ରୋମିୟ 6:21 - New Testament in Pengo Parja Language

²¹ ଏଚେପାଦ୍ନା ଏପେଙ୍ଗ୍ ପାପ୍‌ନି ଚାକର୍ ଆଜି ମାଚାଦେର୍, ହେପାଦ୍ନା ଏପେଙ୍ଗ୍ କରାପ୍ କାମାୟ୍ କିଜି ମାଚାଦେର୍ ଆରେ ଏପେଙ୍ଗ୍ ନଙ୍ଗୟ୍ ହେଦାଙ୍ଗ୍ କାଜିଙ୍ଗ୍ ଲାଜା ଆନାଦେରା। ଲାଗିଙ୍ଗ୍ ଏପେଙ୍ଗ୍ ଇନାକା ଆର୍ଜା ଆତାଦେର୍‌ନା ହେଦାଙ୍ଗ୍‌ନେ ମି କାଜିଙ୍ଗ୍ ମାରାଣ୍ ତାନାତ୍‌।

ସତ୍‌ ବଚନ୍‌ ପୁନି ନିୟମ୍‌

²¹ ବାଟିଙ୍ଗ୍‌, ହେ ସମୁତ ମିଦାଂ କି ପାଡ଼୍‌ ମାଚାତ୍‌ ? ଜେ ୱିଜ଼ୁ ବିସ୍ରେ ଏପେଙ୍ଗ୍‌ ନଙ୍ଗ୍‌ ଲାଜ୍‌ କୁଇ କିନାଦେରା, ହେବେଣ୍ଡାଂ ଇନାକା ଲାବ୍‌ ଗାଟାତାୟ୍‌; ହେ ୱିଜ଼ୁନି ଇସାପ୍‌ତ ହାକି ।

ରୋମିୟ 6:21 Iomraidhean Croise

ରୋମିୟ 1:32

ଇମ୍‌ଣି ମାନାୟ୍ ହେଲେକେ ଯିବୁନ୍ କାଟିକିନାରା। ହେୱାର୍ ପୁଚାର୍‌ନା ଯେ, ଇଲେକେ କାମାୟ୍ କିତିସ୍ ଈଶ୍ୱର ମାଙ୍ଗେଙ୍ଗ୍ ହାଃନି ଦଣ୍ଡ୍ ହିଦ୍‌ନାନ୍, ଆରେ ହେୱାର୍ ପୁଚିସ୍ ପା ହେଲେକେ କାମାୟ୍ କିନାକାରିଙ୍ଗ୍ ଆଦିକ୍ କିଦେଙ୍ଗ୍ ୱାରିୟା ଆନାର୍ ଆରେ ଜେକନିକାରିଙ୍ଗ୍ କିନି କାଜିଙ୍ଗ୍ ଟିଉଲାୟ୍ କିନାର୍‌।

ରୋମିୟ 5:12

ଈଶ୍ୱର ପାର୍ତୁମ୍ ଆଦମତିଙ୍ଗ୍ ଉବ୍‌ଜାଇ କିତାନ୍, ହେ ମାନାୟ୍ କାଜିଙ୍ଗ୍ ପୁର୍ତିତାକେ ପାପ୍ ୱାତାତ୍, ଆରେ ହେ ଆଦମ ପାପ୍ କିତି କାଜିଙ୍ଗ୍ ପୁର୍ତିନି ୱିଜାର୍ ମାନାୟ୍‌ତିଙ୍ଗ୍ ମାରାଣ୍ ୱାତାତ୍। ହେୱାନ୍ ପାପ୍ କିତିଲେ ଆସେଙ୍ଗ୍ ପା ପାପ୍ କିତାସ୍, ଇନେସ୍‌କି ଆସେଙ୍ଗ୍ ୱିଜାକାସ୍ ତା କୁଟୁମ୍ ନିକାସ୍।

ରୋମିୟ 6:16

ଆସେଙ୍ଗ୍ ପୁଚାସ୍‌ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍‌ଣାକା କିୟାଟ୍ ଇଞ୍ଜ୍‌ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍‌ନି ତାରେନ୍ ମାଚିସ୍ ଇମ୍‌ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍‌ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍‌ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାତ୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ରୋମିୟ 7:5

ଏଚେକାଡ଼୍‌ଦ ମା ପାପ୍ କାମାୟ୍ କିଦେଙ୍ଗ୍ ଇଚା ମାଙ୍ଗେଙ୍ଗ୍ କଣ୍ଟ୍ରୁଲ୍ କିଜି ମାଚାତ୍, ହେ ଇଚା ମା ବିତ୍ରେ କାମାୟ୍ କିଜି ମାଚାତ୍। ଆରେ ହେ ନିୟମ୍ କାଜିଙ୍ଗ୍ ହେଲେକେ କରାପ୍ ଚିନ୍ତା ପାପ୍ କାମାୟ୍ କିଜି ମାଚାତ୍, ଲାଗିଙ୍ଗ୍ ହେ ପାପ୍ କାମାୟ୍ କାଜିଙ୍ଗ୍ ଆପେଙ୍ଗ୍ ହାଃଜି ମାଚାପ୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

