ରୋମିୟ 6:12 - New Testament in Pengo Parja Language

¹² ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ କିନି ଇଚା, ମା ଗାଗାଡ଼୍‌ତିଙ୍ଗ୍ ସାସନ୍ କିଦ୍‌ମେତ୍, ଆରେ ଏପେଙ୍ଗ୍ ପା, ପାପ୍ କାମାୟ୍ କିନି ଇଚା ଅନୁସାରେ କିମାଟ୍।

ସତ୍‌ ବଚନ୍‌ ପୁନି ନିୟମ୍‌

¹² ଇଦାଂ କାଜିଂ ପାପ୍‌ ମି ହାକି ଗାଗାଡ଼୍‌ତ ରାଜ୍‌ କିମେତ୍‌, ହେଦାଂ କିତିସ୍‌, ଏପେଙ୍ଗ୍‌ ହେବେନି ବାନ୍ୟା ଲାଲ୍‌ସାତ ମୁଞ୍ଜି ହାଲ୍‌ମାଟ୍‌;

ରୋମିୟ 6:12 Iomraidhean Croise

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ରୋମିୟ 6:14

ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ରୋମିୟ 6:16

ଆସେଙ୍ଗ୍ ପୁଚାସ୍‌ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍‌ଣାକା କିୟାଟ୍ ଇଞ୍ଜ୍‌ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍‌ନି ତାରେନ୍ ମାଚିସ୍ ଇମ୍‌ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍‌ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍‌ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାତ୍।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

୨ କରନ୍ତିୟ 4:11

ଆପେଙ୍ଗ୍ ଯୀଶୁଙ୍ଗ୍ ହେବା କିନାପା, ଆରେ ତା ଜିବୁନ୍ ମା ହାଃନି ଗାଗାଡ଼୍‌ତାକେ ଚଚ୍‌ନି କାଜିଙ୍ଗ୍ ଆପେଙ୍ଗ୍ ୱିଜୁଦିନ୍ ହାଃନି ବିପତ୍‌ତାକେ ହାନାପା।

୨ କରନ୍ତିୟ 5:4

ମା ହାଃନି ଗାଗାଡ଼୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାତା। ମାତର୍ ଆସେଙ୍ଗ୍ ପୁର୍ତିତାକେ ମାନି ଗାଗାଡ଼୍‌ତିଙ୍ଗ୍ ପିସ୍ତେଙ୍ଗ୍ ଇଚା କିଉସା, ଆସେଙ୍ଗ୍ ଇଚା କିନାସା ଯେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ଗାଗାଡ଼୍ ହିଦେନ୍। ଲାଗିଙ୍ଗ୍ ମା ପୁନି ଗାଗାଡ଼୍, ମା ହାଃନି ଗାଗାଡ଼୍‌ତିଙ୍ଗ୍ ୱିଜୁଦିନ୍ କାଜିଙ୍ଗ୍ ବାଦ୍‌ଲାୟ୍ କିନାତ୍।

ଗାଲାତିୟ 5:16

ଲାଗିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ପବିତ୍ର ଆତ୍ମା ସାଇଜତାଙ୍ଗ୍ ବ୍ଯବହାର୍ କିୟାଟ୍। ଲାଗିଙ୍ଗ୍ ଏପେଙ୍ଗ୍ ଗାଗାଡ଼୍‌ନି ଇଚାତାଙ୍ଗ୍ ପୁରା କିନିଲେକେ କାମାୟ୍ କିମାଟ୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଏପିସିୟ 2:3

ଆସେଙ୍ଗ୍ ପା ହେୱାର୍ ଲେକେ ଆଗେ ଜିବୁନ୍ କାଟିକିଜି ମାଚାପ୍। ଆପେଙ୍ଗ୍ ପାପ୍ ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ମାନ୍‌ନି ୱିଜୁ ଇଚାତାଙ୍ଗ୍ ପୁରା କିଜି ମାଚାପ୍। ଆରେ ହେ ଆଦେସ୍ ମାନିକିୱି ହିମ୍‌ଣାର୍ ହୁଦାଙ୍ଗ୍ ଆପେଙ୍ଗ୍ ୱିଜାକାପ୍ ପା ରଞ୍ଜେମାଡ୍ ମା ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ଗାଗାଡ଼୍‌ନି ଆରେ ମାନ୍‌ନି ଇଚା ପୁରା କିଜି ମାଚାପ୍। ଲାଗିଙ୍ଗ୍ ଜେକନିକାର୍ ଲେକେ ଆପେଙ୍ଗ୍ ପା ଈଶ୍ୱର ଦଣ୍ଡ୍ ପାୟାଆନି ଯଗ୍ଯ ଆଜି ମାଚାପ୍।

ଏପିସିୟ 4:22

ଏପେଙ୍ଗ୍ ପାୟା ଆତାଦେର୍‌ନା ଯେ ଆଗେ ଇନେସ୍ ଏପେଙ୍ଗ୍ ଜିବୁନ୍ କାଟିକିଜି ମାଚାଦେର୍ ହେଦାଙ୍ଗ୍ ୱିଜୁ ବନ୍ଦ୍ କିଦେଙ୍ଗ୍ ଆରେ ମି ପାପ୍ କାମାୟ୍‌ନି ବ୍ଯବାହାର୍‌ତିଙ୍ଗ୍ ପିସ୍ତେଙ୍ଗ୍। ଇନେସ୍‌କି ମି କରାପ୍ ଇଚା ମିଙ୍ଗେଙ୍ଗ୍ ଟକାଇ କିତ୍‌ତାତ୍‌ନା ଆରେ ମି ଜିବୁନ୍‌ତିଙ୍ଗ୍ ନଷ୍ଟ କିତାତ୍‌ନା।

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୧ ପିତର 1:14

ହାର୍ଦି ହିମ୍‌ଣାଙ୍ଗ୍ ଜାର୍ ଆବା କାତା ମାନି କିତିଲେକେ ଏପେଙ୍ଗ୍ ଈଶ୍ୱର କାତାତିଙ୍ଗ୍ ମାନି କିୟାଟ୍, ଇନେସ୍‌କି ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍। ଏପେଙ୍ଗ୍ ଈଶ୍ୱର ସତ୍‌ତିଙ୍ଗ୍ ପୁନ୍‌ୱି ଆଗେ ଇମ୍‌ଣି କରାପ୍ କାମାୟ୍ କିଦେଙ୍ଗ୍ ଇଚା କିଜି ମାଚାଦେର୍ ହେଦାଙ୍ଗ୍ ଆରେରଗ କିମାଟ୍।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।

ଜିହୁଦା 1:16

ଇ ଅସାଦୁ ମାନାୟାରିଙ୍ଗ୍ ଗିଟାଆନି ବିଷୟ କାଜିଙ୍ଗ୍ ଈଶ୍ୱରତିଙ୍ଗ୍ ବିରଦ୍ କିଜି ବେଣ୍ ଇନାର୍, ଆରେ ହେୱାର୍ ମାନ୍ ଇଚାରେ କରାପ୍ କାମାୟ୍ କିନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବେଣ୍ ୱେଚ୍‌ନାର୍, ଆରେ ଜେକନିକାର୍‌ତାଙ୍ଗ୍ ହେୱାର୍ ଇଚ୍‍କେ ଇନାକା ପାୟାଆନି କାଜିଙ୍ଗ୍ ହାର୍ଦି ବେଣ୍ ୱେଚ୍‌ନାର୍।

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।