ତୀତସ 1:10 - New Testament in Pengo Parja Language

¹⁰ ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ଇନେସ୍‌କି ବେସିହେନି ମାନାୟ୍ ସତ୍ ହିକ୍ଷାତିଙ୍ଗ୍ ବିରଦ୍ କିନାର୍। ଇ ମାନାୟାର୍ ଇନା ମୁଲ୍ୟ ହିଲ୍‌ୱି ହିକ୍ଷା ହିନାର୍ ଆରେ ଜେକନିକାରିଙ୍ଗ୍ ଟକାଇ କିନାର୍, ଇନେସ୍‌କି ସୁନତ ବିଦିତିଙ୍ଗ୍ ମାନିକିନି ଦଳ୍‌ନି ମାନାୟାର୍।

ତୀତସ 1:10 Iomraidhean Croise

ମାତିଉ 23:14

ହାୟ୍, ଦଣ୍ଡ୍‌ନି ବାହା କୁଟ୍‌କିନାକାର୍‌ ଯିହୁଦି ଦରମ୍‌ନି ପଣ୍ଡିତାର୍ ଆରେ ମୁକ୍ୟା ପାରୁସିର୍, ମାତର୍ ଏପେଙ୍ଗ୍ ମାନାୟାରିଙ୍ଗ୍ ବଲ୍‍ବଲାୟ୍ ଆଦେଙ୍ଗ୍ ଡେଙ୍ଗା ପାର୍ତାନା କିତି ପାଚେ ରାଣ୍ଡିକ୍ ଇଞ୍ଜାକା ୱିଜୁ ବୁଡାଇ କିନାର୍। ଲାଗିଙ୍ଗ୍ ଏପେଙ୍ଗ୍ ବେସି ଗାଜା ଦଣ୍ଡ୍ ପାୟାଆନାଦେର୍।

ପକ୍ୟାତାକା 11:2

ଏଚେପାଦ୍ନା ପିତର ଯିରୁଶାଲାମ ସହର୍‌ତାକେ ୱାତାନ୍, ହେପାଦ୍ନା ଯିହୁଦି ଜାତିନି ସୁନତ ଆତି ପାର୍ତି କିନାକାର୍ ହେୱାନ୍ ହୁଦାଙ୍ଗ୍ ଜୁକ୍ତି କିତାର୍।

ପକ୍ୟାତାକା 15:1

କେତ୍‌ଜାଣ୍ ପାର୍ତିକିନି ମାନାୟାର୍ ଯିହୁଦା ଜିଲ୍ଲାତାଙ୍ଗ୍ ୱାଜି ଆନ୍ତିୟକିଆ ସହର୍‌ତାକେ ଟଣ୍ଡାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାର୍, “ମୋଶା ଲେକିକିତି ସାସ୍ତର୍‌ନି ବିଦିତାଙ୍ଗ୍ ଏପେଙ୍ଗ୍ ସୁନତ କିୱିତିସ୍, ଏପେଙ୍ଗ୍ ରକ୍ଷା ପାୟା ଆଉଦେର୍।”

ପକ୍ୟାତାକା 15:24

ଆପେଙ୍ଗ୍ ୱେଚାପ୍‌ନା, ମା ଆଦେସ୍ ହିୱାଦାଙ୍ଗ୍ ମା ବିତ୍ରେତାଙ୍ଗ୍ କେତେକ୍ ମାନାୟ୍ ମି ଲାଗାୟ୍ ୱାତାର୍, ଆରେ ହେୱାର୍ କେତେକ୍ କାତା ୱେଚ୍‌ଚି ମି ମାନ୍‌ତିଙ୍ଗ୍ ବୁଲ୍‌କାଇ କିଜି ଚାନିଆ କିୟିକିତ୍‌ତାର୍।

ପକ୍ୟାତାକା 20:29

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା, ଆନେଙ୍ଗ୍ ହାଚି ପାଚେ, ମିଚ୍‌ୱା ମାଷ୍ଟେର୍ ୱାଜି ପାର୍ତି କିନାକାରିଙ୍ଗ୍ ବେସି ହଇରାଣ୍ କିନାର୍। ହୁଣ୍ଡେର୍ ଇନେସ୍ ମେଣ୍ଢାକାଙ୍ଗ୍ ପାଗ୍‌ନାତ୍ ହେଲେକେ ଇ ମାଷ୍ଟେରାର୍ କିନାର୍।

