ରୋମିୟ 3:25 - New Testament in Pengo Parja Language

²⁵ ଈଶ୍ୱର ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅଦେଙ୍ଗ୍ ଆରେ ତା ରିସାତିଙ୍ଗ୍ ତିର୍ କିଦେଙ୍ଗ୍ ଯୀଶୁ ମାପୃଙ୍ଗ୍ ପକ୍ତାତାନ୍‌ନା। ଏଚେକାଡ଼୍‌ଦ ଯୀଶୁ ମାପୃ ମା କାଜିଙ୍ଗ୍ କୃଶକାଟ୍‌ତାକେ ହାଃତାନ୍ ଆରେ ତା ନେତେର୍ ବଡ଼ାୟ୍ କିତାନ୍‌ନା। ହେପାଦ୍ନା ଆସେଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆତାସ୍‌ନା। ଆଗେ ପାପ୍ କିତାକାରିଙ୍ଗ୍ ଈଶ୍ୱର କେମାକିଜି ମାଚାନ୍, ଇନେସ୍‌କି ଈଶ୍ୱର ନ୍ୟାୟ୍ ବିଚାର୍ କିନାକାନ୍।

ସତ୍‌ ବଚନ୍‌ ପୁନି ନିୟମ୍‌

²⁵ ଇସ୍ୱର୍‌ ଜିସୁଙ୍ଗ୍‌ ଦାନ୍‌ ହିତ୍‌ତାନ୍‌, ଇନେସ୍‌ ହେୱାନ୍ତି ହାକି, ହେୱାନ୍ତି ତାକେ ନେତେର୍‌ତ ପାର୍ତି କିଜ଼ି ମାନି ଲକୁ ପାପ୍ କେମାନି ଉପାୟ୍‌ ଆନାତ୍‌ । ଇସ୍ୱର୍‌ ଜାର୍‌ ଦାର୍ମିତିଂ ହପ୍‌ତେଂ ଇଦାଂ କିତାନ୍‌, ଇସ୍ୱର୍‌ ହୁଦାର୍ ଆଜ଼ି ଆଗେ କିତି ପାପ୍‌ ଆହ୍‌ୱାତନ୍ନା,

ରୋମିୟ 3:25 Iomraidhean Croise

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ପକ୍ୟାତାକା 14:16

ହେ ଈଶ୍ୱର ୱିଜୁ ଜାତିନି ମାନାୟାରିଙ୍ଗ୍ ଜାର୍-ଜାର୍ ହାଜ୍‌ଦିଙ୍ଗ୍ ହାଞ୍ଜେଙ୍ଗ୍ ଆଗେ ପିସ୍ତିହିଜି ମାନ୍‌ଞ୍ଚାନ୍।

ପକ୍ୟାତାକା 15:18

ଈଶ୍ୱର ପୁର୍ତି ଆରମ୍‌ତାଙ୍ଗ୍ ଇ କାତା ୱେଚ୍‌ଚାତାନ୍‌ନା।’

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ପକ୍ୟାତାକା 2:23

ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ପକ୍ୟାତାକା 3:18

ମାତର୍ ଭବିଷ୍ଯତବକ୍ତାରିଙ୍ଗ୍ ଈଶ୍ୱର ଆଗେ ୱେଚ୍‌ଚି ମାଚାନ୍ ଯେ, ଖ୍ରୀଷ୍ଟ ବେସି ଦୁକ୍‌କଷ୍ଟ ପାୟାଆଜି ହାଃନାନ୍। ଈଶ୍ୱର ହେଦାଙ୍ଗ୍ ପୁରା କିତାନ୍‌ନା।

ପକ୍ୟାତାକା 4:28

ନି ଶାକ୍ତିତାଙ୍ଗ୍ ଆଗେ ଇନା-ଇନାକା କିଦେଙ୍ଗ୍ ଇଚାକିଜି ମାଚାଇ, ହେଦାଙ୍ଗ୍‌ନେ ହେୱାର୍ କିତାର୍‌ନା।

ରୋମିୟ 2:4

ଈଶ୍ୱର ମିଙ୍ଗେଙ୍ଗ୍ ଦୟା କିଦ୍‌ନି କାଜିଙ୍ଗ୍, ମିଙ୍ଗେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନା। ଏପେଙ୍ଗ୍ ତା ଦୟା, ସାସ୍ ଆରେ ୱିଜୁଦିନ୍ ଲାଡ୍‌କିନି ବିଷୟତିଙ୍ଗ୍ ପୁଞ୍ଜେଙ୍ଗ୍ ଆଡୁଦେରା।

