ରୋମିୟ 12:6 - New Testament in Pengo Parja Language

⁶ ଈଶ୍ୱର ମା କାମାୟ୍ ହୁଡ଼୍‌ଜି, ମାଙ୍ଗେଙ୍ଗ୍ ବିନ୍-ବିନ୍ ଦାନ୍ କିନି କାଜିଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଯଦି ଈଶ୍ୱର କାତା ୱେଚ୍‌ନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଈଶ୍ୱର ୱେଚ୍‌ଚାତାନ୍‌ନା ଇଞ୍ଜି ପାର୍ତି କିଜି ୱେଚ୍‌ନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

⁶ ଆରେ, ମାଙ୍ଗେଙ୍ଗ୍‌ ହିତ୍‌ତି ଉପ୍‌କାର୍‌ ଇସାବ୍ରେ ଆପେଂ ବାରବିନି ଦାନ୍‌ ପାୟାତାପ୍‌ନା; ଲାଗିଂ ହେ ଦାନ୍‌ ଜଦି ବେଣ୍‌ବାକ୍‌ଣାୟ୍‌କିନାକା ଆନାତ୍‌, ୱାଡ ଆସେଙ୍ଗ୍‌ ପାର୍ତିନି ଏଚେକ୍‌ ଇସାବ୍ରେ ବେଣ୍‌ବାକ୍‌ଣାୟ୍‌ କିନାସ୍‌;

ରୋମିୟ 12:6 Iomraidhean Croise

ମାତିଉ 23:34

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଆନେଙ୍ଗ୍ ମିଙ୍ଗେଙ୍ଗ୍ ଭବିଷ୍ଯତବକ୍ତା, ପଣ୍ଡିତାର୍ ଆରେ ଯିହୁଦି ଦରମ୍‌ନି ନିୟମ୍ ଗୁରୁର୍ ଲାଗାୟ୍ ପକ୍ତାନାଙ୍ଗା। ଏପେଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍, କୃଶକାଟ୍‌ତାକେ ଦୁପ୍‌ଚି କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍। ମି ପାର୍ତାନା ଇଞ୍ଜ କେତ୍‌ଜାଣ୍‌ତିଙ୍ଗ୍ କର୍‌ଡା ଇଡ଼୍‌ନାଦେର୍। ସହର୍‌ତାଙ୍ଗ୍ ସହର୍ ଏପେଙ୍ଗ୍ ହେୱାର୍ ପାଚେ-ପାଚେ ହାଲ୍‌ଜି କେତ୍‌ଜାଣ୍‌ତିଙ୍ଗ୍ ଦୁକ୍‌କଷ୍ଟ ହିନାଦେର୍,

ମାତିଉ 25:22

ତାପାଚେ ଦୁଇହାଜାର୍ ରୁପା ଡାବୁଙ୍ଗ୍ ଅଜି ମାଚାନ୍ ହେ ହଲିଆହି ମାଲିକ୍ ଲାଗାୟ୍ ୱାଜି ୱେଚ୍‌ଚାନ୍, ‘ଏନେଙ୍ଗ୍ ନାଙ୍ଗେଙ୍ଗ୍ ଦୁଇହାଜାର୍ ରୁପାଡାବୁଙ୍ଗ୍‌ନି ଦାୟିତ୍‌ପ ହିଜି ମାଞ୍ଚାଇ। ଆନେଙ୍ଗ୍ ଆରେ ଦୁଇହାଜାର୍ ରୁପା ଡାବୁଙ୍ଗ୍ ଆର୍ଜା ଆଦେଙ୍ଗ୍ ନି ଦୁଇହାଜାର୍‌ତିଙ୍ଗ୍ କାମାୟ୍‌ତାକେ ଲାଗାୟ୍ କିତାଙ୍ଗ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:49

