାର୍ ମି ମଣ୍ଡ୍‌ଲିତାକେ ୱାନାର୍, ହେୱାର୍ ପାପ୍ କିତାର୍‌ନା ଇଞ୍ଜି ପୁଞ୍ଜେଙ୍ଗ୍ ଆଡ୍‌ନାର୍ ଆରେ ଏପେଙ୍ଗ୍ ୱେଚ୍‌ଚି ଅନୁସାରେ ହେୱାରିଙ୍ଗ୍ ବିଚାର୍ ଆନାତ୍।

୧ ଥେସଲନୀକିୟ 5:21

ମାତର୍ ୱିଜୁ କାତାତିଙ୍ଗ୍ ପରିକ୍ଷା କିଜି ପୁନାଟ୍, ଇଦାଙ୍ଗ୍ ଈଶ୍ୱରତାଙ୍ଗ୍ ୱାତାତ୍‌ନା କି ଆକାୟ୍? ଆରେ ଇମ୍‌ଣାକା ହାର୍‍ଦାକା ହେଦାଙ୍ଗ୍ ଆସ୍ତି ମାନି କିୟାଟ୍।

୨ ଥେସଲନୀକିୟ 2:15

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିତାକେ ୱାଜି ହିକାୟ୍ କିତ୍‌ତି ବିଷୟ, ଆରେ ମା ଚିଟିତାକେ ଲେକିକିତି ବିଷୟତିଙ୍ଗ୍ ୱିଜୁଦିନ୍ ପାର୍ତି କିଜି ମାନାଟ୍।

୧ ତିମତି 1:10

ଇଦାଙ୍ଗ୍ ପୁନ୍‌ଞ୍ଜି ଯଦି ଇନେର୍ ମଶା ଲେକିକିତି ସାସ୍ତର୍‌ତିଙ୍ଗ୍ ଟିକ୍‌କିଜି ମାନିକିନାର୍, ଲାଗିଙ୍ଗ୍ ହେଦାଙ୍ଗ୍ ହାର୍ ଇଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

୧ ତିମତି 4:9

ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍।

୧ ତିମତି 6:3

କେତେକ୍ ମାନାୟାର୍ ବୁଲ୍ ହିକ୍ଷା ହିନାରା। ଯୀଶୁ ଖ୍ରୀଷ୍ଟ ହିଜି ମାନ୍‌ଞ୍ଚି ହିକ୍ଷା ଆରେ ଈଶ୍ୱରତିଙ୍ଗ୍ ସନ୍‌ମାନ୍ କିନି ହିକ୍ଷାତାଙ୍ଗ୍ ହେୱାର୍ ହିକ୍ଷା ମାହାଆଉତା।

୨ ତିମଥି 1:13

ଏପେଙ୍ଗ୍ ନାବେତାଙ୍ଗ୍ ଇମ୍‌ଣି ୱିଜୁ ସତ୍ ହିକ୍ଷା ୱେଚାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆସ୍ତି ଏପେଙ୍ଗ୍ ହେ ଅନୁସାରେ କିୟାଟ୍। ଯୀଶୁ ଖ୍ରୀଷ୍ଟତାକେ ରବେଆଜି ମାନି କାଜିଙ୍ଗ୍ ପାର୍ତି ଆରେ ଲାଡ୍‌ତିଙ୍ଗ୍ ଆସ୍ତି ମାନାଟ୍।

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

୨ ତିମଥି 3:14

ମାତର୍ ଆପେଙ୍ଗ୍ ଇନା-ଇନାକା ହିକ୍ଷା ହିତ୍‌ତାପ୍‌ନା ହେଦାଙ୍ଗ୍ ପାର୍ତିକିୟାଟ୍, ହେଦାଙ୍ଗ୍ ଏପେଙ୍ଗ୍ ସତ୍ ଇଞ୍ଜି ପୁଚାଦେର୍‌ନା। ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଆରେ ପାର୍ତି କିଦେଙ୍ଗ୍ ଆଡ୍‌ନାଦେର୍ ଇନେର୍ ମିଙ୍ଗେଙ୍ଗ୍ ହିକାଇ କିତ୍‌ତାର୍‌ନା।

୨ ତିମଥି 4:3

ଇନେସ୍‌କି ସମୟ୍ ୱାନାତ୍, ମାନାୟାର୍ ସତ୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିଉର୍। ମାତର୍ ହେୱାର୍ କିତୁଲିକାଙ୍ଗ୍ ହୱାଦ୍ ଆନିଲେକେ ବେଣ୍ ୱେଚ୍‌ନି ମାଷ୍ଟେରାରିଙ୍ଗ୍ ଡେକ୍‌ନାର୍ ଆରେ ହେୱାର୍ ଜାର୍ ଇଚାତାଙ୍ଗ୍ ଜିବୁନ୍ କାଟିକିନାର୍।

ତୀତସ 1:11

ହେୱାରିଙ୍ଗ୍ ହିକ୍ଷାହିନି କାଜିଙ୍ଗ୍ ସୁଯଗ୍ ହିମାଟ୍। ଇନେସ୍‌କି ହେୱାର୍ ହିକ୍ଷା ହିୱି କାତା, ହେୱାର୍ ହେ ହିକ୍ଷା ହିନାର୍, ଆରେ ପୁରା ପରିବାର୍‌ନି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଙ୍ଗାଇ କିନାର୍‌। ହେୱାର୍ ଡାବୁଙ୍ଗ୍ ପାୟାଆନି ଆହାତାଙ୍ଗ୍ ଇଦାଙ୍ଗ୍ କିନାର୍।

ତୀତସ 2:1

ମାତର୍ ଏନେଙ୍ଗ୍ ତିତସ, ସତ୍ ହିକ୍ଷା ହୁଦାଙ୍ଗ୍ ଇନାକା ହାର୍ ହେଦାଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍।

ଜିହୁଦା 1:3

ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର କିତ୍‌ତି ଉଦାର୍ ଆସେଙ୍ଗ୍ ଇମ୍‌ଣାକା ପାୟାଆତାସ୍‌ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍‌ନା ଆରେ ଇଦାଙ୍ଗ୍ ବାଦ୍‌ଲା ଆଉତ୍।

ହତ୍‌ତି 2:25

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍।

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 3:3

ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।