ତୀତସ 1:3 - New Testament in Pengo Parja Language

³ ଇଦାଙ୍ଗ୍ ହେ ଟିକ୍ ୱେଡ଼ାଲିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିତାନ୍‌ନା ଆରେ ଆସେଙ୍ଗ୍ ୱିଜାକାର୍‌ତାକେ ଶୁଣାୟ୍ କିନାସା। ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକା ଦାୟିତ୍‌ପ ହିତ୍‌ତାନ୍‌ନା, ଆରେ ହେୱାନ୍ କାଜିଙ୍ଗ୍ ଇ କାମାୟ୍ କିଦେଙ୍ଗ୍ ଆଦେସ୍ ହିତ୍‌ତାନ୍‌ନା।

ତୀତସ 1:3 Iomraidhean Croise

ମାର୍କ 1:15

ହେୱାନ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ହାଙ୍ଗ୍‌ତାନ୍, “ଈଶ୍ୱର ବାଚିକିତି ସମୟ୍ ଆତାତ୍, ଈଶ୍ୱର ସାସନ୍ କିନି ରାଜି ଲାଗେ ଇକାୱାନାତା। ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିୟାଟ୍।”

ମାର୍କ 13:10

ଆରେ, ଯୁଗ୍ ୱିଜ୍‍ୱିହିଙ୍ଗ୍ ନା ହାର୍ଦିକାବୁର୍ ୱିଜୁ ଜାତିରିଙ୍ଗ୍ ୱେଚ୍‌ନାକା ମାନାତ୍।

ମାର୍କ 16:15

ଆରେ, ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜୁ ଜଗତ୍‍ନିପଣ୍ ହାଲ୍‌ଜି ୱିଜୁ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:47

ନାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ଈଶ୍ୱରତାକେ ନା ଜିବୁନ୍ ବେସି ୱାରି।

ପକ୍ୟାତାକା 10:36

ଈଶ୍ୱର ମା ଇସ୍ରାଏଲ ଜାତିତାକେ ପକ୍ତିତି କାବୁର୍ ଏପେଙ୍ଗ୍ ପୁଚାଦେର୍‌ନା। ଈଶ୍ୱର ତା ଶାନ୍ତିନି ହାର୍ଦିକାବୁର୍ ୱେଚ୍‌ଚାତାନ୍‌ନା। ଇନେସ୍‌କି ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ହେୱାର୍ ଈଶ୍ୱର ହୁଦାଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାର୍। ହେୱାନ୍‌ନେ ୱିଜାକାର୍ ମାପୃ।

ପକ୍ୟାତାକା 17:26

ଆରେ ହେୱାନ୍ ପୁର୍ତିନି ଚାରିବେଣ୍‌ତାଙ୍ଗ୍ ବାହା କିଦେଙ୍ଗ୍ ର ମାନାୟ୍‌ତାଙ୍ଗ୍ ବେସି ଜାତିନି ମାନାୟାରିଙ୍ଗ୍ ରସ୍ତାନ୍‌ନା, ହେୱାର୍ ସମୟ୍ ଆରେ କେତେକ୍ ହାନ୍ଦିପାତେକ୍ ମାନ୍‌ଗାନାର୍ ହେଦାଙ୍ଗ୍‌ତିଙ୍ଗ୍ ହେୱାନ୍ ରସ୍ତାନ୍‌ନା।

ରୋମିୟ 15:19

ଈଶ୍ୱର ନାଙ୍ଗେଙ୍ଗ୍ ପବିତ୍ର ଆତ୍ମା ଶାକ୍ତି ହିଜି ମାନ୍‌ଞ୍ଚି କାଜିଙ୍ଗ୍, ଆନେଙ୍ଗ୍ ଶାକ୍ତି ଚିନ୍ ଆରେ ଚାନିଆ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଇଲୁରିକ ସହର୍‌ତାକେ କେତେକ୍ ବାହାକାଙ୍ଗ୍ ହାଚାଙ୍ଗ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱିଜାକାରିଙ୍ଗ୍ ଶୁଣାୟ୍ କିଜି ମାଚାଙ୍ଗ୍।

ରୋମିୟ 16:25

ଆନେଙ୍ଗ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ବିଷୟରେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଈଶ୍ୱର ବିନ୍‌ଜାତିନି ମାନାୟାର୍ କାଜିଙ୍ଗ୍ ଇମ୍‌ଣି ଉପାୟ୍ ବେସି ଆଗେତାଙ୍ଗ୍ ଡ଼ୁକ୍‌ଚି ମାଚାନ୍ ହେ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍। ଈଶ୍ୱର ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ସାଇଜ କିଦେନ୍‌।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 5:6

