ତୀତସ 1:16 - New Testament in Pengo Parja Language16 ଇ ବୁଲ୍ ହିକ୍ଷାହିନି ମାଷ୍ଟେରାର୍ ଈଶ୍ୱରତିଙ୍ଗ୍ ପୁନାପ୍ ଇଞ୍ଜି ୱେଚ୍ନାର୍, ମାତର୍ ହେୱାର୍ କାମାୟ୍ ଚଚ୍ନାତ୍ ଯେ ହେୱାର୍ ହେୱାନିଙ୍ଗ୍ ପୁନୁର୍। ହେୱାର୍ ବେସି କରାପ୍ ଆରେ ଈଶ୍ୱରତିଙ୍ଗ୍ ମାନିକିଉର୍। ହେୱାର୍ ଅଲପ୍ପା ହାର୍ଦି କାମାୟ୍ କିଦେଙ୍ଗ୍ ଆଡୁର୍। Faic an caibideil |
ତୀତସ 1:16
27 Iomraidhean Croise
ଇନେସ୍କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍କିଜି ମାନ୍ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍କିଜି ମାଚାପ୍।
ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍ରୁ ଆଗେ ସାସ୍ତର୍ତାକେ ୱେଚ୍ଚାନ୍ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍ଡ଼ାୟ୍ କିତାର୍ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।
ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍ଦି ମାନାୟାର୍ ହେ ସହର୍ତାକେ ହାନାର୍ ଯେ, ଇନେର୍ ତର୍ ମେଣ୍ଢା ଇନେର୍କି ଯୀଶୁ ବହିତାକେ ଲେକାଆଜି ମାନ୍ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍ ଲେକାଆତାତ୍ନା।
ମାତର୍ ଇମ୍ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍ନାକା ବନ୍ଦ୍ କିତାର୍ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍ନି କୁଣ୍ଡ୍ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”
Sanasan