ରୋମିୟ 16:10 - New Testament in Pengo Parja Language

¹⁰ ଆପେଲା ଇନେର୍‌କି ଦୁଃକ୍ କଷ୍ଟ ପାୟାଆତି ପାଚେ ଖ୍ରୀଷ୍ଟ ତାଙ୍ଗେଙ୍ଗ୍ ଆସ୍ତି ମାଚାନ୍ ତାଙ୍ଗେଙ୍ଗ୍ ନା ଜୁୱାର୍ ଜଣାୟ୍ କିୟାଟ୍। ଆରେ ଆରସ୍ତବୁଲଙ୍ଗ୍ କୁଟୁମ୍‌ନି ୱିଜାରିଙ୍ଗ୍ ନା ଜୁୱାର୍ ଜାଣାୟ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁰ କ୍ରିସ୍ଟତାକେ ପରିକ୍ୟାସିଦ୍‌ ଆପେଲ୍ଲାଙ୍ଗ୍‌ ଜୁୱାର୍‌ ୱେଚାଟ୍‌ । ଆରିସ୍ତବୁଲ୍‌ତିଂ କୁଟୁମ୍‌ନି ମାନାୟାରିଂ ଜୁୱାର୍‌ ୱେଚାଟ୍‌ ।

ରୋମିୟ 16:10 Iomraidhean Croise

ରୋମିୟ 14:18

ଯଦି ଏପେଙ୍ଗ୍ ଇଲେକେ ବ୍ୟବହାର୍ କିଜି ଖ୍ରୀଷ୍ଟଙ୍ଗ୍ ହେବା କିନାଦେର୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରି କିନାଦେର୍। ଆରେ ଜେକନିକାର୍ ପା ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍।

ରୋମିୟ 16:3

ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍ ପ୍ରିସ୍‌କିଲା ଆରେ ତା ଡକୃହି ଆର୍କିଲାଙ୍ଗ୍ ଜୁୱାର୍ କିୟାଟ୍, ହେୱାର୍ ନା ହୁଦାଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟଙ୍ଗ୍‌ ହେବାକିଜି ମାଚାର୍।

ରୋମିୟ 16:7

ତାପାଚେ ନା ନିଜର୍ ଯିହୁଦି ଲକ୍ ଆନ୍ଦ୍ରନିକସ୍ ଆରେ ତା ଡକ୍ରୁହି ୟୁନିୟାଙ୍ଗ୍ ଇନେର୍ ନା ହୁଦାଙ୍ଗ୍ ଜଇଲ୍ ଇଞ୍ଜ ମାଚାର୍, ହେୱାର୍ ବାଚିକିତି ଚେଲାହିର୍‌ତାଙ୍ଗ୍ ସନ୍‌ମାନ୍ ପାୟାଆଜି ମାଚାର୍। ହେୱାର୍ ଆନେଙ୍ଗ୍ କିନି ଆଗେ ଖ୍ରୀଷ୍ଟାନ୍ ଆଜି ମାଚାର୍ ଆରେ ହେୱାରିଙ୍ଗ୍ ପା ଆନେଙ୍ଗ୍ ନା ଜୁୱାର୍ ଜଣାୟ୍ କିନାଙ୍ଗା।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

୧ କରନ୍ତିୟ 11:19

ଏଲେଙ୍ଗ୍ ଆନାକା ହାର୍, ଯଦି ଏପେଙ୍ଗ୍ ହେଲେକେ ବାଗ୍-ବାଗ୍ ଆନାଦେର୍, ଲାଗିଙ୍ଗ୍ ଈଶ୍ୱର ଇନେରିଙ୍ଗ୍ ଆସ୍ତାନ୍‌ନା ଇଞ୍ଜି ପୁନ୍ୟା ଆନାତ୍‌।

୨ କରନ୍ତିୟ 12:2

ଚଉଦ ବାର୍ହୁ ଆଗେ ମାପୃ ଯୀଶୁ ଖ୍ରୀଷ୍ଟ ନାଙ୍ଗେଙ୍ଗ୍ ତିନ୍ ନମ୍ବର୍‌ନି ସରଗ୍‌ତାକେ ଅଜି ମାନ୍‌ଞ୍ଚାନ୍। ହେ ତିନ୍ ନମ୍ବର୍‌ନି ସରଗତାକେ ନା ଗାଗାଡ଼୍ ହାଲ୍‌ଜି ମାଚାତ୍ କି ନା ଆତ୍ମା ହାଲ୍‌ଜି ମାଚାତ୍ ଆନେଙ୍ଗ୍ ପୁନୁଙ୍ଗ୍, ମାତର୍ ଈଶ୍ୱର ପୁଚାନ୍‌ନା।

