ରୋମିୟ 5:6 - New Testament in Pengo Parja Language

⁶ ଏଚେପାଦ୍ନା ମାଙ୍ଗେଙ୍ଗ୍ ସାଇଜ ଦର୍‌କାର୍ ମାଚାତ୍, ଟିକ୍ ହେପାଦ୍ନା ଯୀଶୁ ଖ୍ରୀଷ୍ଟ ୱାତାନ୍ ଆରେ ମା ପାପ୍ କାଜିଙ୍ଗ୍ ହାଃତାନ୍।

ସତ୍‌ ବଚନ୍‌ ପୁନି ନିୟମ୍‌

⁶ ଇନେକିଦେଂକି ଏଚେକାଡ଼୍‌ଦ ଆପ୍‌ ଉପାୟ୍‌ ହିଲ୍‌ୱାକା ମାଚାପ୍‌, ହେପାଦ୍‌ନା କ୍ରିସ୍ଟ ସମାନ୍‌ ସମୁତ ପାର୍ତି କିୱାକାର୍‌ କାଜିଂ ହାତାନ୍‌ ।

ରୋମିୟ 5:6 Iomraidhean Croise

ରୋମିୟ 11:26

ତାପାଚେ ୱିଜୁ ଇସ୍ରାଏଲ ଜାତିନି ମାନାୟାରିଙ୍ଗ୍ ଈଶ୍ୱର ଉଦାର୍ କିନାନ୍। ମି ମାନ୍ତ ମାନାତ୍ ଭବିଷ୍ଯତବକ୍ତାର୍ ଇନାକା ଇଞ୍ଜି ୱେଚ୍‌ଚାର୍‌ନା, “ଯିରୁଶାଲାମ ସହର୍‌ତାଙ୍ଗ୍ ରକାନ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଆରେ ହେୱାନ୍ ଯାକୁବ କୁଟୁମ୍‌ନି ଇସ୍ରାଏଲ ମାନାୟାର୍ ଅଦରମ୍‌ନି କାମାୟ୍‌ତାଙ୍ଗ୍ ଉଦାର୍ ପାୟା ଆଦେଙ୍ଗ୍ ସାଇଜ କିନାନ୍।”

ରୋମିୟ 4:25

ହେ ଯୀଶୁ ମା ପାପ୍ କାଜିଙ୍ଗ୍ ହାଃତାନ୍ ଆରେ ଆପେଙ୍ଗ୍ ଈଶ୍ୱରତାକେ ଦରମ୍ ମାନାୟ୍ ଆନି କାଜିଙ୍ଗ୍, ଈଶ୍ୱର ତାଙ୍ଗେଙ୍ଗ୍ ହାଃତାକାନିଙ୍ଗ୍ ଆରେରଗ ଜିବୁନ୍ କିତାନ୍।

ରୋମିୟ 4:5

ମାତର୍ ମାନାୟାର୍ ତା କାମାୟ୍ କାଜିଙ୍ଗ୍ ଦରମ୍ ମାନାୟ୍ ଆୱାତାର୍‌ମା, ମାତର୍ ତା ପାର୍ତି କାଜିଙ୍ଗ୍ ଦରମ୍ ମାନାୟ୍ ଆତାର୍‌ନା।

ରୋମିୟ 5:10

ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ରୋମିୟ 5:7

ଦରମ୍ ମାନାୟାର୍ କାଜିଙ୍ଗ୍ ଇନେର୍ ପା ଜାର୍ ଜିବୁନ୍‌ତିଙ୍ଗ୍ ହିଉନ୍। ହେୱାନ୍ ହାର୍ ମାନାୟାର୍ କାଜିଙ୍ଗ୍ ଜାର୍ ଜିବୁନ୍ ହିଦେଙ୍ଗ୍ ଇଚା କିତିସ୍‌ ପା ତା କାଜିଙ୍ଗ୍ ହେୱାନ୍ ହାଃଦେଙ୍ଗ୍ ଆଡୁନ୍।

ରୋମିୟ 5:8

ମାତର୍ ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍ ଯେ, ଆସେଙ୍ଗ୍ ପାପିଆଜି ମାନିହିଙ୍ଗ୍ ତା ମେହି ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହାଃଦେଙ୍ଗ୍ ପକ୍ତାତାନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