ଇଦାଙ୍ଗ୍ କାଜିଙ୍ଗ୍ ଈଶ୍ୱର ବୁଦି ଇଞ୍ଜ୍‌ନାନା, ‘ଆନେଙ୍ଗ୍ ଭବିଷ୍ଯତବକ୍ତା ଆରେ ବାଚିକିତି ଚେଲାରିଙ୍ଗ୍ ହେୱାର୍ ଲାଗାୟ୍ ପକ୍‍ନାଙ୍ଗ୍। କେତ୍‌ଜାଣ୍‌ତିଙ୍ଗ୍ ହେୱାର୍ ମାର୍ନେ ଅହ୍‌ନାର୍ ଆରେ କେତ୍‌ଜାଣ୍‌ତିଙ୍ଗ୍ ବେସି ପାଚ୍‌କାନାର୍।’

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

ପକ୍ୟାତାକା 15:32

ଯିହୁଦା ଆରେ ଶିଲା ପା ରିକାର୍ ଭବିଷ୍ଯତବକ୍ତା ମାଚାର୍। ଲାଗିଙ୍ଗ୍ ହେୱାର୍ ପାର୍ତିକିନି ଟଣ୍ଡାରିଙ୍ଗ୍ ସାହାସ୍‌ନି ବେଣ୍ ୱେଚ୍‌ଚି, ପାର୍ତି କିନିତାକେ ବାଡ଼୍‌କାସ୍ କିତାର୍।

ପକ୍ୟାତାକା 2:17

‘ଈଶ୍ୱର ୱେଚ୍‌ନାନ୍, ସେସ୍‌ଦିନ୍‌ତ ଆନେଙ୍ଗ୍ ୱିଜାକାର୍ ମାନାୟାରିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍। ଲାଗିଙ୍ଗ୍ ମି ହିମ୍‌ଣାୱାକ୍‌ଡ଼ା ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ମାନାୟାରିଙ୍ଗ୍ ୱେଚ୍‌ନାର୍, ମି ବେଣ୍ଡିଆ କାଡ଼୍‌ଦେର୍ ଈଶ୍ୱରତିଙ୍ଗ୍ ହୁଡ଼୍‌ନାର୍, ଆରେ ମି ବୁଡ଼ାର୍‌ ଆନେଙ୍ଗ୍ ହିନି କେଚ୍‌କଣ୍‌ତିଙ୍ଗ୍ ହୁଡ଼୍‌ନାର୍।

ପକ୍ୟାତାକା 21:9

ଇୱାନିଙ୍ଗ୍ ଚାରିଗଟା ଗାଡ଼୍‌ଚେକ୍ ମାଚିକ୍, ହେୱେକ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ଗାଡ଼୍‌ଚେକ୍ ମାଚିକ୍।

ରୋମିୟ 1:11

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଦିନ୍‌ତାଙ୍ଗ୍ ମାନ୍ କିନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନି ଆଶ୍ରିବାଦ୍ ହିଦ୍‌ଦେଙ୍ଗ୍ ଆଡ୍‌ନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ଆରେ ଆଦିକ୍ ଯୀଶୁଙ୍ଗ୍ ପାର୍ତି କିନାଦେର୍।

ରୋମିୟ 12:3

ଈଶ୍ୱର ନାଙ୍ଗେଙ୍ଗ୍ ଦୟାକିଜି ରକାଙ୍ଗ୍ ତା ଡାଣ୍ଡାସି କିଜି ବାଚି କିତାନ୍‌ନା, ଲାଗିଙ୍ଗ୍ ଆନେଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିକିନାଙ୍ଗା ଯେ, ଏପେଙ୍ଗ୍ ଗାଜାକାପ୍ ଇଞ୍ଜି ଚଞ୍ଜିଆ ଆମାଟ୍। ମାତର୍ ଈଶ୍ୱର ମିଙ୍ଗେଙ୍ଗ୍ ଏଚେକ୍ ପାର୍ତି କିଦେଙ୍ଗ୍ ହିତ୍‌ତାନ୍‌ନା ଏପେଙ୍ଗ୍ ହେଏଚେକ୍ ତାଙ୍ଗେଙ୍ଗ୍ ପାର୍ତିକିୟାଟ୍। ଇ ବିଷୟତିଙ୍ଗ୍ ମାନ୍ତ ଇଡ଼୍‌ଜି ମାନାଟ୍।

