ରୋମିୟ 13:7 - New Testament in Pengo Parja Language

⁷ ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାରିଙ୍ଗ୍ ଏପେଙ୍ଗ୍ ହିୟାଟ୍ ହେୱାର୍ ଇମ୍‌ଣାକା ପାୟାଆନି ଅଦିକାର୍ ମାନାତ୍। ଇନେରିଙ୍ଗ୍ ସିସ୍ତୁ ହିନି କାତା ହେୱାନିଙ୍ଗ୍ ସିସ୍ତୁ ହିୟାଟ୍ ଇମ୍‌ଣାକାର୍ ମି କାଜିଙ୍ଗ୍ କାମାୟ୍ କିନାରା, ଆରେ ଇମ୍‌ଣି ମାନାୟାର୍ ସନ୍‌ମାନ୍ ପାୟାଆନି ଅଦିକାର୍ ମାନାତ୍ ହେୱାରିଙ୍ଗ୍ ସନ୍‌ମାନ୍ ହିୟାଟ୍।

ସତ୍‌ ବଚନ୍‌ ପୁନି ନିୟମ୍‌

⁷ ଇନେରିଂ ଇନାକା ଗାଟାନାତ୍, ହେୱାନିଂ ସିସ୍ତୁ ହିଆଟ୍‌; ଇନେରିଂ ହିଦେଂ ଆନାତ୍‌, ହେୱାନିଂ ହିଆଟ୍‌, ଇନେରିଂ ଟିକସ୍ ହିଦେଂ ଆନାତ୍‌, ହେୱାନିଂ ସିସ୍ତୁ ହିଆଟ୍‌, ଇନେରିଂ ପାଣ୍ଡ୍ରା ଆୟାନାତ୍, ହେୱାନିଂ ପାଣ୍ଡ୍ରୁ ଆଡୁ, ଇନେରିଂ ୱାରିଆନାତ୍, ହେୱାନିଂ ୱାରିକିଆଟ୍ ।

ରୋମିୟ 13:7 Iomraidhean Croise

ମାତିଉ 17:25

ହେୱାନ୍ ଇଚାନ୍, ଆଁ, ହିଦ୍‌ନାନ୍। ଆରେ ହେୱାନ୍ ଇଞ୍ଜ ୱାତି ପାଚେ ଯୀଶୁ ଆଗେ ପିତରତିଙ୍ଗ୍ ୱେଚ୍‌ଚାନ୍, ଶିମୋନ, ନି ଇଚା ଇନାକା? ପୁର୍ତିନି ରାଜାର୍ ଇନେର୍ ତାକେତାଙ୍ଗ୍ ସିସ୍ତୁ ଅନାର୍? ହେୱାର୍ ତା ହିମ୍‌ଣା ୱାକ୍‌ଡ଼ାତାଙ୍ଗ୍ କି ବିନ୍ ଦେସ୍‌ତାକାର୍‌ତାଙ୍ଗ୍?

ମାତିଉ 22:21

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କାଇସର୍ ରୋମ୍‍ନି ରାଜାତି।” ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ ଇମ୍‌ଣାକା ଈଶ୍ୱରତି ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।”

ମାର୍କ 12:17

ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ, ଇମ୍‌ଣାକା ଈଶ୍ୱରତି, ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।” ହେବେତାଙ୍ଗ୍ ହେୱାର୍ ଯୀଶୁ ବେଣ୍ ୱେନ୍‌ଞ୍ଜି ବେସି କାବା ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:22

ନଙ୍ଗୟ୍ ମାଙ୍ଗେଙ୍ଗ୍ ୱେଚ୍‌ଚା, ‘ରମିୟ ସର୍‌କାର୍ କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ବିଦି ମାନାତ୍ କି ଆକାୟ୍?’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:25

ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକା ରମିୟ ସର୍‌କାର୍ କାଇସର୍ ମାହା ରାଜାତି ହେଦାଙ୍ଗ୍ ମହା ରାଜାଙ୍ଗ୍ ହିଆଟ୍, ଆରେ ଇମ୍‌ଣାକା ଈଶ୍ୱରତି, ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:2

ହେୱାର୍ ତା ବିରଦ୍‌ତାକେ ଇଞ୍ଜେଙ୍ଗ୍ ଲାଗାତାର୍, “ଇ ମାନାୟ ମା ମାନାୟାରିଙ୍ଗ୍ ବୁଲ୍ ହାଜ୍‌ଦିଙ୍ଗ୍ ଅନାନା। ଆରେ କାଇସର୍ ମହା ରାଜାଙ୍ଗ୍ ସିସ୍ତୁ ହିମାଟ୍ ଇଞ୍ଜି ଇଞ୍ଜ୍‌ନାନା। ହେୱାନ୍ ନିଜେ ଖ୍ରୀଷ୍ଟ ଆରେ ର ରାଜା ଇଞ୍ଜି ଇଞ୍ଜ୍‌ନାନା।”

