ରୋମିୟ 6:13 - New Testament in Pengo Parja Language

¹³ ଆରେ ମି ଗାଗାଡ଼୍‌ନି ଜିନିସ୍‌ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍‌ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍‌ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹³ ଏପେଙ୍ଗ୍‌ ଜାର୍‌ତିଂ ଇମ୍‌ଣାକା ପା ପାପ୍‌ ଲାଗାଂ ହେଲାୟ୍‌ ଆଜ଼ି ଅଦାର୍ମିନି ଆତିୟାର୍‌ ଲାକେ ବେବାର୍‌ ଆମାଟ୍‌ । ନଲେ ହାକିତାଂ ରାକ୍ୟା ପାୟାଜ଼ି ଜିବୁନ୍‌ ଗାଟା ଆଜ଼ି ମାଚିଲେ ଏପେଙ୍ଗ୍‌ ସତ୍‌କାମାୟ୍‌ ପୁରାୟ୍‌ କିଦେଙ୍ଗ୍‌ ଜାର୍‌ ଜାର୍‌ତିଂ ପୁରା ଇସ୍ୱର୍‌ତାକେ ହେଲାୟ୍‌ କିୟାଟ୍‌ ।

ରୋମିୟ 6:13 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:24

ନା ହିମ୍‌ଣା ହାଃଜି ମାଚାନ୍, ନଙ୍ଗୟ୍ ହେୱାନ୍ ଜିତାନ୍‌ନା। ହେୱାନ୍ ଜାଙ୍ଗ୍‌ଜି ମାଚାନ୍। ନଙ୍ଗୟ୍ ଗାଟାଆତ୍‌ତାନ୍‌ନା।’ ଲାଗିଙ୍ଗ୍ ହେୱାର୍ ବଜି କିଦେଙ୍ଗ୍ ଇଚାକିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:32

ମାତର୍ ନି ହିରୁ ଟଣ୍ଡାଦି ହାଃଜି ମାଚାନ୍। ନଙ୍ଗୟ୍ ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ହେୱାନ୍ ଜାଙ୍ଗ୍‌ଜି ମାଚାନ୍, ନଙ୍ଗୟ୍ ହେୱାନ୍ ଗାଟାଆତ୍‌ତାନ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱାରିତାଙ୍ଗ୍ ଭଜିକିନି ଦର୍‌କାର୍।’ ”

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ରୋମିୟ 1:29

ହେୱାର୍ ୱିଜୁ ପର୍‌କାର୍ ପାପ୍, ଅଦରମ୍‌ କାମାୟ୍, ଲବ୍ରା ଆନାକା, ଆକାର୍ ଆନାକା, ରିସା ଆନାକା, ମାନାୟ୍ ଅହ୍‌ନାକା, ଗଣ୍ଡ୍‍ଗଲ୍ କିନାକା, ମିଚ୍ ୱେଚ୍‌ନାକା, ଟକାୟ୍ କିନାକା ଆରେ ଜାର୍-ଜାର୍‌ବିତ୍ରେ ବେସି କରାପ୍ ଚିନ୍ତା କିଜି ଯିବୁନ୍ କାଟିକିନାରା।

ରୋମିୟ 12:1

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍-ଜାର୍ ଜିବୁନ୍‌ନି ଗାଗାଡ଼୍‌ତିଙ୍ଗ୍, ପବିତ୍ର ଆରେ ଈଶ୍ୱରତିଙ୍ଗ୍ ଆହ୍‌ନିଲେକେ ବଲିପୁଜା ଲେକେ କିୟାଟ୍, ହେଦାଙ୍ଗ୍‌ନେ ଈଶ୍ୱରତିଙ୍ଗ୍ ହେବାକିନି ସତ୍ ଉପାୟ୍।

ରୋମିୟ 6:11

ଲାଗିଙ୍ଗ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ହାଃତାଙ୍ଗ୍‌ନା ଇଞ୍ଜି ପୁନି ଦର୍‌କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍‌କାର୍।

ରୋମିୟ 6:16

ଆସେଙ୍ଗ୍ ପୁଚାସ୍‌ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍‌ଣାକା କିୟାଟ୍ ଇଞ୍ଜ୍‌ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍‌ନି ତାରେନ୍ ମାଚିସ୍ ଇମ୍‌ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍‌ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍‌ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାତ୍।