ରୋମିୟ 3:26

ହେଲେକେ ନଙ୍ଗୟ୍ ପା ଈଶ୍ୱର, ସତ୍ ଆରେ ନ୍ୟାୟ୍ ବିଚାର୍ କିନାନ୍, ଏଚେପାଦ୍ନା ଆସେଙ୍ଗ୍ ଯୀଶୁ ମାପୃଙ୍ଗ୍ ପାର୍ତି କିନାସ୍, ହେୱାନ୍ ମାଙ୍ଗେଙ୍ଗ୍ ତା ହୁଦାଙ୍ଗ୍ ଟିକ୍ ମାନାୟ୍ କିଦ୍‌ନାନ୍।

ରୋମିୟ 5:1

ଲାଗିଙ୍ଗ୍, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇମ୍‌ଣି କାମାୟ୍ କିତାନ୍‌ନା, ଆରେ ଆସେଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍‌ନା ଆରେ ଆସେଙ୍ଗ୍ ତା ହୁଦାଙ୍ଗ୍ ଶାନ୍ତିତାଙ୍ଗ୍ ମାନାପ୍।

ରୋମିୟ 5:11

ୱାରା ଏଚେକ୍ ଆକାୟ୍, ମାତର୍ ନଙ୍ଗୟ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହାଆତାପ୍‌ନା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ୱାରି କିନାପା।

ରୋମିୟ 5:18

ଆଦମତି ର ପାପ୍ ୱିଜାକାରିଙ୍ଗ୍ ଈଶ୍ୱର ଆଗେ ଦସ୍ କିତ୍‌ତାତ୍, ମାତର୍ ଖ୍ରୀଷ୍ଟ ଇମ୍‌ଣାକା ର ଦରମ୍ କାମାୟ୍ କିତାନ୍, ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାର୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍ ଆରେ ହେୱାନ୍ ହେୱାରିଙ୍ଗ୍ ଜିବୁନ୍ ହିତାନ୍।

ରୋମିୟ 5:9

ଲାଗିଙ୍ଗ୍ ଆପେଙ୍ଗ୍ ନଙ୍ଗୟ୍ ଈଶ୍ୱର ଆଗେ ଦରମ୍ ମାନାୟ୍ ଆତାପ୍, ଇନେସ୍‌କି ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍ ଆରେ ମା ପାପ୍‌ତିଙ୍ଗ୍ ନୁଜ୍‌ଦେଙ୍ଗ୍ ତା ନେତେର୍‌ତିଙ୍ଗ୍ ୱାକ୍‌ତାନ୍। ହେୱାନ୍ ଈଶ୍ୱର ଦଣ୍ଡ୍‌ତାଙ୍ଗ୍ ମାଙ୍ଗେଙ୍ଗ୍ ରକ୍ଷା କିଦ୍‌ନାନା।

୧ କରନ୍ତିୟ 5:7

ଇନେସ୍‌ଲେକେ ଯିହୁଦା ଜାତିନି ମାନାୟ୍ ନିସ୍ତାର୍ ପାର୍ବୁ ମାନିକିନି ଆଗେ ତା ଇଞ୍ଜାଙ୍ଗ୍ ସଡ଼ାକାର୍‌ତିଙ୍ଗ୍ ହପ୍ତାନାର୍, ହେଲେକେ ଏପେଙ୍ଗ୍ ପା ହେ କରାପ୍ ମାନାୟ୍‌ତିଙ୍ଗ୍ ମି ଦଳ୍‌ତାଙ୍ଗ୍ ହପାଟ୍‌। ଲାଗିଙ୍ଗ୍ ଏପେଙ୍ଗ୍ ସଡ଼ାକାର୍ ମାହାଆୱିତି ରୁଟିଲେକେ ଆନାଦେର୍, ଆରେ ମିଙ୍ଗେଙ୍ଗ୍ ଈଶ୍ୱର ଉବ୍‌ଜାଇ କିତ୍‌ତି କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିନି ଦଳ୍ ଆନାଦେର୍ ଆରେ ମି ଦଳ୍‌ତାଙ୍ଗ୍ ଇନେର୍ ପା ପାପ୍ କାମାୟ୍ କିଦେଙ୍ଗ୍ ଇଚା କିଉର୍। ଇନେସ୍‌କି ନିସ୍ତାର୍ ପାର୍ବୁନି ମେଣ୍ଢାଲେକେ ଖ୍ରୀଷ୍ଟ ମା କାଜିଙ୍ଗ୍ ବଲିପୁଜା ଆତାନ୍‌ନା।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:13

