ରୋମିୟ 1:20 - New Testament in Pengo Parja Language

²⁰ ଈଶ୍ୱର ପୁର୍ତିତିଙ୍ଗ୍ ଉବ୍‌ଜାଇ କିତିତାକେଣ୍‌ତାଙ୍ଗ୍ ମାନାୟାର୍ ତା ୱିଜ୍‌ୱି ଶାକ୍ତିତିଙ୍ଗ୍ ଆରେ ହେୱାନ୍ ସତ୍ ଈଶ୍ୱର ଇଞ୍ଜି ହାର୍‌ଦାଙ୍ଗ୍ ପୁଚାର୍‌ନା। ଲାଗିଙ୍ଗ୍ ଇନେର୍‌ପା ଆପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାତାପ୍‌ନା ଇଞ୍ଜି ଇଞ୍ଜେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

²⁰ ଇସ୍ୱର୍‌ ଜଗତ୍‌ତ ଉବ୍‌ଜାଣ୍‌ କିନି ସମୁତାଂ, ହେୱାନ୍ତି ଡ଼ୁକ୍‌ତି ଗୁଣ୍‌ ଇଚିସ୍‌ ତା କାବା କିନି ଅବ୍ୟାସ୍‌ ୱିଜ଼୍‌ୱି ସାକ୍ତି ସମାନ୍‌ ବାବ୍ରେ ହସି ୱାନାତ୍‌ ହେଦାଂ ଉପ୍‌ଜାଣ୍‌ ବିସ୍ରେକାଂ ହେଦାଂ ପୁନ୍ୟାନାତ୍‌ । ଲାଗିଂ ହେୱାର୍‌ ପୁନ୍‌ୱାତାର୍ଣ୍ଣା ଇଞ୍ଜି ଆବ୍‌ଡ଼ୁ ଚଚ୍‌ଚେଙ୍ଗ୍‌ ଆଡୁର୍‌ ।

ରୋମିୟ 1:20 Iomraidhean Croise

ମାତିଉ 5:45

ହେଲେକେ କିତିସ୍ ଏପେଙ୍ଗ୍ ମି ସରଗ୍‌ନି ଆବା ମେହି ଆନାଦେର୍। ହେୱାନ୍ ତ ବାନ୍ୟା ଆରେ ହାର୍‌ଦାକାନ୍ ଇ ରିକାର୍ ଜପି ପା ଜାର୍ ୱେଡ଼ାନି ଅଜଡ଼୍‌ତିଙ୍ଗ୍ ହପିକିନାନ୍, ମାତର୍ ହାର୍ଦି ଆରେ ବାନ୍ୟା ମାନାୟ୍ ଜପି ପା ବାର୍ହା ପଡିକିନାନ୍।

ମାର୍କ 10:6

ମାତର୍ ସାସ୍ତର୍‌ତାକେ ଏଲେଙ୍ଗ୍ ଲେକାଆତାତ୍‌ନା, ‘ଈଶ୍ୱର ଜଗତ୍‍ତିଙ୍ଗ୍ ଆଗେ ଉବ୍‌ଜାଇ କିତିହିଙ୍ଗ୍ ଆଣ୍ଡ୍ରେନ୍ ଆରେ କଗ୍‌ଲେ କିଜି ରସ୍ତାନ୍।’

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 15:22

ଆନେଙ୍ଗ୍ ଯଦି ୱାୱାତାଙ୍ଗ୍‌ମା, ଆରେ ଇ ପୁର୍ତିନି ମାନାୟାରିଙ୍ଗ୍ ୱେଚ୍‌ୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍‌ତାକେ ଦସି ଆୱାତାର୍‌ମା। ମାତର୍ ଆନେଙ୍ଗ୍ ନଙ୍ଗୟ୍ ହେୱାରିଙ୍ଗ୍ ୱେଚ୍‌ଚାଙ୍ଗ୍‌ନା। ମାତର୍ ନଙ୍ଗୟ୍ ନା କିତି କାମାୟ୍ ୱିଜୁ ହୁଡ଼୍‌ତାର୍‌ନା, ଆରେ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିତାର୍‌ନା।

ପକ୍ୟାତାକା 17:29

ହେଦାଙ୍ଗ୍ କାଜିଙ୍ଗ୍ ମାନାୟାର୍ ରସ୍ତି ହନା, ରୁପା କି କାଲ୍ ପୁତ୍‌ଡ଼ାତିଙ୍ଗ୍ ଈଶ୍ୱର ଇଞ୍ଜି ବାବିକିନି ଦର୍‌କାର୍ ଆକାୟ୍, ଇନେସ୍‌କି ଆସେଙ୍ଗ୍ ଈଶ୍ୱର ମେହିକାସ୍।

ପକ୍ୟାତାକା 22:1

ପାଉଲ ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍ ଆରେ ଆବା କାଦେର୍, ନାଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ଆନେଙ୍ଗ୍ ନଙ୍ଗୟ୍ ଉତର୍ ହିଦ୍‌ନାଙ୍ଗା ଏପେଙ୍ଗ୍ ୱେନାଟ୍।”

