ରୋମିୟ 10:19 - New Testament in Pengo Parja Language

¹⁹ ମାତର୍ ଇସ୍ରାଏଲନି ମାନାୟାର୍ ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ହାତ୍‌ପା ପୁନ୍‌ଞ୍ଜି ମାଚାର୍, ଆରେ ଈଶ୍ୱର ଆଗେ ପା ମୋଶା କାଜିଙ୍ଗ୍ ହେୱାରିଙ୍ଗ୍ ୱେଚ୍‌ଚି ମାଚାନ୍, “ଆନେଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଲାଡ୍ କିନାଙ୍ଗ୍, ଆରେ ଏପେଙ୍ଗ୍ ଆକାର୍ ଆନାଦେର୍। ଆନେଙ୍ଗ୍ ହେ ବକ୍‌ୱା ବିନ୍‌ଜାତିରିଙ୍ଗ୍ ଆଶ୍ରିବାଦ୍ କିନାଙ୍ଗ୍, ଆରେ ଏପେଙ୍ଗ୍ ରିସା ଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ମାତର୍‌ ଆନ୍‌ ଇନାଙ୍ଗ୍‌, ଇସ୍ରାଏଲ୍‌ ଇନାକା ପୁନ୍‌ୱାତାର୍ଣ୍ଣା ? ପର୍ତୁମ୍‌ତ ମସା ଇନାନ୍‌, “ଆସେଙ୍ଗ୍‌ ଗାଣା କିଆୱି ଜାତିର୍‌ ହୁକେ ମି ଡାରା ଉବ୍‌ଜାୟ୍‌ କିନାପ୍‌, ର ବୁଦିହିଲ୍‌ୱି ଜାତି ହୁକେ ମିଙ୍ଗେଙ୍ଗ୍‌ ରିସାକିୟ୍‌ କିନାପ୍‌ ।”

ରୋମିୟ 10:19 Iomraidhean Croise

ରୋମିୟ 10:18

ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”

ରୋମିୟ 11:11

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଯିହୁଦି ଜାତିନି ମାନାୟାର୍ ବିନାସ୍ ଆଦେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିୱାତାର୍ କି? ଏଲେଙ୍ଗ୍ ଆକାୟ୍, ମାତର୍ ବିନ୍‌ଜାତିନି ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ଈଶ୍ୱର ଇଲେକେ କିତାନ୍, ଲାଗିଙ୍ଗ୍ ଇସ୍ରାଏଲନି ମାନାୟାର୍ ଆକାର୍ ଆନାର୍ ଆରେ ହେୱାର୍ ପା ପାପ୍ କାମାୟ୍‌ତାଙ୍ଗ୍ ଉଦାର୍ ପାୟା ଆଦେଙ୍ଗ୍ ଇଚା କିନାର୍।

ରୋମିୟ 11:14

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ଇନେସ୍‌ଲେକେ ଉଦାର୍ ପାୟାଆତାର୍, ହେୱାର୍ ପା ମା ଯିହୁଦି ଜାତିନି କେତେକ୍ ମାନାୟ୍ ଈଶ୍ୱରତାକେ ମାନ୍‌ବାଦ୍‌ଲାୟ୍ କିଜି ଉଦାର୍ ପାୟା ଆଏର୍।

ରୋମିୟ 3:26

ହେଲେକେ ନଙ୍ଗୟ୍ ପା ଈଶ୍ୱର, ସତ୍ ଆରେ ନ୍ୟାୟ୍ ବିଚାର୍ କିନାନ୍, ଏଚେପାଦ୍ନା ଆସେଙ୍ଗ୍ ଯୀଶୁ ମାପୃଙ୍ଗ୍ ପାର୍ତି କିନାସ୍, ହେୱାନ୍ ମାଙ୍ଗେଙ୍ଗ୍ ତା ହୁଦାଙ୍ଗ୍ ଟିକ୍ ମାନାୟ୍ କିଦ୍‌ନାନ୍।

