ରୋମିୟ 9:4 - New Testament in Pengo Parja Language

⁴ ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

ସତ୍‌ ବଚନ୍‌ ପୁନି ନିୟମ୍‌

⁴ ଇସ୍ୱର୍‌ ହେୱାରିଂ ଜାର୍‌ତିଂ ଇସ୍ରାଏଲିୟ ମାଜ଼ି ଲାକେ ଇଡ଼୍‌ଜି ହେୱାର୍‌ ଲାଗାଂ ଜାର୍‌ତି ଜାଜ୍‌ମାଲ୍‌ ନିୟମ୍‌ ହପ୍‌ଚି ମାଚାର୍‌; ହେୱାର୍‌ ଲାହାଂ ଲାଗାଜ଼ି ହେୱାରିଂ ବିଦି ହିଜ଼ି ମାଚାଙ୍ଗ୍‌, ହେୱାର୍‌ ହାତ୍‌ପା ପାର୍ତାନା କିନାର୍‌; ହେୱାର୍‌ ଇସ୍ୱର୍‌ତାଂ ଜାଣା ପାୟାତାର୍ଣ୍ଣା ।

ରୋମିୟ 9:4 Iomraidhean Croise

ମାତିଉ 21:33

ଆରେ ର କାତା ୱେନାଟ୍, “ରକାନ୍ ଇଲ୍‌ନି ମାଲିକ୍ ମାଚାନ୍, ହେୱାନ୍ ର ବାଡ୍‍ଦ ଅଙ୍ଗୁର୍ ରୁସ୍ତାନ୍। ଆରେ ତା ଚାରିବେଣ୍‌ତାଙ୍ଗ୍ ବାଡ଼୍ ମୁକ୍ତାନ୍। ଆରେ ହେବେ ପା ଅଙ୍ଗୁର୍ ଉହ୍‌ନି କୁଣ୍ଡି ରସ୍ତାନ୍। ଆରେ ହେବେ ଜାଗୁୱାଡ଼ି ଇଲ୍ ରଞ୍ଜି ରସ୍ତାନ୍। ତାପାଚେ ହେ ଅଙ୍ଗୁର୍ ବାଡ଼୍‍ଦିଙ୍ଗ୍ ଆଦି ହିଜି ବିଦେସ୍ ହାଚାନ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 1:47

ଯୀଶୁ ନିତନିୟେଲତିଙ୍ଗ୍ ତାପଣ୍ ୱାନାକା ହୁଡ଼୍‌ତାନ୍। ଆରେ ହେୱାନ୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ହୁଡ଼ାଟ୍! ଇୱାନ୍ ରକାନ୍ ଇସ୍ରାଏଲ ଜାତିନି ମାନାୟ୍। ହେୱାନ୍‌ତାକେ ଇନାକା ବାଟ୍‌ପାଣିଆ ବୁଦି ହିଲେତ୍।”

ପକ୍ୟାତାକା 2:39

ଇ କାତା ମି କାଜିଙ୍ଗ୍, ମି ହିମ୍‌ଣାୱାକ୍‌ଡ଼ା କାଜିଙ୍ଗ୍ ଆରେ ବେସି ଦେହା ମାନାର୍ ହେୱାର୍ କାଜିଙ୍ଗ୍ ହିତ୍‌ତାନ୍‌ନା। ଆରେ ପା ଏଚେଜାଣ୍‌ତିଙ୍ଗ୍ ମାପୃ ମା ଈଶ୍ୱର ଜାର୍ ଲାଗାୟ୍ କୁକ୍ତାନାର୍‌, ହେ ୱିଜାକାରିଙ୍ଗ୍ ହିଦ୍‌ନାନ୍।”

ରୋମିୟ 3:2

ଆଁ, ଯିହୁଦି ମାନାୟ୍ ଆନାକା ବେସି ଲାବ୍ ମାନାତ୍। ଇନେସ୍‌କି ଈଶ୍ୱର ହିତ୍‌ତି ଦରମ୍ ସାସ୍ତର୍ ହେୱାର୍‌ତାକେ ମାନାତ୍, ହେଦାଙ୍ଗ୍‌ନେ ହେୱାର୍ କାଜିଙ୍ଗ୍ ବେସି ଗାଜା ଲାବ୍।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