ଏଚେପାଦ୍ନା ମାଙ୍ଗେଙ୍ଗ୍ ସାଇଜ ଦର୍‌କାର୍ ମାଚାତ୍, ଟିକ୍ ହେପାଦ୍ନା ଯୀଶୁ ଖ୍ରୀଷ୍ଟ ୱାତାନ୍ ଆରେ ମା ପାପ୍ କାଜିଙ୍ଗ୍ ହାଃତାନ୍।

୧ କରନ୍ତିୟ 9:17

ଯଦି ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ପୁରଷ୍କାର୍ ପାୟାଆନି ଅଦିକାର୍ ମାନାତ୍। ମାତର୍ ଯଦି ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା ଆରେ କିଦେଙ୍ଗ୍ ଆଡ୍‌ନାନ୍ ଇଞ୍ଜି ନାଙ୍ଗେଙ୍ଗ୍ ପାର୍ତି କିନାନା, ଲାଗିଙ୍ଗ୍ ଆନେଙ୍ଗ୍ କିଦେଙ୍ଗ୍ ଆନାତ୍‌।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏପିସିୟ 1:10

ଈଶ୍ୱର ଜଜ୍‌ନା କିତି ଟିକ୍ ସମୟ୍ ୱାତିସ୍, ସରଗ୍‌ତାକେ ଆରେ ପୁର୍ତିତାକେ ମାନି ୱିଜୁ ବିଷୟ ଖ୍ରୀଷ୍ଟ ତାରେନ୍ ଇଟ୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

ଏପିସିୟ 2:17

ଈଶ୍ୱରତାଙ୍ଗ୍ ଦେହା ମାନି ହେ ବିନ୍‌ଜାତିନି ମାନାୟାର୍ ଆରେ ଈଶ୍ୱର ଲାଗାୟ୍ ମାନି ହେ ଯିହୁଦି ମାନାୟାର୍, ମି ରି ଜାତି ଲାଗାୟ୍ ଖ୍ରୀଷ୍ଟ ୱାଜି ଶାନ୍ତିନି ହାର୍ଦିକାବୁର୍ ଶୁଣାୟ୍ କିତାନ୍।

ପିଲିପିୟ 1:13

ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍ ଇଞ୍ଜି, ମହା ରାଜା ମହଲ୍‌ତାକେ ମାନି ମାନାୟାର୍, ସେନାର୍ ଦଳ୍ ଆରେ ୱିଜାକାର୍ ପୁଚାର୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।

୧ ତିମତି 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆପେଙ୍ଗ୍ ଇମ୍‌ଣି ଉଦାର୍ କିଦ୍‌ନାକାନ୍ ତାକେ ଆହା କିନାପା, ହେ ଈଶ୍ୱର ଆଦିକାର୍‌ତାଙ୍ଗ୍ ଆନେଙ୍ଗ୍ ରକାଙ୍ଗ୍ ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆତାଙ୍ଗ୍‌ନା।

୧ ତିମତି 1:11

ଇ ହିକ୍ଷା ଆଶ୍ରିବାଦ୍ ହିଦ୍‌ନି ଈଶ୍ୱରତାଙ୍ଗ୍ ଆରେ ଗୌରବନି ହାର୍ଦିକାବୁର୍‌ତାଙ୍ଗ୍‌ ଆନାତ୍। ହେ ହାର୍ଦିକାବୁର୍ ଜେକନିକାରିଙ୍ଗ୍ ୱେଚ୍‌ଚେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

୧ ତିମତି 2:3

ଇଦାଙ୍ଗ୍ ମା ଉଦାର୍ କିଦ୍‌ନି ଈଶ୍ୱର କାଣ୍‍କୁକାଙ୍ଗ୍ ହାର୍ ଆରେ ୱାରିନି ବିଷୟ।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

ତୀତସ 2:10

ହେୱାର୍ ମାଲିକ୍‌ତାଙ୍ଗ୍ ଇନାକା ପା ଚର୍ କିମେର୍, ମାତର୍ ହେୱାର୍ ୱିଜୁଦିନ୍ ବିଶ୍ୱସ୍ତ ମାନାର୍ ଇଞ୍ଜି ଚଚେର୍। ମା ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ବିଷୟରେ ହିକ୍ଷା ହିୟେର୍, ହେୱାର୍ ଇଲେକେ ବ୍ଯବହାର୍ କିନି ଦର୍‌କାର୍, ହେୱାରିଙ୍ଗ୍ ମାନାୟାର୍ ସନ୍‌ମାନ୍ କିନାର୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ହତ୍‌ତି 14:16

ହେଦାଙ୍ଗ୍ କାଜିଙ୍ଗ୍ ହେ ବାଦାଡ଼୍‌ତାକେ କୁଚ୍‌ଚାକାର୍ କୱେସ୍‌ତାଙ୍ଗ୍ ପୁର୍ତିନି ୱିଜୁ ତାସ୍‌ତିଙ୍ଗ୍ ତେସ୍‌ଦି ରୁଣ୍ଡାୟ୍ କିତାର୍।