ରୋମିୟ 8:2 - New Testament in Pengo Parja Language

² ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

ସତ୍‌ ବଚନ୍‌ ପୁନି ନିୟମ୍‌

² ଇନେକିଦେଂକି ଜିନି ଜିବୁନ୍‌ ବିଦି କ୍ରିସ୍ଟ ଜିସୁତି ମେହାଣ୍‌ତ ମିଙ୍ଗେଙ୍ଗ୍‌ ପାପ୍‌ ଆରି ହାତିବାର୍‌ତି ବିଦିତାଂ ମୁକ୍‌ଡ଼ାୟ୍‌ ଆତାପ୍‌ନା ।

ରୋମିୟ 8:2 Iomraidhean Croise

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ଜହନ୍‌ 8:32

ଏପେଙ୍ଗ୍ ସତ୍‌ତିଙ୍ଗ୍ ପୁନାଦେର୍ ଆରେ ହେ ସତ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାତ୍।”

ଜହନ୍‌ 8:36

ଯଦି ହେ ହିମ୍‌ଣା ମିଙ୍ଗେଙ୍ଗ୍ ମୁକ୍ତି ହିଦ୍ନାନାନ୍‌, ଲାଗିଙ୍ଗ୍ ଏପେଙ୍ଗ୍ ହାତ୍‌ପା ମୁକ୍ତି ପାୟାଆନାଦେର୍।

ରୋମିୟ 16:3

ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍ ପ୍ରିସ୍‌କିଲା ଆରେ ତା ଡକୃହି ଆର୍କିଲାଙ୍ଗ୍ ଜୁୱାର୍ କିୟାଟ୍, ହେୱାର୍ ନା ହୁଦାଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟଙ୍ଗ୍‌ ହେବାକିଜି ମାଚାର୍।

ରୋମିୟ 3:27

ଲାଗିଙ୍ଗ୍ ଆପେଙ୍ଗ୍ ଈଶ୍ୱର ହୁଦାଙ୍ଗ୍ ଟିକ୍ ମାନାୟ୍ ଆତାପ୍‌ନା ଇଞ୍ଜି ଗାର୍‌ବି ଆଦେଙ୍ଗ୍ ଆଡୁପ୍, ଇନେସ୍‌କି ମା ହାର୍ କାମାୟ୍ କାଜିଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆୱାତାପ୍‌ନା। ମାତର୍ ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍,

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ରୋମିୟ 6:14

ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ରୋମିୟ 6:18

ଈଶ୍ୱର ମିଙ୍ଗେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା, ଏପେଙ୍ଗ୍ ପାପ୍‌ନି ଚାକର୍ ଆୱାଦାଙ୍ଗ୍ ଟିକ୍ କାମାୟ୍ କିନି କାଜିଙ୍ଗ୍ ଦରମ୍‌ନି ଚାକର୍ ଆତାଦେର୍‌ନା।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

ରୋମିୟ 7:21

ଲାଗିଙ୍ଗ୍, ଏଚେପାଦ୍ନା ଆନେଙ୍ଗ୍ ହାର୍ କାମାୟ୍ କିଦେଙ୍ଗ୍ ଇଚା କିନାଙ୍ଗା ହେପାଦ୍ନା ଆନେଙ୍ଗ୍ ଅଦରମ୍‌ କାମାୟ୍ ନେ କିନାଙ୍ଗା, ଇ ନିୟମ୍‌ତିଙ୍ଗ୍ ଆନେଙ୍ଗ୍ ହୁଡ଼୍‌ନାଙ୍ଗା।

ରୋମିୟ 7:23

ମାତର୍ ଆନେଙ୍ଗ୍ ନା ଗାଗାଡ଼୍‌ନି ଜିନିଷ୍‌ତାକେ ର ଅଲଗା ନିୟମ୍‌ତିଙ୍ଗ୍ ହୁଡ଼୍‌ନାଙ୍ଗା। ହେଦାଙ୍ଗ୍ ନା ମାନ୍ତି ନିୟମ୍ ବିରଦ୍‌ତାକେ ଯୁଜ୍ କିନାତା ଆରେ ନା ଗାଗାଡ଼୍‌ନି ଜିନିଷ୍ ପାପ୍‌ନି ତାରେନ୍ ମାନାତ୍ ଆରେ ନାଙ୍ଗେଙ୍ଗ୍ ପାପ୍‌ନି ଚାକର୍ କିଜି ହେବେ ବନ୍ଦି କିତ୍‌ତାତ୍‌ନା।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

୨ କରନ୍ତିୟ 3:17

ନଙ୍ଗୟ୍ ମାପୃ ନେ ଆତ୍ମା, ଆରେ ହେ ମାପୃ ଆତ୍ମା ମାଙ୍ଗେଙ୍ଗ୍ ପାନି ପାର୍ମାଣ୍‌ତାଙ୍ଗ୍ ମୁକ୍ତି ହିଦ୍‌ନାନ୍।

୨ କରନ୍ତିୟ 3:6

ଈଶ୍ୱର ତା ପୁନି ନିୟମ୍‌ନି ସାସ୍ତର୍ ହେବା କିନାକାର୍ ମାଙ୍ଗେଙ୍ଗ୍ କିତ୍‌ତାନ୍‌ନା। ଚିଟି ଲେକେ ଇ ପୁନି ନିୟମ୍ ଆକାୟ୍, ମାତର୍ ପବିତ୍ର ଆତ୍ମାକାଙ୍ଗ୍ ଇ ପୁନି ନିୟମ୍ ଲେକାଆତାତ୍‌ନା। ପାନି ନିୟମ୍ ମାରାଣ୍ ତାସିୱାନାତ୍, ମାତର୍ ପବିତ୍ର ଆତ୍ମା ଜିବୁନ୍ ହିଦ୍‌ନାତ୍।

ଗାଲାତିୟ 2:19

ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଜାକ୍‌ବ 1:25

ମାତର୍ ଇମ୍‌ଣାକାନ୍ ଜାଗ୍ରତ୍ ଆଜି ଈଶ୍ୱର ଟିକ୍ ନିୟମ୍‌ତିଙ୍ଗ୍ ପଡ଼ିକିଜି ମାନ୍ତ ଇଡ଼୍‌ଜି ମାନି କିନାନ୍, ହେୱାନ୍ ପାପ୍ କାମାୟ୍‌ତାଙ୍ଗ୍ ମୁକ୍ତି ଆନାନ୍, ଆରେ ହେୱାନ୍ ଇନାକା କିତିସ୍ ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିନାନ୍।

ହତ୍‌ତି 11:11

ମାତର୍ ତିନ୍‌ଦିନ୍ ଅଦା ପାଚେ ଜିବୁନ୍‌ଆନି ଆତ୍ମା ତା ବିତ୍ରେ ଈଶ୍ୱର ପକ୍ତାନ୍, ଆରେ ହେୱାର୍ ଜିବୁନ୍‌ଆଜି ନିଲ୍‌ତାର୍। ଆରେ ଏଚେଜାଣ୍ ହେ ରିୟାର୍ ହାଃତି ଭବିଷ୍ୟତ୍‌ବକ୍ତାର୍ ଆରେରଗ ଜିବୁନ୍ ଆନାକା ହୁଡ଼୍‌ଜି ହେୱାର୍ ପାଣ୍ଡ୍ରା ଆନାର୍।

ହତ୍‌ତି 22:1

ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।