ରୋମିୟ 1:8 - New Testament in Pengo Parja Language

⁸ ପାର୍ତୁମ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପ୍‌ଣି ମାନାୟାର୍ ଇଞ୍ଜ୍‌ନାରା।

ସତ୍‌ ବଚନ୍‌ ପୁନି ନିୟମ୍‌

⁸ ପର୍ତୁମ୍‌ତ, ମି ପାର୍ତିନି ନେକ୍ରିକାବୁର୍‌ ଜେ ସବୁ ଜଗତ୍‌ତ ୱେନ୍ୟାଆନାତା, ଇଦାଂ କାଜିଂ ଆନ୍‌ ମି ୱିଜ଼ାର୍‌ କାଜିଂ ଜିସୁ କ୍ରିସ୍ଟତି ହୁଦାଂ ନା ଇସ୍ୱର୍‌ତିଂ ଜୱାର୍‌ କିନାଙ୍ଗା ।

ରୋମିୟ 1:8 Iomraidhean Croise

ମାତିଉ 24:14

ଈଶ୍ୱର ମାନିରାଜି ବିଷୟରେ ହାର୍ଦିକାବୁର୍ ୱିଜୁ ମାନାୟ୍ ଜାତିର୍ କାଜିଙ୍ଗ୍ ସତ୍ ସାକି ଲେକେ ଇ ୱିଜୁ ପୁର୍ତିତାକେ ୱେଚ୍‌ନାକା ମାନାତ୍। ତାପାଚେ ହାଲ୍‌ଜି ଯୁଗ୍‌ଶେସ୍ ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:1

ହେପାଦ୍ନା ମହା ରାଜା କାଇସର୍ ଅଗଷ୍ଟସ୍ ରମିୟ ଦେସ୍‌ତାକେ ମାନି ମାନାୟାରିଙ୍ଗ୍ ତର୍‌ ଲେକାଇ କିଦେଙ୍ଗ୍ ଆଦେସ୍ ହିତାନ୍।

ପକ୍ୟାତାକା 11:28

ହେୱାର୍ ବିତ୍ରେତାଙ୍ଗ୍ ଆଗାବ ତର୍‍ଦାକାନ୍ ରକାନ୍ ଭବିଷ୍ଯତବକ୍ତା ନିଙ୍ଗ୍‌ତାନ୍ ଆରେ ଈଶ୍ୱର ଆତ୍ମାତାଙ୍ଗ୍ ପୁରାଆଜି ୱେଚ୍‌ଚାନ୍, “ପୁର୍ତିନି ଚାରିବେଣ୍‌ତାଙ୍ଗ୍ ଗାଜା ମାର୍‌ଡି ଆନାତ୍।” କ୍ଲାଉଦିଅ ତର୍‍ଦାଙ୍ଗ୍ ରକାନ୍ ରାଜା ମାନିହିଙ୍ଗ୍ ଇ ମାର୍‌ଡି ଆଜି ମାଚାତ୍।

ପକ୍ୟାତାକା 28:22

ମାତର୍ ନି ବେଣ୍ ଇନାକା ହେଦାଙ୍ଗ୍ ଆପେଙ୍ଗ୍ ୱେଞ୍ଜେଙ୍ଗ୍ ଇଚା କିନାପା, ଇନେସ୍‌କି ୱିଜୁ ନିପଣ୍ ଇ ଖ୍ରୀଷ୍ଟାନ୍ ଦଳ୍‌ନି ମାନାୟାରିଙ୍ଗ୍ ତା ବିରଦ୍‌ତାକେ ୱେଚ୍‌ନାକା ୱେନାପା।”

ରୋମିୟ 10:18

ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”

ରୋମିୟ 16:19

ମାତର୍ ୱିଜାର୍ ମାନାୟାର୍ ପୁଚାର୍‌ନା ଏପେଙ୍ଗ୍ ମାପୃକାତାତିଙ୍ଗ୍ ମାନି କିନାଦେରା। ଇଦାଙ୍ଗ୍ ନାଙ୍ଗେଙ୍ଗ୍ ବେସି ୱାରି କିଦ୍‌ନାତା। ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ହାର୍ ବିଷୟରେ ବୁଦି ଆଡ ଆରେ କରାପ୍ କାମାୟ୍ କିନିତାଙ୍ଗ୍ ଦେହା ମାନାଟ୍।

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

୧ କରନ୍ତିୟ 1:4

ଆନେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ମି କାଜିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।

