ତୀତସ 1:5 - New Testament in Pengo Parja Language

⁵ ନା ଆଦେସ୍‌ତାଙ୍ଗ୍ ପୁରା ଆୱି କାମାୟ୍ ୱିଜୁ ପୁରା କିଦେଙ୍ଗ୍, ଆରେ ୱିଜୁ ସହର୍‌ତାକେ ପ୍ରାଚିନାରିଙ୍ଗ୍ ବାଚି କିଦେଙ୍ଗ୍ ଆନେଙ୍ଗ୍ କ୍ରୀତି ଦୀପ୍‌ତାକେ ମିଙ୍ଗେଙ୍ଗ୍ ପିସ୍ତି ୱାତ୍‌ତାଙ୍ଗ୍।

ତୀତସ 1:5 Iomraidhean Croise

ପକ୍ୟାତାକା 11:30

ଆରେ ହେୱାର୍ ଡାବୁଙ୍ଗ୍ ଇସ୍‌ପାତାର୍। ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ପ୍ରାଚିନାରିଙ୍ଗ୍ ହିଦେଙ୍ଗ୍ ବର୍ଣ୍ଣବା ଆରେ ଶାଉଲ କେଇଦ ହେ ଡାବୁଙ୍ଗ୍ ହିତାର୍।

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

ପକ୍ୟାତାକା 2:11

ଆରେ କେତେକ୍ ହେନି ମାନାୟ୍ କ୍ରୀତିୟ ଆରେ ଆରିବିୟ ଦେସ୍ ନିକାସ୍। ଲାଗିଙ୍ଗ୍ ଇୱାର୍ ଇନେସ୍ ମା ଜାର୍-ଜାର୍ ବାଷାତାକେ ଈଶ୍ୱର କିଜିମାଚି ଚାନିଆଆନି କାମାୟ୍ ବିଷୟରେ ୱେଚ୍‌ଚେଙ୍ଗ୍ ଆଡ୍‌ନାରା?”

ପକ୍ୟାତାକା 27:12

ହେ ସୁନ୍ଦର ଜାଜ୍ ଇଟ୍‌ନି ବାହା ପିନି ମାସ୍‌ତ ହେବେ ମାଞ୍ଜେଙ୍ଗ୍ ସୁବିଦା ହିଲାତାତ୍। ଲାଗିଙ୍ଗ୍ ବେସିହେନି ମାନାୟାର୍ ଜାଜ୍ ଚାଲାଇ କିଦେଙ୍ଗ୍ ୱେଚ୍‌ଚାର୍, ଇନେସ୍‌ଆଜି ପା ପୈନିକ୍‌ସ୍ ସହର୍‌ତାକେ ହାଲ୍‌ଜି ହେ ପିନିମାସ୍ କାଟି କିନାସ୍, ହେ ପୈନିକ୍‌ସ୍ ସହର୍ କ୍ରୀତି ଦ୍ୱିପ୍‌ନି ରଞ୍ଜାଙ୍ଗ୍ ଜାଜ୍ ଇଟ୍‌ନି ବାହା ମାଚାତ୍। ହେଦାଙ୍ଗ୍ ଉତ୍ତରପଶ୍ଚିମ ଆରେ ଦକ୍ଷିଣପଶ୍ଚିମ ନିପଣ୍ ମାଚାତ୍।

ପକ୍ୟାତାକା 27:13

ତାପାଚେ ଦକ୍ଷିଣ ନିପ୍‌ଣି ଦୁକା ଦିରେ-ଦିରେ ଆତିଲେ ହେୱାର୍ ପୈନିକ୍‌ସ୍ ସହର୍‌ତାକେ ହାଞ୍ଜେଙ୍ଗ୍ ଏକିଆନାତ୍ ଇଞ୍ଜି ମାନ୍ତ ବାବିକିତାକା ପୁରାଆନାତ୍ ଇଞ୍ଜି ପୁନ୍‌ଞ୍ଜି ଗାଚ୍‌ଚି ଜାଜ୍‌ତିଙ୍ଗ୍ ରିକ୍‍ଚି କ୍ରୀତି ଦ୍ୱିପ୍‌ନି ଗୁଟି-ଗୁଟି ହାଞ୍ଜେଙ୍ଗ୍ ଲାଗାତାର୍।

ପକ୍ୟାତାକା 27:21

ୱିଜାକାର୍ କେତେକ୍ ଦିନ୍ ପାତେକ୍ ନାସ୍‌କି ମାଚାର୍। ଲାଗିଙ୍ଗ୍ ପାଉଲ ହେୱାର୍‌ତାକେ ନିଲ୍‌ଚି ୱେଚ୍‌ଚାନ୍, “ଆଜ୍ଞା କାଦେର୍, ନା କାତା ମାନିକିଜି କ୍ରୀତି ଦ୍ୱିପ୍‌ତାଙ୍ଗ୍ ଜାଜ୍ ରିକ୍‌ୱାଦାଙ୍ଗ୍ ମାଚିସ୍, ଏଚେକ୍ ଜିନିଷ୍ ବୁଡା ଆୱାତାତ୍‌ମା।

