ରୋମିୟ 16:21 - New Testament in Pengo Parja Language

²¹ ନା ହୁଦାଙ୍ଗ୍ କାମାୟ୍ କିନି ତିମତି ଆରେ ମା ଯିହୁଦି ଟଣ୍ଡେନ୍ ଲୁକିୟ, ଯାସୋନା ଆରେ ଖ୍ରୀଷ୍ଟାନ୍ ଟଣ୍ଡେନ୍ ସୋସିପାତ୍ର ମିଙ୍ଗେଙ୍ଗ୍ ଜୁୱାର୍ ଜଣାୟ୍ କିଦ୍‌ନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

²¹ ନା ହାଙ୍ଗ୍‌ଦାକାନ୍‌ ତିମତି, ଆରେ ନା ନିଜ୍‌ଜାତିର୍‌ ଲୁକିୟ, ଜାସନ୍‌ ଆରି ସସିପାତ୍ର ମିଙ୍ଗେଙ୍ଗ୍‌ ଜୁୱାର୍‌ ଜାଣାୟ୍‌ କିଦ୍‌ନାରା ।

ରୋମିୟ 16:21 Iomraidhean Croise

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 17:14

ଲାଗିଙ୍ଗ୍ କେତେକ୍ ପାର୍ତିକିନି ଟଣ୍ଡାର୍ ବିଲମ୍ କିୱାଦାଙ୍ଗ୍ ପାଉଲତିଙ୍ଗ୍ ହାମ୍‌ଦୁର୍ କାଣ୍ଡିତାକେ ପକ୍ତାର୍। ମାତର୍ ଶିଲା ଆରେ ତିମତି ହେ ସହର୍‌ତାକେ ମାଚାର୍।

ପକ୍ୟାତାକା 17:5

ମାତର୍ ଯିହୁଦି ମାନାୟାର୍ ଆକାର୍ ଆଜି ସହର୍‌ତାଙ୍ଗ୍ କେତେକ୍ କରାପ୍ ମାନାୟାରିଙ୍ଗ୍ ରୁଣ୍ଡାଇ କିତାର୍, ଆରେ ହେୱାର୍ ରବେଆଜି ସହର୍‌ତାକେ ଗଣ୍ଡ୍‍ଗଲ୍ କିୟିକିତାର୍। ଆରେ ହେୱାର୍ ଯାସୋନ ଇଲ୍‌ତିଙ୍ଗ୍ ଡ୍ରିକ୍‌ଚି ପାଉଲ ଆରେ ଶିଲାଙ୍ଗ୍ ମାନାୟାର୍ ଲାଗାୟ୍ ତାତେଙ୍ଗ୍ ଉପାୟ୍ କିତାର୍।

ପକ୍ୟାତାକା 18:5

ଶିଲା ଆରେ ତିମତି ମାକଦନିଆ ସହର୍‌ତାଙ୍ଗ୍ ପାଉଲ ଲାଗାୟ୍ ୱାତାର୍। ଲାଗିଙ୍ଗ୍ ହେୱାନ୍ ତମ୍ୱୁ ରହ୍‌ନି କାମାୟ୍ କିୱାତାନ୍, ଆରେ ତା ୱିଜୁ ସମୟତିଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସମୟ୍ ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ଯିହୁଦି ମାନାୟାରିଙ୍ଗ୍ ହେୱାନ୍ ସାକି ହିଜିମାଚାନ୍।

ପକ୍ୟାତାକା 19:22

ହେୱାନ୍ ହାଲ୍‌ୱି ଆଗେ ତା ହୁଦାଙ୍ଗ୍ ମାନି ରିକାର୍ ତିମତି ଆରେ ଏରାଷ୍ଟତିଙ୍ଗ୍ ମାକଦନିଆ ଜିଲ୍ଲାତାକେ ପକ୍ତାନ୍, ଆରେ ହେୱାନ୍ ଏସିଆ ଜିଲ୍ଲାନି ଏପିସ ସହର୍‌ତାକେ ନେ କେତେକ୍ ଦିନ୍ ମାନ୍‌ଗାତାନ୍।

ପକ୍ୟାତାକା 20:4

କେତେକ୍ ମାନାୟାର୍ ହେୱାନ୍ ହୁଦାଙ୍ଗ୍ ମେହାଆଜି ହାଚାର୍। ହେୱାର୍ ତର୍‌ ବେରିୟା ସହର୍‌ନି ସୋପାତ୍ର, ହେୱାନ୍ ପୁରନି ମେହି ମାଚାନ୍, ଥେସଲନିକି ସହର୍‌ନି ଆରିସ୍ତାର୍ଖ ଆରେ ସେକୁନ୍ଦ, ଦର୍ବି ସହର୍‌ନି ଗାୟ, ଲୁସ୍ତ୍ରା ସହର୍‌ନି ତିମତି ଆରେ ଏସିଆ ଜିଲ୍ଲାନି ତୁକିକ ଆରେ ତ୍ରପିମ ମାଚାର୍।

ରୋମିୟ 16:11

ନା ଯିହୁଦି ଲକ୍ ହେରୋଦିୟନ୍ ଆରେ ନାରସିସଙ୍ଗ୍ କୁଟୁମ୍‌ନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ପା ନା ଜୁୱାର୍ ଜଣାୟ୍ କିୟାଟ୍।

