ରୋମିୟ 4:16 - New Testament in Pengo Parja Language

¹⁶ ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଲାଗିଂ ଇ ପାର୍ମାଣ୍‌ ପାର୍ତି କାଜିଂ ପାୟାନାନ୍‌, ଇନେସ୍‌ ହେଦାଂ ଦୟା ଇସାବ୍ରେ ଆନାତ୍‌, ଆରେ ତାପାଚେ ସବୁ ଲାତ୍ରା ପାକ୍ୟାତ, କେବଲ୍‌ ମସାତି ବିଦି ଲାତ୍ରା ପାକ୍ୟାତ ଆକାୟ୍‌, ମତର୍‌ ଅବ୍ରାହାମ୍‌ତି ପାର୍ତି କିନି ଲାତ୍ରା ପାକ୍ୟାତ ପା ହେ ପାର୍ମାଣ୍‌ ତିର୍‌ ମାନାତ୍‌ ।

ରୋମିୟ 4:16 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:9

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନେଞ୍ଜେଙ୍ଗ୍ ଈଶ୍ୱର ନିଙ୍ଗେଙ୍ଗ୍ ଆରେ ନି କୁଟୁମ୍‌ତିଙ୍ଗ୍ ଉଦାର୍ କିତ୍‌ତାନ୍‌ନା। ଇନେସ୍‌କି ଏନେଙ୍ଗ୍ ପା ରକାଇ ଅବ୍ରାହାମ୍‌ ଲାତ୍ରା ନିକାଇ।

ରୋମିୟ 15:8

ଏପେଙ୍ଗ୍ ମାନ୍ତ ଇଟାଟ୍ ଯେ, ଖ୍ରୀଷ୍ଟ ଚାକର୍ ଲେକେ ଆଜି ସୁନତ ଆତି ଯିହୁଦି ଜାତିନି ଆକଦାଦିରିଙ୍ଗ୍ ଈଶ୍ୱର ହିତି ପାର୍ମାଣ୍‌ତିଙ୍ଗ୍ ପୁରା କିଦେଙ୍ଗ୍ ୱାଜିମାଚାନ୍।

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

ରୋମିୟ 3:30

ଇନେସ୍‌କି ପୁର୍ତିତାକେ ର ଈଶ୍ୱରନେ ମାନାନ୍, ଆରେ ର ଉପାୟ୍ ମାନାତ୍ ତା ହୁଦାଙ୍ଗ୍ ଟିକ୍ ଆୟା ଆନାତ୍। ମା ପାର୍ତି କାଜିଙ୍ଗ୍ ହେୱାନ୍ ନେ ମାଙ୍ଗେଙ୍ଗ୍ ଟିକ୍ ମାନାୟ୍ କିଦ୍‌ନାନ୍, ଯିହୁଦି ଜାତିନି ମାନାୟାର୍ ଆଏର୍ କି ବିନ୍‌ଜାତିନି ମାନାୟାର୍ ଆଏର୍।

ରୋମିୟ 4:11

ଆରେ ହେପାଦ୍ନା ହେୱାନ୍ ଈଶ୍ୱରତାକେ ପାର୍ତିକିତି କାଜିଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଦରମ୍ ମାନାୟ୍ କିତାନ୍। ହେପାଦ୍ନା ହେୱାନ୍ ସୁନତ୍ ଆୱାଦାଙ୍ଗ୍ ମାଚାନ୍। ସୁନତ୍ ଆନି ଅର୍ତ ଇଲେକେ ଯେ, ହେଦାଙ୍ଗ୍ ଈଶ୍ୱର ଆସ୍ତାନ୍ ଇଞ୍ଜି ର ଚିନ୍। ଲାଗିଙ୍ଗ୍ ହେୱାନ୍ ପାର୍ତିକିନି ମାନାୟାର୍ ଲାତ୍ରାହି ଆତାନ୍, ଆରେ ହେୱାନ୍ ସୁନତ ଆୱାଦାଙ୍ଗ୍ ମାଚାନ୍। ହେୱାର୍ ତା ପାର୍ତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ରୋମିୟ 9:8

ଲାଗିଙ୍ଗ୍ ଇ ଅର୍ତ ଇଲେକେ ଯେ, ଅବ୍ରାହାମ ଲାତ୍ରାନି ମେହି ଆୱିତିସ୍‌ପା ଈଶ୍ୱର ମେହିର୍ ଆୟାଆଉତ୍‌। ଇନେସ୍‌କି ପାର୍ମାଣ୍‌କିତି ହିମ୍‌ଣା ନେ ଅବ୍ରାହାମ ମେହିର୍ ଆନାର୍।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:16

ଈଶ୍ୱର ଅବ୍ରାହାମ ଆରେ ତା ହିମ୍‌ଣାତିଙ୍ଗ୍ ପାର୍ମାଣ୍ କିଜି ମାଚାନ୍। ଆରେ “ତା ହିମ୍‌ଣା” ଇଦାଙ୍ଗ୍‌ନି ଅର୍ତ ବେସି ହିମ୍‌ଣାକାଙ୍ଗ୍ ଚଚ୍‌ଚି ସାସ୍ତର୍‌ତାକେ ଲେକାଆୱାତାତ୍‌ନା, ମାତର୍ ରକାନ୍ ହିମ୍‌ଣାତିଙ୍ଗ୍ ଚଚ୍‌ଚି ୱେଚ୍‌ଚାନ୍‌ନା ହେୱାନ୍ ଆନାନା ଯୀଶୁ ଖ୍ରୀଷ୍ଟ।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଏପିସିୟ 2:5

ଆସେଙ୍ଗ୍ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆତିସ୍‌ପା। ଈଶ୍ୱର ଖ୍ରୀଷ୍ଟତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍‌ତି କାଜିଙ୍ଗ୍ ମାଙ୍ଗେଙ୍ଗ୍ ହେୱାନ୍ ଜିବୁନ୍ ହିତ୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଦୟାତାଙ୍ଗ୍ ଏପେଙ୍ଗ୍ ରକ୍ଷା ପାୟା ଆତାଦେର୍‌ନା।

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

୨ ପିତର 1:10

ଇଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ କୁକ୍ତାତାନ୍‌ନା ଆରେ ତା ଜାର୍ ମାନାୟ୍ କିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା ଇଞ୍ଜି ଜାର୍‌ତିଙ୍ଗ୍ ଆରେ ଜେକନିକାରିଙ୍ଗ୍ ପୁନିକିଦେଙ୍ଗ୍। ଏପେଙ୍ଗ୍ ହାର୍ଦି ଜିବୁନ୍ କାଟି କିଦେଙ୍ଗ୍ ବେସି ଉପାୟ୍ କିୟାଟ୍। ଯଦି ମି ଲାଗାୟ୍ ଇ ଗୁଣ୍ ମାଚିସ୍, ଏପେଙ୍ଗ୍ ଇନାୱେଡ଼ାଙ୍ଗ୍ ପା ପାପ୍‌ତାକେ ପଡ଼ାଆଉଦେର୍‌।