ରୋମିୟ 11:10 - New Testament in Pengo Parja Language

¹⁰ ଆରେ ହେୱାର୍ କାଣ୍‌କୁ କାଣା ଆଏକ୍, ଲାଗିଙ୍ଗ୍ ହେୱାର୍ ହୁଡ଼୍‌ଦେଙ୍ଗ୍ ଆଡୁର୍। ଆରେ ହେୱାରିଙ୍ଗ୍ ଦୁକ୍ ଆଏତ୍, ଲାଗିଙ୍ଗ୍ ହେୱାର୍ ମେଙ୍ଗାଙ୍ଗ୍ ୱିଜୁଦିନ୍ କାଜିଙ୍ଗ୍ ଦୁର୍‌ବଲ୍ ଆନାତ୍‌।”

ସତ୍‌ ବଚନ୍‌ ପୁନି ନିୟମ୍‌

¹⁰ ଇନେସ୍‌ ହେୱାର୍‌ କାଣାଙ୍ଗ୍‌ ଆଜ଼ି ହୁଡ଼୍‌ଦେଂ ଆଡ୍‌ମେର୍‌, ତାଇନାତ୍‌ ଦୁକ୍‌ କସ୍ଟ ବଗ୍‌ କିଜ଼ି କିଜ଼ି ହେୱାର୍‌ତି ମ୍ଡେଙ୍ଗାଙ୍ଗ୍‌ ଗଂଜି ହାଲେତ୍‌ ।

ରୋମିୟ 11:10 Iomraidhean Croise

ରୋମିୟ 1:21

ହେୱାର୍ ଈଶ୍ୱରତିଙ୍ଗ୍ ପୁଚାର୍‌ନା, ମାତର୍ ହେୱାନ୍ ଈଶ୍ୱର ଇଞ୍ଜି ଗୌରବ କିୱାତାର୍ କି ଦନ୍ଯବାଦ୍ ହିୱାତାର୍। ମାତର୍ ହେୱାର୍ ପାଙ୍ଗ୍‌ୱା ଚିନ୍ତାୱିଜୁ କିନାରା ଆରେ ହେୱାର୍ କରାପ୍ ଚିନ୍ତା ପା କିନାରା, ଇନେସ୍‌କି ହେୱାରିଙ୍ଗ୍ କରାପ୍ ମାନ୍ ମାଚିଲେ ହାର୍ ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ରୋମିୟ 11:8

ଇଲେକେ ଯିଶାୟ ଭବିଷ୍ଯତବକ୍ତା ତା ସାସ୍ତର୍‌ତାକେ ଲେକିକିତାନ୍‌ନା, “ଈଶ୍ୱର ହେୱାରିଙ୍ଗ୍ ବେସି ଗାଡ଼ି ହୁଚ୍‌ପାତାନ୍। ହେୱାର୍ ୱେନୁ-ୱେନୁ ୱେନାର୍, ମାତର୍ ବୁଜାଆଦେଙ୍ଗ୍ ଆଡୁର୍‌, ଆରେ ହୁଡ଼ୁ-ହୁଡ଼ୁ ହୁଡ଼୍‌ନାର୍ ମାତର୍ ହୁଡ଼୍‌ଦେଙ୍ଗ୍ ଆଡୁର୍, ନଇଲେ ଈଶ୍ୱର ପାପ୍ କେମା କିତାନ୍‌ମା।”

ଏପିସିୟ 4:18

ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

୨ ପିତର 2:17

ୱାଚ୍‌ଚି ଜାରାଣ୍‌ଲେକେ ଇ ବୁଲ୍ ହିକ୍ଷାହିନି ମାଷ୍ଟେରାର୍। ବାହ୍‌ରା ଆନି ଆଗେ ଇନେସ୍ ବେସି ଡ଼ୁଇଦୁକା ଆଜି ବାଦାଡ଼୍‌ତିଙ୍ଗ୍ ଗୁଚାଇ କିନାତ୍, ଇ ମାଷ୍ଟେରାର୍ ହେଲେକେ ମୁଲ୍ୟ ହିଲାକାର୍। ଈଶ୍ୱର ହେୱାର୍ କାଜିଙ୍ଗ୍ ବେସି ମାଜ୍‌ଗା ଆତି ବାହା ରସ୍ତାନ୍‌ନା।

