ରୋମିୟ 8:10 - New Testament in Pengo Parja Language

¹⁰ ଯଦି ମା ବିତ୍ରେ ଖ୍ରୀଷ୍ଟ ମାନାନା, ଲାଗିଙ୍ଗ୍ ଆସେଙ୍ଗ୍ ପାପ୍ କିତି କାଜିଙ୍ଗ୍ ମା ଗାଗାଡ଼୍ ହାଃତିସ୍ ପା ମା ଆତ୍ମା ଜିବୁନ୍ ମାନ୍‌ଗାନାତ୍, ଇନେସ୍‌କି ଆସେଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାସ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁰ ମାତର୍‌ ଜଦି କ୍ରିସ୍ଟ ମି ତାକେ ବାହା କିଜ଼ି ମାନ୍‌ଗାନାନ୍‌, ମି ଗାଗାଡ଼୍‌ ପାପ୍‌ତ ବୁଡା ଆଦେଂ ହାଲ୍‌ଜି ମାଚିସ୍‌ ପା, ପୁଇପୁୟା ଜିବୁନ୍‌ ମିଙ୍ଗେଙ୍ଗ୍‌ ଜିବୁନ୍‌ ହିଦ୍‌ନାନ୍‌, ଇନେକିଦେଂକି ଇସ୍ୱର୍‌ତି କାଣ୍‌କୁତ ଏପେଙ୍ଗ୍‌ ଦାର୍ମି ଗାଣା କିଆତାଦେର୍ଣ୍ଣା

ରୋମିୟ 8:10 Iomraidhean Croise

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 15:5

ଆନେଙ୍ଗ୍ ଅଙ୍ଗୁର୍ ମାର୍ ଆରେ ଏପେଙ୍ଗ୍ କେନ୍ଦା। ଇମ୍‌ଣାକାନ୍ ନାବେ ମାନ୍‌ଗାନାନ୍, ଆରେ ଆନେଙ୍ଗ୍ ତାବେ ମାନ୍‌ଗାନାଙ୍ଗ୍, ହେ ମାନାୟ୍ ବେସି ପାଡ଼୍‌ ଆହ୍‌ନାନ୍। ମାତର୍ ହେୱାନ୍ ନାବେ ମାନ୍‌ୱିତିସ୍ ହେୱାନ୍ ଇନାକାପା କିଦେଙ୍ଗ୍ ଆଡୁନ୍।

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 6:54

ଯଦି ଇମ୍‌ଣାକାନ୍ ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ହାଃତିତାଙ୍ଗ୍ ଜିବୁନ୍ କିନାଙ୍ଗ୍।

ଜହନ୍‌ 6:56

ଇମ୍‌ଣାକାନ୍ ଯଦି ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ଲାଗିଙ୍ଗ୍ ହେୱାନ୍ ନା ବିତ୍ରେ ମାନ୍‌ଗାନାନ୍ ଆରେ ଆନେଙ୍ଗ୍ ତା ବିତ୍ରେ ମାନ୍‌ଗାନାଙ୍ଗ୍।

ରୋମିୟ 5:12

ଈଶ୍ୱର ପାର୍ତୁମ୍ ଆଦମତିଙ୍ଗ୍ ଉବ୍‌ଜାଇ କିତାନ୍, ହେ ମାନାୟ୍ କାଜିଙ୍ଗ୍ ପୁର୍ତିତାକେ ପାପ୍ ୱାତାତ୍, ଆରେ ହେ ଆଦମ ପାପ୍ କିତି କାଜିଙ୍ଗ୍ ପୁର୍ତିନି ୱିଜାର୍ ମାନାୟ୍‌ତିଙ୍ଗ୍ ମାରାଣ୍ ୱାତାତ୍। ହେୱାନ୍ ପାପ୍ କିତିଲେ ଆସେଙ୍ଗ୍ ପା ପାପ୍ କିତାସ୍, ଇନେସ୍‌କି ଆସେଙ୍ଗ୍ ୱିଜାକାସ୍ ତା କୁଟୁମ୍ ନିକାସ୍।

