ରୋମିୟ 2:20 - New Testament in Pengo Parja Language

²⁰ ଆରେ ଏପେଙ୍ଗ୍ ବୁଦିହିଲି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଆରେ ଈଶ୍ୱରତି ସତ୍ ହିକ୍ଷାତିଙ୍ଗ୍ ହିମ୍‌ଣାରିଙ୍ଗ୍ ହିକାୟ୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଜାର୍‌ତିଙ୍ଗ୍ ୱେଚ୍‌ନାଦେରା। ଇନେସ୍‌କି ମୋଶା ନିୟମ୍‌ତାଙ୍ଗ୍ ପୁରା ସତ୍ ଆରେ ଜ୍ଞାନ୍‌ନି ବିଷୟ ପୁଚାପ୍‌ନା ଇଞ୍ଜି ଜାର୍‌ତିଙ୍ଗ୍ ବାବିକିନାଦେରା।

ସତ୍‌ ବଚନ୍‌ ପୁନି ନିୟମ୍‌

²⁰ ବୁଦିହିଲ୍‌ୱାକାର୍‌ତି ବୁଜାୟ୍‌କିନାକାର୍‌, ପୁନ୍‌ୱାକାର୍ତି ଗୁରୁ । ମି ପାର୍ତି ଜେ, ବିଦିତାଂ ଏପେଙ୍ଗ୍‌ ବାର୍ତି ହାତ୍‌ପା ଆରି ଗିଆନ୍‌ ଲାବ୍‌ କିତାଦେର୍ଣ୍ଣା ।

ରୋମିୟ 2:20 Iomraidhean Croise

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ରୋମିୟ 2:19

ଆରେ ଏପେଙ୍ଗ୍ କାଣାଲଗାଙ୍ଗ୍ ହାଜି ଚଚ୍‌ଚେଙ୍ଗ୍ ଆରେ ମାଜ୍‌ଗାତାକେ ମାନି ମାନାୟାରିଙ୍ଗ୍ ଅଜଡ଼୍ ଚଚ୍‌ଚେଙ୍ଗ୍ ଆଡ୍‌ନାପ୍ ଇଞ୍ଜି ଜାର୍‌ତିଙ୍ଗ୍ ୱେଚ୍‌ନାଦେରା।

ରୋମିୟ 3:31

ଲାଗିଙ୍ଗ୍ ଆସେଙ୍ଗ୍ ପାର୍ତି କାଜିଙ୍ଗ୍ ନିୟମ୍‌ତିଙ୍ଗ୍ ଗୁଚାୟ୍ କିନାସା କି? ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ମାତର୍ ଆପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପୁରା କିନାପ୍।

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

୧ କରନ୍ତିୟ 3:1

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ପବିତ୍ର ଆତ୍ମା ମାଚି ମାନାୟାରିଙ୍ଗ୍ ହିକ୍ଷା ହିତିଲେକେ ହିକ୍ଷା ହିୱାଦାଙ୍ଗ୍ ମାନ୍‌ଚାଙ୍ଗ୍। ମାତର୍ ଇ ପୁର୍ତିନି ମାନାୟାରିଙ୍ଗ୍ ହିକ୍ଷାହିଜି ମାଚିଲେକେ ହିକ୍ଷାହିଜି ମାନ୍‌ଚାଙ୍ଗ୍, ଆରେ ଖ୍ରୀଷ୍ଟତାକେ ପାର୍ତିକିନି ହିରୁ ହିମ୍‌ଣାକାଙ୍ଗ୍ ୱେଚ୍‌ଚିଲେକେ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗା।

୨ ତିମଥି 1:13

ଏପେଙ୍ଗ୍ ନାବେତାଙ୍ଗ୍ ଇମ୍‌ଣି ୱିଜୁ ସତ୍ ହିକ୍ଷା ୱେଚାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆସ୍ତି ଏପେଙ୍ଗ୍ ହେ ଅନୁସାରେ କିୟାଟ୍। ଯୀଶୁ ଖ୍ରୀଷ୍ଟତାକେ ରବେଆଜି ମାନି କାଜିଙ୍ଗ୍ ପାର୍ତି ଆରେ ଲାଡ୍‌ତିଙ୍ଗ୍ ଆସ୍ତି ମାନାଟ୍।

୨ ତିମଥି 3:5

ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଚଚ୍‌ନାର୍, ମାତର୍ ହେୱାର୍ ଜିବୁନ୍‌ତିଙ୍ଗ୍ ବାଦ୍‌ଲାଇ କିଦେଙ୍ଗ୍ ହେୱାର୍ ଈଶ୍ୱର ଶାକ୍ତିତିଙ୍ଗ୍ ମାନିକିଉର୍। ଇ ଲେକେ ମାନାୟାର୍ ହୁଦାଙ୍ଗ୍ ମାହା ଆମା।

ତୀତସ 1:16

ଇ ବୁଲ୍ ହିକ୍ଷାହିନି ମାଷ୍ଟେରାର୍ ଈଶ୍ୱରତିଙ୍ଗ୍ ପୁନାପ୍ ଇଞ୍ଜି ୱେଚ୍‌ନାର୍, ମାତର୍ ହେୱାର୍ କାମାୟ୍ ଚଚ୍‌ନାତ୍‌ ଯେ ହେୱାର୍ ହେୱାନିଙ୍ଗ୍ ପୁନୁର୍। ହେୱାର୍ ବେସି କରାପ୍ ଆରେ ଈଶ୍ୱରତିଙ୍ଗ୍ ମାନିକିଉର୍। ହେୱାର୍ ଅଲପ୍‌ପା ହାର୍ଦି କାମାୟ୍ କିଦେଙ୍ଗ୍ ଆଡୁର୍।

ଏବ୍ରି 5:13

ଇମ୍‌ଣି ମାନାୟ୍ ନଙ୍ଗୟ୍ ପାତେକ୍ ମାଁୟ୍ ନେ ଉଣାନା, ହେୱାନ୍ ନଙ୍ଗୟ୍ ପାତେକ୍ ପା ହିରୁ ହିମ୍‌ଣା ଆଜି ମାନାନ୍। ଆରେ ଦରମ୍ ଜିବୁନ୍ କାଟିକିନି କାଜିଙ୍ଗ୍ ହେୱାନ୍ ପୁନୁନ୍।

ଜାକ୍‌ବ 3:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ୱିଜାକାଦେର୍ ମାଷ୍ଟେର୍ ଆମାଟ୍। ଇନେସ୍‌କି ପୁଚାଦେର୍‌ନା ଯେ, ଈଶ୍ୱର ମାଷ୍ଟେରାରିଙ୍ଗ୍ ବେସି ଷ୍ଟିଟ୍‌କିଜି ବିଚାର୍ କିନାନ୍।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।