ରୋମିୟ 4:1 - New Testament in Pengo Parja Language

¹ ଲାଗିଙ୍ଗ୍ ଆପେଙ୍ଗ୍ ଯିହୁଦି ମାନାୟ୍‌କାପ୍‌ ମା ଆକଦାଦି ଅବ୍ରାହାମ ବିଷୟରେ ଇନାକା ଇଞ୍ଜି ଇନାପ୍। ହେୱାନ୍ ଇନେସ୍ ଈଶ୍ୱର ଆଗେ ଦରମ୍ ମାନାୟ୍ ଆଜି ମାଚାନ୍?

ସତ୍‌ ବଚନ୍‌ ପୁନି ନିୟମ୍‌

¹ ୱାଟିଂ ଗାଗାଡ଼୍‌ ବାବ୍ରେ ମା ଆକର୍‌ ଅବ୍ରାହାମ୍‌ ଇନାକା ପାୟା ଆତାନ୍‌ ଇଞ୍ଜି ଇନାସ୍‌ ?

ରୋମିୟ 4:1 Iomraidhean Croise

ମାତିଉ 3:9

ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଆପେଙ୍ଗ୍ ଅବ୍ରାହାମ୍‌ ମେହି ଇଞ୍ଜି, ଏଲେଙ୍ଗ୍ ଏପେଙ୍ଗ୍ ମାନ୍ତ ବାବିକିମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:8

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଏଲେଙ୍ଗ୍ ମାନ୍ତ ବାବିକିମାଟ୍, ଆପେଙ୍ଗ୍ ତ ଅବ୍ରାହାମ୍‌ ମେହି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଇଞ୍ଜି। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।’

ଜହନ୍‌ 8:33

ଯିହୁଦି ନେତାର୍ ହେୱାନିଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ଅବ୍ରାହାମ୍‌ନି ଲାତ୍ରା, ଆପେଙ୍ଗ୍ ଇନାୱେଡ଼ାଙ୍ଗ୍ ପା ଇନେର୍ ହଲିଆ ଆୱାତାପ୍‌ନା। ଲାଗିଙ୍ଗ୍ ଆପେଙ୍ଗ୍ ମୁକ୍ତି ଆନାଦେର୍ ଇଞ୍ଜି ଇନେକିଦେଙ୍ଗ୍ ୱେଚ୍‌ଚାନାୟା?”

ଜହନ୍‌ 8:53

ଏନେଙ୍ଗ୍ ଇନାକା ବାବିକିନାୟା ଯେ ମାଞ୍ଜ୍‌ବା ଅବ୍ରାହାମତାଙ୍ଗ୍ ପା ଗାଜା? ଅବ୍ରାହାମ୍‌ ତ ହାଃତାନ୍ ଆରେ ଭବିଷ୍ଯତବକ୍ତାର୍ ପା ହାଃତାରେ। ଏନେଙ୍ଗ୍ ଜାର୍‌ତିଙ୍ଗ୍ ଇନେର୍ ଇଞ୍ଜି ବାବିକିନାୟା?”

ଜହନ୍‌ 8:56

ନା ୱାନାକା ହୁଡ଼୍‌ଦେଙ୍ଗ୍ ଆଡ୍‌ନାଙ୍ଗ୍ ଇଞ୍ଜି ଆହାକିଜି ମିଞ୍ଜ୍‌ବା ଅବ୍ରାହାମ୍‌ ବେସି ଆହାକିଜି ମାଚାନ୍। ହେୱାନ୍ ହେ ଦିନ୍ ହୁଡ଼୍‌ତାନ୍ ଆରେ ବେସି ୱାରିଆ ଆତାନ୍।”

ପକ୍ୟାତାକା 13:26

ଅବ୍ରାହାମ ଲାତ୍ରାନି ହିମ୍‌ଣାୱାକ୍‌ଡ଼ା ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତିର୍ ଟଣ୍ଡାର୍‌କାଦେର୍, ଈଶ୍ୱର ମି କାଜିଙ୍ଗ୍ ଉଦାର୍ ପାୟାଆନି କାବୁର୍ ପକ୍ତାତାନ୍‌ନା।

ରୋମିୟ 1:3

ଇ ହାର୍ଦିକାବୁର୍ ଈଶ୍ୱର ମେହି, ମା ମାପୃ ଯୀଶୁ ଖ୍ରୀଷ୍ଟ ବିଷୟରେ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ, ଦାଉଦ ରାଜାର୍ କୁଟୁମ୍‌ତାକେ ଜନମ୍ ଆଜି ମାଚାନ୍।

