ରୋମିୟ 1:28 - New Testament in Pengo Parja Language

²⁸ ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ସତ୍‌ ବଚନ୍‌ ପୁନି ନିୟମ୍‌

²⁸ ଇ ମାନାୟାର୍‌ ଇସ୍ୱର୍ତି ବିସ୍ରେ ହାର୍‌ ଚିନ୍ତା କିଦେଙ୍ଗ୍‌ ଇଚା କିୱିତିଲେ, ଇସ୍ୱର୍‌ ହେୱାରିଂ ପିସ୍ତାନ୍ନା ଆରି ହେୱାର୍‌ ବିଟାଡ଼୍‌ମାନ୍‌ ଆଜ଼ି ମାନାୟ୍‌ମାନ୍‌ ବେବାର୍‌ କିଉରା ।

ରୋମିୟ 1:28 Iomraidhean Croise

ପକ୍ୟାତାକା 17:23

ଇନେସ୍‌କି ଆନେଙ୍ଗ୍ ଚାରିବେଣ୍‌ତାଙ୍ଗ୍ ବୁଲାଆନିହିଙ୍ଗ୍ ଏପେଙ୍ଗ୍ ପୁଜାକିନି ଜିନିଷ୍‌ତିଙ୍ଗ୍ ହୁଡ଼୍‌ତାଙ୍ଗ୍‌ନା। ଆନେଙ୍ଗ୍ ହେଲେକେ ବେଦିତିଙ୍ଗ୍ ପା ହୁଡ଼୍‌ତାଙ୍ଗ୍, ହେବେ ଲେକାଆଜି ମାଚାତ୍, ‘ପୁନ୍‌ୱିତି ଈଶ୍ୱର କାଜିଙ୍ଗ୍।’ ଲାଗିଙ୍ଗ୍ ଏପେଙ୍ଗ୍ ପୁନୁୱାଦାଙ୍ଗ୍‌ ଇମ୍‌ଣି ଈଶ୍ୱରତିଙ୍ଗ୍ ହେବା କିନାଦେରା ଆନେଙ୍ଗ୍ ହେ ଈଶ୍ୱର ବିଷୟରେ ଶୁଣାୟ୍ କିଦ୍‌ନାଙ୍ଗା।

ପକ୍ୟାତାକା 17:32

ଆରୟପାଗ ବାହାତାକେ କୁଚ୍‌ଚି ମାଚି ମାନାୟାର୍ ହାଃତାକାର୍ ଆରେରଗ ଜିବୁନ୍‌ଆନି କାତା ୱେନ୍‌ଞ୍ଜି, ହେୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ଗାଇଜି ଇନସ୍ତା କିତାର୍। ମାତର୍ କେତ୍‌ଜାଣ୍ ୱେଚ୍‌ଚାର୍, “ଇ କାତା ନିବେତାଙ୍ଗ୍ ଆରେ ଆଦିକ୍ ୱେଞ୍ଜେଙ୍ଗ୍ ଆପେଙ୍ଗ୍ ଇଚା କିନାପା।”

ରୋମିୟ 1:18

ଇନେସ୍‌କି ଇମ୍‌ଣି ମାନାୟ୍ ଅଦରମ୍‌ କାମାୟ୍ ଆରେ ୱିଜୁ ପର୍‌କାର୍ ପାପ୍ କାମାୟ୍ କିନାନା, ହେୱାର୍ ସତ୍ ଈଶ୍ୱର ବିଷୟତିଙ୍ଗ୍ ମାନିକିୱାଦାଙ୍ଗ୍ ବିରଦ୍ କିନାର୍। ହେ କାମାୟ୍ କାଜିଙ୍ଗ୍ ଈଶ୍ୱର ସରଗ୍‌ତାଙ୍ଗ୍ ହେୱାରିଙ୍ଗ୍ ରିସା ଆନାନ୍।

ରୋମିୟ 1:21

ହେୱାର୍ ଈଶ୍ୱରତିଙ୍ଗ୍ ପୁଚାର୍‌ନା, ମାତର୍ ହେୱାନ୍ ଈଶ୍ୱର ଇଞ୍ଜି ଗୌରବ କିୱାତାର୍ କି ଦନ୍ଯବାଦ୍ ହିୱାତାର୍। ମାତର୍ ହେୱାର୍ ପାଙ୍ଗ୍‌ୱା ଚିନ୍ତାୱିଜୁ କିନାରା ଆରେ ହେୱାର୍ କରାପ୍ ଚିନ୍ତା ପା କିନାରା, ଇନେସ୍‌କି ହେୱାରିଙ୍ଗ୍ କରାପ୍ ମାନ୍ ମାଚିଲେ ହାର୍ ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ରୋମିୟ 1:24

ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତା ଗରବ୍‌ନି କରାପ୍ ଚିନ୍ତା ଅନୁସାରେ କାମାୟ୍ କିନି କାଜିଙ୍ଗ୍ ପିସ୍ତି ହିତାନ୍, ଆରେ ହେୱାର୍ ଇନେସ୍‌କି ଜାର୍-ଜାର୍ ଗାଗାଡ଼୍ ବିରଦ୍‌ତାଙ୍ଗ୍ ଗିଣ୍ କାମାୟ୍ କିତାର୍।

