ରୋମିୟ 7:9 - New Testament in Pengo Parja Language

⁹ ଆନେଙ୍ଗ୍ ଆଗେ ନିୟମ୍‌ତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍, ମାତର୍ ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ପୁଚାଙ୍ଗ୍, ହେପାଦ୍ନା ଆନେଙ୍ଗ୍ ନିୟମ୍‌ତିଙ୍ଗ୍ ବାଙ୍ଗାୟ୍ କିତାଙ୍ଗ୍ ଆରେ ଆନେଙ୍ଗ୍ ନିଜେ ପାପି ଇଞ୍ଜି ପୁଚାଙ୍ଗ୍। ଆରେ ହେ ପାପ୍ କାଜିଙ୍ଗ୍ ଆନେଙ୍ଗ୍ ହାଃତାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁹ ଆରେ, ଆନ୍‌ ର ସମୁତ ବିଦି ପିସ୍ତି ଜିବୁନ୍‌ ମାଚାଂ, ମାତର୍‌ ବଲ୍‌ ୱାତିଲେ ପାପ୍‌ ଜିତାତ୍‌, ଆରେ ଆନ୍‌ ହାତାଙ୍ଗ୍‌;

ରୋମିୟ 7:9 Iomraidhean Croise

ମାତିଉ 19:20

ହେ ଦାଙ୍ଗ୍‌ଣେନ୍ ଯୀଶୁଙ୍ଗ୍ ୱେଚ୍‌ଚାନ୍, “ଇୱିଜୁ ଆଦେସ୍‌ତିଙ୍ଗ୍ ତ ଆନେଙ୍ଗ୍ ମାନି କିତାଙ୍ଗ୍‌ନା, ନାତାଙ୍ଗ୍ ଆରେ ଇନାକା ବାକି ମାନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:29

ଗାଜା ହିମ୍‌ଣା ତାଞ୍ଜିବାଙ୍ଗ୍ ୱେଚ୍‌ଚାନ୍, ‘ବାର୍ହୁ-ବାର୍ହୁ ନିଙ୍ଗେଙ୍ଗ୍ ଆନେଙ୍ଗ୍ ପୁଜା କିତିଲେକେ ହେବାକିଜି ୱାନାଙ୍ଗା। ନି ଆଦେସ୍‌ତିଙ୍ଗ୍ ୱିଜୁଦିନ୍ ମାନିକିନାଙ୍ଗା। ମାତର୍ ନା କାଜିଙ୍ଗ୍ ଅଡା ଇନାୱେଡ଼ାଙ୍ଗ୍ ପା ପାଗ୍‌ଜି ହିଦ୍‌ୱାତାଇନା। ଏନେଙ୍ଗ୍ ନା କାଜିଙ୍ଗ୍ ଆରେ ନା ହାଙ୍ଗ୍‌ଦାକାର୍ କାଜିଙ୍ଗ୍ ଇନାୱେଡ଼ାଙ୍ଗ୍ ପା ବଜି ହିୱାତାଇନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:21

ମାତର୍ ଯିହୁଦି ଦରମ୍‌ନି ମୁଡ଼୍‌ଦାକାନ୍ ୱେଚ୍‌ଚାନ୍, “ଇୱିଜୁ ଆଦେସ୍‌ତିଙ୍ଗ୍ ଆନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ ମାନିକିଜି ୱାନାଙ୍ଗା।”

ରୋମିୟ 10:5

ମୋଶା ଏଚେପାଦ୍ନା ଦରମ୍ ସାସ୍ତର୍ ଲେକିକିତାନ୍‌ନା, ହେୱାନ୍ ହେବେ ଇଦାଙ୍ଗ୍ ଲେକିକିତାନ୍‌ନା ଯେ, ଦରମ୍ ସାସ୍ତର୍‌ନି ନିୟମ୍ ବିଷୟରେ ମାନିକିତିସ୍ ଈଶ୍ୱର ହେୱାରିଙ୍ଗ୍ ଦରମ୍ ମାନାୟ୍ କିନାନ୍‌।