ଗାଲାତିୟ 2:4

ମାତର୍ ଇଦାଙ୍ଗ୍ ଜାମ୍‌ଲା ଆତାତ୍, ଏଚେପାଦ୍ନା କେତେକ୍ ନକ୍‌ଲି ପାର୍ତିକିନି ଟଣ୍ଡାର୍ ମା ବିତ୍ରେ ଇନେର୍ ପୁନ୍‌ୱାଦାଙ୍ଗ୍ ୱାତାର୍। ହେୱାର୍ ଡ଼ୁଗ୍‌ଜି-ଡ଼ୁଗ୍‌ଜି ମାଙ୍ଗେଙ୍ଗ୍ ହୁଡ଼୍‌ଜି ମାନ୍‌ଞ୍ଚାର୍। ଆରେ ହେୱାର୍ ମା ଇମ୍‌ଣି ସ୍ୱାଦିନ୍ ଯୀଶୁ ଖ୍ରୀଷ୍ଟତାକେ ମାନାତ୍, ହେବେତାଙ୍ଗ୍ ମାଙ୍ଗେଙ୍ଗ୍ ହପ୍‌ଚି ଯିହୁଦିର୍ ନିୟମ୍‌ନି ଦାସ୍ କିଦ୍‌ଦେଙ୍ଗ୍ ଉପାୟ୍ କିଜି ମାନ୍‌ଞ୍ଚାର୍।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

୧ ତିମତି 1:6

ବୁଲ୍ ହିକ୍ଷାହିନି ମାଷ୍ଟେରାର୍ ଇ ୱିଜୁ ବିଷୟତିଙ୍ଗ୍ ପିସ୍ତି, ହେୱାର୍ ମୁଲ୍ୟ ହିଲ୍‌ୱି କାତାବାର୍ତା ଆଜି ମାନ୍‌ଗାନାର୍।

୧ ତିମତି 1:9

ଦାରି କାମାୟ୍ କିନି ମାନାୟାର୍ କାଜିଙ୍ଗ୍, ଗାଗାଡ଼୍‌ତିଙ୍ଗ୍ ହାର୍‌ଦାଙ୍ଗ୍ ବାଉରା ଆୱି ମାନାୟାର୍ କାଜିଙ୍ଗ୍। ମାନାୟ୍ ଚର୍, ମିଚ୍ ୱେଚ୍‌ନାକାର୍ କାଜିଙ୍ଗ୍ ଆରେ ମିଚ୍‌ତାଙ୍ଗ୍ ପାର୍ମାଣ୍ କିନାକାର୍ କାଜିଙ୍ଗ୍, ହାର୍ଦି ହିକ୍ଷା ବିରଦ୍‌ତାକେ କାମାୟ୍ କିନାକାର୍ କାଜିଙ୍ଗ୍ ଇଦାଙ୍ଗ୍ ହିୟାଆତାତ୍‌ନା।

୨ ତିମଥି 3:13

ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

୨ ତିମଥି 4:4

ଆରେ ହେୱାର୍ ସତ୍ କାତାତିଙ୍ଗ୍ ୱେନ୍‌ୱାଦାଙ୍ଗ୍ କାତା ୱେଚ୍‌ନାକାଦିଙ୍ଗ୍ ୱେଞ୍ଜେଙ୍ଗ୍ ଇଚାକିନାର୍।

ତୀତସ 1:6

ଇମ୍‌ଣି ମାନାୟ୍‌ତାକେ ଦସ୍ ହିଲ୍‌ଗୁତ୍, ର ଡକ୍ରି ଇଡ଼୍‌ଜି ମାନାନ୍। ତା ହିମ୍‌ଣା ୱାକ୍‌ଡ଼ାର୍ ପାର୍ତି କିନାକାର୍ ଆଜି ମାନ୍‌ଗାନାର୍ ଆରେ ହାର୍ଦି ଚାଲିଚଲନ୍ ଆଜି ମାନ୍‌ଗାନାର୍ କି ଆୟା ଆବାର୍‌ କାତା ୱେନାର୍, ଇ ଲେକେ ମାନାୟ୍‌ତିଙ୍ଗ୍ ପ୍ରାଚିନ୍‌ ପାଦ୍‌ତ ବାଚି କିୟାଟ୍।

