ହତ୍‌ତି 7:1 - New Testament in Pengo Parja Language

^1-2 ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ଚାରିଗଟା ଦୁତ୍‌କୁ ପୁର୍ତିନି ଚାରିଗଟା କନାକାଙ୍ଗ୍ ନିଲ୍‌ଚି ମାଚିକ୍। ହେ ଦୁତ୍‌କୁକାଙ୍ଗ୍ ପୁର୍ତିନି ହାମ୍‌ଦୁର୍ ଆଏତ୍ କି ମେଦ୍‌ନି ଆଏତ୍ ବିନାସ୍ କିନି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଅଦିକାର୍ ହିଜିମାଚାନ୍। ହାମ୍‌ଦୁର୍‌ତାକେ, ମେଦ୍‌ନି ଜପି, ଆରେ ମାର୍‌କୁକାଙ୍ଗ୍ ପା ଦୁକା ଆମେତ୍ ଇଞ୍ଜି ପୁର୍ତିନି ଚାରିଗଟା କନାକାଙ୍ଗ୍ ହେୱାର୍ ଦୁକାତିଙ୍ଗ୍ ଟେବାଇ କିଜି ଇଡ଼୍‌ଜି ମାଚାର୍। ଆରେ ଜେକନିକା ର ଦୁତ୍ ୱେଡ଼ା ହତ୍‌ନି ନିପଣ୍ ହତ୍‌ନାକା ହୁଡ଼୍‌ତାଙ୍ଗ୍, ତାବେ ୱିଜୁଦିନ୍ ଜିବୁନ୍ ମାନି ଈଶ୍ୱରତି ସିଲ୍ ମାଚାତ୍, ହେ ଦୁତ୍ ଗାଜାକାଟ୍ କିଜି ଚାରିଗଟା କନାକାଙ୍ଗ୍ ମାନି ଦୁତ୍‌କୁକାଙ୍ଗ୍ ୱେଚ୍‌ଚାତ୍।

ସତ୍‌ ବଚନ୍‌ ପୁନି ନିୟମ୍‌

¹ ଇଦାଂ ପାଚେ ଆନେଙ୍ଗ୍‌ ହୁଡ଼୍‌ତାଂ, ପୁର୍ତିନି ଚାରି କନାତ ଚାରି ଜାଣ୍‌ ସରଗ୍‌ ଦୁତ୍‌କୁ ନିଲ୍‌ତିକ୍‌ନା ଆରି ପୁର୍ତିନି ଚାର୍‌ ଦିଗ୍‌ତାଂ ଡ଼ୁଇ ହାନାକାଦ୍‌ଲିଂ ଟେବାୟ୍‌ କିଜ଼ି ଇଡ୍‌ତିକ୍‌ନା । ଇନେସ୍‌କି ପୁର୍ତି, ହାମ୍‌ଦୁର୍‌ କି ଇମ୍‌ଣାକା ପା ମାର୍‌ କୁଡ଼ି ଜପି ଅଲପ୍‍ ପା ଦୁକା ଆହ୍‌ୱାତାତ୍‌ ।

ହତ୍‌ତି 7:1 Iomraidhean Croise

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ମାର୍କ 13:27

ଆନେଙ୍ଗ୍ ବାଚିକିତି ମାନାୟ୍‌ତିଙ୍ଗ୍ ରୁଣ୍ଡାୟ୍ କିଦେଙ୍ଗ୍ ନା ଦୁତ୍‌କୁକାଙ୍ଗ୍ ପକ୍ତାନାଙ୍ଗ୍, ହେୱାନ୍ ପୁର୍ତି ଆରେ ବାଦାଡ଼୍ ୱିସ୍ତିତାଙ୍ଗ୍ ହାନାର୍ ଆରେ ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ହତ୍‌ତି 20:8

ଲାଗିଙ୍ଗ୍ ହେ ଶୟତାନ ପୁର୍ତିତାକେ ମାନି ୱିଜୁ ଜାତିନି ମାନାୟାରିଙ୍ଗ୍, ତା ଅର୍ତ, ହାମ୍‌ଦୁର୍‌ନି ବାଲିଆ ଗୋଗ୍ ଆରେ ମାଗୋଗ୍‌ଲେକେ ମାନାୟାରିଙ୍ଗ୍ ଟକାୟ୍ କିନାତ୍ ଆରେ ୱିଜୁ ମାନାୟାରିଙ୍ଗ୍ ଯୁଜ୍ କିଦେଙ୍ଗ୍ ରବେ ରୁଣ୍ଡାୟ୍ କିନାତ୍।