ରୋମିୟ 7:10

ଲାଗିଙ୍ଗ୍ ଈଶ୍ୱର ହିତ୍‌ତି ହେ ହାର୍ଦି ନିୟମ୍ ଜିବୁନ୍‌ହିନି ବାଦୁଲ୍ ନାଙ୍ଗେଙ୍ଗ୍ ଈଶ୍ୱର ତାକେତାଙ୍ଗ୍ ଅଲ୍‌ଗା କିତ୍‌ତାନ୍।

ରୋମିୟ 7:11

ଲାଗିଙ୍ଗ୍ ପାପ୍, ଦରମ୍ ସାସ୍ତର୍ କାଜିଙ୍ଗ୍ ଉପାୟ୍ କିଜି ନାଙ୍ଗେଙ୍ଗ୍ ଟକାୟ୍ କିତ୍‌ତାତ୍। ହେ ହାର୍ଦି ନିୟମ୍ ସାଇଜତାଙ୍ଗ୍ ନାଙ୍ଗେଙ୍ଗ୍ ଈଶ୍ୱର ଆଗେ ଦସ୍ କିତ୍‌ତାତ୍ ଆରେ ତାବେତାଙ୍ଗ୍ ଦେହା କିତ୍‌ତାତ୍।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ରୋମିୟ 7:6

ମାତର୍ ନଙ୍ଗୟ୍ ହେ ନିୟମ୍ ମାଙ୍ଗେଙ୍ଗ୍ ବନ୍ଦିକିଜି ଇଡ଼୍‌ଦାୱାତାତ୍‌ନା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାସ୍‌ନା, ଦିନେକ୍ ହେ ନିୟମ୍ ମାଙ୍ଗେଙ୍ଗ୍ ଜଇଲ୍ ଇଞ୍ଜ ଇଡ଼୍‌ତିଲେକେ ଇଡ଼୍‌ଜି ମାନ୍‌ଞ୍ଚାତ୍‌। ନଙ୍ଗୟ୍ ଆସେଙ୍ଗ୍ ଈଶ୍ୱରତିଙ୍ଗ୍ ହେବା କିୟାଆନାତ୍, ଆଗେ ଦରମ୍ ସାସ୍ତର୍‌ତ ଲେକାଆତି ନିୟମ୍‌ତିଙ୍ଗ୍ ମାନି କିତିଲେକେ ମାନିକିୱାଦାଙ୍ଗ୍, ପୁନି ଜିବୁନ୍ ପାୟା ଆତିଲେକେ ତା ପବିତ୍ର ଆତ୍ମା ହୁଦାଙ୍ଗ୍ ଜିବୁନ୍ କାଟି କିନାସା।

ରୋମିୟ 7:8

ମାତର୍ ପାପ୍, ନିୟମ୍‌ନି ସାଇଜତାଙ୍ଗ୍ ନା ବିତ୍ରେ ୱିଜୁ ପର୍‌କାର୍ କରାପ୍ ଇଚା କିୟିକିତ୍‌ତାତ୍। ଯଦି ନିୟମ୍ ହିଲାତାତ୍‌ମା, ଲାଗିଙ୍ଗ୍ ପାପ୍‌ନି ସାକ୍ତି ହିଲାତାତ୍‌ମା।

ରୋମିୟ 8:7

ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

ଗାଲାତିୟ 2:19

ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ଗାଲାତିୟ 3:10

ମାତର୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଇମ୍‌ଣାକାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ଆହା କିନାନ୍, ଈଶ୍ୱର ହେୱାରିଙ୍ଗ୍ ଅବିଶାପ୍ ହିନାନ୍। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣାକାନ୍ ମୋଶା ଲେକିକିତି ସାସ୍ତର୍‌ନି ନିୟମ୍ ୱିଜୁତିଙ୍ଗ୍ ମାନ୍‌ଦିୟାନ୍ କିଜି ମାନିକିୱିତିସ୍, ଈଶ୍ୱର ହେୱାନିଙ୍ଗ୍ ଅବିଶାପ୍ ହିନାନ୍।”