ରୋମିୟ 2:15 - New Testament in Pengo Parja Language

¹⁵ ହେୱାର୍ ଈଶ୍ୱର ମଶାଙ୍ଗ୍ ହିଜିମାଚି ନିୟମ୍ ତା ଗରବ୍‌ତାକେ ଲେକାଆତାତ୍‌ନା ଇଞ୍ଜି ଚଚ୍‌ନାରା। ଇନେସ୍‌କି ହେୱାର୍ ମାନ୍ ବିରଦ୍ କିଜି ୱେଚ୍‌ନାତ୍‌ ଯେ, ହେୱାର୍ ହାର୍ କି କରାପ୍ କାମାୟ୍ କିନାରା, ଆରେ ହେୱାର୍ ମାନ୍‌ନେ ସତ୍ ବିଷୟତିଙ୍ଗ୍ ପୁନି କିନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ହେୱାର୍‌ତି କାମାୟ୍‌ ହୁଦାଂ ଇଦାଂ ପୁନ୍ୟାନାତା ଜେ, ବିଦିନି ନିୟମ୍‌କୁ ହେୱାର୍‌ତି ମାନ୍ତ ଲେକା ଅତାନ୍ନା । ଇ କାତାନି ହାତ୍‌ପା ହେୱାର୍‌ତି ବୁଦି ହୁଦାଂ ପାର୍ମାଣ୍‍ ସତ୍‌ ଚିନ୍ତା କିନିୱେଡ଼ାଲିଂ ବୁଦି ହେୱାରିଂ ପକ୍ୟା ଆନାତ୍‌, ବିନ୍‌ଚିନ୍ତା ୱେଡ଼ାଲିଂ ଦସି କିନାତ୍‌ ।

ରୋମିୟ 2:15 Iomraidhean Croise

ଜହନ୍‌ 8:9

ଇମ୍‌ଣାକାର୍ ଯୀଶୁ ବେଣ୍ ୱେଚାର୍ ହେୱାର୍ ରକାର୍-ରକାର୍ ଆଜି ହାଞ୍ଜେଙ୍ଗ୍ ଲାଗାତାର୍। ପାର୍ତୁମ୍ ବୁଡ଼ାର୍‌ ହାଚାର୍, ଆରେ ଜେକନିକାର୍ ହାଚାର୍। ମାତର୍ ଯୀଶୁ ଆରେ ହେ କଗ୍‌ଲେ ନେ ହେବେ ମାଚାର୍।

ପକ୍ୟାତାକା 23:1

ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ରୋମିୟ 2:14

ବିନ୍‌ଜାତିନି ମାନାୟାର୍‌ତାକେ ମଶା ନିୟମ୍ ହିଲିତିସ୍ ପା, ହେୱାର୍ ତା ମାନ୍ତି ଇଚା ଅନୁସାରେ ନ୍ୟାୟ୍ କାମାୟ୍ କିନାର୍, ହେୱାର୍ ଜାଣାୟ୍ କିନାରା ଯେ, ହେୱାର୍‌ତାକେ ପା ସତ୍ ନିୟମ୍ ମାନାତ୍।

ରୋମିୟ 2:27

ଆରେ ଯଦି ସୁନତ ଆୱିତି ବିନ୍‌ଜାତିନି ମାନାୟ୍ ମଶା ଲେକିକିତି ନିୟମ୍‌ତିଙ୍ଗ୍ ମାନି କିନାରା ହେୱାନ୍ ମଶା ଲେକିକିତି ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା ଆରେ ସୁନତ ଆତି ମାନାୟ୍‌ତାଙ୍ଗ୍ ହାର୍।

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 5:11

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଆପେଙ୍ଗ୍ ୱେଚ୍‌ଚିତି ସତ୍‌ତିଙ୍ଗ୍ ପାର୍ତିକିୟାଟ୍। ଈଶ୍ୱର ମା ବିଷୟରେ ହାର୍ କିଜି ପୁଚାନ୍‌ନା ଆରେ ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ପା ଇ ବିଷୟରେ ପୁନ୍‌ଞ୍ଜି ମାନାଦେର୍।

୧ ତିମତି 4:2

ଇ ବୁଲ୍ ହିକ୍ଷା ବାଟ୍‌ପାଣ୍ ଆରେ ମିଚ୍‌ୱାର୍ ହିନାର୍, ଇନେସ୍‌କି ହେୱାର୍ ବୁଦି ହାଃନାତ୍।

ତୀତସ 1:15

ହାର୍ଦି ମାନାୟାର୍ କାଜିଙ୍ଗ୍ ୱିଜୁ ବିଷୟ ନେ ହାର୍। ମାତର୍ କରାପ୍ ଆରେ ପାର୍ତିକିୱି ମାନାୟାର୍ କାଜିଙ୍ଗ୍ ଇମ୍‌ଣି ବିଷୟ ପା ହାର୍ ଆକାୟ୍। ଇନେସ୍‌କି ହେୱାର୍ ମାନ୍ ଆରେ ବୁଜାଆନି ଶାକ୍ତି ଇ ରିଣ୍ଡାଙ୍ଗ୍ ନେ କରାପ୍।