ରୋମିୟ 5:2 - New Testament in Pengo Parja Language

² ଆପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍, ଈଶ୍ୱର ମାଙ୍ଗେଙ୍ଗ୍ ଦୟା ପାୟା ଆଦେଙ୍ଗ୍ ଅଦିକାର୍ ହିତ୍‌ତାନ୍‌ନା। ଆରେ ପୁରା ପାର୍ତି ହୁଦାଙ୍ଗ୍ ଆରେ ୱାରିୟା ଆଜି ତା ଗୌରବ ପାୟା ଆଦେଙ୍ଗ୍ ଆହାକିଜି କାନାପା।

ସତ୍‌ ବଚନ୍‌ ପୁନି ନିୟମ୍‌

² ଇମ୍‌ଣି ଉପ୍‌କାର୍‌ନି ଅବସ୍ତା ବିତ୍ରେ ଆପ୍‌ ମାନାପ୍‌, ହେବେ ହେୱାନ୍‌ ହୁକେ ପାର୍ତିତ ହଣ୍ତେଙ୍ଗ୍ ପା ଆଡ଼୍‌ତାପ୍‌; ଆରେ, ଆପ୍‌ ଇସ୍ୱର୍ତି ଜାଜ୍‌ମାଲ୍‌ନି ବାର୍ସିତ ଗରବ୍‌ କିନାପା ।

ରୋମିୟ 5:2 Iomraidhean Croise

ମାତିଉ 25:21

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ଜହନ୍‌ 10:7

ଲାଗିଙ୍ଗ୍ ଯୀଶୁ ଆରେରଗ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଆନାଙ୍ଗା ମେଣ୍ଢାକାଙ୍ଗ୍ ଦୁୱେର୍।

ଜହନ୍‌ 10:9

ଆନେଙ୍ଗ୍ ଆନାଙ୍ଗା ଦୁୱେର୍, ଇମ୍‌ଣାକାନ୍ ନା ଦୁୱେର୍ ନିପଣ୍ ଆଜି ହଣାନ୍, ହେୱାନ୍ ରକ୍ଷା ପାୟା ଆନାନ୍। ହେୱାନ୍ ବିତ୍ରେ ୱାଦେଙ୍ଗ୍ ଆଡ୍‌ନାନ୍ ଆରେ ବାର୍ତ ହାଞ୍ଜେଙ୍ଗ୍ ପା ଆଡ୍‌ନାନ୍। ହେୱାନିଙ୍ଗ୍ ଇନାକା ଦର୍‌କାର୍ ହେ ୱିଜୁ ପାୟା ଆନାନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ରୋମିୟ 11:20

ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତାବେତାଙ୍ଗ୍ କାଦ୍‌ଦି ତୁହିହିତାନ୍। ଆରେ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତିକିତି କାଜିଙ୍ଗ୍ ଏପେଙ୍ଗ୍ ହେୱାର୍ ବାହା ପାୟାଆତାଦେର୍, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିମାଟ୍, ମାତର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ରୋମିୟ 14:4

ଏପେଙ୍ଗ୍ ଈଶ୍ୱର ଦାସ୍‌ରିଙ୍ଗ୍ ନିନ୍ଦାକିନାକା ଟିକ୍ ଆକାୟ୍, ହେୱାର୍ ଈଶ୍ୱର ଆଗେ ଦାଇ ଆନାର୍। ଲାଗିଙ୍ଗ୍ ହେୱାର୍ ଟିକ୍ କରାପ୍ କିନାରା ଇଞ୍ଜି ହେୱାନ୍ ହେୱାରିଙ୍ଗ୍ ୱେଚ୍‌ନାନ୍। ହେୱାର୍ ଇନାକା କିନି ଦର୍‌କାର୍ ମାପୃ ସାକ୍ତି ହେୱାରିଙ୍ଗ୍ ସାଇଜ କିନାତ୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ରୋମିୟ 3:23

ଇନେସ୍‌କି ୱିଜାକାର୍ ପାପ୍ କିତାର୍‌ନା, ଆରେ ୱିଜାକାର୍ ଈଶ୍ୱରତି ଗୌରବତାଙ୍ଗ୍ ଦେହା ମାନାର୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 8:24