ରୋମିୟ 6:19

ଆନେଙ୍ଗ୍ ମିଙ୍ଗେଙ୍ଗ୍ ବୁଜାୟ୍ କିଦ୍‌ନି କାଜିଙ୍ଗ୍ ଚାକର୍ ଆରେ ମାଲିକ୍ କାତା ୱେଚ୍‌ଚାନାଙ୍ଗା, ଆଗେ ଏପେଙ୍ଗ୍ ଅଦରମ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଦରମ୍‌ନି ଚାକର୍ ଆନି ଦର୍‌କାର୍, ଲାଗିଙ୍ଗ୍ ଏପେଙ୍ଗ୍ ପବିତ୍ର ମାନାୟ୍ ଆଦେଙ୍ଗ୍ ଆଡ୍‌ନାଦେର୍।

ରୋମିୟ 7:23

ମାତର୍ ଆନେଙ୍ଗ୍ ନା ଗାଗାଡ଼୍‌ନି ଜିନିଷ୍‌ତାକେ ର ଅଲଗା ନିୟମ୍‌ତିଙ୍ଗ୍ ହୁଡ଼୍‌ନାଙ୍ଗା। ହେଦାଙ୍ଗ୍ ନା ମାନ୍ତି ନିୟମ୍ ବିରଦ୍‌ତାକେ ଯୁଜ୍ କିନାତା ଆରେ ନା ଗାଗାଡ଼୍‌ନି ଜିନିଷ୍ ପାପ୍‌ନି ତାରେନ୍ ମାନାତ୍ ଆରେ ନାଙ୍ଗେଙ୍ଗ୍ ପାପ୍‌ନି ଚାକର୍ କିଜି ହେବେ ବନ୍ଦି କିତ୍‌ତାତ୍‌ନା।

ରୋମିୟ 7:5

ଏଚେକାଡ଼୍‌ଦ ମା ପାପ୍ କାମାୟ୍ କିଦେଙ୍ଗ୍ ଇଚା ମାଙ୍ଗେଙ୍ଗ୍ କଣ୍ଟ୍ରୁଲ୍ କିଜି ମାଚାତ୍, ହେ ଇଚା ମା ବିତ୍ରେ କାମାୟ୍ କିଜି ମାଚାତ୍। ଆରେ ହେ ନିୟମ୍ କାଜିଙ୍ଗ୍ ହେଲେକେ କରାପ୍ ଚିନ୍ତା ପାପ୍ କାମାୟ୍ କିଜି ମାଚାତ୍, ଲାଗିଙ୍ଗ୍ ହେ ପାପ୍ କାମାୟ୍ କାଜିଙ୍ଗ୍ ଆପେଙ୍ଗ୍ ହାଃଜି ମାଚାପ୍।

୧ କରନ୍ତିୟ 6:15

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ଖ୍ରୀଷ୍ଟ ଗାଗାଡ଼୍‌ତାକେ ମାହାଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦାରି କାମାୟ୍ କିନି କାଜିଙ୍ଗ୍ ମି ଗାଗାଡ଼୍‌ତିଙ୍ଗ୍ ବ୍ୟବହାର୍ କିନାକା ଟିକ୍ ଆକାୟ୍, ଇମ୍‌ଣାକା କି ଖ୍ରୀଷ୍ଟତି ଗାଗାଡ଼୍।

୧ କରନ୍ତିୟ 6:20

ହେୱାନ୍ ମିଙ୍ଗେଙ୍ଗ୍ ବେସି ଦାମ୍ ହିଜି କଡ଼୍‌ଦାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ମି ଗାଗାଡ଼୍‌ତାଙ୍ଗ୍ ଈଶ୍ୱରତିଙ୍ଗ୍ ଗୌରବ ହିନି ଦର୍‌କାର୍।

