ରୋମିୟ 15:3 - New Testament in Pengo Parja Language

³ ଇନେସ୍‌କି ଖ୍ରୀଷ୍ଟ ପା ଜାର୍‌ତିଙ୍ଗ୍ ୱାରି କିନିଲେକେ କାମାୟ୍ କିୱାଦାଙ୍ଗ୍ ମାଚାନ୍। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ହେୱାର୍ ନାଙ୍ଗେଙ୍ଗ୍ ପା ଇନସ୍ତା କିଦ୍‌ନାରା।”

ସତ୍‌ ବଚନ୍‌ ପୁନି ନିୟମ୍‌

³ କ୍ରିସ୍ଟ ଜାର୍‌ତି ସୁକ୍‌ କାଜିଂ ମୁଡ଼େ କିୱାଦାଂ ମାଚାନ୍‌ । ନଲେ ସାସ୍ତର୍‌ ବଚନ୍‌ ଇସାପ୍ରେ, “ହେୱାର୍‌ ମିଙ୍ଗେଙ୍ଗ୍‌ ହିଜ଼ିମାଞ୍ଜ୍‌ନି ଅପ୍‌ମାନ୍‌ ଆନ୍‌ ହୁଞ୍ଜ୍‌ନାଙ୍ଗା ।”

ରୋମିୟ 15:3 Iomraidhean Croise

ମାତିଉ 10:25

ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ମାତିଉ 26:39

ହେୱାର୍ ତାକେତାଙ୍ଗ୍ ଅଲପ୍ ଦେହା ତାଙ୍ଗ୍‌ଜି ହାଚି ପାଚେ ମେଣ୍ଡାକୁନ୍ଦିକିଜି ପାର୍ତାନା କିତାନ୍, “ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା। ନା ଇଚା ଆକାୟ୍ ମାତର୍ ନି ଇଚାଆଏତ୍।”

ମାତିଉ 26:42

ଆରେରଗ ଯୀଶୁ ହାଚାନ୍, ଆରେ ପାର୍ତାନା କିତାନ୍, “ଏ ନା ଆବା, ଯଦି ଇ କଷ୍ଟନି ବାହା ନାବେତାଙ୍ଗ୍ ଦେହାଆୱିତିସ୍, ହେଲେକେ ଆୟେତ୍ ହେଦାଙ୍ଗ୍ ଆନେଙ୍ଗ୍ ଉଣାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ପାର୍ତାନା କିନାଙ୍ଗା ଯେ, ଏନେଙ୍ଗ୍ ଇନାକା ଇଚା କିନାୟା ହେଦାଙ୍ଗ୍‌ନେ ଆଏତ୍।”

ମାତିଉ 27:44

ଇମ୍‌ଣି ଚର୍‌କୁରିଙ୍ଗ୍ ଯୀଶୁ ଲାଗାୟ୍ କୃଶକାଟ୍‌ତାକେ ଦୁପ୍‌ଚି ମାଚାର୍, ହେୱାର୍ ପା ଯୀଶୁଙ୍ଗ୍ ଇନସ୍ତା କିତାର୍।

ଜହନ୍‌ 15:10

ଆନେଙ୍ଗ୍ ନା ଆବା ଈଶ୍ୱର ଆଦେସ୍‌ତିଙ୍ଗ୍ ମାନିକିନାଙ୍ଗା ଆରେ ଆନେଙ୍ଗ୍ ତା ଲାଡ୍‌ତାକେ ତିର୍‌ଆଜି ମାନାଙ୍ଗା। ହେଲେକେ ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଲାଡ୍‌ତାକେ ତିର୍‌ଆଜି ମାନାଦେର୍।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 4:34

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା, ତା ଇଚା ମାନିକିଜି ଆରେ ତା କାମାୟ୍ ପୁରା କିନାକା ନେ ନା କାଦି।

ଜହନ୍‌ 5:30

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍‌କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

ଜହନ୍‌ 8:29

ନାଙ୍ଗେଙ୍ଗ୍ ଇମ୍‌ଣି ଆବା ଈଶ୍ୱର ପକ୍ତାତାନ୍‌ନା, ହେୱାନ୍ ନା ହୁଦାଙ୍ଗ୍ ମାନାନ୍। ହେୱାନ୍ ନାଙ୍ଗେଙ୍ଗ୍ ରକାନ୍ କିଜି ପିସ୍ତି ହାଞ୍ଜ୍‌ୱାତାନ୍‌ନା। ହେୱାନ୍ ୱାରି ଆନି କାମାୟ୍ ୱିଜୁଦିନ୍ କିନାଙ୍ଗ୍।”

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ପିଲିପିୟ 2:5

ଯୀଶୁ ଖ୍ରୀଷ୍ଟଙ୍ଗ୍ ଇନେସ୍ ମାନ୍ ମାଚାତ୍, ହେଲେକେ ମି ମାନ୍ ପା ଆୟେତ୍।

ପିଲିପିୟ 2:8

ଆରେ ହେୱାନ୍ ମାନାୟ୍ ରୁପ୍ ଆଜି ୱାତି ପାଚେ, ହେୱାନ୍ ଜାର୍‌ତିଙ୍ଗ୍ ହିରୁ କିତାନ୍ ଆରେ ଈଶ୍ୱର କାତାତିଙ୍ଗ୍ ମାନିକିଜି କୃଶକାଟ୍ ପାତେକ୍ ପା ହାଃନି କାଜିଙ୍ଗ୍ ଇଚା କିତାନ୍।