ରୋମିୟ 11:13 - New Testament in Pengo Parja Language

¹³ ଆନେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱର ନାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ତା ବାଚିକିତି ଚେଲା କିଜି ପକ୍ତାତାନ୍‌ନା, ଲାଗିଙ୍ଗ୍ ଆନେଙ୍ଗ୍ ଇ କାମାୟ୍‌ତିଙ୍ଗ୍ ହାର୍ କିଜି କିନାଙ୍ଗା। ଇନେସ୍‌କି ଆନେଙ୍ଗ୍ ଇ କାମାୟ୍‌ତିଙ୍ଗ୍ ବେସି ଗାଜା କାମାୟ୍ ଇଞ୍ଜି ବାବିକିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

¹³ ମାତର୍‌ ବିନ୍‌ଜାତି ଜେ ଏପେଙ୍ଗ୍‌, ମିଙ୍ଗେଙ୍ଗ୍‌ ଆନ୍‌ ଇଞ୍ଜ୍‌ନାଙ୍ଗା । ଆନ୍‌ ପାର୍ତିକିୱି ଜିହୁଦିର୍‌ କାଜିଂ ପକ୍ୟାତାକାନ୍‌ ନା ହେବା ପାଦ୍‌ନି ଜାଜ୍‌ମାଲ୍‌ କିନାଙ୍ଗା,

ରୋମିୟ 11:13 Iomraidhean Croise

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 22:21

ଲାଗିଙ୍ଗ୍ ମାପୃ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ହାଲା, ଇନେସ୍ ଆନେଙ୍ଗ୍ ନିଙ୍ଗେଙ୍ଗ୍ ନା ସାକି ଆନି କାଜିଙ୍ଗ୍ ବିନ୍‌ଜାତିର୍‌ତାକେ ଦେହା ପକ୍ତାନାଙ୍ଗା।’”

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ଗାଲାତିୟ 1:16

ଇନେସ୍ ଆନେଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଜାର୍ ମେହି ଯୀଶୁଙ୍ଗ୍ ନାବେ ଚଚ୍‌ଚିନି କାଜିଙ୍ଗ୍ ୱାରି ଆତାନ୍। ହେପାଦ୍ନା ଆନେଙ୍ଗ୍ ଇନେରିଙ୍ଗ୍ ସାଇଜ ଏନ୍ତେଙ୍ଗ୍ ହାଲ୍‌ୱାତାଙ୍ଗ୍‌ନା।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

୧ ତିମତି 2:7

ଇଦାଙ୍ଗ୍‌ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ରକାନ୍ ବାଚିକିତି ଚେଲା, ସତ୍ ଆରେ ପାର୍ତିକିନି ବିଷୟରେ ବିନ୍‌ଜାତିନି ମାନାୟାରିଙ୍ଗ୍ ହିକାଇ କିନି କାଜିଙ୍ଗ୍ ର ମାଷ୍ଟେର୍ ଲେକେ ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା। ଆନେଙ୍ଗ୍ ଇଦାଙ୍ଗ୍ ମିଚ୍ ଆକାୟ୍ ସତ୍ ୱେଚ୍‌ଚାନାଙ୍ଗା।