ତୀତସ 1:7 - New Testament in Pengo Parja Language

⁷ ଇନେସ୍‌କି ବିଶପ୍‌, ଈଶ୍ୱର କାମାୟ୍ ଦେକାଶୁଣା କିନି ମାନାୟ୍ ଆତି କାଜିଙ୍ଗ୍ ହେୱାନ୍ ଲାଗାୟ୍ ଇନା ଦସ୍ ପା ହିଲ୍‌ୱି ଦର୍‌କାର୍। ହେୱାନ୍ ଜାର୍ ଇଚା ଅନୁସାରେ କାମାୟ୍ କିୱାକାନ୍ ଆଜି ମାନି ଦରକାର୍, କି ଗାଡ଼ିତିଙ୍ଗ୍ ଗାଡ଼ି ରିସା ଆୱି ମାନାୟ୍ ଆନି ଦର୍‌କାର୍। ମଦୁୱା ଆୱାଦାଙ୍ଗ୍ ମାନ୍‌ଗାନାନ୍, କି ଗଣ୍ଡ୍‍ଗଲ୍ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, କି ଦନ୍ ଆହାତାଙ୍ଗ୍ ଜେକନିକାନିଙ୍ଗ୍ ଟକାଇ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ମାତର୍ ହେୱାନ୍ ଗତାକାଙ୍ଗ୍ ହାର୍‌ଦାଙ୍ଗ୍ ମାନିକିନି ଦର୍‌କାର୍।

ତୀତସ 1:7 Iomraidhean Croise

ମାତିଉ 24:45

ଯୀଶୁ ଆରେରଗ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍‌ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:42

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଇଲେକେ, ଇନେର୍ ଜେକନି ହଲିଆ‌କାଙ୍ଗ୍ ତିନିହିଙ୍ଗ୍ କାଦି ତାସିହିତାନ୍, ମାଲିକ୍ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆ, ହେ କାମାୟ୍ କିଦେଙ୍ଗ୍ ଇମ୍‌ଣି ହଲିଆ‌ତିଙ୍ଗ୍ ପାର୍ତିକିନାନ୍?

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

ତୀତସ 1:5

ନା ଆଦେସ୍‌ତାଙ୍ଗ୍ ପୁରା ଆୱି କାମାୟ୍ ୱିଜୁ ପୁରା କିଦେଙ୍ଗ୍, ଆରେ ୱିଜୁ ସହର୍‌ତାକେ ପ୍ରାଚିନାରିଙ୍ଗ୍ ବାଚି କିଦେଙ୍ଗ୍ ଆନେଙ୍ଗ୍ କ୍ରୀତି ଦୀପ୍‌ତାକେ ମିଙ୍ଗେଙ୍ଗ୍ ପିସ୍ତି ୱାତ୍‌ତାଙ୍ଗ୍।

ତୀତସ 2:3

ହେଲେକେ ହାତାନିକାଙ୍ଗ୍ ପା ହିକ୍ଷା ହିୟାଟ୍ ଇନେସ୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ହେୱେକ୍ ବ୍ଯବହାର୍ କିନିକ୍, ଜେକନିକାରିଙ୍ଗ୍ ନିନ୍ଦା କିଉକ୍। କାଲିଙ୍ଗ୍ ଉଣୁକ୍, ଆରେ ହେୱେକ୍ ଇନେସ୍ ସତ୍ ଆରେ ହାର୍ଦି ବିଷୟରେ ଜେକନିକାରିଙ୍ଗ୍ ହିକାଇ କିନିକ୍।

୧ ପିତର 4:10

ୱିଜାର୍ ମାନାୟାରିଙ୍ଗ୍ ଈଶ୍ୱର ଦୟାକିଜି ରଞ୍ଜି-ରଞ୍ଜି ଦାନ୍ ହିତ୍‌ତାନ୍‌ନା, ଆରେ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ହେ ଦାନ୍‌ତିଙ୍ଗ୍ ବ୍ୟବହାର୍ କିୟାଟ୍। ହେୱାର୍ ଈଶ୍ୱର ହାର୍ ଦାସ୍ ଆଜିମାଚି କାଜିଙ୍ଗ୍ ଈଶ୍ୱର ହିତ୍‌ତି ୱିଜୁ ଦାନ୍‌ତିଙ୍ଗ୍ ହାର୍ କିଜି ବ୍ୟବହାର୍ କିନି ଦର୍‌କାର୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।

୨ ପିତର 2:10

ଇ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ହାତ୍‌ପା ଈଶ୍ୱର ଦଣ୍ଡ୍ ହିନାନ୍। ଇନେସ୍‌କି ଇ ବୁଲ୍ ହିକ୍ଷାହିନି ମାଷ୍ଟେରାର୍ ଦାରି ଲେକେ ବେସି କରାପ୍ କାମାୟ୍ କିଜି ଜାର୍ ଇଚାରେ କିନାର୍, ଆରେ ହେୱାର୍ ଇନେର୍ ତାରେନ୍ ମାଞ୍ଜେଙ୍ଗ୍ ଇଚା କିଉର୍। ହେୱାର୍ ମୁର୍କିୟା ଆରେ ବାଟ୍‌ପାଣିଆ ଇଞ୍ଜି ୱେଚ୍‌ନି ମାନାୟାର୍। ହେୱାର୍ ଗୌରବନି ଦୁତ୍‌କୁ ବିଷୟରେ ନିନ୍ଦା କିଦେଙ୍ଗ୍ ପାଣ୍ଡ୍ରାଆଉର୍।