ପକ୍ୟାତାକା 27:7

ବେସିଦିନ୍ କଷ୍ଟଆଜି ଦିରେ-ଦିରେ କ୍ନିଦ ସହର୍‌ତାକେ ଇକାତାପ୍। ଆରେ ଡ଼ୁଇ ଆତିଲେ ଆପେଙ୍ଗ୍ ଆଗେ ହାଞ୍ଜେଙ୍ଗ୍ ଆଡ୍‌ୱାତାପ୍, ଆରେ ଆପେଙ୍ଗ୍ ସାଲ୍ମୋନି ନିପଣ୍ ଆଜି କ୍ରୀତି ଦ୍ୱିପ୍‌ତାକେ ହାଚାପ୍।

୧ କରନ୍ତିୟ 11:34

ଯଦି ମିଙ୍ଗେଙ୍ଗ୍ ନାସ୍‌କି କିଦ୍‌ନାତା, ମିଞ୍ଜ ଉଣାଟ୍। ଲାଗିଙ୍ଗ୍ ଏଚେପାଦ୍ନା ଏପେଙ୍ଗ୍ ର ବାହାତାକେ ରୁଣ୍ଡା ଆନାଦେର୍, ଏପେଙ୍ଗ୍ ହାର୍ କିଜି ବ୍ଯବହାର୍ କିନାଦେର୍ ଆରେ ଈଶ୍ୱର ମିଙ୍ଗେଙ୍ଗ୍ ବିଚାର୍ କିଦ୍‌ମେନ୍। ଆନେଙ୍ଗ୍ ମି ଲାଗେ ୱାତି ପାଚେ ଜେକନି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍।

୧ କରନ୍ତିୟ 14:40

ମାତର୍ ମଣ୍ଡ୍‌ଲିତାକେ ଏପେଙ୍ଗ୍ ଇନାକା ୱିଜୁ କିନାଦେର୍ ହେଦାଙ୍ଗ୍ ଟିକ୍ ବାବ୍‌ରେ ଆରେ କଲ୍-କଲ୍ ଆୱାଦାଙ୍ଗ୍ କିୟାଟ୍।

୧ କରନ୍ତିୟ 4:17

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ଲାଗେ ତିମତିଙ୍ଗ୍ ପକ୍ତାନାଙ୍ଗା। ହେୱାନ୍ ନା ମାଜି ଲେକେ ତାଙ୍ଗେଙ୍ଗ୍ ଆନେଙ୍ଗ୍ ଲାଡ୍ କିନାଙ୍ଗା, ଆରେ ମାପୃ ତାଙ୍ଗେଙ୍ଗ୍ ଇନାକା ୱେଚ୍‌ନାତ୍‌ ହେଦାଙ୍ଗ୍ ହେୱାନ୍ କିନାନା। ଆନେଙ୍ଗ୍ ୱିଜୁ ମଣ୍ଡ୍‌ଲିତାକେ ଇନାକା ଯୀଶୁ ଖ୍ରୀଷ୍ଟ ବିଷୟରେ ହିକାୟ୍ କିନାଙ୍ଗା, ହେଦାଙ୍ଗ୍ ହେୱାନ୍ ମିଙ୍ଗେଙ୍ଗ୍ ମନେ ପକାୟ୍ କିଜି ହିଦ୍‌ନାନ୍।

କଲସିୟ 2:5

ଆନେଙ୍ଗ୍ ଦେହା ମାଚିସ୍ ପା ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଏପେଙ୍ଗ୍ ଇନେସ୍ ମାନି ଦର୍‌କାର୍ ହେଲେକେ ଏପେଙ୍ଗ୍ ଜାର୍-ଜାର୍‌ବିତ୍ରେ ମାହାଆଜି ମାନାଦେରା ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ବେସି ପାର୍ତି କିନାଦେରା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ୱାରି ଆନାଙ୍ଗା।

୧ ତିମତି 1:3

ଆନେଙ୍ଗ୍ ମାକଦନିଆ ଜିଲ୍ଲାତାକେ ହାନିହିଙ୍ଗ୍ ଇନେସ୍ ନିଙ୍ଗେଙ୍ଗ୍ ଏପିସ ସହର୍‌ତାକେ ମାଞ୍ଜେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେରଗ ୱେଚ୍‌ଚାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହେବେ ମାନା। ଆରେ ହେବେ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ବୁଲ୍ ହିକ୍ଷା ହିୱେଦେଙ୍ଗ୍ ଆଦେସ୍ ହିୟା।

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

ତୀତସ 1:12

କ୍ରୀତି ଦୀପ୍‌ତାକେ ମାନି ରକାନ୍ ମାନାୟ୍‌ତିଙ୍ଗ୍ ଇନେରିଙ୍ଗ୍ ହେୱାର୍ ଗିତ୍ କୁଡ଼ିଆ ଇଞ୍ଜି ମାନିକିନାର୍, ହେୱାନ୍ ଇ ଲେକେ ୱେଚ୍‌ଚି ମାଚାନ୍, “କ୍ରୀତି ଦୀପ୍‌ତାକେ ମାନି ମାନାୟାର୍ ୱିଜୁଦିନ୍ ମିଚ୍ କାତା ୱେଚ୍‌ନାର୍। ହେୱାର୍ ରାନ୍‌ନି ପଶୁ ଲେକେ ବ୍ଯବାହାର୍ କିନାର୍। ହେୱାର୍ ଆଡ଼୍‌ସିଆ ଆରେ ପେଟ୍ ପଶୁ ଆଜି ମାନ୍‌ଗାନାର୍।”