ରୋମିୟ 5:13 - New Testament in Pengo Parja Language

¹³ ମଶା ଲେକିକିତି ଦରମ୍ ସାସ୍ତର୍ ହିଲ୍‌ୱି ଆଗେ ପା ମାନାୟାର୍ ପାପ୍ କାମାୟ୍ କିଜି ମାଚାର୍, ମାତର୍ ଦରମ୍ ସାସ୍ତର୍ ହିଲିତି କାଜିଙ୍ଗ୍, ହେୱାରିଙ୍ଗ୍ ପାପ୍ କାମାୟ୍ କିତାର୍‌ନା ଇଞ୍ଜି ଈଶ୍ୱର ଦସ୍ ହିୱାତାନ୍‌ନା, ଇନେସ୍‌କି ନିୟମ୍ ବାଙ୍ଗାୟ୍ କିଦେଙ୍ଗ୍ ଦରମ୍ ସାସ୍ତର୍ ହିଲାତାତ୍।

ସତ୍‌ ବଚନ୍‌ ପୁନି ନିୟମ୍‌

¹³ ବିଦି ହିନି ପୁର୍ବେତାଂ ଜଗତ୍‌ତ ପାପ୍ ମାଚାତ୍, ମାତର୍‌ ବିଦି ହିଲ୍‍ୱି ୱେଡ଼ାଲିଂ ପାପ୍‌ନି ଇସାବ୍‌ ଇଟ୍ୟାୱାଦାଂ ମାଚାତ୍‌ ।

ରୋମିୟ 5:13 Iomraidhean Croise

ରୋମିୟ 3:20

ଇନେସ୍‌କି ଇଲେକେ ଇମ୍‌ଣି ମାନାୟ୍ ପା ହିଲେନ୍ ଯେ, ନିୟମ୍‌ତିଙ୍ଗ୍ ମାନିକିଜି ଈଶ୍ୱର ଆଗେ ଟିକ୍ ମାନାୟ୍ ଆତାନ୍‌ନା, ଆସେଙ୍ଗ୍ ଏଚେକ୍ ଈଶ୍ୱର ଦରମ୍ ସାସ୍ତର୍‌ତିଙ୍ଗ୍ ପୁଚିସ୍, ହେ ଏଚେକ୍ ପାପ୍‌ନି ବିଷୟରେ ପୁନାସ୍।

ରୋମିୟ 4:15

ଇନେସ୍‌କି ୱିଜୁ ନିୟମ୍‌ତିଙ୍ଗ୍ ମାନି କିୱାକାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍। ଲାଗିଙ୍ଗ୍ ନିୟମ୍ ହିଲିତିସ୍, ମାନାୟାର୍ ନିୟମ୍‌ତିଙ୍ଗ୍ ବାଙ୍ଗାୟ୍ କିୱାତାର୍‌ମା।

୧ କରନ୍ତିୟ 15:56

ଇନେସ୍‌କି ପାପ୍ ନେ ମାରାଣ୍ ତାନାତା, ଆରେ ଦରମ୍ ସାସ୍ତର୍‌ନି ନିୟମ୍ ପାପ୍‌ତିଙ୍ଗ୍ ଶାକ୍ତି ହିନାତା।

୧ ଯୋହନ 3:14

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ହାଃତି ମାନାୟ୍ ଲେକେ ଆକାୟ୍, ମାତର୍ ଆପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆତାକାପ୍, ଇନେସ୍‌କି ଆପେଙ୍ଗ୍ ମା ଟଣ୍ଡାରିଙ୍ଗ୍ ଲାଡ୍ କିନାପା। ମାତର୍ ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଲାଡ୍ କିଉନ୍ ହେୱାନ୍ ହାଃତି ମାନାୟ୍ ଲେକେ।

୧ ଯୋହନ 3:4

ଇମ୍‌ଣି ମାନାୟ୍ ପାପ୍ କାମାୟ୍ କିଜି ମାନାନ୍, ହେୱାନ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉନା, ଆରେ ଈଶ୍ୱର ନିୟମ୍‌ତିଙ୍ଗ୍ ମାନିକିୱାକା ନେ ପାପ୍।