ରୋମିୟ 8:6

ଯଦି ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ହାଃନାଦେର୍। ମାତର୍ ଯଦି ପବିତ୍ର ଆତ୍ମା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ଜିବୁନ୍ ଆରେ ଶାନ୍ତି ପାୟାଆନାଦେର୍।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ କରନ୍ତିୟ 7:11

ଈଶ୍ୱର ଇଚା ଅନୁସାରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆତି କାଜିଙ୍ଗ୍ ମି ବିତ୍ରେ ଇନାକା ବାଦ୍‌ଲା ଆତାତ୍‌ନା ହେଦାଙ୍ଗ୍ ଏପେଙ୍ଗ୍ ପୁନାଟ୍। ହାର୍ କାମାୟ୍ କିଦେଙ୍ଗ୍ ବେସି ସାସ୍ ପାୟା ଆତାଦେର୍‌ନା, ମି ବିରଦ୍‌ତାକେ ୱାତି କାତାତିଙ୍ଗ୍ ମିଚ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ନାଦେରା ଆରେ ଅନ୍ୟାୟ୍ ବିଷୟରେ ରିସା ଆଦେଙ୍ଗ୍, ଜାର୍‌ତିଙ୍ଗ୍ ବେସି ଜାଗ୍ରତ୍ କିଦେଙ୍ଗ୍ ହିକା ଆତାଦେର୍‌ନା। ଏପେଙ୍ଗ୍ ନାଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିନାଦେରା, ଆରେ ଏପେଙ୍ଗ୍ ନା ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ବେସି ଇଚା କିତାଦେର୍ ଆରେ ବୁଲ୍ କାମାୟ୍ କିନାକାରିଙ୍ଗ୍ ଦଣ୍ଡ୍ ହିଦେଙ୍ଗ୍ ରେଡି ଆତାଦେର୍‌ନା। ଏପେଙ୍ଗ୍ ପାର୍ମାଣ୍ କିତାଦେର୍‌ନା ଯେ ୱିଜୁ ଟିକ୍‌ଟାକ୍ ବିଷୟରେ ଅଲପ୍‌ପା ପିହ୍‌ୱାତାଦେର୍‌ନା।

ପିଲିପିୟ 3:19

ଈଶ୍ୱର ହେୱାରିଙ୍ଗ୍ ନଷ୍ଟ କିନାନ୍। ଇନେସ୍‌କି ହେୱାର୍ ତା ଗାଗାଡ଼୍‌ନି ଇଚାତାଙ୍ଗ୍ ଈଶ୍ୱର ଇଞ୍ଜି ମାନିକିନାର୍। ଆରେ ହେୱାର୍ ଅପ୍‌ମାନ୍ ବିଷୟତିଙ୍ଗ୍ ହାର୍ଦି ବିଷୟ ଇଞ୍ଜି ବାବିକିନାର୍। ଆରେ ହେୱାର୍ ପୁର୍ତିନି ବିଷୟ ନେ ବାବିକିନାର୍।

ଏବ୍ରି 10:29

ଲାଗିଙ୍ଗ୍ ବାବିକିଜି ହୁଡ଼ାଟ୍, ଇମ୍‌ଣି ମାନାୟାର୍ ଈଶ୍ୱର ମେହିଙ୍ଗ୍ ଗିଣ୍‌କିଜି କାଲ୍‌ପାନା ତାରେନ୍ ଇଡ଼୍‌ତାନ୍‌ନା, ହେୱାର୍ ଦଣ୍ଡ୍ କେତେକ୍ ଆଦିକ୍ ଆଉତ୍। ଇନେସ୍‌କି ଈଶ୍ୱର ହେୱାରିଙ୍ଗ୍ ପବିତ୍ର କିନି କାଜିଙ୍ଗ୍ ଖ୍ରୀଷ୍ଟତି ଇମ୍‌ଣି ନେତେର୍‌ତାଙ୍ଗ୍ ପୁନି ପାର୍ମାଣ୍‌ତିଙ୍ଗ୍ ଆରମ୍ କିଜି ମାଚାନ୍, ହେ ନେତେର୍‌ତିଙ୍ଗ୍ ହେୱାର୍ ପବିତ୍ର ଇଞ୍ଜି ମାନି କିଉରା। ଆରେ ଇମ୍‌ଣି ପବିତ୍ର ଆତ୍ମାତାଙ୍ଗ୍ ହେୱାନ୍ ଦୟା ପାୟାଆତାର୍‌ନା ହେୱାନିଙ୍ଗ୍ ହେୱାର୍ ଅପ୍‌ମାନ୍ କିତାର୍‌ନା।