୧ କରନ୍ତିୟ 6:9

ଏପେଙ୍ଗ୍ ତ ପୁଚାଦେର୍‌ନା ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍। ଏପେଙ୍ଗ୍ ଜାର୍‌ତିଙ୍ଗ୍ ଟକାୟ୍ କିୟାଆମାଟ୍। ଇନେସ୍‌କି ଇମ୍‌ଣି ମାନାୟାର୍ ହୁଞ୍ଜା ମାଗା ଆନି ପାପ୍, ମୁର୍ତି ପୁଜା, ଦାରି କାମାୟ୍, ଆଣ୍ଡ୍ରାଙ୍ଗ୍ ଦାରି କାମାୟ୍,

୨ କରନ୍ତିୟ 10:4

ଇନେସ୍‌କି ଇ ପୁର୍ତିନି ମାନାୟାର୍ ଯୁଜ୍ କିନିହିଙ୍ଗ୍ ଇମ୍‌ଣି ଅସ୍ତର୍ ଶସ୍ତର୍ ବ୍ୟବହାର୍ କିନାର୍ ତାବେତାଙ୍ଗ୍ ମା ଅସ୍ତର୍ ଶସ୍ତର୍ ଅଲ୍‌ଗା। ଆସେଙ୍ଗ୍ ଈଶ୍ୱରତି ଶାକ୍ତିମାନି ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଶୟତାନନି ୱିଜୁ ଶାକ୍ତିତିଙ୍ଗ୍ ନଷ୍ଟ କିନାସ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

୨ କରନ୍ତିୟ 5:15

ଖ୍ରୀଷ୍ଟ ୱିଜାର୍ ମାନାୟାର୍ କାଜିଙ୍ଗ୍ ହାଃତାନ୍, ଲାଗିଙ୍ଗ୍ କେତେକ୍ ମାନାୟାର୍ ହେୱାନ୍ ହିତି ପୁନି ଜିବୁନ୍‌ତିଙ୍ଗ୍ ପାୟାଆତାର୍‌ନା, ଜାର୍‌ତିଙ୍ଗ୍ ୱାରି କିଦେଙ୍ଗ୍ ଉପାୟ୍ କିମେର୍। ମାତର୍ ଇନେର୍ ହାଃଜି ଆରେରଗ ହେୱାର୍ କାଜିଙ୍ଗ୍ ଜିବୁନ୍ ଆତାନ୍‌ନା ତାଙ୍ଗେଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାର୍।

୨ କରନ୍ତିୟ 8:5

ଆପେଙ୍ଗ୍ ହେୱାର୍‌ତାକେ ଆହା କିଜି ମାଚାପ୍, ମାତର୍ ହେୱାର୍ ମା ଆହାତାଙ୍ଗ୍ ଆଦିକ୍ ଡାବୁଙ୍ଗ୍ ହିଜି ସାଇଜ କିଜି ମାନ୍‌ଞ୍ଚାର୍। ଇନେସ୍‌କି ହେୱାର୍ ପାର୍ତୁମ୍ ମା ମାପୃ ଯୀଶୁଙ୍ଗ୍ ୱାରିକିନି କାଜିଙ୍ଗ୍ ତାପାଚେ ମାଙ୍ଗେଙ୍ଗ୍ ୱାରି କିଦ୍‌ନି କାଜିଙ୍ଗ୍ କିଜି ମାଚାର୍। ଇନେସ୍ ଈଶ୍ୱର ହେୱାର୍ କିଏର୍ ଇଞ୍ଜି ଇଚା କିଜି ମାଚାନ୍।

ଏପିସିୟ 2:5

ଆସେଙ୍ଗ୍ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆତିସ୍‌ପା। ଈଶ୍ୱର ଖ୍ରୀଷ୍ଟତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍‌ତି କାଜିଙ୍ଗ୍ ମାଙ୍ଗେଙ୍ଗ୍ ହେୱାନ୍ ଜିବୁନ୍ ହିତ୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଦୟାତାଙ୍ଗ୍ ଏପେଙ୍ଗ୍ ରକ୍ଷା ପାୟା ଆତାଦେର୍‌ନା।