୧ କରନ୍ତିୟ 12:18

ମାତର୍ ଈଶ୍ୱର ମା ଗାଗାଡ଼୍‌ତାକେ ବେସି ଜିନିଷ୍ ରସ୍ତାନ୍‌ନା ଆରେ ହେୱାନ୍ ତା ଇଚା ଅନୁସାରେ ଗାଗାଡ଼୍‌ତାକେ ଜିନିଷ୍‌ତିଙ୍ଗ୍ ଟିକ୍ ବାହାତାକେ ଜଡ଼ାୟ୍ କିତାନ୍‌ନା।

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।

୧ କରନ୍ତିୟ 14:1

ଲାଗିଙ୍ଗ୍ ଟଣ୍ଡାରିଙ୍ଗ୍ ଲାଡ୍ କିଦେଙ୍ଗ୍ ମି ୱିଜୁ ଶାକ୍ତି ୱିହାଟ୍। ପବିତ୍ର ଆତ୍ମା ଇମ୍‌ଣି ୱିଜୁ ଶାକ୍ତି ହିଦ୍‌ନାତା, ହେଦାଙ୍ଗ୍ ପାୟା ଆଦେଙ୍ଗ୍ ପା ମାନ୍ କିୟାଟ୍। ହେ ବିତ୍ରେତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟା ଆଦେଙ୍ଗ୍ ମାନ୍ କିୟାଟ୍।

୧ କରନ୍ତିୟ 14:24

ମାତର୍ ଯଦି ଏପେଙ୍ଗ୍ ୱିଜାଦେର୍ ଈଶ୍ୱର କାତା ୱେଚ୍‌ଚି ମାନାଦେର୍, ଆରେ ବିନ୍‌ଜାତି କି ଇଲେକେ ବିଷୟତିଙ୍ଗ୍ ବୁଜାଆୱି ମାନାୟାର୍ ମି ମଣ୍ଡ୍‌ଲିତାକେ ୱାନାର୍, ହେୱାର୍ ପାପ୍ କିତାର୍‌ନା ଇଞ୍ଜି ପୁଞ୍ଜେଙ୍ଗ୍ ଆଡ୍‌ନାର୍ ଆରେ ଏପେଙ୍ଗ୍ ୱେଚ୍‌ଚି ଅନୁସାରେ ହେୱାରିଙ୍ଗ୍ ବିଚାର୍ ଆନାତ୍।

୧ କରନ୍ତିୟ 14:29

ହେୱାର୍‌ତାଙ୍ଗ୍ ରିୟାର୍ କି ତିନ୍‌ଜାଣ୍ ନେ ଈଶ୍ୱର କାତା ୱେଚେର୍, ଆରେ ଜେକନିକାର୍ ହେୱାର୍ ୱେଚ୍‌ଚି କାତାତିଙ୍ଗ୍ ଜାଗ୍ରତ୍ ହୁଦାଙ୍ଗ୍ ପରିକ୍ଷା କିଏର୍।

୧ କରନ୍ତିୟ 3:5

ପାଉଲ ଆରେ ଆପୋଲ ଈଶ୍ୱରନି ଦାସ୍। ମା କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍। ମାପୃ ମାଙ୍ଗେଙ୍ଗ୍ ଅଲ୍‌ଗା-ଅଲ୍‌ଗା କାମାୟ୍ ହିତ୍‌ତାନ୍‌ନା।

୧ କରନ୍ତିୟ 7:7

ଆନେଙ୍ଗ୍ ଇଚା କିନାଙ୍ଗା ଯେ, ନା ଲେକେ ବିବା ଆୱାଦାଙ୍ଗ୍ ମାନାଟ୍। ମାତର୍ ୱିଜୁଲକ୍ ହାମାନ୍ ଆକାୟ୍। ଈଶ୍ୱର କେତ୍‌ଜାଣ୍‌ତିଙ୍ଗ୍ ବିବାଆନି ଦାନ୍ ହିତାନ୍‌ନା, ଆରେ ବାକି ଲଗାଙ୍ଗ୍ ବିବା ଆୱି ଦାନ୍ ହିତାନ୍‌ନା।