୧ କରନ୍ତିୟ 1:12

ଏପେଙ୍ଗ୍ କେତ୍‌ଜାଣ୍ ଇଲେକେ ୱେଚ୍‌ଚି ବାଗ୍-ବାଗ୍ ଆନାଦେରା ଯେ, “ଆନେଙ୍ଗ୍ ପାଉଲତି ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଆପୋଲନି ଚେଲା ଇନେର୍-ଇନେର୍ ଇନାରା ଆନେଙ୍ଗ୍ କେପା ଚେଲା,” ଆରେ କେତେକ୍ ମାନାୟ୍ ଇଞ୍ଜ୍‌ନାରା ଯେ, “ଆନେଙ୍ଗ୍ ଖ୍ରୀଷ୍ଟନି ଚେଲା।”

୧ କରନ୍ତିୟ 10:19

ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍‌ ୱେଚ୍‌ଚେଦେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ହେବାକିନି ମାପୃ ସତ୍ ଆକାୟ୍ ଆରେ ହେୱାର୍ ଇମ୍‌ଣି ମୁର୍ତିତିଙ୍ଗ୍ ବଳି ପୁଜା ହିନାର୍ ହେଦାଙ୍ଗ୍ ଇନା ମୁଲ୍ଯ ଆକାୟ୍।

୧ କରନ୍ତିୟ 11:22

ମିଙ୍ଗେଙ୍ଗ୍ ଜାର୍ ଇଲ୍‌କୁ ମାନିକ୍, ହେବେ ମି ଇଚା ଅନୁସାରେ ଚିଞ୍ଜେଙ୍ଗ୍ ଉଣ୍ଡେଙ୍ଗ୍ ଆଡ୍‌ନାଦେର୍। ଏପେଙ୍ଗ୍ ମଡ଼ି ଆଜି ଈଶ୍ୱରନି ମଣ୍ଡ୍‌ଲିନି ମାନାୟାରିଙ୍ଗ୍ ଇନସ୍ତା କିନାଦେରା। ଲାଗିଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ଇନାକା ୱେଚ୍‌ଚାନାଙ୍ଗ୍? ଆରେ ଏପେଙ୍ଗ୍ ହେଲେକେ କାମାୟ୍ କିତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମୁଡ଼୍‌କେ ଜୟ୍-ଜୟ୍ କିଦେଙ୍ଗ୍ ଆଡ଼୍‌ଦୁଙ୍ଗ୍।

୧ କରନ୍ତିୟ 12:2

ଏପେଙ୍ଗ୍ ଖ୍ରୀଷ୍ଟାନ୍ ଆୱି ଆଗେ ପୁନ୍‌ଞ୍ଜି ମାଚାଦେର୍ ଯେ, ଏପେଙ୍ଗ୍ ବେଣ୍‌କିଦେଙ୍ଗ୍ ଆଡ୍‌ୱି ମୁର୍ତିକାଙ୍ଗ୍ ହେବା କିଦେଙ୍ଗ୍ ଇନେର୍ ମିଙ୍ଗେଙ୍ଗ୍ ଟକାୟ୍ କିଜି ମାନ୍‌ଞ୍ଚାନ୍।

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୧ କରନ୍ତିୟ 7:29

ଏ ଟଣ୍ଡାର୍‌କାଦେର୍, ମା କାଜିଙ୍ଗ୍ ପୁର୍ତିତାକେ ବେସିଦିନ୍ ହିଲେତ୍। ହେଦାଙ୍ଗ୍ କାଜିଙ୍ଗ୍ ଡକ୍ରି ମାନାତ୍ କି ଆକାୟ୍ ଇଞ୍ଜି ଚିନ୍ତା କିମାଟ୍। ମାତର୍ ମାପୃ ଯୀଶୁଙ୍ଗ୍ ହେବା କିଦେଙ୍ଗ୍ ଚିନ୍ତା କିୟାଟ୍।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୧ ପିତର 2:10

ହସିୟ ଭବିଷ୍ୟତ୍‌ବକ୍ତା ମି ବିଷୟରେ ଇଲେକେ ୱେଚ୍‌ଚାନ୍‌ନା, “ଏପେଙ୍ଗ୍ ଆଗେ ଈଶ୍ୱର ଲକ୍ ଆୱାଦାଙ୍ଗ୍ ମାଚାଦେର୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ତା ଲକ୍ କିତ୍‌ତାନ୍‌ନା। ଈଶ୍ୱର ଆଗେ ମିଙ୍ଗେଙ୍ଗ୍ ଦୟା କିଦ୍‌ୱାଦାଙ୍ଗ୍ ମାନ୍‌ଞ୍ଚାନ୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।”