ହତ୍‌ତି 6:6

ଆରେ ହେ ଚାରିଗଟା ଜିବୁନ୍ ମାନି ପଶୁ ବିତ୍ରେତାଙ୍ଗ୍ ର ପଶୁ ୱେଚ୍‌ଚିଲେକେ ହେ ଗଡ଼ାତାକେ କୁଚ୍‌ଚାକାନିଙ୍ଗ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ର କେଜି ପେରିଙ୍ଗ୍ ନଇଲେ ତିନ୍ କେଜି ଗହମ୍‌ କଡ଼୍‍ଦେଙ୍ଗ୍ ରଦିନ୍‌ତି ହାଜ୍ରି ଡାବୁଙ୍ଗ୍ ଆନିକ୍। ମାତର୍ ଚିକାଣ୍ ଆରେ ଅଙ୍ଗୁର୍ ରାସ୍‌ନି ଦାମ୍ ହାମାନ୍ ମାନାଙ୍ଗାନାତ୍‌।”

ହତ୍‌ତି 7:3

“ମାନାଟ୍ ଆସେଙ୍ଗ୍ ଈଶ୍ୱରତିଙ୍ଗ୍ ହେବାକିନି ମାନାୟାର୍ କାପ୍‌ଡ଼ାତ ସିଲ୍ ଇଡ଼୍‌ୱି ପାତେକ୍ ଏପେଙ୍ଗ୍ ପୁର୍ତିନି, ହାମ୍‌ଦୁର୍, କି ମାର୍ ଦେର୍ ବିନାସ୍ କିମାଟ୍।”

ହତ୍‌ତି 8:7

ଆରେ ଏଚେପାଦ୍ନା ପାର୍ତୁମ୍ ଦୁତ୍ ମରି ତୁପ୍‌ତାତ୍, ହେଦାପ୍ରେ ଆଞ୍ଜ୍‌ଗା, ନାଣି ଆରେ ନେତେର୍ ମାହାଆଜି ପୁର୍ତି ଜପି ଆର୍‍ତାତ୍। ଆରେ ପୁର୍ତିନି ତିନ୍ ବାଗ୍‌ତାଙ୍ଗ୍ ର ବାଗ୍ ମାର୍, ଦେର୍, କାଚ୍ରା ନାଣିତାକେ କାଡ଼୍‌ତାତ୍।

ହତ୍‌ତି 9:14

ହେୱାନ୍ ହେ ମରି ତୁପ୍‌ତି ଚଅ ନମ୍ବର୍ ଦୁତ୍‌ତିଙ୍ଗ୍ ଇଲେକେ ୱେଚ୍‌ଚି ମାଚାନ୍, “ୟୁଫ୍ରେଟିସ୍ ଗାଜା ନାଗୁଡ଼୍‌ତାକେ ବନ୍ଦି ଆଜିମାଚି ଚାରିଗଟା ଶୟତାନ୍‌ନି ଦୁତ୍‌କୁକାଙ୍ଗ୍ ପିସ୍ତି ହିୟାଟ୍।”

ହତ୍‌ତି 9:4

ହେ ପାମିକାଙ୍ଗ୍ ୱେଚ୍‌ଚି ମାଚାର୍, ଏପେଙ୍ଗ୍ କାଚ୍ରା, ଆରେ ମାର୍‌କୁକାଙ୍ଗ୍ ନଷ୍ଟ କିମାଟ୍, ମାତର୍ ଈଶ୍ୱରତି ସିଲ୍ ଇନେର୍ ନିଦାଣ୍‌ତ ସିଲ୍ ଅୱାତାର୍‌ନା ହେୱାରିଙ୍ଗ୍ ନେ କାପ୍‌ତେଙ୍ଗ୍ ଈଶ୍ୱର ଅଦିକାର୍ ହିଜିମାଚାନ୍।