ତୀତସ 1:1 - New Testament in Pengo Parja Language

¹ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍‌ଣା ଲେକେ। ଇନେସ୍‌କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍‌କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍‌ପ ପାୟାଆତାଙ୍ଗ୍‌ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟିକିନାର୍।

ତୀତସ 1:1 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:7

ଈଶ୍ୱର ଇନେରିଙ୍ଗ୍ ମାନ୍ କିଜି ବାଚିକିତାନ୍ ହେୱାର୍ ୱେଡ଼ା ନାଣା ଈଶ୍ୱରତାକେ ନ୍ୟାୟ୍ କାଜିଙ୍ଗ୍ ପାର୍ତାନା କିତିସ୍। ଈଶ୍ୱର ହେୱାରିଙ୍ଗ୍ ଡେରି କିଉନ୍।

ପକ୍ୟାତାକା 13:48

ବିନ୍‌ଜାତିନି ମାନାୟାର୍ ଇଦାଙ୍ଗ୍ ୱେନ୍‌ଞ୍ଜି ୱାରି ଆତାର୍। ଆରେ ଈଶ୍ୱର କାତାତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍। ଈଶ୍ୱର ଇମ୍‌ଣାକାରିଙ୍ଗ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ବାଚିକିଜି ମାଚାନ୍ ହେୱାର୍ ପାର୍ତି କିତାର୍।

ରୋମିୟ 1:1

ଆନେଙ୍ଗ୍ ପାଉଲ ଯୀଶୁ ଖ୍ରୀଷ୍ଟ ଦାସ୍, ଇ ଚିଟି ଲେକିକିତାଙ୍ଗ୍‌ନା, ଈଶ୍ୱର ନାଙ୍ଗେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ବାଚିକିତି ଚେଲା କିଜି ପକ୍ତାତାନ୍‌ନା।

୨ କରନ୍ତିୟ 1:1

ପାଉଲ ଆରେ ମା ପାର୍ତିକିନି ଟଣ୍ଡେନ୍ ତିମତି କରନ୍ତିୟ ସହର୍ ଈଶ୍ୱର ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ କାଜିଙ୍ଗ୍, ଆରେ ଆକାୟା ସହର୍‌ନି ୱିଜୁ ପାର୍ତିକିନି ଟଣ୍ଡାର୍ କାଜିଙ୍ଗ୍ ଇ ଚିଟି ଲେକିକିନାପା। ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆନି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

୧ ତିମତି 2:4

ଇନେସ୍‌କି ହେୱାନ୍ ୱିଜାକାରିଙ୍ଗ୍ ସତ୍ ବିଷୟ ପୁନେର୍ ଇଞ୍ଜି ଆରେ ରକ୍ଷା ପାୟାଆୟେର୍‌ ଇଞ୍ଜି ଇଚାକିନାନ୍।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

୧ ତିମତି 6:3

କେତେକ୍ ମାନାୟାର୍ ବୁଲ୍ ହିକ୍ଷା ହିନାରା। ଯୀଶୁ ଖ୍ରୀଷ୍ଟ ହିଜି ମାନ୍‌ଞ୍ଚି ହିକ୍ଷା ଆରେ ଈଶ୍ୱରତିଙ୍ଗ୍ ସନ୍‌ମାନ୍ କିନି ହିକ୍ଷାତାଙ୍ଗ୍ ହେୱାର୍ ହିକ୍ଷା ମାହାଆଉତା।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

୨ ତିମଥି 2:23

ବୁଦି ହିଲାକାର୍ ଆରେ ମୁର୍କ ଲକାର୍ ଜୁକ୍ତି କାଜିଙ୍ଗ୍ ଗଣ୍ଡ୍‍ଗଲ୍ ଉବ୍‌ଜା ଆନାତ୍, ଇଦାଙ୍ଗ୍ ପୁନ୍‌ଞ୍ଜି ହେ ୱିଜୁତାଙ୍ଗ୍ ଦେହା ଆଜି ମାନା।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

ଜାକ୍‌ବ 1:1

ଆନେଙ୍ଗ୍ ଯାକୁବ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ରକାଙ୍ଗ୍ ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ଦାସ୍। ପୁର୍ତିନି ଚାରିବେଣ୍‌ତାଙ୍ଗ୍ ଚିନ୍-ବିନ୍ ଆଜି ମାନି ଯିହୁଦି ଜାତିନି ବାର ଲାତ୍ରାନି ଖ୍ରୀଷ୍ଟାନାରିଙ୍ଗ୍ ଆନେଙ୍ଗ୍ ଜୱାର୍ କିନାଙ୍ଗା।

୨ ପିତର 1:3

ଆସେଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିନି କାଜିଙ୍ଗ୍, ଈଶ୍ୱର ନିଜେ ତା ଶାକ୍ତି ମାଙ୍ଗେଙ୍ଗ୍ ଦାନ୍ କିତ୍‌ତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ଼୍‍ତାତ୍, ଇନେସ୍‌କି ଆପେଙ୍ଗ୍ ଈଶ୍ୱରତିଙ୍ଗ୍ ପୁଚାପ୍‌ନା ଆରେ ତା ଗୌରବ ଆରେ ହାର୍ଦି ଗୁଣ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ତା ମାନାୟ୍ କିଦ୍‌ଦେଙ୍ଗ୍ କୁକ୍ତାତାନ୍‌ନା।

୨ ପିତର 3:11

ଇଦାଙ୍ଗ୍ ସତ୍ ଯେ ଈଶ୍ୱର ଇ ୱିଜୁ ବିଷୟ ଇଲେକେ ନଷ୍ଟ କିନାନ୍। ଲାଗିଙ୍ଗ୍ ଏପେଙ୍ଗ୍ ପବିତ୍ର ଆରେ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିୟାଟ୍।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

ହତ୍‌ତି 1:1

“ଈଶ୍ୱର ୱିଜୁ ଡ଼ୁକ୍‌ତି ବିଷୟତିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଚଚ୍‌ଚାନ୍ ହେ ୱିଜୁ ବିଷୟ ବେଗି ଗଟାଆନାତ୍, ଇନେସ୍‌କି ହେୱାନ୍ ତା ଦାସ୍‌ରିଙ୍ଗ୍ ପୁନିକିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଯୀଶୁ ତା ଦାସ୍ ଯୋହନତିଙ୍ଗ୍ ଇ ୱିଜୁ ବିଷୟ ଚଚ୍‌ନି କାଜିଙ୍ଗ୍ ହେୱାନ୍ ତା ଦୁତ୍‌ତିଙ୍ଗ୍ ପକ୍ତାତାନ୍।