ଏବ୍ରି 6:8

ମାତର୍ ଜେକନି ମାନାୟାର୍ ୱାଡ଼ି ମାର୍ ଆରେ କାଚ୍ରା ମାର୍ ଲେକେ, ହେଦାଙ୍ଗ୍ ଇନା କାମାୟ୍‌ତାକେ ଯଗ୍ଯ ଆକାୟ୍। ହେଦାଙ୍ଗ୍ ଈଶ୍ୱରତାଙ୍ଗ୍ ଅବିଶାପ୍ ପାୟାଆନାତ୍ ଆରେ ନାଣିତାକେ ନଷ୍ଟ ଆନାତ୍।

ଜାକ୍‌ବ 1:15

ଇନେସ୍‌କି ହେୱାନ୍ କରାପ୍ କାମାୟ୍ କିଦେଙ୍ଗ୍ ଚିନ୍ତା କିତି ପାଚେ, ହେୱାନ୍ ପାପ୍ କାମାୟ୍ କିନାନ୍। ଆରେ ଏଚେପାଦ୍ନା ପାପ୍ କାମାୟ୍ କିନାକା ଅବ୍ୟାସ୍ ଆତି ପାଚେ ହେୱାନ୍ ୱିଜୁଦିନ୍ ନି ହାଃନି ଦଣ୍ଡ୍ ପାୟା ଆନାନ୍।

ଜାକ୍‌ବ 5:20

ଲାଗିଙ୍ଗ୍ ଏପେଙ୍ଗ୍ ପୁନାଟ୍ ଯେ, ହେ ମାନାୟ୍ ପାପି ମାନାୟ୍‌ତିଙ୍ଗ୍ ବାଣାଆତି ହାଜ୍‌ଦାଙ୍ଗ୍ ଲେଉଟାଇ କିଜି ତାସିୱାନାନା। ହେୱାନ୍ ହେୱାନିଙ୍ଗ୍ ହାଃନିତାଙ୍ଗ୍ ଜିବୁନ୍‌ତିଙ୍ଗ୍ ଉଦାର୍ କିନାନ୍ ଆରେ ବେସି ପାପ୍ କିୟିକିଦେଙ୍ଗ୍ ହିଉନ୍।

୧ ପିତର 4:17

ଇନେସ୍‌କି ଖ୍ରୀଷ୍ଟ ବିଚାର୍‌କିନି ଦିନ୍ ଲାଗେ ୱାତାତେ, ଆରେ ହେୱାନ୍ ଖ୍ରୀଷ୍ଟାନାରିଙ୍ଗ୍ ଆଗେ ବିଚାର୍ କିନାନ୍। ଲାଗିଙ୍ଗ୍ ଏପେଙ୍ଗ୍ ବାବି କିୟାଟ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାକାରିଙ୍ଗ୍ କେତେକ୍ ଦଣ୍ଡ୍ ହିଉନ୍।

୧ ଯୋହନ 2:28

ଏ କାଡ଼୍‌ଦେର୍, ଖ୍ରୀଷ୍ଟତାକେ ମାହାଆଜି ମାନାଟ୍। ଲାଗିଙ୍ଗ୍ ଏଚେପାଦ୍ନା ହେୱାନ୍ ପୁର୍ତିତାକେ ଆରେରଗ ୱାନାନ୍, ହେପାଦ୍ନା ଆସେଙ୍ଗ୍ ତା ଆଗେ ଲାଜା ଆୱାଦାଙ୍ଗ୍ ଶାସ୍ ହୁଦାଙ୍ଗ୍ ମାହା ଆନାସ୍।

ହତ୍‌ତି 16:6

ଇନେସ୍‌କି ନି ପବିତ୍ର ମାନାୟାରିଙ୍ଗ୍ ଆରେ ନି ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତି ମାଚାର୍, ଆରେ ହେୱାର୍ ନେତେର୍ ପୁର୍ତିତାକେ ୱାକ୍‌ୟା ଆଜିମାଚାତ୍। ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନଙ୍ଗୟ୍ ହେୱାର୍ ଉଣି ଏଜୁକାଙ୍ଗ୍ ନେତେର୍ କିନାୟ୍ ଆରେ ହେଦାଙ୍ଗ୍ ନେ ହେୱାର୍‌ତି ପୁରଷ୍କାର୍।”

ହତ୍‌ତି 20:14

ତାପାଚେ ଇମ୍‌ଣି ମାନାୟାର୍ ତର୍‌ ହେ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାଦାଙ୍ଗ୍ ମାଚିସ୍ ଈଶ୍ୱର ହେୱାରିଙ୍ଗ୍ ପାତାଳ୍‌ନି ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାନ୍‌। ଇନେସ୍‌କି ଇମ୍‌ଣି ମାନାୟାର୍ ତର୍‌ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାତାତ୍‌ନା, ହେୱାରିଙ୍ଗ୍ ନାଣି ଆହ୍‌ନି କୁଣ୍ଡ୍‌ତାକେ ତୁସିହିତାନ୍‌ନା। ଇ ନାଣି ଆହ୍‌ନି କୁଣ୍ଡ୍‌ତାକେ ଦଣ୍ଡ୍ ପାୟାଆନାକା ନେ ଦୁଇ ନମ୍ବର୍ ମାରାଣ୍।