ରୋମିୟ 2:14 - New Testament in Pengo Parja Language

¹⁴ ବିନ୍‌ଜାତିନି ମାନାୟାର୍‌ତାକେ ମଶା ନିୟମ୍ ହିଲିତିସ୍ ପା, ହେୱାର୍ ତା ମାନ୍ତି ଇଚା ଅନୁସାରେ ନ୍ୟାୟ୍ କାମାୟ୍ କିନାର୍, ହେୱାର୍ ଜାଣାୟ୍ କିନାରା ଯେ, ହେୱାର୍‌ତାକେ ପା ସତ୍ ନିୟମ୍ ମାନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଲାଗିଂ ପାର୍ତିକିୱି ଜିହୁଦିର୍‌ତି ହେ ବିଦି ମାନ୍‌ୱିତିସ୍‌ ପା, ଏଚେକାଡ଼୍‌ଦ ହେୱାର୍‌ ହାର୍‌ ବାବ୍ରେ ବିଦି ଲାକେ କାମାୟ୍‌ କିତାର୍‌, ହେପାଦ୍‌ନା ହେୱାର୍‌ ବିଦି ପାୟା ଆୱିତିସ୍ପା ନିଜେ ଜାର୍‌ ଜାର୍‌ କାଜିଂ ବିଦି ପାଲି କିତାର୍ଣ୍ଣା;

ରୋମିୟ 2:14 Iomraidhean Croise

ପକ୍ୟାତାକା 10:35

ଇଦାଙ୍ଗ୍ ନଙ୍ଗୟ୍ ଆନେଙ୍ଗ୍ ହାର୍‌ଦାଙ୍ଗ୍ ପୁଚାଙ୍ଗ୍‌ନା, ଈଶ୍ୱରତିଙ୍ଗ୍ ଇମ୍‌ଣି ଜାତିନି ମାନାୟାର୍ ପା ପାଣ୍ଡ୍ରାଆଜି ଦରମ୍ କାମାୟ୍ କିନାର୍, ହେୱାନିଙ୍ଗ୍ ଈଶ୍ୱର ଆହ୍‌ନାନ୍।

ପକ୍ୟାତାକା 14:16

ହେ ଈଶ୍ୱର ୱିଜୁ ଜାତିନି ମାନାୟାରିଙ୍ଗ୍ ଜାର୍-ଜାର୍ ହାଜ୍‌ଦିଙ୍ଗ୍ ହାଞ୍ଜେଙ୍ଗ୍ ଆଗେ ପିସ୍ତିହିଜି ମାନ୍‌ଞ୍ଚାନ୍।

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ରୋମିୟ 1:32

ଇମ୍‌ଣି ମାନାୟ୍ ହେଲେକେ ଯିବୁନ୍ କାଟିକିନାରା। ହେୱାର୍ ପୁଚାର୍‌ନା ଯେ, ଇଲେକେ କାମାୟ୍ କିତିସ୍ ଈଶ୍ୱର ମାଙ୍ଗେଙ୍ଗ୍ ହାଃନି ଦଣ୍ଡ୍ ହିଦ୍‌ନାନ୍, ଆରେ ହେୱାର୍ ପୁଚିସ୍ ପା ହେଲେକେ କାମାୟ୍ କିନାକାରିଙ୍ଗ୍ ଆଦିକ୍ କିଦେଙ୍ଗ୍ ୱାରିୟା ଆନାର୍ ଆରେ ଜେକନିକାରିଙ୍ଗ୍ କିନି କାଜିଙ୍ଗ୍ ଟିଉଲାୟ୍ କିନାର୍‌।

ରୋମିୟ 2:12

ବିନ୍‌ଜାତିନି ମାନାୟାର୍ ମଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ପାୟାଆୱାଦାଙ୍ଗ୍ ମାଚିସ୍ ପା ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ଆରେ ଯିହୁଦି ଜାତିନି ମାନାୟାର୍ ମଶା ନିୟମ୍‌ତିଙ୍ଗ୍ ପାୟାଆଜି ମାନିକିୱାଦାଙ୍ଗ୍ ପାପ୍ କିତିସ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ରୋମିୟ 2:15

ହେୱାର୍ ଈଶ୍ୱର ମଶାଙ୍ଗ୍ ହିଜିମାଚି ନିୟମ୍ ତା ଗରବ୍‌ତାକେ ଲେକାଆତାତ୍‌ନା ଇଞ୍ଜି ଚଚ୍‌ନାରା। ଇନେସ୍‌କି ହେୱାର୍ ମାନ୍ ବିରଦ୍ କିଜି ୱେଚ୍‌ନାତ୍‌ ଯେ, ହେୱାର୍ ହାର୍ କି କରାପ୍ କାମାୟ୍ କିନାରା, ଆରେ ହେୱାର୍ ମାନ୍‌ନେ ସତ୍ ବିଷୟତିଙ୍ଗ୍ ପୁନି କିନାତ୍।

ରୋମିୟ 2:27

ଆରେ ଯଦି ସୁନତ ଆୱିତି ବିନ୍‌ଜାତିନି ମାନାୟ୍ ମଶା ଲେକିକିତି ନିୟମ୍‌ତିଙ୍ଗ୍ ମାନି କିନାରା ହେୱାନ୍ ମଶା ଲେକିକିତି ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା ଆରେ ସୁନତ ଆତି ମାନାୟ୍‌ତାଙ୍ଗ୍ ହାର୍।

୧ କରନ୍ତିୟ 11:14

ଇ ପୁର୍ତିତାଙ୍ଗ୍ ହିକା ଆନାପା ଯେ, ଯଦି ଇମ୍‌ଣି ଆଣ୍ଡ୍ରେନ୍ କଗ୍‌ଲେ ଲେକେ ତେମୁଲ୍ ପିହ୍‌ନାନ୍, ହେଦାଙ୍ଗ୍ ତା କାଜିଙ୍ଗ୍ ଲାଜ୍‌ନି କାତା।

୧ କରନ୍ତିୟ 9:21

ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

ଏପିସିୟ 2:3

ଆସେଙ୍ଗ୍ ପା ହେୱାର୍ ଲେକେ ଆଗେ ଜିବୁନ୍ କାଟିକିଜି ମାଚାପ୍। ଆପେଙ୍ଗ୍ ପାପ୍ ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ମାନ୍‌ନି ୱିଜୁ ଇଚାତାଙ୍ଗ୍ ପୁରା କିଜି ମାଚାପ୍। ଆରେ ହେ ଆଦେସ୍ ମାନିକିୱି ହିମ୍‌ଣାର୍ ହୁଦାଙ୍ଗ୍ ଆପେଙ୍ଗ୍ ୱିଜାକାପ୍ ପା ରଞ୍ଜେମାଡ୍ ମା ଗାଗାଡ଼୍‌ନି ଇଚାତାଙ୍ଗ୍ ଜିବୁନ୍ କାଟିକିଜି ଗାଗାଡ଼୍‌ନି ଆରେ ମାନ୍‌ନି ଇଚା ପୁରା କିଜି ମାଚାପ୍। ଲାଗିଙ୍ଗ୍ ଜେକନିକାର୍ ଲେକେ ଆପେଙ୍ଗ୍ ପା ଈଶ୍ୱର ଦଣ୍ଡ୍ ପାୟାଆନି ଯଗ୍ଯ ଆଜି ମାଚାପ୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।