ରୋମିୟ 12:10

ଏପେଙ୍ଗ୍ ଜାର୍ କୁଟୁମ୍‌ନି ମାନାୟାରିଙ୍ଗ୍ ଲାଡ୍ କିନିଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍। ଆରେ ଜାର୍-ଜାର୍‌ତିଙ୍ଗ୍ ସନ୍‌ମାନ୍ ହିବାଆଡ।

ରୋମିୟ 13:6

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ସର୍‌କାତିଙ୍ଗ୍ ସିସ୍ତୁ ପା ହିୟାଟ୍ ଇନେସ୍‌କି ସାସନ୍ କିନି ମାନାୟାର୍ ଈଶ୍ୱରତିଙ୍ଗ୍ ହେବାକିନାରା, ଆରେ ହେୱାର୍ ତା କାମାୟ୍‌ତିଙ୍ଗ୍ ହାର୍ କିଜି କିନାର୍।

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

ଏପିସିୟ 6:5

ଏ ଦାସ୍ କାଦେର୍, ଏପେଙ୍ଗ୍ ଇନେସ୍ ଖ୍ରୀଷ୍ଟ କାତାତିଙ୍ଗ୍ ମାନିକିଜି ମାନାଦେରା, ହେଲେକେ ଏପେଙ୍ଗ୍ ସନ୍‌ମାନ୍ ଆରେ ସାଦୁ ଆଜି ଜାର୍‌ତିଙ୍ଗ୍ ପାଣ୍ଡ୍ରାଆଜି ଆରେ ଗାଗାଡ଼୍‌ନି ହାର୍ଦି ମାନ୍‌ତାଙ୍ଗ୍ ମି ମାଲିକାର୍ କାତା ମାନିକିଜି ମାନାଟ୍।

୧ ତିମତି 5:13

ଆରେ ବୟସ୍ ଆୱାଦାଙ୍ଗ୍ ରାଣ୍ଡି ଆତି କଗ୍‍ଲେକ୍ ଇଲ୍-ଇଲ୍ ବୁଲାଆଜି ଆଡ଼୍‌ସିଆ ଆଦେଙ୍ଗ୍ ଅବ୍ୟାସ୍ ଆନିକ୍। ହେୱେକ୍ ଆଡ଼୍‌ସିଆ ନେ ଆଉକ୍ ମାତର୍ ହେୱେକ୍ ଜେକନିକାରିଙ୍ଗ୍ ଗାଣ୍‌ଜୁ କାତା ୱେଚ୍‌ଚି ନିଜେ ହେୱେକ୍ ଜେକନି ପରିବାର୍‌ତାକେ ଇଲେକେ ଆୱାକା ଇଞ୍ଜି କାତା ୱେଚ୍‌ଚି ହେୱାର୍ ବିତ୍ରେ ହଣିକ୍‌।

୧ ତିମତି 5:17

ଇମ୍‌ଣି ପ୍ରାଚିନାର୍ ତା କାମାୟ୍ ହାର୍‌ଦାଙ୍ଗ୍ କିନାର୍, ଆରେ ହେୱାର୍ ବେସି କାମାୟ୍ କିଜି କାତା ଶୁଣାୟ୍ କିନି ମାନାୟ୍ ଆରେ ହିକ୍ଷାହିନି ମାନାୟ୍ ରି ଗୁଣ୍ ସନ୍‌ମାନ୍ ପାୟାଆନି ଜଗ୍ଯ ଆନି ଦର୍‌କାର୍।

୧ ତିମତି 6:1

ଇମ୍‌ଣି ପାର୍ତିକିନି ଟଣ୍ଡାର୍ ଦାସ୍ ଆଜି ର ମାଲିକ୍ ତାରେନ୍ ମାନାରା, ହେୱାର୍ ତା ମାଲିକ୍‌ତିଙ୍ଗ୍ ୱିଜୁ କାମାୟ୍‌ତାକେ ସନ୍‌ମାନ୍ ହିନି ଦର୍‌କାର୍। ଲାଗିଙ୍ଗ୍ ଜେକନିକାର୍ ଈଶ୍ୱରତିଙ୍ଗ୍ ଆରେ ମା ହିକ୍ଷାତିଙ୍ଗ୍ ନିନ୍ଦା କିଦେଙ୍ଗ୍ ଆଡୁର୍।

୧ ପିତର 3:7

ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।