ଜାକ୍‌ବ 1:26

ଇମ୍‌ଣାକାନ୍ ଦରମ୍ ମାନାୟ୍ ଇଞ୍ଜି ଚଚିୟା ଆନାନ୍, ମାତର୍ ହେୱାନ୍ ୱେଚ୍‌ନି କରାପ୍ କାତା ୱେଚ୍‌ନି ୱେନ୍ଦୁଲ୍‌ତିଙ୍ଗ୍ କଣ୍ଟ୍ରୁଲ୍ କିଉନ୍। ଲାଗିଙ୍ଗ୍ ହେୱାନ୍ ନିଜେ ଟକାଇ କିୟି ଆନାନା ଆରେ ହେୱାନ୍ ନିଜେ ଦରମ୍ ଜିବୁନ୍ କାଟି କିନାକା ବେକାରେ ଆନାତ୍।

୧ ଯୋହନ 2:18

ଏ କାଡ଼୍‌ଦେର୍, ପୁର୍ତିନି ସେସ୍ ଜୁଗ୍ ଲାଗେ ୱାତାତେ। ଆପେଙ୍ଗ୍ ମିଙ୍ଗେଙ୍ଗ୍ ଆଗେ ୱେଚ୍‌ଚି ମାଞ୍ଚାପ୍, ପୁର୍ତି ସେସ୍ ଆନିହିଙ୍ଗ୍ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ୱାନାରା, ଆରେ ନଙ୍ଗୟ୍ ଖ୍ରୀଷ୍ଟଙ୍ଗ୍ ବିରଦ୍ କିଦେଙ୍ଗ୍ ବେସିହେନି ମାନାୟାର୍ ହତ୍‌ତାରେ। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଚାପେ ଯେ, ପୁର୍ତି ସେସ୍‌ ଆନିଦିନ୍ ୱାତାତେ।

୧ ଯୋହନ 2:4

ଇମ୍‌ଣି ମାନାୟ୍ ତା ଆଜ୍ଞା ମାନିକିୱାଦାଙ୍ଗ୍ ତାଙ୍ଗେଙ୍ଗ୍ ପୁଚାଙ୍ଗ୍‌ନା ଇଞ୍ଜି ୱେଚ୍‌ନାନ୍, ହେୱାନ୍ ମିଚ୍‌ୱା, ଆରେ ହେୱାନ୍ ସତ୍ ଯିବୁନ୍ କାଟି କିଉନା।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

ହତ୍‌ତି 2:14

ମାତର୍ ଏପେଙ୍ଗ୍ କେତ୍‌ଗଟା ବୁଲ୍ କାମାୟ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ଏପେଙ୍ଗ୍ ଆଗେ ହିକାୟ୍ କିଜି ମାନ୍‌ଞ୍ଚି ବିଲିୟମ ଭବିଷ୍ଯତବକ୍ତା ଲେକେ ମିଚ୍ ହିକ୍ଷାହିନି ମାନାୟାରିଙ୍ଗ୍ ମି ମଣ୍ଡ୍‌ଲିତାକେ ବିରଦ୍ କିଉଦେରା। ହେୱାନ୍ ଇସ୍ରାଏଲନି ମାନାୟାରିଙ୍ଗ୍ ପାପ୍ କାମାୟ୍ କି କିନି କାଜିଙ୍ଗ୍, ହେୱାରିଙ୍ଗ୍ ମୁର୍ତିତିଙ୍ଗ୍ ପୁଜାକିତି କାଦି ଚିଞ୍ଜେଙ୍ଗ୍ ଆରେ ଦାରି କାମାୟ୍ କିଦେଙ୍ଗ୍ ରାଜା ବାଲାକତିଙ୍ଗ୍ ହିକାୟ୍ କିଜି ମାଚାନ୍।

ହତ୍‌ତି 2:6

ମାତର୍ ଏପେଙ୍ଗ୍ ର ହାର୍ କାମାୟ୍ କିନାଦେରା, ହେଦାଙ୍ଗ୍ ନିକଲାତିୟ ନିକାର୍ ଇମ୍‌ଣି ୱିଜୁ କାମାୟ୍ ଆନେଙ୍ଗ୍ ଗିଣ୍ କିନାଙ୍ଗା, ଏପେଙ୍ଗ୍ ପା ହେ ୱିଜୁ କାମାୟ୍‌ତିଙ୍ଗ୍ ଗିଣ୍ କିନାଦେରା।