ରୋମିୟ 15:9 - New Testament in Pengo Parja Language

⁹ ଆରେ, ହେୱାନ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ପା ୱାଜିମାଚାନ୍, ହେୱାର୍ ଇନେସ୍ ଈଶ୍ୱରତିଙ୍ଗ୍ ଗୌରବ ହିନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ପା ଦୟା କିତାନ୍‌ନା। ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା “ଆନେଙ୍ଗ୍ ନିଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ଜୟ୍-ଜୟ୍ କିନାଙ୍ଗ୍। ଆନେଙ୍ଗ୍ ନି ତର୍‌ଦିଙ୍ଗ୍ ଜୟ୍-ଜୟ୍ କିଜି କେର୍‌କଣ୍ କେର୍‌ନାଙ୍ଗ୍‌।”

ସତ୍‌ ବଚନ୍‌ ପୁନି ନିୟମ୍‌

⁹ ଆରେ, ଇନେସ୍‌ ପାର୍ତିକିୱି ଜିହୁଦିର୍‌ ଇସ୍ୱର୍ତି ଦୟା କାଜିଂ ହେୱାନ୍ତି ଜାଜ୍‌ମାଲ୍‌ କିତାର୍‌; ଇନେସ୍‌ ଲେକା ମାନାତ୍‌, “ଇଦାଂ କାଜିଂ ଆନ୍‌ ପାର୍ତିକିୱି ଜିହୁଦିର୍‌ ବିତ୍ରେ ନିଂ ୱାରିକିୟ୍‌ କିଦ୍‌ନାଙ୍ଗ୍‌, ଆରେ ନି ତର୍‌ ୱାରିକିୟ୍‌ କିନାଙ୍ଗ୍‌ ।”

ରୋମିୟ 15:9 Iomraidhean Croise

ମାତିଉ 9:8

ହେବେ ରୁଣ୍ଡାଆତି ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବା ଆତାର୍। ଈଶ୍ୱର ମାନାୟ୍ ହିମ୍‌ଣାତିଙ୍ଗ୍ ଇୱିଜୁ ରଗ୍‌ଦାକାରିଙ୍ଗ୍ ହାର୍‌କିନି ଆଦିକାର୍ ହିତାନ୍‌ନା। ହେଦାଙ୍ଗ୍ କାଜିଙ୍ଗ୍ ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ରୋମିୟ 11:30

ଇନେସ୍‌କି ଆଗେ ଏପେଙ୍ଗ୍ ବିନ୍‌ଜାତିନି ମାନାୟ୍ କାଦେର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ମାଚାଦେର୍, ଆରେ ନଙ୍ଗୟ୍ ତା ଯିହୁଦି ଜାତିନି ମାନାୟାର୍ ତା କାତା ମାନିକିୱିତିଲେ, ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ରୋମିୟ 3:29

ଈଶ୍ୱର ୱାରା ଯିହୁଦି ଜାତିନି ଈଶ୍ୱର ଆକାୟ୍, ମାତର୍ ହେୱାନ୍ ବିନ୍‌ଜାତିନି ମାନାୟାର୍ ନି ଈଶ୍ୱର ପା।