ଏପେଙ୍ଗ୍ ଆଗେ ଈଶ୍ୱରତାଙ୍ଗ୍ ଦେହା ମାଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା। ଯୀଶୁ ନେତେର୍‌ତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ତା ଲାଗାୟ୍ ଅତ୍‌ତାନ୍‌ନା।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

ଏବ୍ରି 11:14

ଆରେ ଇଲେକେ ୱେଚ୍‌ନି ମାନାୟାର୍ ହେୱାର୍ ଜାର୍ ଦେସ୍‌ତିଙ୍ଗ୍ ଦାସ୍ତି ମାଚାର୍ ଇଞ୍ଜି ହେୱାର୍ ପୁରାପୁରି ଟିକ୍ ବାବ୍‌ରେ ୱେଚ୍‌ନାର୍।

ଏବ୍ରି 11:17

ଈଶ୍ୱର ଅବ୍ରାହାମତିଙ୍ଗ୍ ପାର୍ମାଣ୍ କିଜି ତା ମେହି ଇସାକ ବିଷୟରେ ୱେଚ୍‌ଚି ମାଚାନ୍, “ଇସାକତାଙ୍ଗ୍ ମି ଲାତ୍ରା ଗାଣା କିୟାଆନାତ୍।” ମାତର୍ ଅବ୍ରାହାମ ପାର୍ତି କାଜିଙ୍ଗ୍, ତା ରୱାନ୍ ଇଞ୍ଜି ମାଜି ଇସାକତିଙ୍ଗ୍ ବଲିପୁଜା କିନି କାଜିଙ୍ଗ୍ ରେଡି ମାଚାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ପରିକ୍ଷା କିତାନ୍।

ଏବ୍ରି 11:7

ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

ଏବ୍ରି 9:5

ଆରେ ଈଶ୍ୱର ହେବେ ମାନାନ୍ ଇଞ୍ଜି ଚିନ୍ କିନି କାଜିଙ୍ଗ୍ ନିୟମ୍ ପେଡ଼ି ଜପି ଈଶ୍ୱରତି ଗୌରବ ଚଚ୍‌ନି କାଜିଙ୍ଗ୍ ରିଣ୍ଡାଙ୍ଗ୍ କିରୁବ ମାଚିକ୍। ଆରେ ଈଶ୍ୱରତାଙ୍ଗ୍ ପାପ୍ କେମା ପାୟାଆନି କାଜିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇମ୍‌ଣି ବାହାତାକେ ୱାଜି ପାର୍ତାନା କିନାନ୍, ହେ ୱିଜୁ ବାହା ହେ କିରୁବ ମାରାତାକେ ଡାବା ଆତାତ୍‌ନା। ମାତର୍ ଇୱିଜୁ ବିଷୟରେ ନଙ୍ଗୟ୍ ଆସେଙ୍ଗ୍ ପୁରା ୱେଚ୍‌ଚେଙ୍ଗ୍ ଆଡୁସ୍।

୧ ଯୋହନ 1:10

ଆସେଙ୍ଗ୍ ଯଦି ପାପ୍ କାମାୟ୍ କିୱାତାପ୍‌ନା ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ଈଶ୍ୱରତିଙ୍ଗ୍ ଆପେଙ୍ଗ୍ ମିଚ୍‌ୱା ଇଞ୍ଜି ୱେଚ୍‌ନାପା, ଆରେ ତା ସତ୍ ବାକ୍ଯ ମା ଲାଗାୟ୍ ହିଲେତ୍।

୧ ଯୋହନ 2:2

ଖ୍ରୀଷ୍ଟ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ହାଃତାନ୍। ହେୱାନ୍ ମା ପାପ୍ ନେ ଅୱାତାନ୍‌ନା, ମାତର୍ ପୁର୍ତିନି ୱିଜାର୍ ମାନାୟାର୍ ପାପ୍‌ତିଙ୍ଗ୍ ଅତାନ୍‌।

୧ ଯୋହନ 4:10

ଆସେଙ୍ଗ୍ ଈଶ୍ୱରତିଙ୍ଗ୍ ଲାଡ୍ କିନାସା, ହେଦାଙ୍ଗ୍ ଆକାୟ୍, ମାତର୍ ହେୱାନ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଆରେ ତା ମେହିଙ୍ଗ୍ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ କୃଶକାଟ୍‌ତାକେ ହାଃଦେଙ୍ଗ୍ ପକ୍ତାତାନ୍, ଏଲେଙ୍ଗ୍ କିଜି ହେୱାନ୍ ତା ଲାଡ୍‌ତିଙ୍ଗ୍ ଚଚ୍‌ଚାତାନ୍।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।