ରୋମିୟ 8:7 - New Testament in Pengo Parja Language

⁷ ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

ସତ୍‌ ବଚନ୍‌ ପୁନି ନିୟମ୍‌

⁷ ଲାଗିଂ ଗାଗାଡ଼୍‌ନି ମାନ୍‌ ଇସ୍ୱର୍‌ତି ବିରୁଦ୍‌ତ ସାତ୍ରୁ; ଇନେକିଦେଂକି ହେଦାଂ ଇସ୍ୱର୍‌ତି ବିଦିନି ତଲ୍ୟା ଆକାୟ୍‌, ତଲ୍ୟା ଆନାକା ଆଡୁନ୍‌;

ରୋମିୟ 8:7 Iomraidhean Croise

ମାତିଉ 12:34

ଏପେଙ୍ଗ୍ ବିସ୍‌ମାନି ରାଚ୍ ଲେକେ! ଆରେ ଏପେଙ୍ଗ୍ ଏଚେକ୍ ବାନ୍ୟା ଆଜି ହାର୍ଦି ବେଣ୍ ଇନେସ୍‌କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଇନେସ୍‌କି ଏପେଙ୍ଗ୍ ମି ମାନ୍ ବିତ୍ରେ ଇନାକା ବାବିକିନାଦେରା, ହେଦାଙ୍ଗ୍‌ନେ ୱେଚ୍‌ନାଦେରା।

ମାତିଉ 5:19

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହିତାକା ୱିଜୁ ଆଦେସ୍ ମାନିକିନି ଦରକାର୍। ଇନେସ୍‌କି ଦର୍‌କାର୍‌ଆୱି ହିରୁ ଆଦେସ୍‌ତିଙ୍ଗ୍ ପା ମାନିକିନି ଦର୍‌କାର୍। ଇମ୍‌ଣାକାନ୍ ଇ ଆଦେସ୍‌ତିଙ୍ଗ୍ ମାନିକିଉନ୍, ଆରେ ଜେକ ଲଗାଙ୍ଗ୍ ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ବାଙ୍ଗାଇ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହିରୁକାନ୍ ଇଞ୍ଜି ଗାଣା କିୟିଆନାନ୍। ମାତର୍ ଇମ୍‌ଣାକାନ୍ ହେ ଆଦେସ୍‌ତିଙ୍ଗ୍ ମାନି କିନାନ୍ ଆରେ ଲକାରିଙ୍ଗ୍ ପା ହେ ୱିଜୁ ହିକ୍ଷା ମାନି କିଦେଙ୍ଗ୍ ୱେଚ୍‌ଚାନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଗାଜାକାନ୍ ଇଞ୍ଜି ଗାଣା କିୟିଆନାନ୍।

ଜହନ୍‌ 7:7

ପୁର୍ତିନି ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦେଙ୍ଗ୍ ଆଡ଼୍‌ଦୁର୍। ମାତର୍ ନାଙ୍ଗେଙ୍ଗ୍ ପୁର୍ତିନି ମାନାୟାର୍ ଗିଣ୍ କିଦ୍‌ନାର୍, ଇନେସ୍‌କି ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ପାପ୍ କାମାୟ୍ କିନାଦେରା ଇଞ୍ଜି ୱେଚ୍‌ନାଙ୍ଗା।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 1:30

ଆରେ ହେୱାର୍ ଜାର୍-ଜାର୍‌ବିତ୍ରେ କରାପ୍ ବିଷୟ ୱେଚ୍‌ନାର୍, ଈଶ୍ୱରତିଙ୍ଗ୍ ଗିଣ୍ କିନାରା, ମାନାୟ୍‌ତିଙ୍ଗ୍ ଇନସ୍ତା କିନାରା, ଗର୍‌ବି ଆନାରା, ଆରେ ଜାର୍‌ତିଙ୍ଗ୍ ବେସି ହାର୍ ଇଞ୍ଜି ଚଞ୍ଜିଆ ଆନାରା। ହେୱାର୍ ପାପ୍ କିଦେଙ୍ଗ୍ ପୁନି ଉପାୟ୍ କିନାରା, ଆରେ ହେୱାର୍ ତା ତେହି ଲାତ୍ରାହିର୍ କାତାତିଙ୍ଗ୍ ମାନିକିଉର୍।

ରୋମିୟ 3:31

ଲାଗିଙ୍ଗ୍ ଆସେଙ୍ଗ୍ ପାର୍ତି କାଜିଙ୍ଗ୍ ନିୟମ୍‌ତିଙ୍ଗ୍ ଗୁଚାୟ୍ କିନାସା କି? ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ମାତର୍ ଆପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପୁରା କିନାପ୍।

ରୋମିୟ 5:10

ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ରୋମିୟ 7:22

ଆନେଙ୍ଗ୍ ନା ଗରବ୍‌ତାଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ଲାଡ୍ କିନାଙ୍ଗା,

