ରୋମିୟ 3:22 - New Testament in Pengo Parja Language

²² ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

²² କେବଲ୍‌ ଜିସୁ କ୍ରିସ୍ଟତି ତାକେ ପାର୍ତି କିନି କାଜିଂ ଲକୁ ଇସ୍ୱର୍‌ତି କାଣ୍‌କୁତ ଦାର୍ମି ଗାଣା କିଆନାନ୍‌ । ଇସ୍ୱର୍‌ ଇନେରିଂ ମୁକ୍‌ମେଟ୍‌ କିୱାଦାଂ କ୍ରିସ୍ଟତାକେ ପାର୍ତି କିନାକାର୍‌ ୱିଜ଼ାକାରିଂ ପାବ୍‌ ହିନାନ୍‌ ।

ରୋମିୟ 3:22 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:22

ମାତର୍ ଲାତ୍ରାହି କୁଲିୟାରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ବେଗି ହାଲାଟ୍, ହିମ୍‌ଣା କାଜିଙ୍ଗ୍ ହାର୍ଦି ହେନ୍ଦ୍ରାପାଟା ତାଡ। ତା ୱାଚ୍‌କାତାକେ ୱାତୁସ୍ ତୁଜି କିୟାଟ୍। ଆରେ ହାର୍ଦି ପାଣ୍ଡାଇଙ୍ଗ୍ ତୁଜି କିୟାଟ୍।

ପକ୍ୟାତାକା 11:12

ହେପାଦ୍ନା ପବିତ୍ର ଆତ୍ମା ନାଙ୍ଗେଙ୍ଗ୍ ୱେଚ୍‌ଚାତାତ୍, ‘ଇନାକା ଡାଉଟ୍ କିୱାଦାଙ୍ଗ୍ ହେୱାର୍ ହୁଦାଙ୍ଗ୍ ହାଲା।’ ଲାଗିଙ୍ଗ୍ ନା ହୁଦାଙ୍ଗ୍ ମାନି ଚଅଜାଣ୍ ଟଣ୍ଡାର୍ କୁକ୍‍ତେଙ୍ଗ୍ ୱାଜିମାଚି ମାନାୟାର୍ ହୁଦାଙ୍ଗ୍ ମେହାଆଜି ଆପେଙ୍ଗ୍ କର୍ଣିଲିୟ ଇଞ୍ଜ ହାଚାପ୍।

ପକ୍ୟାତାକା 15:9

ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

ପକ୍ୟାତାକା 3:16

ଇ ମାନାୟ୍‌ତିଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା ଆରେ ପୁଚାଦେର୍‌ନା, ହେୱାନ୍ ଯୀଶୁ ତର୍‍ଦାଙ୍ଗ୍ ପାର୍ତିକିନି କାଜିଙ୍ଗ୍ ଶାକ୍ତି ପାୟାଆତାନ୍‌। ହେ ଚଟା ମାନାୟ୍ ଯୀଶୁ ତର୍‌ଦିଙ୍ଗ୍ ପାର୍ତିକିନି କାଜିଙ୍ଗ୍ ପୁରାପୁରି ହାର୍ ଆତାନ୍‌ନା। ଇଦାଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା।

ରୋମିୟ 1:17

ଇନେସ୍‌କି ଇ ହାର୍ଦିକାବୁର୍‌ତାକେ, ଈଶ୍ୱର ପୁନି କିଦ୍‌ନାନା ଯେ, ହେୱାନ୍ ମାନାୟାରିଙ୍ଗ୍ ଇନେସ୍‌କିଜି ଦରମ୍ ଲକ୍ କିଦେଙ୍ଗ୍ ଆଡ୍‌ନାନ୍, ଯଦି ତାଙ୍ଗେଙ୍ଗ୍ ଆରମ୍‌ତାଙ୍ଗ୍ ହାରିହାରା ପାତେକ୍ ପାର୍ତି କିଜିମାନାର୍‌ ହେୱାରିଙ୍ଗ୍ ଦରମ୍ ମାନାୟ୍ କିଦେଙ୍ଗ୍ ଆଡ୍‌ନାତ୍। ଇଦାଙ୍ଗ୍ ବେସି ଆଗେ ଦରମ୍ ସାସ୍ତରତାକେ ଲେକାଆତାତ୍‌ନା, ପାର୍ତି କାଜିଙ୍ଗ୍ ଦରମ୍ ମାନାୟ୍ ଜିନାନ୍।

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ରୋମିୟ 10:4

ଲାଗିଙ୍ଗ୍ ଖ୍ରୀଷ୍ଟ ଦରମ୍ ସାସ୍ତର୍‌ତାକେ ଲେକାଆତି ନିୟମ୍ ୱିଜୁତିଙ୍ଗ୍ ପୁରା କିତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତିକିନାର୍, ଈଶ୍ୱର ହେୱାରିଙ୍ଗ୍ ଦରମ୍ ମାନାୟ୍ କିନାନ୍‌।

ରୋମିୟ 2:1

ଏପେଙ୍ଗ୍ ଯଦି ଜେକନିକାରିଙ୍ଗ୍ ବିଚାର୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଚିନ୍ତା କିନାଦେର୍, ଲାଗିଙ୍ଗ୍ ହେଦାଙ୍ଗ୍ ବୁଲ୍। ଏପେଙ୍ଗ୍ ଏଚେକାଡ଼୍‌ଦ ଜେକନିକାରିଙ୍ଗ୍ ବିଚାର୍ କିନାଦେର୍, ଏପେଙ୍ଗ୍ ଜାର୍‌ତିଙ୍ଗ୍ ଦସି ଇଞ୍ଜି ବିଚାର୍ କିନାଦେରା, ଇନେସ୍‌କି ଏପେଙ୍ଗ୍ ପା ହେୱାର୍ କିତିଲେକେ କିନାଦେରା।