୨ ପିତର 2:4

ଇନେସ୍‌କି ଆସେଙ୍ଗ୍ ପୁନାସ୍ ଯେ ଇମ୍‌ଣି ଦୁତ୍‌କୁ ଈଶ୍ୱର ଆଗେ ପାପ୍ କାମାୟ୍ କିଜି ମାଚିକ୍, ଈଶ୍ୱର ହେୱେକିୟାକାଙ୍ଗ୍ ଦଣ୍ଡ୍ ହିତାନ୍। ହେୱାନ୍ ହେୱେକିୟାକାଙ୍ଗ୍ ନରକ୍‌ତାକେ ତୁସିହିତାନ୍‌ନା, ଆରେ ହେୱେକିୟାକାଙ୍ଗ୍ ବିଚାର୍ କିଜି ଦଣ୍ଡ୍ ହିନି ଦିନ୍ ପାତେକ୍, ହେୱାନ୍ ହେୱେକାଙ୍ଗ୍ ମାଜ୍‌ଗା ଜଇଲ୍ ଇଞ୍ଜ ଇଡ଼୍‌ତାନ୍‌ନା।

ଜିହୁଦା 1:13

ହାମ୍‌ଦୁର୍‌ନି ଗାଜା ଲଉଡ଼ି ଇନେସ୍ କରାପ୍ ପେପୁଲ୍ ରହ୍‌ନାତ୍, ହେଲେକେ ଇ ମାନାୟାର୍ ଲାଜାଆନି ବିଷୟ ୱିଜୁ କିନାର୍। କେତେକ୍ ହୁକାଙ୍ଗ୍ ଇନେସ୍ ହାଣ୍‌କୁ ହାଜ୍‌ଦିଙ୍ଗ୍ ହାଲୁକ୍, ହେଲେକେ ହେୱାର୍ ହାର୍ଦି ହାଜ୍‌ଦିଙ୍ଗ୍ ହାଲୁର୍। ମାପୃ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ପୁରାପୁରି ମାଜ୍‌ଗା ବାହା ଇଡ଼୍‌ତାନ୍‌ନା ଆରେ ହେୱାର୍ ହେ ବାହାତାକେ ୱିଜୁଦିନ୍ କାଜିଙ୍ଗ୍ ମାନ୍‌ଗାନାର୍।

ଜିହୁଦା 1:6

ଆରେ ଈଶ୍ୱର ହିଜିମାଚି ପାଦ୍‌ତାଙ୍ଗ୍ ଇମ୍‌ଣି ଦୁତ୍‌କୁ ୱାରିଆଜି ମାନ୍‌ୱାଦାଙ୍ଗ୍, ହେୱାର୍ ମାନି ଇଲ୍ ସରଗ୍‌ତାକେ ପିସ୍ତାର୍‌ନା, ହେୱାର୍ ବିଷୟରେ ଏପେଙ୍ଗ୍ ବାବିକିଜି ହୁଡ଼ାଟ୍। ଈଶ୍ୱର ହେୱାରିଙ୍ଗ୍ ମାଜ୍‌ଗା ବାହାତାକେ ୱିଜୁଦିନ୍ କାଜିଙ୍ଗ୍ ହେୱାରିଙ୍ଗ୍ ଗାଜା ବିଚାର୍‌କିନି ଦିନ୍‌ତ ୱିଜ୍‌ୱି ଦଣ୍ଡ୍ ହିନି କାଜିଙ୍ଗ୍ ହେୱାରିଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ଇଡ଼୍‌ତାନ୍‌ନା।