ରୋମିୟ 7:18 - New Testament in Pengo Parja Language

¹⁸ ଆନେଙ୍ଗ୍ ପୁଚାଙ୍ଗ୍‌ନା ଯେ, ନା ବିତ୍ରେ ପାପ୍ କାମାୟ୍ କିନି ଚିନ୍ତା ମାନାତ୍, ଲାଗିଙ୍ଗ୍ ଆନେଙ୍ଗ୍ ହାର୍ କାମାୟ୍ ୱିଜୁ କିଦେଙ୍ଗ୍ ଇଚା କିତିସ୍ ପା କିଦେଙ୍ଗ୍ ଆଡୁଙ୍ଗା। ଇନେସ୍‌କି ଆନେଙ୍ଗ୍ ହାର୍ କାମାୟ୍ କିଦେଙ୍ଗ୍ ନାତାକେ ଶାକ୍ତି ହିଲେତ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଇନେକିଦେଂକି ନା ତାକେ ଇଚିସ୍‌, ନା ଗାଗାଡ଼୍‌ତ ଜେ ଇମ୍‌ଣି ହାର୍‌ଦି ବିସ୍ରେ ବାହା କିୱାତାତ୍‌ନା, ଇଦାଂ ଆନ୍‌ ପୁନାଙ୍ଗ୍‌, ଲାଗିଂ ଆନ୍‌ ଇଚା କିଦେଙ୍ଗ୍‌ ଆଡ୍‌ନାଙ୍ଗ୍‌, ମାତର୍‌ ଇନାକା ହାର୍‌ଦାକା, ହେଦାଂ କିନି କାଜିଂ ନା ସାକ୍ତି ହିଲୁତ୍‌ ।

ରୋମିୟ 7:18 Iomraidhean Croise

ମାତିଉ 15:19

ମାତର୍ ମାନାୟ୍ ଗରବ୍‌ତାଙ୍ଗ୍ ନେ କରାପ୍ ଚିନ୍ତା ହତ୍‌ନାତ୍, ଦାରି, ଚର୍, ମାନାୟ୍ ଅହ୍ନାକା, ମିଚ୍‌ୱା, ନିନ୍ଦା ଇୱିଜୁ କରାପ୍ ବେଣ୍ ହତ୍‌ନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଜହନ୍‌ 3:6

ରକାନ୍ ମାନାୟ୍ ଗାଗାଡ଼୍‌ତାଙ୍ଗ୍ ଜନମ୍, ହେଦାଙ୍ଗ୍ ଗାଗାଡ଼୍। ମାତର୍ ର ମାନାୟ୍ ଆତ୍ମାତାଙ୍ଗ୍ ଜନମ୍, ହେଦାଙ୍ଗ୍ ଆତ୍ମା।

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 7:15

ଆନେଙ୍ଗ୍ ଇନାକା କିନାଙ୍ଗା ହେଦାଙ୍ଗ୍ ଆନେଙ୍ଗ୍ ନିଜେ ପୁନୁଙ୍ଗା। ଇନେସ୍‌କି ଆନେଙ୍ଗ୍ ଇମ୍‌ଣି ଟିକ୍ କାମାୟ୍ କିଦେଙ୍ଗ୍ ହାତ୍‌ପା ଇଚା କିନାଙ୍ଗା ହେଦାଙ୍ଗ୍ କିଉଙ୍ଗା। ମାତର୍ ତା ବାଦୁଲ୍‌ତାଙ୍ଗ୍ ଇମ୍‌ଣାକାଦିଙ୍ଗ୍ ଆନେଙ୍ଗ୍ ଗିଣ୍ କିନାଙ୍ଗା ହେଦାଙ୍ଗ୍ ନେ ଆନେଙ୍ଗ୍ କିନାଙ୍ଗା।

ରୋମିୟ 7:19

ଏଚେକାଡ଼୍‌ଦ ଆନେଙ୍ଗ୍ ହାର୍ କାମାୟ୍ କିଦେଙ୍ଗ୍ ଇଚା କିନାଙ୍ଗା, ଆନେଙ୍ଗ୍ ହେଦାଙ୍ଗ୍ କିଦେଙ୍ଗ୍ ଆଡୁଙ୍ଗା। ଆରେ ଆନେଙ୍ଗ୍ କରାପ୍ କାମାୟ୍ କିୱେଦେଙ୍ଗ୍ ଉପାୟ୍ କିତିସ୍ ପା ହେଦାଙ୍ଗ୍ ନେ କିନାଙ୍ଗା।

