ରୋମିୟ 15:5 - New Testament in Pengo Parja Language

⁵ ଆନେଙ୍ଗ୍ ମି କାଜିଙ୍ଗ୍ ଈଶ୍ୱରତାକେ ପାର୍ତାନା କିନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ସାସ୍ ହିଦେନ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଆଡ୍‌ନାଦେର୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟ କିତିଲେକେ କିନାଦେରା

ସତ୍‌ ବଚନ୍‌ ପୁନି ନିୟମ୍‌

⁵ କ୍ରିସ୍ଟ ଜିସୁତି ୱାରିନି ପାଚେ ଲାକେ ୱିଜ଼ାର୍‌ତି ହେ ବାନି ମାନ୍‌ ବାବ୍‌ନା ଆନି କାଜିଂ ସାସ୍‌ ଆରି ୱାରିନି ଆଦାର୍‌ ଇସ୍ୱର୍‌ ମିଙ୍ଗେଙ୍ଗ୍‌ ବାପୁ କିଦେନ୍‌ ।

ରୋମିୟ 15:5 Iomraidhean Croise

ପକ୍ୟାତାକା 4:32

ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ରୋମିୟ 12:16

ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଆରେ ୱିଜୁ ପୁଚାଙ୍ଗ୍‌ନା ଇଞ୍ଜି ଚଚିୟା ଆମାଟ୍, ମାତର୍ ୱିଜାର୍ ହୁଦାଙ୍ଗ୍ ହାମାନ୍ ଆଜି ମାନାଟ୍ ଆରେ ହେୱାର୍ ହୁଦାଙ୍ଗ୍ ୱାରିୟା ଆଡ।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

ରୋମିୟ 15:3

ଇନେସ୍‌କି ଖ୍ରୀଷ୍ଟ ପା ଜାର୍‌ତିଙ୍ଗ୍ ୱାରି କିନିଲେକେ କାମାୟ୍ କିୱାଦାଙ୍ଗ୍ ମାଚାନ୍। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ହେୱାର୍ ନାଙ୍ଗେଙ୍ଗ୍ ପା ଇନସ୍ତା କିଦ୍‌ନାରା।”

୧ କରନ୍ତିୟ 1:10

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍‌ତାଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

୨ କରନ୍ତିୟ 7:6

ମାତର୍ ସାସ୍ ହିଲି ମାନାୟାରିଙ୍ଗ୍ ସାସ୍ ହିନି ଈଶ୍ୱର ତିତସ୍‌ତିଙ୍ଗ୍ ପକ୍‌ଚି ମାଙ୍ଗେଙ୍ଗ୍ ସାସ୍ ହିତ୍‌ତାନ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

ପିଲିପିୟ 2:2

ଲାଗିଙ୍ଗ୍ ଜାର୍-ଜାର୍‌ବିତ୍ରେ କାତା ମାନି କିୟାଟ୍, ଆରେ ଜାର୍-ଜାର୍‌ବିତ୍ରେ ଲାଡ୍ କିବା ଆଡ, ୱିଜାକାଦେର୍ ର ମାନ୍ ଆରେ ର ଆତ୍ମା ଆଜି ମାନାଟ୍। ଏପେଙ୍ଗ୍ ଇଲେକେ ମାଚିସ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

ପିଲିପିୟ 3:16

ଈଶ୍ୱର ମାଙ୍ଗେଙ୍ଗ୍ ଆଗେ ଇନାକା ଚଚ୍‌ଚାତାନ୍‌ନା, ଆସେଙ୍ଗ୍ ହେ ସତ୍ ବିଷୟ ଅନୁସାତାଙ୍ଗ୍ ଜିବୁନ୍ କାଟିକିନି ଦର୍‌କାର୍।

ପିଲିପିୟ 4:2

ଆନେଙ୍ଗ୍ ଇୟଦିଆ ଆରେ ସୁନ୍ତୁଖୀଙ୍ଗ୍ ରିଣ୍ଡେକ୍ ତଣ୍‌ଦେକ୍‌ ମାହାଆଜି ମାଞ୍ଜେଙ୍ଗ୍ ଗୁୱାରି କିଦ୍‌ନାଙ୍ଗା। ଇନେସ୍‌କି ଏପେଙ୍ଗ୍ ରିକାଦେର୍ ମାପୃଙ୍ଗ୍ ପାର୍ତି କିନାକାଦେର୍।

୧ ପିତର 3:20

ହେ ଆତ୍ମାକାଙ୍ଗ୍ ବେସି ଆଗେ ଈଶ୍ୱର କାତାତିଙ୍ଗ୍ ମାନିକିୱାଦାଙ୍ଗ୍ ମାଚିକ୍, ଏଚେପାଦ୍ନା ନୋହ ଡଙ୍ଗା ରସ୍ତି ମାଚାନ୍। ମାନାୟାର୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାର୍ କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ଈଶ୍ୱର ସାସ୍ ଆଜି କାସି ମାଚାନ୍, ଏଚେପାଦ୍ନା ଈଶ୍ୱର ଇ ପୁର୍ତିତିଙ୍ଗ୍ ବନ୍ୟା କିଜି ବିନାସ୍ କିତାନ୍ ହେପାଦ୍ନା ଆପ୍‌କା ଆଟ୍ ଜାଣ୍ ନେ ରକ୍ଷା ପାୟାଆତାର୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।

୨ ପିତର 3:9

ମାପୃ ତା ଆରେରଗ ୱାନି ବିଷୟରେ ପାର୍ମାଣ୍ ପୁରା କିଦେଙ୍ଗ୍ ବିଲମ୍ କିନାନା ଇଞ୍ଜି କେତ୍‌ଜାଣ୍ ବାବିକିନାରା। ମାତର୍ ମାପୃ ଜାର୍ ପାର୍ମାଣ୍ ବିଷୟରେ ହେଲେକେ ବିଲମ୍ କିଉନା, ମାତର୍ ହେୱାନ୍ ମି କାଜିଙ୍ଗ୍ ସାସ୍ ଆସ୍ତାନ୍‌ନା। ଇନେସ୍‌କି ରକାନ୍ ପା ନଷ୍ଟ ଆମେର୍ ଇଞ୍ଜି ହେୱାନ୍ ଇଚା କିନାନା। ଆରେ ୱିଜାକାର୍ ମାନାୟ୍ ଇନେସ୍ ପାପ୍ କାମାୟ୍ ପିସ୍ତି ତା ଲାଗାୟ୍ ୱାନାର୍, ଇଦାଙ୍ଗ୍ ହେୱାନ୍ ଇଚା କିନାନା।