ରୋମିୟ 16:7

ତାପାଚେ ନା ନିଜର୍ ଯିହୁଦି ଲକ୍ ଆନ୍ଦ୍ରନିକସ୍ ଆରେ ତା ଡକ୍ରୁହି ୟୁନିୟାଙ୍ଗ୍ ଇନେର୍ ନା ହୁଦାଙ୍ଗ୍ ଜଇଲ୍ ଇଞ୍ଜ ମାଚାର୍, ହେୱାର୍ ବାଚିକିତି ଚେଲାହିର୍‌ତାଙ୍ଗ୍ ସନ୍‌ମାନ୍ ପାୟାଆଜି ମାଚାର୍। ହେୱାର୍ ଆନେଙ୍ଗ୍ କିନି ଆଗେ ଖ୍ରୀଷ୍ଟାନ୍ ଆଜି ମାଚାର୍ ଆରେ ହେୱାରିଙ୍ଗ୍ ପା ଆନେଙ୍ଗ୍ ନା ଜୁୱାର୍ ଜଣାୟ୍ କିନାଙ୍ଗା।

୨ କରନ୍ତିୟ 1:1

ପାଉଲ ଆରେ ମା ପାର୍ତିକିନି ଟଣ୍ଡେନ୍ ତିମତି କରନ୍ତିୟ ସହର୍ ଈଶ୍ୱର ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ କାଜିଙ୍ଗ୍, ଆରେ ଆକାୟା ସହର୍‌ନି ୱିଜୁ ପାର୍ତିକିନି ଟଣ୍ଡାର୍ କାଜିଙ୍ଗ୍ ଇ ଚିଟି ଲେକିକିନାପା। ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆନି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୨ କରନ୍ତିୟ 1:19

ଇନେସ୍‌କି ଆନେଙ୍ଗ୍ ଆରେ ଶିଲା ଆରେ ତିମତି ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ, ଈଶ୍ୱର ମେହି ବିଷୟରେ ଶୁଣାୟ୍ କିନିହିଙ୍ଗ୍ ଆଁ ଆରେ ଆକାୟ୍ ଇଞ୍ଜି ୱେଚ୍‌ୱାତାର୍‌ନା, ମାତର୍ ଆପେଙ୍ଗ୍ ଆଁ ଇଞ୍ଜିମାଚାର୍।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

କଲସିୟ 1:1

ଆନେଙ୍ଗ୍ ପାଉଲତଙ୍ଗ୍ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ରକାଙ୍ଗ୍ ବାଚିକିତି ଚେଲା।

୧ ଥେସଲନୀକିୟ 1:1

ଇ ଚିଟି ପାଉଲ, ଶିଲା ଆରେ ତିମତି ଲେକିକିତାର୍‌ନା। ଥେସଲନିକିୟ ସହର୍‌ନି ମଣ୍ଡ୍‌ଲିତାକେ ଆପେଙ୍ଗ୍ ଇ ଚିଟି ଲେକିକିନାପା, ଇନେର୍‌କି ଆବା ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ମାନାୟ୍। ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

୧ ଥେସଲନୀକିୟ 3:2

ମାତର୍ ଆନେଙ୍ଗ୍ ପାଉଲ ତିମତିତିଙ୍ଗ୍ ମିତାକେ ପକ୍ତାତାପ୍। ହେୱାନ୍ ମା ହୁଦାଙ୍ଗ୍ ମାହାଆଜି ଈଶ୍ୱର କାମାୟ୍ କିନାନା, ହେୱାନ୍ ମା ଟଣ୍ଡେନ୍ ଲେକେ ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିନାନା। ହେୱାନ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍ ବେସି ପାର୍ତି କିଦେଙ୍ଗ୍ ସାଇଜ କିଦ୍‌ନାନ୍, ଆରେ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାସ୍ ହିଦ୍‌ନାନ୍।

୧ ଥେସଲନୀକିୟ 3:6

ତିମତି ନଙ୍ଗୟ୍ ମିବେତାଙ୍ଗ୍ ମା ତାକେ ଲେଉଟା ଆଜି ୱାଜି ୱେଚ୍‌ଚାନ୍ ଯେ, ଆପେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିଜି ମାଚାପ୍, ଏପେଙ୍ଗ୍ ହେଲେକେ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍ କିନାଦେରା। ଆପେଙ୍ଗ୍ ୱାତାକା ଏତ୍‌କିଜି ଏପେଙ୍ଗ୍ ମାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ହେଲେକେ ଆପେଙ୍ଗ୍ ପା ମିଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ବେସି ଇଚା କିନାପା।

୨ ଥେସଲନୀକିୟ 1:1

ଆନେଙ୍ଗ୍ ପାଉଲ, ନା ଲାହାଙ୍ଗ୍ ଶିଲା ଆରେ ତିମତି ମାନାର୍, ଇ ଚିଟି ଆପେଙ୍ଗ୍ ଥେସଲନିକିୟ ସହର୍‌ନି ମଣ୍ଡ୍‌ଲିତାକେ ଲେକିକିନାପା, ଇନେର୍ ମା ଆବା ଈଶ୍ୱରତି ଆରେ ମାପୃ ଯୀଶୁ ଖ୍ରୀଷ୍ଟନି ଲକ୍‌।

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 1:2

ତିମତି ଆନେଙ୍ଗ୍ ନି ଲାଗାୟ୍ ଇ ଚିଟି ଲେକିକିନାଙ୍ଗା। ଏନେଙ୍ଗ୍ ନା ଲାଡ୍‌ନି ମାଜି ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

ଏବ୍ରି 13:23

ମା ଟଣ୍ଡେନ୍ ତିମତି ଜଇଲ୍ ଇଞ୍ଜାଙ୍ଗ୍ ମୁକ୍ତି ଆତାନ୍‌ନା। ଯଦି ହେୱାନ୍ ଇବେ ବେଗି ୱାନାନ୍, ଲାଗିଙ୍ଗ୍ ତା ହୁଦାଙ୍ଗ୍ ଆନେଙ୍ଗ୍ ମିହୁଦାଙ୍ଗ୍ ମାହାଆନି କାଜିଙ୍ଗ୍ ୱାନାଙ୍ଗ୍।