ରୋମିୟ 7:25

ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ଉଦାର୍ କିଦ୍‌ନାନ୍। ଆନେଙ୍ଗ୍ ନା ମାନ୍ତ ତା ଦରମ୍ ସାସ୍ତର୍‌ନି ନିୟମ୍ ମାନି କିଦେଙ୍ଗ୍ ଇଚା କିନାଙ୍ଗା, ମାତର୍ ନା ଗରବ୍‌ତାକେ କରାପ୍ ଇଚା ମାନି କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ପାତେକ୍ ପାପ୍ କିନାଙ୍ଗା।

ରୋମିୟ 7:5

ଏଚେକାଡ଼୍‌ଦ ମା ପାପ୍ କାମାୟ୍ କିଦେଙ୍ଗ୍ ଇଚା ମାଙ୍ଗେଙ୍ଗ୍ କଣ୍ଟ୍ରୁଲ୍ କିଜି ମାଚାତ୍, ହେ ଇଚା ମା ବିତ୍ରେ କାମାୟ୍ କିଜି ମାଚାତ୍। ଆରେ ହେ ନିୟମ୍ କାଜିଙ୍ଗ୍ ହେଲେକେ କରାପ୍ ଚିନ୍ତା ପାପ୍ କାମାୟ୍ କିଜି ମାଚାତ୍, ଲାଗିଙ୍ଗ୍ ହେ ପାପ୍ କାମାୟ୍ କାଜିଙ୍ଗ୍ ଆପେଙ୍ଗ୍ ହାଃଜି ମାଚାପ୍।

ଗାଲାତିୟ 5:17

ଇନେସ୍‌କି ଗାଗାଡ଼୍‌ନି ଇଚା କରାପ୍ ବିଷୟ କିଦେଙ୍ଗ୍ ଇଚା କିନାତ୍, ଇନାକାକି ପବିତ୍ର ଆତ୍ମା ଇଚାନି ବିରଦ୍ ଲେକେ। ପବିତ୍ର ଆତ୍ମା ମାଙ୍ଗେଙ୍ଗ୍ ହାର୍ଦି ବିଷୟ କିନି ଇଚା ହିଦ୍‌ନାତ୍, ହେଦାଙ୍ଗ୍ ଗାଗାଡ଼୍‌ନି ଇଚାନି ବିରଦ୍ ଲେକେ। ଇନେସ୍‌କି ଇ ରିଣ୍ଡାଙ୍ଗ୍ ଶାକ୍ତି ବିତ୍ରେତାଙ୍ଗ୍ ୱିଜୁଦିନ୍ ଜଗ୍‌ଡ଼ା ଲାଗିସ୍ ମାଚିସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହାର୍ଦି ବିଷୟ ୱିଜୁଦିନ୍ କିଦେଙ୍ଗ୍ ଇଚା କିତିସ୍ ପା, ଆସେଙ୍ଗ୍ କିଦେଙ୍ଗ୍ ଆଡୁସ୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

ପିଲିପିୟ 3:12

ଆନେଙ୍ଗ୍ ଇ ଲେକେ ୱେଚୁଙ୍ଗା ଯେ ଇ ୱିଜୁ ପାୟାଆତାଙ୍ଗ୍‌ନା କି ଈଶ୍ୱର ଇଚା କିତିଲେକେ ଆନେଙ୍ଗ୍ ଟିକ୍ ଆୱାତାଙ୍ଗ୍‌ନା। ମାତର୍ ନାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ଇନାକାଦିଙ୍ଗ୍ ବାଚି କିତ୍‌ତାନ୍‌ନା ହେଦାଙ୍ଗ୍ ଜିତା ଆଦେଙ୍ଗ୍ ଆନେଙ୍ଗ୍ ହନ୍‌ନାଙ୍ଗା।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।