ରୋମିୟ 7:4 - New Testament in Pengo Parja Language

⁴ ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ସତ୍‌ ବଚନ୍‌ ପୁନି ନିୟମ୍‌

⁴ ଲାଗିଂ ଏ ନା ଟଣ୍ଡାର୍‌ ଆରି ତଣ୍‌ଦେକ୍‌, କ୍ରିସ୍ଟତି ଗାଗାଡ଼୍‌ ହୁକେ ଏପେଙ୍ଗ୍‌ ପା ବିଦି କାଜିଂ ହାତାଦେର୍ଣ୍ଣା, ଇନେସ୍‌ ଏପେଙ୍ଗ୍‌ ବିନ୍‌ନିକାନ୍‌ ଲାହାଙ୍ଗ୍‌ ମେହାନାଦେର୍‌, ଇଚିସ୍‌ ଆପ୍‌ ଇସ୍ୱର୍‌ କାଜିଂ ପାଡ଼୍‌ ଉବ୍‌ଜାୟ୍‌ କିନି କାଜିଂ ଜେ ହାକିତାଂ ନିଙ୍ଗ୍‌ତାର୍‌ନା, ହେୱାନ୍‌ତି ଲାହାଙ୍ଗ୍‌ ମେହା ଆଡ ।

ରୋମିୟ 7:4 Iomraidhean Croise

ମାତିଉ 26:26

ହେୱାର୍ ତିନିହିଙ୍ଗ୍ ଯୀଶୁ ରୁଟି ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଆହାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

ମାର୍କ 4:20

ଆରେ, କେତେକ୍ ମାନାୟ୍ ହାର୍ ମେଦ୍‌ନିତ ଆର୍ଜିମାଚି ବିୟାନ୍ ଲେକେ, ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍। ଆରେ ହେୱାର୍ ର ପାଡ଼୍‌ ଆହ୍‌ନି ଲେକେ ଇନେର୍ ତିରିଶ୍ ଗୁଣ୍, ଇନେର୍ ଶାଟେ ଗୁଣ୍ ଆରେ ଶହେ ଗୁଣ୍ ପାତେକ୍ ପାଡ଼୍‌ ଆହ୍ନାତ୍।”

ଜହନ୍‌ 15:8

ଏପେଙ୍ଗ୍ ବେସି ପାଡ଼୍‌ ଉବ୍‌ଜାଇ କିୟାଟ୍, ଆରେ ନା ଚେଲାଇଞ୍ଜି ଚଚିୟା ଆଡ। ଇଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

ରୋମିୟ 6:11

ଲାଗିଙ୍ଗ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ହାଃତାଙ୍ଗ୍‌ନା ଇଞ୍ଜି ପୁନି ଦର୍‌କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍‌କାର୍।

ରୋମିୟ 6:14

ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ରୋମିୟ 6:2

ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ଆରେ କିଜି ମାନୁସ୍। ଇନେସ୍‌କି ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ମାନାୟ୍ ଲେକେ ଆତାସ୍‌ନା।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

ରୋମିୟ 7:3

ଯଦି ର କଗ୍‌ଲେ ତା ଡକ୍ରାହି ଜିବୁନ୍ ମାନୁ-ମାନୁ ଆରେ ରକାନ୍ ହୁଦାଙ୍ଗ୍ ବିବା ଆନାତ୍, ଲାଗିଙ୍ଗ୍ ହେଦେଲ୍ ଦାରି କାମାୟ୍ କିନାତ୍, ମାତର୍ ଯଦି ତା ଡକ୍ରାହି ହାଃନାନ୍ ଆରେ ହେୱାନ୍ ନିୟମ୍ ବାଙ୍ଗା ଆନାତ୍। ଆରେ ହେଦେଲ୍ ଆରେ ରକାନ୍ ଆଣ୍ଡ୍ରେନ୍ ହୁଦାଙ୍ଗ୍ ବିବା ଆତିସ୍‌ପା ଦାରି କାମାୟ୍ କିନାତା ଇଞ୍ଜି ଇନୁର୍।