ରୋମିୟ 3:30

ଇନେସ୍‌କି ପୁର୍ତିତାକେ ର ଈଶ୍ୱରନେ ମାନାନ୍, ଆରେ ର ଉପାୟ୍ ମାନାତ୍ ତା ହୁଦାଙ୍ଗ୍ ଟିକ୍ ଆୟା ଆନାତ୍। ମା ପାର୍ତି କାଜିଙ୍ଗ୍ ହେୱାନ୍ ନେ ମାଙ୍ଗେଙ୍ଗ୍ ଟିକ୍ ମାନାୟ୍ କିଦ୍‌ନାନ୍, ଯିହୁଦି ଜାତିନି ମାନାୟାର୍ ଆଏର୍ କି ବିନ୍‌ଜାତିନି ମାନାୟାର୍ ଆଏର୍।

ରୋମିୟ 4:16

ଲାଗିଙ୍ଗ୍ ମାନାୟାର୍ ପାର୍ତି କାଜିଙ୍ଗ୍ ଈଶ୍ୱର ପାର୍ମାଣ୍ କିତାନ୍। ଇ ପାର୍ମାଣ୍ ଈଶ୍ୱର ଦୟା କିତି କାଜିଙ୍ଗ୍ ଗାଟାଆତ୍‌ତାନା। ଇ ପାର୍ମାଣ୍ ଈଶ୍ୱର ନିୟମ୍‌ତିଙ୍ଗ୍ ପାୟାଆତି ଅବ୍ରାହାମ କୁଟୁମ୍‌ନି ମାନାୟାର୍ କାଜିଙ୍ଗ୍ ନେ ଆକାୟ୍। ମାତର୍ ଏଚେଜାଣ୍ ପାର୍ତିକିନାରା, ହେ ୱିଜୁ ଅବ୍ରାହାମନି କୁଟୁମ୍‌ନି ମାନାୟାର୍ ଆନାର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପାର୍ତିକିନାରା, ଇନେସ୍ ଅବ୍ରାହାମ ପାର୍ତି କିଜି ମାଚାନ୍, ଆରେ ଅବ୍ରାହାମ ମା ଆକଦାଦି ଆତାନ୍।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 9:30

ବିନ୍‌ଜାତିନି ମାନାୟାର୍ ନିଜେ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିଉରା, ମାତର୍ ଈଶ୍ୱର ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍‌ନା, ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତିକିନାରା।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୧ କରନ୍ତିୟ 4:7

ଇନେର୍ ପା ମିଙ୍ଗେଙ୍ଗ୍ ଗାଜାକାର୍ କିଦ୍‌ୱାତାର୍‌ନା। ଈଶ୍ୱର ମିଙ୍ଗେଙ୍ଗ୍ ୱିଜୁ ଜିନିଷ୍ ହିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବାଟ୍‌ପାଣ୍ ଆନି ଅଦିକାର୍ ହିଲେତ୍, ଇନେସ୍‌କି ଇନାକା ୱିଜୁ ପାୟା ଆତାଦେର୍‌ନା ହେ ୱିଜୁ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 2:16

ମାତର୍ ଆପେଙ୍ଗ୍ ପୁନାପ୍ ଯେ ରକାନ୍ ମାନାୟ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାନ୍, ମୋଶା ଲେକିକିତି ନିୟମ୍ ସାସ୍ତର୍‌ତାଙ୍ଗ୍ ଆକାୟ୍। ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟତାକେ ଆପେଙ୍ଗ୍ ପାର୍ତିକିତି କାଜିଙ୍ଗ୍, ଆସେଙ୍ଗ୍ ନଙ୍ଗୟ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାସ୍‌, ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନିକିନି କାଜିଙ୍ଗ୍ ଆକାୟ୍। ଇନେସ୍‌କି ରକାନ୍ ପା ନିୟମ୍ ସାସ୍ତର୍ ମାନିକିଜି ଈଶ୍ୱର ଲାଗାୟ୍ ଦରମ୍ ମାନାୟ୍ ଆଦେଙ୍ଗ୍ ଆଡୁନ୍।”

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଏପିସିୟ 3:12

ଖ୍ରୀଷ୍ଟ କାଜିଙ୍ଗ୍ ଆରେ ଆସେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍, ନଙ୍ଗୟ୍ ଆସେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ସାହାସ୍ ହୁଦାଙ୍ଗ୍ ଈଶ୍ୱର ଲାଗାୟ୍ ହାଞ୍ଜେଙ୍ଗ୍ ଆଡ୍‌ନାସ୍।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

ଜାକ୍‌ବ 2:23

ଲାଗିଙ୍ଗ୍ ନିୟମ୍ ସାସ୍ତର୍‌ନି ଇ କାତା ପୁରା ଆତାତ୍, “ଅବ୍ରାହାମ ଈଶ୍ୱରତାକେ ପାର୍ତି କିତାନ୍, ଆରେ ତା ପାର୍ତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ଇଚାନ୍।” ଆରେ ଈଶ୍ୱର ଅବ୍ରାହାମତିଙ୍ଗ୍ ୱେଚ୍‌ଚାନ୍, “ହେୱାନ୍ ନା ସାଙ୍ଗ।”