ରୋମିୟ 10:6 - New Testament in Pengo Parja Language

⁶ ମାତର୍ ମାନାୟାର୍ ପାର୍ତି କିଜି ଈଶ୍ୱର ଆଗେ ଦରମ୍ ଆନାର୍, ହେ ବିଷୟରେ ସାସ୍ତର୍ ଇଲେକେ ୱେଚ୍‌ନାତା ଯେ, “ଏପେଙ୍ଗ୍ ମାନ୍ତ-ମାନ୍ତ ୱେଚ୍‌ମାଟ୍ ଇନେର୍ ସରଗ୍‌ତାକେ ହାଲ୍‌ଜି ଖ୍ରୀଷ୍ଟଙ୍ଗ୍ ଇନେର୍ ଜୁତ୍‌ତି ତାନାନ୍,”

ସତ୍‌ ବଚନ୍‌ ପୁନି ନିୟମ୍‌

⁶ ମାତର୍‌ ପାର୍ତି ବାର୍‌ତି ଦାର୍ମି ଏଲେଙ୍ଗ୍‌ ଇନାତ୍‌, “ମାନ୍ତ ମାନ୍ତ ଇନ୍‌ମାଟ୍‌ ‘ଇନେର୍‌ ସାର୍ଗେ ଦୁମ୍‌ନାର୍‌’ ଇଚିସ୍‌ କ୍ରିସ୍ଟଙ୍ଗ୍‌ ଜୁତ୍‌ତି ତାନି କାଜିଂ ?

ରୋମିୟ 10:6 Iomraidhean Croise

ଜହନ୍‌ 6:33

ଇନେସ୍‌କି ଇମ୍‌ଣି କାଦି ସରଗ୍ ଜପିତାଙ୍ଗ୍ ୱାଜି ପୁର୍ତିନି ମାନାୟାରିଙ୍ଗ୍ ଜିବୁନ୍ ହିନାତ୍, ହେଦାଙ୍ଗ୍‌ନେ ଈଶ୍ୱର ହିତ୍‌ତି କାଦି।”

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

ଜହନ୍‌ 6:58

ମା ଆକଦାଦିର୍ ଟାଙ୍ଗ୍ରାବାହାତାକେ ତିନ୍‌ଞ୍ଜି ହାଃତି ଲେକେ କାଦି ଇଦାଙ୍ଗ୍ ଆକାୟ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାତି କାଦି, ଇମ୍‌ଣାକାନ୍ ଇ କାଦି ତିନାନ୍ ହେୱାନ୍ ୱିଜ୍‌ୱିଦିନ୍ ପାତେକ୍ ଜିବୁନ୍ ମାନ୍‌ଗାନାନ୍।”

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

ରୋମିୟ 3:25

ଈଶ୍ୱର ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅଦେଙ୍ଗ୍ ଆରେ ତା ରିସାତିଙ୍ଗ୍ ତିର୍ କିଦେଙ୍ଗ୍ ଯୀଶୁ ମାପୃଙ୍ଗ୍ ପକ୍ତାତାନ୍‌ନା। ଏଚେକାଡ଼୍‌ଦ ଯୀଶୁ ମାପୃ ମା କାଜିଙ୍ଗ୍ କୃଶକାଟ୍‌ତାକେ ହାଃତାନ୍ ଆରେ ତା ନେତେର୍ ବଡ଼ାୟ୍ କିତାନ୍‌ନା। ହେପାଦ୍ନା ଆସେଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆତାସ୍‌ନା। ଆଗେ ପାପ୍ କିତାକାରିଙ୍ଗ୍ ଈଶ୍ୱର କେମାକିଜି ମାଚାନ୍, ଇନେସ୍‌କି ଈଶ୍ୱର ନ୍ୟାୟ୍ ବିଚାର୍ କିନାକାନ୍।

ରୋମିୟ 4:13

ଈଶ୍ୱର ଅବ୍ରାହାମତିଙ୍ଗ୍ ଆରେ ତା କୁଟୁମ୍‌ତିଙ୍ଗ୍ ପାର୍ମାଣ୍ କିଜି ମାଚାନ୍ ଯେ, ହେୱାନ୍ ଇ ପୁର୍ତି ହେୱାରିଙ୍ଗ୍ ହିତାନ୍। ଆରେ ଈଶ୍ୱର ଇ ପାର୍ମାଣ୍ ଅବ୍ରାହାମତିଙ୍ଗ୍ ହିଜିମାଚାନ୍, ଇନେସ୍‌କି ଅବ୍ରାହାମ ଈଶ୍ୱର ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଆକାୟ୍, ମାତର୍ ଈଶ୍ୱରତିଙ୍ଗ୍ ପାର୍ତିକିତି କାଜିଙ୍ଗ୍, ହେୱାନିଙ୍ଗ୍ ତା ଆଗେ ଦରମ୍ ମାନାୟ୍ କିଜି ଇ ପାର୍ମାଣ୍ ହିତାନ୍।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 11:7

ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।