ରୋମିୟ 7:6

ମାତର୍ ନଙ୍ଗୟ୍ ହେ ନିୟମ୍ ମାଙ୍ଗେଙ୍ଗ୍ ବନ୍ଦିକିଜି ଇଡ଼୍‌ଦାୱାତାତ୍‌ନା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାସ୍‌ନା, ଦିନେକ୍ ହେ ନିୟମ୍ ମାଙ୍ଗେଙ୍ଗ୍ ଜଇଲ୍ ଇଞ୍ଜ ଇଡ଼୍‌ତିଲେକେ ଇଡ଼୍‌ଜି ମାନ୍‌ଞ୍ଚାତ୍‌। ନଙ୍ଗୟ୍ ଆସେଙ୍ଗ୍ ଈଶ୍ୱରତିଙ୍ଗ୍ ହେବା କିୟାଆନାତ୍, ଆଗେ ଦରମ୍ ସାସ୍ତର୍‌ତ ଲେକାଆତି ନିୟମ୍‌ତିଙ୍ଗ୍ ମାନି କିତିଲେକେ ମାନିକିୱାଦାଙ୍ଗ୍, ପୁନି ଜିବୁନ୍ ପାୟା ଆତିଲେକେ ତା ପବିତ୍ର ଆତ୍ମା ହୁଦାଙ୍ଗ୍ ଜିବୁନ୍ କାଟି କିନାସା।

ରୋମିୟ 8:2

ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।

୧ କରନ୍ତିୟ 10:16

ଆପେଙ୍ଗ୍ ଏଚେପାଦ୍ନା ପ୍ରବୁବଜ୍ କିଦେଙ୍ଗ୍ ରବେ ରୁଣ୍ଡା ଆନାପ୍‌, ହେପାଦ୍ନା ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ହେ ଗିଲାସ୍‌ନି ଅଙ୍ଗୁର୍ ରାସ୍‌ତିଙ୍ଗ୍ ଉଣାପ୍‌। ହେ ଅଙ୍ଗୁର୍ ରାସ୍ ଯୀଶୁ ଖ୍ରୀଷ୍ଟତି ନେତେର୍ ଉଟିଲେକେ ଆନାତ୍‌, ଆରେ ଏଚେପାଦ୍ନା ଆପେଙ୍ଗ୍ ରୁଟି ଚିଞ୍ଜେଙ୍ଗ୍ ଡ୍ରିକ୍‌ତାପ୍, ହେ ରୁଟି ଯୀଶୁ ଖ୍ରୀଷ୍ଟତି ଗାଗାଡ଼୍‌ତିଙ୍ଗ୍ ଚିଚିଲେକେ ଆନାତ୍।

୨ କରନ୍ତିୟ 11:2

ଈଶ୍ୱର ଚିନ୍ତା କିତିଲେକେ ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଆନେଙ୍ଗ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍‌ନେ ହିଦ୍‌ଦେଙ୍ଗ୍ ପାର୍ମାଣ୍ କିତାଙ୍ଗ୍‌ନା ହେଦାଙ୍ଗ୍ ଇଲେକେ ଯେ, ର ଆବା ତା ବେଣ୍ଡିଆ ଗାଡ଼୍‌ଚେଙ୍ଗ୍ ବିବା ଆନିହିଙ୍ଗ୍ ତା ଡକ୍ରାହିଙ୍ଗ୍ ସର୍‌ପି କିନାନ୍।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”

ଗାଲାତିୟ 5:18

ମାତର୍ ଯଦି ଏପେଙ୍ଗ୍ ପବିତ୍ର ଆତ୍ମାନି ସାଇଜତାଙ୍ଗ୍ ଜିବୁନ୍ କାଟିକିନାଦେର୍, ଲାଗିଙ୍ଗ୍ ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ହିଲୁଦେର୍।

ଏପିସିୟ 2:15

ଇନେସ୍ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ଶାନ୍ତି ତାତେଙ୍ଗ୍ ଆଡ୍‌ନାର୍ ଆରେ ହେୱାନ୍‌ତାକେ ହେୱାରିଙ୍ଗ୍ ର ପୁନି ଜାତି କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ତା ହାଃତି କାଜିଙ୍ଗ୍, ଯିହୁଦିର୍ ୱିଜୁ ନିତି ନିୟମ୍‌ତିଙ୍ଗ୍ ବନ୍ଦ୍ କିତାନ୍‌ନା।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 4:17

