ରୋମିୟ 16:9 - New Testament in Pengo Parja Language

⁹ ଆରେ ମା ହୁଦାଙ୍ଗ୍ ମାହାଆଜି ଖ୍ରୀଷ୍ଟ କାଜିଙ୍ଗ୍ କାମାୟ୍ କିଦେଙ୍ଗ୍ ଉର୍ବାଣ ଆରେ ନା ଲାଡ୍‌ନି ସ୍ତାଖୀୟଙ୍ଗ୍‌ ଜୁୱାର୍ ଜଣାୟ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

⁹ କ୍ରିସ୍ଟତି ହେବାତ ନା ହାଙ୍ଗ୍‌ଦାକାର୍‌ କାମାୟ୍‌ କିନାକାନ୍‌ ଉର୍ବାଣତିଂ ଆରି ନା ୱାରିନି ସ୍ତାକୁତିଂ ଜୁୱାର୍‌ ୱେଚାଟ୍‌ ।

ରୋମିୟ 16:9 Iomraidhean Croise

ରୋମିୟ 16:21

ନା ହୁଦାଙ୍ଗ୍ କାମାୟ୍ କିନି ତିମତି ଆରେ ମା ଯିହୁଦି ଟଣ୍ଡେନ୍ ଲୁକିୟ, ଯାସୋନା ଆରେ ଖ୍ରୀଷ୍ଟାନ୍ ଟଣ୍ଡେନ୍ ସୋସିପାତ୍ର ମିଙ୍ଗେଙ୍ଗ୍ ଜୁୱାର୍ ଜଣାୟ୍ କିଦ୍‌ନାଙ୍ଗା।

ରୋମିୟ 16:7

ତାପାଚେ ନା ନିଜର୍ ଯିହୁଦି ଲକ୍ ଆନ୍ଦ୍ରନିକସ୍ ଆରେ ତା ଡକ୍ରୁହି ୟୁନିୟାଙ୍ଗ୍ ଇନେର୍ ନା ହୁଦାଙ୍ଗ୍ ଜଇଲ୍ ଇଞ୍ଜ ମାଚାର୍, ହେୱାର୍ ବାଚିକିତି ଚେଲାହିର୍‌ତାଙ୍ଗ୍ ସନ୍‌ମାନ୍ ପାୟାଆଜି ମାଚାର୍। ହେୱାର୍ ଆନେଙ୍ଗ୍ କିନି ଆଗେ ଖ୍ରୀଷ୍ଟାନ୍ ଆଜି ମାଚାର୍ ଆରେ ହେୱାରିଙ୍ଗ୍ ପା ଆନେଙ୍ଗ୍ ନା ଜୁୱାର୍ ଜଣାୟ୍ କିନାଙ୍ଗା।

ରୋମିୟ 16:8

ଆମ୍ପ୍ଲିୟାତଙ୍ଗ୍ ନା ଜୁୱାର୍ ଜଣାୟ୍ କିନାଙ୍ଗା, ଇନେରିଙ୍ଗ୍ ଆନେଙ୍ଗ୍ ମାପୃନି ଜାର୍‌ ମାଜି ଇଞ୍ଜି ବାବିକିଜି ଲାଡ୍ କିନାଙ୍ଗା,

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

୨ କରନ୍ତିୟ 12:2

ଚଉଦ ବାର୍ହୁ ଆଗେ ମାପୃ ଯୀଶୁ ଖ୍ରୀଷ୍ଟ ନାଙ୍ଗେଙ୍ଗ୍ ତିନ୍ ନମ୍ବର୍‌ନି ସରଗ୍‌ତାକେ ଅଜି ମାନ୍‌ଞ୍ଚାନ୍। ହେ ତିନ୍ ନମ୍ବର୍‌ନି ସରଗତାକେ ନା ଗାଗାଡ଼୍ ହାଲ୍‌ଜି ମାଚାତ୍ କି ନା ଆତ୍ମା ହାଲ୍‌ଜି ମାଚାତ୍ ଆନେଙ୍ଗ୍ ପୁନୁଙ୍ଗ୍, ମାତର୍ ଈଶ୍ୱର ପୁଚାନ୍‌ନା।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

ଗାଲାତିୟ 1:22

ଯିହୁଦା ଜିଲ୍ଲାତାକେ ମାନି ଖ୍ରୀଷ୍ଟତାକେ ପାର୍ତିକିନି ମଣ୍ଡ୍‌ଲିନି ମାନାୟାର୍ ନାଙ୍ଗେଙ୍ଗ୍ ପୁଞ୍ଜ୍‌ୱାଦାଙ୍ଗ୍ ମାନ୍‌ଞ୍ଚାର୍।

ପିଲିପିୟ 2:25

ଆନେଙ୍ଗ୍ ମି ଲାଗାୟ୍ ଏଫାପ୍ରାଦିତତିଙ୍ଗ୍ ପକ୍ତେଦେଙ୍ଗ୍ ମାନ୍ କିତାଙ୍ଗ୍‌ନା, ହେୱାନ୍ ସତ୍‌ରେ ନା ଟଣ୍ଡେନ୍ ଲେକେ, ନା ହୁଦାଙ୍ଗ୍ ମାନିକିଜି କାମାୟ୍ କିନାକାନ୍, ଆରେ ନା ହୁଦାଙ୍ଗ୍ ସାହାସ୍‌ତାଙ୍ଗ୍ ମାନି ସେନା। ନାଙ୍ଗେଙ୍ଗ୍ ଦର୍‌କାର୍‌ଆନି ବିଷୟ ସାଇଜ କିଦ୍‌ଦେଙ୍ଗ୍ ଏପେଙ୍ଗ୍ ବାଚିକିଜି ପକ୍ତିତି ମାନାୟ୍। ଆନେଙ୍ଗ୍ ହେୱାନିଙ୍ଗ୍ ମି ଲାଗାୟ୍ ଆରେରଗ ପକ୍ତେଦେଙ୍ଗ୍ ବାବିକିନାଙ୍ଗା।