ରୋମିୟ 6:11 - New Testament in Pengo Parja Language

¹¹ ଲାଗିଙ୍ଗ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ହାଃତାଙ୍ଗ୍‌ନା ଇଞ୍ଜି ପୁନି ଦର୍‌କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ହେ ବାନି ଏପେଙ୍ଗ୍‌ ପା ଜାର୍‌ ଜାର୍‌ତିଂ ପାପ୍‌ କାଜିଂ ହାକି, ଏପେଙ୍ଗ୍‌ ନଂ କ୍ରିସ୍ଟ ଜିସୁତି ହୁଦାଂ ଜିବୁନ୍ତ ଇସ୍ୱର୍‌ତି ଲାହାଂ ମେହା ଆତାଦେର୍ଣ୍ଣା ।

ରୋମିୟ 6:11 Iomraidhean Croise

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ରୋମିୟ 16:27

ଯୀଶୁ ଖ୍ରୀଷ୍ଟ କାଜିଙ୍ଗ୍ ରକାନ୍ ବୁଦି ମାନି ଈଶ୍ୱରତି ଗୌରବ ଆୟେତ୍। ଆମେନ୍।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ରୋମିୟ 6:10

ଖ୍ରୀଷ୍ଟ ରଗ ନେ ପାପ୍‌ନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ହାଃତାନ୍। ଆରେ ହେୱାନ୍ ନଙ୍ଗୟ୍ ଈଶ୍ୱରତିଙ୍ଗ୍‌ ଗୌରବ କିନି କାଜିଙ୍ଗ୍ ଜିଜି ମାନାନ୍।

ରୋମିୟ 6:13

ଆରେ ମି ଗାଗାଡ଼୍‌ନି ଜିନିସ୍‌ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍‌ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍‌ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍।

ରୋମିୟ 6:2

ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ଆରେ କିଜି ମାନୁସ୍। ଇନେସ୍‌କି ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ମାନାୟ୍ ଲେକେ ଆତାସ୍‌ନା।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ରୋମିୟ 7:6

ମାତର୍ ନଙ୍ଗୟ୍ ହେ ନିୟମ୍ ମାଙ୍ଗେଙ୍ଗ୍ ବନ୍ଦିକିଜି ଇଡ଼୍‌ଦାୱାତାତ୍‌ନା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାସ୍‌ନା, ଦିନେକ୍ ହେ ନିୟମ୍ ମାଙ୍ଗେଙ୍ଗ୍ ଜଇଲ୍ ଇଞ୍ଜ ଇଡ଼୍‌ତିଲେକେ ଇଡ଼୍‌ଜି ମାନ୍‌ଞ୍ଚାତ୍‌। ନଙ୍ଗୟ୍ ଆସେଙ୍ଗ୍ ଈଶ୍ୱରତିଙ୍ଗ୍ ହେବା କିୟାଆନାତ୍, ଆଗେ ଦରମ୍ ସାସ୍ତର୍‌ତ ଲେକାଆତି ନିୟମ୍‌ତିଙ୍ଗ୍ ମାନି କିତିଲେକେ ମାନିକିୱାଦାଙ୍ଗ୍, ପୁନି ଜିବୁନ୍ ପାୟା ଆତିଲେକେ ତା ପବିତ୍ର ଆତ୍ମା ହୁଦାଙ୍ଗ୍ ଜିବୁନ୍ କାଟି କିନାସା।

ରୋମିୟ 8:18

ଆନେଙ୍ଗ୍ ହାର୍ କିଜି ପୁଚାଙ୍ଗ୍ ଯେ, ନଙ୍ଗୟ୍ ଆନେଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆନାଙ୍ଗା ହେବେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଇମ୍‌ଣି ଗୌରବ ପାଚେ ହିଦ୍‌ନାନ୍ ହେଦାଙ୍ଗ୍ ଗାଜା।

୧ କରନ୍ତିୟ 6:20

ହେୱାନ୍ ମିଙ୍ଗେଙ୍ଗ୍ ବେସି ଦାମ୍ ହିଜି କଡ଼୍‌ଦାତାନ୍‌ନା। ଲାଗିଙ୍ଗ୍ ଏପେଙ୍ଗ୍ ମି ଗାଗାଡ଼୍‌ତାଙ୍ଗ୍ ଈଶ୍ୱରତିଙ୍ଗ୍ ଗୌରବ ହିନି ଦର୍‌କାର୍।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 4:7

ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦ୍‌ନାନ୍। ମାନାୟ୍ ବୁଜାଆନି ଶାନ୍ତିତାଙ୍ଗ୍ ଇ ଶାନ୍ତି ଗାଜା। ଇ ଶାନ୍ତି ମି ଗରବ୍‌ତିଙ୍ଗ୍ ଆରେ ମି ବାବ୍‌ନାତିଙ୍ଗ୍ ଯୀଶୁ ଖ୍ରୀଷ୍ଟତାକେ ଜିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍।

କଲସିୟ 2:20

ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାଦେର୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପୁର୍ତିନି ୱିଜୁ ଶୟତାନନି ଶାକ୍ତିତାଙ୍ଗ୍ ମୁକ୍ତି କିତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଇନେକିଦେଙ୍ଗ୍ ଇ ପୁର୍ତିନି ନିତି ନିୟମ୍‌ତିଙ୍ଗ୍ ମାନି କିନାଦେରା।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।