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

ପିଲିପିୟ 1:20

ଆନେଙ୍ଗ୍ ଇମ୍‌ଣି ବିଷୟରେ ପା ଲାଜା ଆଉଙ୍ଗ୍ ଇଞ୍ଜି ଆନେଙ୍ଗ୍ ବେସି ଇଚା ଆରେ ଆହା କିନାଙ୍ଗା। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଇନେସ୍ ଶୁଣାୟ୍ କିନାଙ୍ଗା, ହେଲେକେ ନେ ସାହାସ୍ ହୁଦାଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ନାଙ୍ଗ୍। ଆନେଙ୍ଗ୍ ଜିତିସ୍ କି ହାଃତିସ୍ ପା ନା ଗାଗାଡ଼୍‌ତାଙ୍ଗ୍ ଖ୍ରୀଷ୍ଟଙ୍ଗ୍ ସନ୍‌ମାନ୍ କିୟିକିନାଙ୍ଗ୍।

କଲସିୟ 2:13

ମି ପାପ୍ କାଜିଙ୍ଗ୍ ଏପେଙ୍ଗ୍ ହାଃତି ଲେକେ ଆଜି ମାଚାଦେର୍, ଆରେ ମି ପାପ୍‌ନି ଗୁଣ୍ ସୁନତ ଆତି ଲେକେ କାଟିଆୱାଦାଙ୍ଗ୍ ମାଚାତ୍। ମାତର୍ ଈଶ୍ୱର ମା ପାପ୍‌ତିଙ୍ଗ୍ ୱିଜୁ କେମାକିଜି ଖ୍ରୀଷ୍ଟ ହୁଦାଙ୍ଗ୍ ମାଙ୍ଗେଙ୍ଗ୍ ଜିବୁନ୍ କିତ୍‌ତାନ୍‌ନା।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।

୨ ଥେସଲନୀକିୟ 2:12

ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍, ଇମ୍‌ଣି ମାନାୟ୍ ସତ୍‌ତିଙ୍ଗ୍ ପାର୍ତି କିଉନ୍ ଆରେ ପାପ୍ କିଦେଙ୍ଗ୍ ୱାରିୟା ଆନାର୍।

୨ ତିମଥି 2:15

ବେସି କଷ୍ଟ କାମାୟ୍ କିନି ମାନାୟ୍ ଇନେସ୍ ତା ଜାର୍ କାମାୟ୍ ବିଷୟରେ ଲାଜ୍‌ ପାୟା ଆତିଲେକେ କାମାୟ୍ କିଉନ୍, ଆରେ ଈଶ୍ୱର ସତ୍ କାତା ଇନେସ୍ ରକାନ୍ ମାନାୟ୍ ଟିକ୍ ବାବ୍‌ରେ ହିକ୍ଷା ହିନାନ୍। ହେଲେକେ ଏପେଙ୍ଗ୍ ପା ଈଶ୍ୱର ଆସ୍ତିତି ଲେକେ କାମାୟ୍ କିୟାଟ୍।

ଜାକ୍‌ବ 4:1

ପାର୍ତି କିନାକାର୍ ବିତ୍ରେତାଙ୍ଗ୍ ମାଡ୍‌ଗଲ୍ ଆରେ ଜୁକ୍ତି ଇନାକିଦେଙ୍ଗ୍ ଆନାତା? ଇନେସ୍‌କି ମି ମାନ୍ ବିତ୍ରେ ଜାର୍ କାଜିଙ୍ଗ୍ ଚିନ୍ତା କିଜି କରାପ୍ କାମାୟ୍ କାଜିଙ୍ଗ୍ ନେ ଇଦାଙ୍ଗ୍ ଗଟାଆନାତ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।

୧ ଯୋହନ 1:9

ମାତର୍ ଯଦି ଆସେଙ୍ଗ୍ ଜାର୍-ଜାର୍ ପାପ୍‌ତିଙ୍ଗ୍ ଈଶ୍ୱରତିଙ୍ଗ୍ ୱେଚ୍‌ନାସ୍। ଲାଗିଙ୍ଗ୍ ହେୱାନ୍ ମା ପାପ୍ କେମା କିଦ୍‌ନାନ୍ ଆରେ ୱିଜୁ ଅଦରମ୍‌ ନୁସ୍ତାନ୍‌ନା। ଇନେସ୍‌କି ହେୱାନ୍ ସତ୍ ନ୍ୟାୟ୍ ବିଚାର୍ କିନାକାନ୍।