ରୋମିୟ 1:19

ଈଶ୍ୱର ବିଷୟତିଙ୍ଗ୍ ୱିଜାର୍ ମାନାୟାର୍ ହାର୍‌ଦାଙ୍ଗ୍ ପୁଚାର୍‌ନା, ଇନେସ୍‌କି ଈଶ୍ୱର ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ହେୱାରିଙ୍ଗ୍ ବୁଦି ହିତାନ୍‌ନା।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 2:1

ଏପେଙ୍ଗ୍ ଯଦି ଜେକନିକାରିଙ୍ଗ୍ ବିଚାର୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଚିନ୍ତା କିନାଦେର୍, ଲାଗିଙ୍ଗ୍ ହେଦାଙ୍ଗ୍ ବୁଲ୍। ଏପେଙ୍ଗ୍ ଏଚେକାଡ଼୍‌ଦ ଜେକନିକାରିଙ୍ଗ୍ ବିଚାର୍ କିନାଦେର୍, ଏପେଙ୍ଗ୍ ଜାର୍‌ତିଙ୍ଗ୍ ଦସି ଇଞ୍ଜି ବିଚାର୍ କିନାଦେରା, ଇନେସ୍‌କି ଏପେଙ୍ଗ୍ ପା ହେୱାର୍ କିତିଲେକେ କିନାଦେରା।

ରୋମିୟ 2:15

ହେୱାର୍ ଈଶ୍ୱର ମଶାଙ୍ଗ୍ ହିଜିମାଚି ନିୟମ୍ ତା ଗରବ୍‌ତାକେ ଲେକାଆତାତ୍‌ନା ଇଞ୍ଜି ଚଚ୍‌ନାରା। ଇନେସ୍‌କି ହେୱାର୍ ମାନ୍ ବିରଦ୍ କିଜି ୱେଚ୍‌ନାତ୍‌ ଯେ, ହେୱାର୍ ହାର୍ କି କରାପ୍ କାମାୟ୍ କିନାରା, ଆରେ ହେୱାର୍ ମାନ୍‌ନେ ସତ୍ ବିଷୟତିଙ୍ଗ୍ ପୁନି କିନାତ୍।

୧ କରନ୍ତିୟ 1:20

ଲାଗିଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପା ଯେ, ପୁର୍ତିନି ବୁଦିକାଟି ମାନାୟାର୍ ବୁଦି ଇନା ଲାବ୍ ଆକାୟ୍। ଇମ୍‌ଣି ପଣ୍ଡିତ୍‌ ପା ହେୱାନ୍ ବୁଜାଆନି ଶାକ୍ତି ପା ଇନା ଲାବ୍ ଆକାୟ୍, ଆରେ ଇମ୍‌ଣି ମାନାୟାର୍ ଚାଲାକି ଆଜି କାତା ୱେଚ୍‌ଚେଙ୍ଗ୍ ପୁନାର୍ ହେୱାର୍ କାତା ପା ଇନା ଲାବ୍, ଇନେସ୍‌କି ଈଶ୍ୱର ହେୱାରିଙ୍ଗ୍ ବକୁୱା ଆରେ ହେୱାର୍ ବୁଦିତିଙ୍ଗ୍ ବେକାର୍ ଇଞ୍ଜି ଚଚ୍‌ଚାନ୍‌ନା।

କଲସିୟ 1:15

ଆପେଙ୍ଗ୍ ଇନାୱେଡ଼ାଙ୍ଗ୍ ଈଶ୍ୱରତିଙ୍ଗ୍ ହୁଡ଼୍‌ୱାତାପ୍‌ନା, ମାତର୍ ଏଚେପାଦ୍ନା ତା ମେହି ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ଇନେସ୍ ଚଞ୍ଜ୍‌ନାନା ହେଦାଙ୍ଗ୍ ବୁଜା ଆଦେଙ୍ଗ୍ ମାଙ୍ଗେଙ୍ଗ୍ ସାଇଜ କିତ୍‌ତାନ୍। ଇନେସ୍‌କି ହେୱାନ୍ ଈଶ୍ୱରଲେକେ ମାଚାନ୍। ଈଶ୍ୱର ଉବ୍‌ଜାଇ କିତି ଆଗେ ହେୱାନ୍ ମାଚାନ୍ ଆରେ ୱିଜୁ ଉବ୍‌ଜାଇ କିଜି ଜିନିଷ୍ ଜପି ଗାଜା ଆଦିକାରି ମାଚାନ୍।

କଲସିୟ 2:9

ଲାଗିଙ୍ଗ୍ ଇ ମାନାୟାର୍ ମିଙ୍ଗେଙ୍ଗ୍ ଟକାଇ କିଦ୍‌ମେର୍, ଇନେସ୍‌କି ଖ୍ରୀଷ୍ଟ ମାନାୟ୍ ରୁପ୍ ଆତିହିଙ୍ଗ୍ ଈଶ୍ୱରନି ୱିଜୁ ଗୁଣ୍ ଆରେ ଶାକ୍ତି ତାବେ ମାଚାତ୍।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।