ଈଶ୍ୱର ମାଙ୍ଗେଙ୍ଗ୍ ଆହା ଚଚ୍‌ଚାତାନ୍‌ନା, ଏଚେପାଦ୍ନା ହେୱାନ୍ ମାଙ୍ଗେଙ୍ଗ୍ ରକ୍ଷା କିତ୍‌ତାନ୍। ଈଶ୍ୱର ମାଙ୍ଗେଙ୍ଗ୍ ପାର୍ମାଣ୍‌କିତି ୱିଜୁ ଜିନିଷ୍ ପାୟାଆୱାତାସ୍‌ନା, ହେଦାଙ୍ଗ୍ କାଜିଙ୍ଗ୍ ନଙ୍ଗୟ୍ ପାତେକ୍ ହେଦାଙ୍ଗ୍ ପାୟା ଆଦେଙ୍ଗ୍ ଆହା କିନାପା। ଲାଗିଙ୍ଗ୍ ଆପେଙ୍ଗ୍ ନଙ୍ଗୟ୍ ସାସ୍ ଆଜି ତାବେତାଙ୍ଗ୍ ପାୟାଆୱି ପାତେକ୍ କାନାପା।

୧ କରନ୍ତିୟ 15:1

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି ହାର୍ଦିକାବୁର୍ ଆଗେ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍ ହେ ବିଷୟରେ ମିଙ୍ଗେଙ୍ଗ୍ ମନେ ପକାୟ୍ କିଦେଙ୍ଗ୍ ଇଚା କିନାଙ୍ଗା। ଏପେଙ୍ଗ୍ ହେ ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାଦେର୍, ଆରେ ନଙ୍ଗୟ୍ ପାତେକ୍ ହେ ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନାଟ୍।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 3:12

ଖ୍ରୀଷ୍ଟ କାଜିଙ୍ଗ୍ ଆରେ ଆସେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍, ନଙ୍ଗୟ୍ ଆସେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ସାହାସ୍ ହୁଦାଙ୍ଗ୍ ଈଶ୍ୱର ଲାଗାୟ୍ ହାଞ୍ଜେଙ୍ଗ୍ ଆଡ୍‌ନାସ୍।

ଏପିସିୟ 6:13

ଲାଗିଙ୍ଗ୍ ଈଶ୍ୱର ହିତ୍‌ତି ୱିଜୁ ନାଲି କାଣ୍ଡାଙ୍ଗ୍ ଆସ୍ତି ରେଡି ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ଶୟ୍‌ତାନତିଙ୍ଗ୍ ବିରଦ୍ କିଦେଙ୍ଗ୍ ଆଡ୍‌ନାଦେର୍ ଆରେ ଏପେଙ୍ଗ୍ ଜିତାଆଜି ବାଡ଼୍‌କାସ୍ ଆଦେଙ୍ଗ୍ ଆଡ୍‌ନାଦେର୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

ଏବ୍ରି 6:18

ଲାଗିଙ୍ଗ୍ ଈଶ୍ୱର ରଞ୍ଜାଙ୍ଗ୍ ପାର୍ମାଣ୍ ହିତ୍‌ତାନ୍‌ନା ଆରେ ହେୱାନ୍ ରଞ୍ଜାଙ୍ଗ୍ ଶପତ୍ କିତାନ୍‌ନା। ଇ ରିଣ୍ଡାଙ୍ଗ୍ ବିଷୟ ଚେଞ୍ଚ୍ ଆଉତ୍, ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ କାତା ୱେଚୁନ୍। ଆସେଙ୍ଗ୍ ତା ଲାଗାୟ୍ ରକ୍ଷା ପାୟାଆନି କାଜିଙ୍ଗ୍ ୱାତାସ୍‌ନା, ଲାଗିଙ୍ଗ୍ ମା ମୁମ୍‌ଦ ମାନି ଆହାତିଙ୍ଗ୍ ଆହ୍‌ନି କାଜିଙ୍ଗ୍ ସାହାସ୍ ଆଡ।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

ହତ୍‌ତି 21:11

ହେ ସହର୍‌ତାକେ ଈଶ୍ୱର ଗୌରବ ବାର୍ତିଆଜି ମାଚାତ୍, ଆରେ ହେଦାଙ୍ଗ୍ ବେସି ଦାମ୍‌ଦି କାଲ୍ ଆରେ କାଚ୍ ଗିଲାସ୍‌ଲେକେ ଚମ୍‌କା ଆଜି ମାଚାତ୍।

ହତ୍‌ତି 21:23

ହେ ସହର୍‌ତିଙ୍ଗ୍ ଅଜଡ଼୍ କିଦେଙ୍ଗ୍ ବଇଟା କି ୱେଡ଼ା କି ଲେଞ୍ଜ୍ ଦର୍‌କାର୍ ଆକାୟ୍, ଇନେସ୍‌କି ଈଶ୍ୱର ଗୌରବ ନେ ହେ ସହର୍‌ତାକେ ଚମ୍‌କା ଆଜିମାଚାତ୍ ଆରେ ମେଣ୍ଢା ଇନେର୍‌କି ଯୀଶୁ ନେ ହେ ସହର୍‌ତିଙ୍ଗ୍ ଅଜଡ଼୍ କିଜି ମାଚାନ୍।

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।