ଆନେଙ୍ଗ୍ ମିବେତାଙ୍ଗ୍ ୱିଜୁଦିନ୍ ଡାବୁଙ୍ଗ୍ ପାୟା ଆଦେଙ୍ଗ୍ ଇଚା କିଉଙ୍ଗା। ମାତର୍ ଏପେଙ୍ଗ୍ ଏଚେକ୍ ହାର୍ଦି କାମାୟ୍ କିତାଦେର୍‌ନା ଇଦାଙ୍ଗ୍ ପା ରଞ୍ଜାଙ୍ଗ୍ ହାର୍ଦି କାମାୟ୍ ଇଞ୍ଜି ପୁନିକିଦେଙ୍ଗ୍ ଇଚା କିତାଙ୍ଗ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

କଲସିୟ 2:14

ମା ବିରଦ୍‌ତାକେ ଏଚେକ୍ ପାପ୍ କାତାତାକେ ଲେକାଆଜି ମାଚାତ୍ ହେଦାଙ୍ଗ୍ ଈଶ୍ୱର ଲିବାଇ କିତାନ୍। ଖ୍ରୀଷ୍ଟ କୃଶକାଟ୍‌ତାକେ ହାଃତି କାଜିଙ୍ଗ୍ ପୁରାପୁରି ହେଦାଙ୍ଗ୍ ପୁରାପୁରି କେଚ୍‍ଚାନ୍।

କଲସିୟ 2:20

ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାଦେର୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପୁର୍ତିନି ୱିଜୁ ଶୟତାନନି ଶାକ୍ତିତାଙ୍ଗ୍ ମୁକ୍ତି କିତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଇନେକିଦେଙ୍ଗ୍ ଇ ପୁର୍ତିନି ନିତି ନିୟମ୍‌ତିଙ୍ଗ୍ ମାନି କିନାଦେରା।

ଏବ୍ରି 10:10

ଇଦାଙ୍ଗ୍ କାଜିଙ୍ଗ୍, ରଗ ଯୀଶୁ ଖ୍ରୀଷ୍ଟତି ଗାଗାଡ଼୍‌ନି ବଲିପୁଜାତାଙ୍ଗ୍ ଆସେଙ୍ଗ୍ ୱିଜୁଦିନ୍ କାଜିଙ୍ଗ୍ ପବିତ୍ର ଆତାସ୍‌ନା।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

ହତ୍‌ତି 19:7

ୱାଡ ଆସେଙ୍ଗ୍ ୱାରିୟା ଆନାସ୍, “ୱାରି କିନାସ୍ ଆରେ ତାଙ୍ଗେଙ୍ଗ୍ ସନମାନ୍ କିନାସ୍, ଇନେସ୍‌କି ମେଣ୍ଢା ଇନେର୍‌କି ଯୀଶୁ ବିବାଆନି ଦିନ୍ ଇକାୱାତାତେ ଆରେ ତା ଡକୃହି ରେଡି ଆତାତ୍‌ନା।

ହତ୍‌ତି 21:9

ତାପାଚେ ସାତ୍‌ଗଟା ଗିନାତାକେ ଈଶ୍ୱର ଦଣ୍ଡ୍ ଆସ୍ତିମାଚି ସାତ୍‌ଗଟା ଦୁତ୍‌କୁତାଙ୍ଗ୍ ର ଦୁତ୍ ନା ଲାଗେ ୱାଜି ୱେଚ୍‌ଚାତାତ୍, “ନା ହୁଦାଙ୍ଗ୍ ୱା, ମେଣ୍ଢା ଇନେର୍‌କି ଯୀଶୁଙ୍ଗ୍ ବିବାଆନି ତା ଡକୃହିଙ୍ଗ୍ ଆନେଙ୍ଗ୍ ଚଚ୍‌ଚାନାଙ୍ଗ୍।”