ରୋମିୟ 9:6

ଆନେଙ୍ଗ୍ ୱେଚ୍‌ଚୁଙ୍ଗା ଯେ, ଇସ୍ରାଏଲନି ମାନାୟାରିଙ୍ଗ୍ ଈଶ୍ୱର ହିତି ପାର୍ମାଣ୍ ପୁରା କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ୱିଜାର୍ ମାନାୟାର୍ ଯିହୁଦି ଜାତିନି କୁଟୁମ୍‌ତାକେ ଜନମ୍ ଆଜି ମାଚିସ୍ ପା ସତ୍ ଯିହୁଦି ଆକାୟ୍।

୨ କରନ୍ତିୟ 11:22

ହେୱାର୍ ଏବ୍ରୀ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଇସ୍ରାଏଲ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଅବ୍ରାହାମ କୁଟୁମ୍ ନିକାର୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

ଏବ୍ରି 9:1

ଈଶ୍ୱର ପାର୍ତୁମ୍ ପାର୍ମାଣ୍, ପୁଜା ଆରେ ପବିତ୍ର ପୁଟ୍ କୁଡ଼ିଆ ପୁର୍ତିତାକେ ରହ୍‌ନି ବିଷୟରେ ନିତି ନିୟମ୍ ଇସ୍ରାଏଲନି ମାନାୟାରିଙ୍ଗ୍ ହିଜିମାଚାନ୍।

ଏବ୍ରି 9:10

ଇନେସ୍‌କି ପାନି ନିୟମ୍ ଆପ୍‌କା, ରକାନ୍ ଇନାକା ତିନାନ୍ ଆରେ ଉଣାନ୍ ଆରେ ଜେକନି ଶୁଚି ରିତିନିତି ବିଷୟରେ ୱେଚ୍‌ଚି ମାନାତ୍। ଇ ନିତି ନିୟମ୍ ରକାନ୍ ଗରବ୍‌ତିଙ୍ଗ୍ ବାଦ୍‌ଲାୟ୍‌କିନି କାଜିଙ୍ଗ୍ ଇନା ସମ୍ପର୍କ ଆକାୟ୍। ପୁନି ନିୟମ୍ ହିଦ୍‌ୱି ପାତେକ୍ ହେଦାଙ୍ଗ୍ ମାନିକିନି କାଜିଙ୍ଗ୍ ହିୟାଆଜି ମାଚାତ୍।

ଏବ୍ରି 9:3

ଆରେ ପୁଟ୍ କୁଡ଼ିଆତାକେ ଡ଼ୟିକିତି ପାର୍‌ଦା ବିତ୍ରେନି ଆରେ ର ବାକ୍ରାତିଙ୍ଗ୍ ବେସି ପବିତ୍ର ବାହା ଇଞ୍ଜି ଇନାର୍।

ଏବ୍ରି 9:5

ଆରେ ଈଶ୍ୱର ହେବେ ମାନାନ୍ ଇଞ୍ଜି ଚିନ୍ କିନି କାଜିଙ୍ଗ୍ ନିୟମ୍ ପେଡ଼ି ଜପି ଈଶ୍ୱରତି ଗୌରବ ଚଚ୍‌ନି କାଜିଙ୍ଗ୍ ରିଣ୍ଡାଙ୍ଗ୍ କିରୁବ ମାଚିକ୍। ଆରେ ଈଶ୍ୱରତାଙ୍ଗ୍ ପାପ୍ କେମା ପାୟାଆନି କାଜିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇମ୍‌ଣି ବାହାତାକେ ୱାଜି ପାର୍ତାନା କିନାନ୍, ହେ ୱିଜୁ ବାହା ହେ କିରୁବ ମାରାତାକେ ଡାବା ଆତାତ୍‌ନା। ମାତର୍ ଇୱିଜୁ ବିଷୟରେ ନଙ୍ଗୟ୍ ଆସେଙ୍ଗ୍ ପୁରା ୱେଚ୍‌ଚେଙ୍ଗ୍ ଆଡୁସ୍।

ଏବ୍ରି 9:6

ପୁଟ୍ କୁଡ଼ିଆନି ରିଣ୍ଡାଙ୍ଗ୍ ବାକ୍ରାଙ୍ଗ୍ ୱିଜୁ ବିଷୟ ଇଲେକେ ହେୱାର୍ ରସ୍ତି ମାଚାର୍। ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ହେୱାର୍ ରିତିନିତି କାମାୟ୍ କିନି କାଜିଙ୍ଗ୍ କୁଡ଼ିଆନି ବାର୍ ବାକ୍ରାତାକେ ୱିଜୁଦିନ୍ ହାଲ୍‌ଜି ମାଚାର୍।