ରୋମିୟ 8:34

ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

କଲସିୟ 2:13

ମି ପାପ୍ କାଜିଙ୍ଗ୍ ଏପେଙ୍ଗ୍ ହାଃତି ଲେକେ ଆଜି ମାଚାଦେର୍, ଆରେ ମି ପାପ୍‌ନି ଗୁଣ୍ ସୁନତ ଆତି ଲେକେ କାଟିଆୱାଦାଙ୍ଗ୍ ମାଚାତ୍। ମାତର୍ ଈଶ୍ୱର ମା ପାପ୍‌ତିଙ୍ଗ୍ ୱିଜୁ କେମାକିଜି ଖ୍ରୀଷ୍ଟ ହୁଦାଙ୍ଗ୍ ମାଙ୍ଗେଙ୍ଗ୍ ଜିବୁନ୍ କିତ୍‌ତାନ୍‌ନା।

୧ ଥେସଲନୀକିୟ 5:9

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ ପାୟା ଆଦେଙ୍ଗ୍ ବାଚି କିତ୍‌ତାନ୍‌ନା

୧ ତିମତି 1:9

ଦାରି କାମାୟ୍ କିନି ମାନାୟାର୍ କାଜିଙ୍ଗ୍, ଗାଗାଡ଼୍‌ତିଙ୍ଗ୍ ହାର୍‌ଦାଙ୍ଗ୍ ବାଉରା ଆୱି ମାନାୟାର୍ କାଜିଙ୍ଗ୍। ମାନାୟ୍ ଚର୍, ମିଚ୍ ୱେଚ୍‌ନାକାର୍ କାଜିଙ୍ଗ୍ ଆରେ ମିଚ୍‌ତାଙ୍ଗ୍ ପାର୍ମାଣ୍ କିନାକାର୍ କାଜିଙ୍ଗ୍, ହାର୍ଦି ହିକ୍ଷା ବିରଦ୍‌ତାକେ କାମାୟ୍ କିନାକାର୍ କାଜିଙ୍ଗ୍ ଇଦାଙ୍ଗ୍ ହିୟାଆତାତ୍‌ନା।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ଏବ୍ରି 8:3

ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ଦାନ୍ ଆରେ ବଲିପୁଜା ୱିଜୁ ପ୍ରଦାନ୍ ମୁଡ଼୍‌ଦି ପୁଜାରିର୍ କିନାର୍। ଲାଗିଙ୍ଗ୍ ମା ପ୍ରଦାନ୍ ମୁଡ଼୍‌ଦି ପୁଜାରି ଯୀଶୁ ଖ୍ରୀଷ୍ଟ ଲାଗାୟ୍ ପା ବଲିପୁଜା କିନି କାଜିଙ୍ଗ୍ ଇନାକା ମାନି ଦର୍‌କାର୍ ମାଚାତ୍।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

୨ ପିତର 3:7

ମାତର୍ ଇ ସରଗ୍ ଆରେ ପୁର୍ତିତିଙ୍ଗ୍ ନାଣିତାଙ୍ଗ୍ ନଷ୍ଟ କିଦେଙ୍ଗ୍, ହେ କାତା ଈଶ୍ୱର ଇଡ଼୍‌ତାନ୍‌ନା। ହେୱାନ୍ ବିଚାର୍‌କିନି ଦିନ୍ କାଜିଙ୍ଗ୍ ଆରେ ଇମ୍‌ଣାକାର୍ ହେୱାନିଙ୍ଗ୍ ମାନିକିଉର୍ ହେ ମାନାୟାରିଙ୍ଗ୍ ନଷ୍ଟ କିଦେଙ୍ଗ୍, ହେୱାନ୍ ହେୱାରିଙ୍ଗ୍ ଇଡ଼୍‌ତାନ୍‌ନା।

ଜିହୁଦା 1:15

“ହୁଡ଼ାଟ୍, ମାପୃ ୱିଜାକାରିଙ୍ଗ୍ ବିଚାର୍‌କିନି କାଜିଙ୍ଗ୍, ଆରେ ଅଦରମ୍‌ ୱିଜାକାର୍ ମାନାୟ୍ ଜାର୍-ଜାର୍ ଅଦରମ୍‌ତାଙ୍ଗ୍ ଇମ୍‌ଣି ୱିଜୁ ଅଦରମ୍‌ କାମାୟ୍ କିତାଦେର୍‌ନା ଆରେ ଅଦରମ୍‌ ପାପି ମାନାୟାର୍ ତା ବିରଦ୍‌ତାକେ ଇମ୍‌ଣି ୱିଜୁ କୁଟ୍ କାତା ୱେଚ୍‌ଚାର୍‌ନା। ହେ ୱିଜୁ ବିଷୟରେ ହେୱାରିଙ୍ଗ୍ ଦସି କିଜି ଦଣ୍ଡ୍ ହିନି କାଜିଙ୍ଗ୍ ହାଜାର୍-ହାଜାର୍ ସାଦୁ ମାନାୟାର୍ ହୁଦାଙ୍ଗ୍ ୱାନାନା।”

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।