ରୋମିୟ 8:4

ହେୱାନ୍ ଇଲେକେ କିଜି ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମା କାଜିଙ୍ଗ୍ ପୁରା କିତାନ୍, ଆରେ ଆପେଙ୍ଗ୍ ମା ପାପ୍‍କିନି ଇଚା ଅନୁସାରେ ଜିବୁନ୍ କାଟି କିୱାଦାଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଜିବୁନ୍ କାଟିକିନାପା।

୧ କରନ୍ତିୟ 2:14

ମାତର୍ ବିନ୍‌ଜାତିନି ମାନାୟାର୍ ଇ ସତ୍ ବିଷୟତିଙ୍ଗ୍ ଈଶ୍ୱର ଆତ୍ମାତାଙ୍ଗ୍‌ ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ ହେୱାର୍ କାଜିଙ୍ଗ୍ ବେକାର୍ ଆନାତ୍, ଇନେସ୍‌କି ଇମ୍‌ଣି ମାନାୟ୍‌ତିଙ୍ଗ୍ ପବିତ୍ର ଆତ୍ମା ମାନାତ୍ ହେୱାନ୍‌ନେ ଈଶ୍ୱର ବିଷୟରେ ବୁଜା ଆଦେଙ୍ଗ୍ ପବିତ୍ର ଆତ୍ମା ସାଇଜ କିନାତ୍।

୧ କରନ୍ତିୟ 9:21

ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

କଲସିୟ 1:21

ଆରେ ଆଗେ ଏପେଙ୍ଗ୍ ପାପ୍ କାମାୟ୍ କିଜି ଈଶ୍ୱରତାଙ୍ଗ୍ ଦେହା ମାଚାଦେର୍। ଆରେ ମି ମାନ୍ ବିତ୍ରେ କରାପ୍ ଚିନ୍ତା ଆରେ କରାପ୍ କାମାୟ୍ କିଜି ଏପେଙ୍ଗ୍ ହେୱାନିଙ୍ଗ୍ ଶତ୍ରୁ ଆଜି ମାଚାଦେର୍।

କଲସିୟ 2:18

ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍‌ଲିନି ମୁକ୍ୟା। ହେୱାନ୍ ତା ଗାଗାଡ଼୍‌ନି ୱିଜୁ ଜିନିଷ୍‌ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାକା ଆରେ ଦୁତ୍‌କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍‌ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍‍କଣ୍‌ତ ହୁଡ଼୍‌ତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍‌ପାଣିଆ ଆତାର୍‌ନା।

୨ ତିମଥି 3:4

ହେୱାର୍ ଟକୁୱା ହେବେ, ହେୱାର୍ ଇନାକା ବୁଜାଆୱାଦାଙ୍ଗ୍ କାମାୟ୍ କିନାର୍, ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିନାର୍, ଆରେ ହେୱାର୍ ଈଶ୍ୱରତିଙ୍ଗ୍ ଲାଡ୍ କିୱାଦାଙ୍ଗ୍ ୱାରିତାଙ୍ଗ୍ ମାଞ୍ଜେଙ୍ଗ୍ ଇଚାକିନାର୍।

ଏବ୍ରି 8:10

ଆରେ ମାପୃ ୱେଚ୍‌ଚାନ୍, ସମୟ୍ ୱାନାତ୍ ଆନେଙ୍ଗ୍ ଇସ୍ରାଏଲନି ଲାତ୍ରା ହୁଦାଙ୍ଗ୍ ପୁନି ପାର୍ମାଣ୍ ରହ୍‌ନାଙ୍ଗ୍। ହେଦାଙ୍ଗ୍ ଇଦାଙ୍ଗ୍, ଆନେଙ୍ଗ୍ ହେୱାର୍ ମାନ୍ତ ନା ନିୟମ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ବୁଜା ଆନାର୍। ଆନେଙ୍ଗ୍ ହେୱାର୍ ଗରବ୍‌ତାକେ ନା ନିୟମ୍ ଲେକିକିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ମାନିକିନାର୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍, ଆରେ ହେୱାର୍ ନାଲକ୍ ଆନାର୍।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।

୨ ପିତର 2:14

ହେୱାର୍ ହୁଡ଼୍‌ତି କଗ୍‌ଲେକ୍‌ତାଙ୍ଗ୍ ଦାରି କାମାୟ୍ କିଦେଙ୍ଗ୍ ଇଚା କିନାର୍। ହେୱାର୍ ପାପ୍ କାମାୟ୍ କିନି ସୁଯଗ୍‌ତିଙ୍ଗ୍ ପିହୁର୍। ଖ୍ରୀଷ୍ଟତାକେ ଇମ୍‌ଣାକାର୍ ଷ୍ଟ୍ରଙ୍ଗ୍‌କିଜି ପାର୍ତି କିଉର୍, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିନାର୍, ଆରେ ହେୱାରିଙ୍ଗ୍ ଇ ମାଷ୍ଟେରାର୍ ପାପ୍ କାମାୟ୍ କିୟିକିନାର୍। ଆରେ ହେୱାର୍ ବେସି ଲବ୍ରା ଆତି କାଜିଙ୍ଗ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।