ରୋମିୟ 3:5

ମାତର୍ କେତ୍‌ଜାଣ୍ ଇନାର୍ ମା ପାପ୍ କାମାୟ୍ କାଜିଙ୍ଗ୍ ହାର୍ ବିଷୟ ଗଟାଆନାତା, ଇନେସ୍‌କି ମାନାୟାର୍ ଈଶ୍ୱରତି ହାର୍ ବିଷୟତିଙ୍ଗ୍ ହୁଡ଼୍‌ନାର୍, ଏଚେପାଦ୍ନା ହେ ପାପିରିଙ୍ଗ୍ ଦରମ୍ ମାନାୟ୍ କିନାନ୍। ଲାଗିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ରିସାଆଜି ଦଣ୍ଡ୍ ହିଦ୍‌ନାକା ଟିକ୍ ଆକାୟ୍। ଇଲେକେ କେତେକ୍ ମାନାୟାର୍ ଇନାରା।

ରୋମିୟ 4:16

ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ରୋମିୟ 6:1

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍, ହେୱାନ୍ ମା ପାପ୍ ୱିଜୁ କେମା କିତ୍‌ତାନ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଆରେ ପାପ୍ କାମାୟ୍ କିଜି ମାନ୍‌ୱି ଦର୍‌କାର୍।

ରୋମିୟ 7:7

ଆନେଙ୍ଗ୍ ୱେଚ୍‌ଚୁଙ୍ଗା ଯେ ଈଶ୍ୱର ନିୟମ୍ ପାପ୍ ଇଞ୍ଜି, ମାତର୍ ଦରମ୍ ସାସ୍ତର୍ କାଜିଙ୍ଗ୍ ନେ ପାପ୍ ଇନାକା ଆନେଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାଙ୍ଗ୍। ଇନେସ୍‌କି ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଏପେଙ୍ଗ୍ ଜେକନିକାର୍ ଜିନିସ୍‌ତିଙ୍ଗ୍ ଆହା କିମାଟ୍।” ଯଦି ଈଶ୍ୱର ଦରମ୍ ସାସ୍ତର୍‌ତାକେ ଲେକାଆୱାଦାଙ୍ଗ୍ ମାଚିସ୍, ଆନେଙ୍ଗ୍ ପାପ୍ କିତାଙ୍ଗ୍‌ନା ଇଞ୍ଜି ଇନାୱେଡ଼ାଙ୍ଗ୍ ପା ପୁନ୍‌ୱାତାଙ୍ଗ୍‌ମା।

ରୋମିୟ 8:31

ଲାଗିଙ୍ଗ୍ ଇ ୱିଜୁ ବିଷୟରେ ଆସେଙ୍ଗ୍ ଇଲେକେ ୱେଚ୍‌ଚେଙ୍ଗ୍ ଆଡ୍‌ନାସ୍ ଯେ, ଈଶ୍ୱର ଯଦି ମା ହୁଦାଙ୍ଗ୍ ମାନାନ୍, ଲାଗିଙ୍ଗ୍ ଇନେର୍ ପା ମା ବିରଦ୍ କିଦେଙ୍ଗ୍ ଆଡ଼୍‌ଦୁର୍।

୨ କରନ୍ତିୟ 11:22

ହେୱାର୍ ଏବ୍ରୀ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଇସ୍ରାଏଲ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଅବ୍ରାହାମ କୁଟୁମ୍ ନିକାର୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା।

ଏବ୍ରି 12:9

ଇ ପୁର୍ତିତାକେ ମାନି ଆବାରିଙ୍ଗ୍ ଆସେଙ୍ଗ୍ ସନ୍‌ମାନ୍ କିଜି ମାନାସ୍, ଇମ୍‌ଣାକାର୍ ମାଙ୍ଗେଙ୍ଗ୍ ସାସନ୍ କିଦ୍‌ନାର୍। ଲାଗିଙ୍ଗ୍ ସରଗ୍‌ତାକେ ମାନି ଆବାନି ସାସନ୍‌ତିଙ୍ଗ୍ ସନ୍‌ମାନ୍ କିଜି ୱିଜ୍‌ୱିଦିନ୍ ପାତେକ୍ ଜିନି ଦର୍‌କାର୍।