୨ କରନ୍ତିୟ 2:9

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଲେକିକିତି ୱିଜୁ ଆଦେସ୍‌ତିଙ୍ଗ୍ ମାନିକିନାଦେର୍ କି ଆକାୟ୍ ଇଞ୍ଜି ପୁଞ୍ଜେଙ୍ଗ୍, ଆନେଙ୍ଗ୍ ଇ ଚିଟି ଲେକିକିଜି ମାଚାଙ୍ଗ୍।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

୨ କରନ୍ତିୟ 8:22

ଆପେଙ୍ଗ୍ ଆରେ ରକାନିଙ୍ଗ୍ ହେୱାର୍ ହୁଦାଙ୍ଗ୍ ପକ୍‌ନାପା, ହେୱାନ୍ କେତ୍‌ହଟ୍ ମାପୃ କାଜିଙ୍ଗ୍ ଟିକ୍ କାମାୟ୍ କିତାକାନ୍ ଇଞ୍ଜି ପୁନ୍ୟା ଆତାତ୍‌ନା, ଆରେ ପା ହେୱାନ୍ କେତେକ୍ ବାହାକାଙ୍ଗ୍ ଜାର୍ ଇଚାତାଙ୍ଗ୍ ବେସି ମାପୃ ହେବା କିତାନ୍‌ନା। ଇନେସ୍‌କି ହେୱାନ୍ ଜାର୍‌ତିଙ୍ଗ୍ ହାର୍ କିଜି ପୁଚାନ୍‌ନା ଯେ, ହେୱାନ୍ ହେୱାର୍‌ତାଙ୍ଗ୍ ଆଦିକ୍ ଡାବୁଙ୍ଗ୍ ଅସିହିନି ହେବା କିଦେଙ୍ଗ୍ ବେସି ଇଚା କିନାନା।

ଗାଲାତିୟ 1:22

ଯିହୁଦା ଜିଲ୍ଲାତାକେ ମାନି ଖ୍ରୀଷ୍ଟତାକେ ପାର୍ତିକିନି ମଣ୍ଡ୍‌ଲିନି ମାନାୟାର୍ ନାଙ୍ଗେଙ୍ଗ୍ ପୁଞ୍ଜ୍‌ୱାଦାଙ୍ଗ୍ ମାନ୍‌ଞ୍ଚାର୍।

ପିଲିପିୟ 2:22

ହେୱାନ୍ ରକାନ୍ ହାର୍ଦି ମାନାୟ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା। ର ହିମ୍‌ଣା ଲାତ୍ରାହି ହୁଦାଙ୍ଗ୍ କାମାୟ୍ କିତିଲେକେ ହେୱାନ୍ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ନା ହୁଦାଙ୍ଗ୍ ହେବା କିନାନା।

୧ ତିମତି 3:10

ମଣ୍ଡ୍‌ଲିତିଙ୍ଗ୍ ହେବା କିନି ମାନାୟ୍‌ତିଙ୍ଗ୍ ବାଚିକିନି ଆଗେ ହେୱାନିଙ୍ଗ୍ ପରିକ୍ଷା କିୟାଟ୍। ହେୱାନ୍ ଲାଗାୟ୍ ୱିଜୁ ହାର୍ଦି ଗୁଣ୍ ମାନାତ୍ କି ଆକାୟ୍। ଯଦି ମାନାୟାର୍ ତା ବିଷୟରେ ଇନା ଦସ୍ ପା ଗାଟାଆୱିତିସ୍ ହେବା କିଦେଙ୍ଗ୍ ହିୟାଟ୍।

୨ ତିମଥି 4:19

ପ୍ରିସ୍‌କିଲା ଆରେ ଆର୍କିଲା ଆରେ ଅନୀସିଫରନି ପରିବାର୍‌ତିଙ୍ଗ୍ ଆନେଙ୍ଗ୍ ଜୱାର୍ କିଦ୍‌ନାଙ୍ଗା।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।