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

୨ କରନ୍ତିୟ 13:5

ଏପେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ପାର୍ତି କିନାଦେରା କି ଆକାୟ୍ ଇଞ୍ଜି ଏପେଙ୍ଗ୍ ଜାର୍‌ତିଙ୍ଗ୍ ପରିକ୍ଷା କିୟାଟ୍। ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟ ମି ବିତ୍ରେ ମାନାନ୍, ଆତିସ୍‌ପା କେତେକ୍ ମାନାୟାର୍ ମାନାର୍ ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିଲେକେ ବ୍ୟବହାର୍ କିନାରା।

୨ କରନ୍ତିୟ 4:11

ଆପେଙ୍ଗ୍ ଯୀଶୁଙ୍ଗ୍ ହେବା କିନାପା, ଆରେ ତା ଜିବୁନ୍ ମା ହାଃନି ଗାଗାଡ଼୍‌ତାକେ ଚଚ୍‌ନି କାଜିଙ୍ଗ୍ ଆପେଙ୍ଗ୍ ୱିଜୁଦିନ୍ ହାଃନି ବିପତ୍‌ତାକେ ହାନାପା।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

ପିଲିପିୟ 1:23

ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

୧ ଥେସଲନୀକିୟ 4:16

ମାତର୍ ମାପୃ ଯୀଶୁ ନିଜେ ଆଦେସ୍ ହିଜି ସରଗ୍‌ତାଙ୍ଗ୍ ପୁର୍ତିତାକେ ୱାନିହିଙ୍ଗ୍, ମାନାୟାର୍ ଈଶ୍ୱରତି ମରି ବାଜା ଆରେ ଦୁତ୍‌ତି ର କାଟ୍ ୱେନାର୍, ହେପାଦ୍ନା ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାକାର୍ ଆରେରଗ ପାର୍ତୁମ୍ ଜିବୁନ୍ ଆନାର୍।

ଏବ୍ରି 12:23

ସରଗ୍‌ତାକେ ଲେକାଆତି ଈଶ୍ୱରତି ପାର୍ତୁମ୍ ଜନମ୍ ଆତି ମଣ୍ଡ୍‌ଲି ଲାଗାୟ୍ ୱାତାଦେର୍‌ନା। ସରଗ୍‌ତାକେ ହେୱାର୍ ଆତ୍ମାନି ଦରମ୍ ମାନାୟ୍ ଆରେ ହେୱାର୍ ନଙ୍ଗୟ୍ ପୁରା ଟିକ୍ ଆତାର୍‌ନା, ଆରେ ଏପେଙ୍ଗ୍ ହେୱାର୍ ଲାଗାୟ୍ ୱାତାଦେର୍‌ନା। ୱିଜାକାରିଙ୍ଗ୍ ବିଚାର୍ କିଦ୍‌ନି ଈଶ୍ୱର ଲାଗାୟ୍ ଏପେଙ୍ଗ୍ ୱାତାଦେର୍‌ନା।

ଏବ୍ରି 9:27

ୱିଜାକାର୍ ମାନାୟ୍ ରଗ ନେ ହାଃନାର୍। ହାଃତି ପାଚେ, ଈଶ୍ୱର ୱିଜୁ ମାନାୟାରିଙ୍ଗ୍ ବିଚାର୍ କିନାନ୍।

ହତ୍‌ତି 14:13

ତାପାଚେ ସରଗ୍‌ତାକେ ଆରେ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ଇ ୱିଜୁ ବିଷୟତିଙ୍ଗ୍ ଲେକିକିୟାଟ୍। ‌ନଙ୍ଗୟ୍‌ତାଙ୍ଗ୍ ଇମ୍‌ଣି ମାନାୟାର୍ ମାପୃଙ୍ଗ୍ ପାର୍ତି କିଜି ହାଃନାର୍ ହେ ମାନାୟ୍ ଦନ୍ୟ, ଲାଗିଙ୍ଗ୍ ଆଁ, ଟିକ୍ କାତା ଇଞ୍ଜି ପବିତ୍ର ଆତ୍ମା ୱେଚ୍‌ଚାତ୍। ହେୱାର୍ ଦନ୍ୟ ଆନାର୍, ଇନେସ୍‌କି ହେୱାର୍ ତା କଷ୍ଟତାଙ୍ଗ୍ ଶାନ୍ତି ପାୟାଆନାର୍‌। ଆରେ ହେୱାର୍ ହାର୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ପୁରଷ୍କାର୍ ହିନାନ୍।”