୨ କରନ୍ତିୟ 2:14

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆତାସ୍‌ନା, ହେୱାନ୍ ମାଙ୍ଗେଙ୍ଗ୍ ହାଜି ଚଚ୍‌ଚାନାନା ଆରେ ମାଙ୍ଗେଙ୍ଗ୍ ଜିତାୟ୍ କିଦ୍‌ନାନ୍। ନଙ୍ଗୟ୍ ହେ ଖ୍ରୀଷ୍ଟ ବିଷୟନି ଜ୍ଞାନ୍, ର ସେଣ୍ଟ୍‌ଲେକେ ୱିଜୁ ନିପଣ୍ ମା କାଜିଙ୍ଗ୍ ବାସ୍ନା ଆନାତା।

ଏପିସିୟ 1:15

ଇ ୱିଜୁ କାଜିଙ୍ଗ୍ ଆରେ ଏପେଙ୍ଗ୍ ମାପୃ ଯୀଶୁ ଖ୍ରୀଷ୍ଟତାକେ ପାର୍ତିକିନି ବିଷୟ ଆରେ ଏପେଙ୍ଗ୍ ୱିଜୁ ସାଦୁ ମାନାୟାରିଙ୍ଗ୍ ଲାଡ୍‌କିନି ବିଷୟ ୱେଚି ଦିନ୍‌ତାଙ୍ଗ୍,

ଏପିସିୟ 1:16

ଆନେଙ୍ଗ୍ ଈଶ୍ୱରତିଙ୍ଗ୍ ୱିଜୁଦିନ୍ ମି କାଜିଙ୍ଗ୍ ଦନ୍ଯବାଦ୍ ହିନାଙ୍ଗା। ଆନେଙ୍ଗ୍ ପାର୍ତାନା କିନିହିଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିଜି ପାର୍ତାନା କିନାଙ୍ଗା।

ଏପିସିୟ 3:21

ଯୁଗ୍ ଯୁଗ୍‌ତ ଆକଦାଦିର୍‌ତାକେ ମଣ୍ଡ୍‌ଲି ଆରେ ଯୀଶୁ ଖ୍ରୀଷ୍ଟତାଙ୍ଗ୍ ହେୱାନିଙ୍ଗ୍ ଗୌରବ ଆୟେତ୍। ଆମେନ୍।

ଏପିସିୟ 5:20

ୱିଜୁଦିନ୍ ୱିଜୁ ବିଷୟରେ ମା ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ପିଲିପିୟ 1:3

ଆନେଙ୍ଗ୍ ମିଙ୍ଗେଙ୍ଗ୍ ଏଚେହଟ୍‌ ଏତୁ କିଦ୍‌ନାଙ୍ଗ୍, ହେଏଚେହଟ୍ ନା ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିନାଙ୍ଗା।

କଲସିୟ 1:3

ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନିହିଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହି ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିନାପା।

୧ ଥେସଲନୀକିୟ 1:2

ଆପେଙ୍ଗ୍ ୱିଜୁଦିନ୍ ଈଶ୍ୱରତାକେ ମି କାଜିଙ୍ଗ୍ ଦନ୍ଯବାଦ୍ ହିନାପା, ମିଙ୍ଗେଙ୍ଗ୍ ଏତ୍‌କିଜି ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା।

୧ ଥେସଲନୀକିୟ 2:13

ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।

୨ ଥେସଲନୀକିୟ 1:3

ଏ ପାର୍ତିକିନି ଟଣ୍ଡାର୍‌କାଦେର୍, ମି କାଜିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା। ହେଲେକେ କିନି ଦର୍‌କାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ବେସିହେନି ପାର୍ତି କିନାଦେରା, ଆରେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିନାଦେରା।

୨ ତିମଥି 1:3

ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

ଫିଲୀମୋନ 1:4

ଫିଲୀମୋନ, ଏନେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିନାକା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାକା ଆନେଙ୍ଗ୍ ୱେଚାଙ୍ଗ୍‌ନା।

ଏବ୍ରି 13:15

ଲାଗିଙ୍ଗ୍ ଯୀଶୁ ସାଇଜତାଙ୍ଗ୍, ଈଶ୍ୱର ତର୍‌ଦିଙ୍ଗ୍ ଗୌରବ କିଜି ମା ଜୟ୍-ଜୟ୍‌ନି ବଲିପୁଜା ହେୱାନିଙ୍ଗ୍ ୱିଜୁଦିନ୍ ହିନି ଦର୍‌କାର୍।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।