ରୋମିୟ 1:26

ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ବେସି ପାପ୍‍କିନି ମାନ୍ ହିତାନ୍। ଇନେସ୍‌କି ହେୱାର୍ ଡକୃହିକ୍ ଜାର୍ ଡକ୍ରାହିର୍ ହୁଦାଙ୍ଗ୍ ହୁଞ୍ଜ୍‌ୱାଦାଙ୍ଗ୍, ହେୱେକ୍ ତା ବିତ୍ରେ-ବିତ୍ରେ ହୁଞ୍ଜା ମାଗା ଆତିକ୍। ହେଦାଙ୍ଗ୍ ୱିଜୁତାଙ୍ଗ୍ ଗିଣ୍‌ନି ବିଷୟ।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ଏପିସିୟ 5:4

ଆରେ ଏପେଙ୍ଗ୍ ଅପ୍‌ମାନ୍ ହିତିଲେକେ ବେଣ୍ ୱେଚ୍‌ମାଟ୍, ମୁର୍କିୟା କାତା ୱେଚ୍‌ମାଟ୍ ଆରେ କରାପ୍ ବେଣ୍ ଡେକ୍‌ମାଟ୍। ଇଦାଙ୍ଗ୍ ମି କାଜିଙ୍ଗ୍ ଟିକ୍ ଆକାୟ୍। ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୨ ଥେସଲନୀକିୟ 1:8

ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୨ ତିମଥି 3:8

ଆରେ ଇନେସ୍ ଯନ୍ନିସ୍ ଆରେ ଯମ୍ୱ୍ରସ୍ ମୋଶାଙ୍ଗ୍ ବିରଦ୍ କିଜି ମାଚାର୍, ହେଲେକେ ମିଚ୍‌ୱା ମାଷ୍ଟେରାର୍ ପା ସତ୍‌ତିଙ୍ଗ୍ ବିରଦ୍ କିନାର୍। ହେୱାର୍ ମାନ୍ ବିତ୍ରେ କରାପ୍ ଚିନ୍ତା ମାନାତ୍ ଆରେ ପାର୍ତିକିନି ବିଷୟରେ ପିସ୍ତାର୍‌ନା।

ତୀତସ 1:16

ଇ ବୁଲ୍ ହିକ୍ଷାହିନି ମାଷ୍ଟେରାର୍ ଈଶ୍ୱରତିଙ୍ଗ୍ ପୁନାପ୍ ଇଞ୍ଜି ୱେଚ୍‌ନାର୍, ମାତର୍ ହେୱାର୍ କାମାୟ୍ ଚଚ୍‌ନାତ୍‌ ଯେ ହେୱାର୍ ହେୱାନିଙ୍ଗ୍ ପୁନୁର୍। ହେୱାର୍ ବେସି କରାପ୍ ଆରେ ଈଶ୍ୱରତିଙ୍ଗ୍ ମାନିକିଉର୍। ହେୱାର୍ ଅଲପ୍‌ପା ହାର୍ଦି କାମାୟ୍ କିଦେଙ୍ଗ୍ ଆଡୁର୍।

ଫିଲୀମୋନ 1:8

ଏନେଙ୍ଗ୍ ଇମ୍‌ଣି ହାର୍ଦି ବିଷୟ କିଦେଙ୍ଗ୍ ଦର୍‌କାର୍ ମାନାତ୍ ହେ କାମାୟ୍ କିଦେଙ୍ଗ୍ ଆନେଙ୍ଗ୍ ୱେଚ୍‌ଚାତାଙ୍ଗ୍‌ନା। ଖ୍ରୀଷ୍ଟ ନାଙ୍ଗେଙ୍ଗ୍ ହିତ୍‌ତି ଅଦିକାର୍‌ତାଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଚଚ୍‌ଚି ଇ କାମାୟ୍ କିୟିକିତ୍‌ତାଙ୍ଗ୍‌ମା, ମାତର୍ ଆନେଙ୍ଗ୍ ହେଲେକେ କିଉଙ୍ଗା। ଇନେସ୍‌କି ଆସେଙ୍ଗ୍ ଈଶ୍ୱର ମାନାୟ୍ ଆରେ ଜାର୍-ଜାର୍‌ବିତ୍ରେ ଲାଡ୍‌କିନି କାଜିଙ୍ଗ୍, ଆନେଙ୍ଗ୍ ପାଉଲ ବୁଡ଼ା ଆତିଲେ ଆରେ ଯୀଶୁ ଖ୍ରୀଷ୍ଟଙ୍ଗ୍ ହେବାକିଜି ଜଇଲ୍ ଇଞ୍ଜ ମାନି କାଜିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଇଦାଙ୍ଗ୍ କିୟା ଇଞ୍ଜି ୱେଚ୍‌ଚାନାଙ୍ଗା।

୨ ପିତର 3:5

ଉବ୍‌ଜାଣ୍ ଆତି ବିଷୟ ହେୱାର୍ ପୁନ୍‌ଞ୍ଜି-ପୁନ୍‌ଞ୍ଜି ବାଣା ଆତାର୍‌ନା ଯେ, ଈଶ୍ୱର କାତାତାଙ୍ଗ୍ ସରଗ୍ ଉବ୍‌ଜାଣ୍ ଆଜି ମାଚାତ୍। ତା କାତାତାଙ୍ଗ୍ ହେୱାନ୍ ଏଜୁଙ୍ଗ୍‌ତାଙ୍ଗ୍ ପୁର୍ତିତିଙ୍ଗ୍ ଜେକ କିତାନ୍ ଆରେ ଏଜୁଙ୍ଗ୍ ବିତ୍ରେ ୱାଚ୍‌ଚି ମେଦ୍‌ନି ରସ୍ତାନ୍।