୨ କରନ୍ତିୟ 8:12

ଏପେଙ୍ଗ୍ ଆଡ୍‌ୱି ଏଚେକ୍ ଦାନ୍ ହିୱାଦାଙ୍ଗ୍, ଜାର୍ ଇଚାତାଙ୍ଗ୍ ଏଚେକ୍ ହିଦେଙ୍ଗ୍ ଆଡ୍‌ନାଦେର୍ ହେ ଏଚେକ୍ ଦାନ୍ ହିୟାଟ୍, ହେଦାଙ୍ଗ୍ ଈଶ୍ୱର ଆହ୍‌ନାନ୍।

ଏପିସିୟ 3:5

ଈଶ୍ୱର ଇ ଡ଼ୁକ୍‌ତି ଜଜ୍‌ନାତିଙ୍ଗ୍ ଆଗେ ପୁର୍‌ବେନି ମାନାୟାରିଙ୍ଗ୍ ୱେଚ୍‌ୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ପବିତ୍ର ଆତ୍ମାତାଙ୍ଗ୍ ତା ପବିତ୍ର ବାଚିକିତି ଚେଲା ଆରେ ଭବିଷ୍ଯତବକ୍ତାର୍ ଲାଗାୟ୍ ୱେଚ୍‌ଚାନ୍‌ନା।

ଏପିସିୟ 4:11

ହେ ଖ୍ରୀଷ୍ଟ ନେ ମଣ୍ଡ୍‌ଲିତିଙ୍ଗ୍ ଇ ବର୍‌ଦାନ୍ ହିତାନ୍‌ନା, ହେୱାନ୍ ଇନେ-ଇନେରିଙ୍ଗ୍ ବାଚିକିତି ଚେଲା, ଆରେ ଇନେ-ଇନେରିଙ୍ଗ୍ ଭବିଷ୍ଯତବକ୍ତା ଇନାର୍। ଆରେ ଇନେ-ଇନେରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକାନ୍, ଇନେ-ଇନେରିଙ୍ଗ୍ ପାଷ୍ଟେର୍ ଆରେ ମାଷ୍ଟେର୍ ଲେକେ ବାଚି କିତାନ୍‌ନା।

ପିଲିପିୟ 3:15

ଲାଗିଙ୍ଗ୍ ଆସେଙ୍ଗ୍ ଏଚେଜାଣ୍ ବେସି ପାର୍ତି କିନାସା ଇ ଲେକେ ବାବିକିନି ଦର୍‌କାର୍। ଯଦି ମି ବିତ୍ରେତାଙ୍ଗ୍ ଇମ୍‌ଣାକାନ୍ ଜେକନିକା ବାବିକିନାନ୍, ହେୱାନିଙ୍ଗ୍ ଈଶ୍ୱର ସତ୍ ବିଷୟ ପୁଞ୍ଜେଙ୍ଗ୍ ସାଇଜ କିନାନ୍।

୧ ଥେସଲନୀକିୟ 5:20

ଭବିଷ୍ଯତବକ୍ତାର୍ କାତାତିଙ୍ଗ୍ ବେକାର୍ ଇଞ୍ଜି ବାବିକିମାଟ୍।

୨ ପିତର 1:20

ମାତର୍ ମୁକ୍ୟ ବିଷୟ ଇଦାଙ୍ଗ୍ ଏପେଙ୍ଗ୍ ପୁନାଟ୍ ଯେ ଭବିଷ୍ଯତବକ୍ତାର୍ ବେଣ୍ ଇନାକା ଆସେଙ୍ଗ୍ ସାସ୍ତର୍‌ତାକେ ପଡ଼ିକିନାସା, ହେଦାଙ୍ଗ୍ ତା ଜାର୍ ଜ୍ଞାନ୍‌ନି କାତା ଆକାୟ୍।