ହତ୍‌ତି 6:9 - New Testament in Pengo Parja Language

⁹ ଆରେ ଏଚେପାଦ୍ନା ମେଣ୍ଢା ଇନେର୍‌କି ଯୀଶୁ ପାଞ୍ଚ୍ ନମ୍ବର୍ ସିଲ୍‌ତିଙ୍ଗ୍ ରିକ୍‌ତାନ୍‌। ହେପାଦ୍ନା ଆନେଙ୍ଗ୍ ଈଶ୍ୱର ବେଣ୍ ଶୁଣାୟ୍ କିତାକାର୍ ଆତ୍ମାଙ୍ଗ୍ ଆରେ ଦରମ୍‌ଆଜି ଈଶ୍ୱର ବିଷୟରେ ସାକି ହିନି ମାନାୟାରିଙ୍ଗ୍ ମାର୍ନେ ଅସ୍ତି ମାନାୟାର୍ ଆତ୍ମାକାଙ୍ଗ୍ ସରଗ୍‌ନି ବେଦିନି ତାରେନ୍ ହୁଡ଼୍‌ତାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁹ ମେଣ୍ଡାହିମ୍‌ଣା ଏଚେକାଡ଼୍‌ଦ ପାଞ୍ଚ୍‌ଗଟା ସିଲ୍‌ ଡ୍ରିକ୍‌ତାନ୍‌, ହେପାଦ୍‌ନା ଇମ୍‌ଣାକାର୍‌ ଇସ୍ୱର୍ତି ବଚନ୍‌ କାଜିଂ ଆରି ହେୱାରିଂ ହିଆଜ଼ିମାଚି ସାକି କାଜିଂ ହାଜ଼ି ମାଚାର୍‌, ହେୱାର୍‌ତି ୱାସ୍କିକାଂ ଆନେଙ୍ଗ୍‌ ଗାର୍‌ଣି ତାରେନ୍‌ ହୁଡ଼୍‌ତାଂ ।

ହତ୍‌ତି 6:9 Iomraidhean Croise

ଜହନ୍‌ 16:2

ମିଙ୍ଗେଙ୍ଗ୍ ମାନାୟାର୍ ହେୱାର୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍। ଆଁ, ହେଲେକେ ସମୟ୍ ୱାନାତା, ଏଚେପାଦ୍ନା ମାନାୟାର୍ ବାବିକିନାର୍ ଯେ, ମିଙ୍ଗେଙ୍ଗ୍ ଆହ୍‌ନି କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ହେବାକିନାରା।

୨ କରନ୍ତିୟ 5:8

ଆଁ, ଆସେଙ୍ଗ୍ ହାର୍ କିଜି ପୁଚାପ୍‌ନା, ଏଚେପାଦ୍ନା ଆସେଙ୍ଗ୍ ଇ ପୁର୍ତିନି ଗାଗାଡ଼୍‌ତିଙ୍ଗ୍ ପିହ୍‌ନାସ୍, ତା ଅର୍ତ ଆସେଙ୍ଗ୍ ହାଃନାସ୍, ହେପାଦ୍ନା ଆସେଙ୍ଗ୍ ଈଶ୍ୱର ହିଦ୍‌ନି ପୁନି ଗାଗାଡ଼୍‌ତାଙ୍ଗ୍ ମାପୃ ହୁଦାଙ୍ଗ୍ ମାନାସ୍।

ପିଲିପିୟ 1:23

ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।

ପିଲିପିୟ 2:17

ଆନେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନାଙ୍ଗ୍ ହେପାଦ୍ନା ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାଦେର୍, ଆରେ ତା ପୁଜା କିଦେଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ହିୟାଆତାଦେର୍। ଲାଗିଙ୍ଗ୍ ନାଙ୍ଗେଙ୍ଗ୍ ଯଦି ହାର୍ଦିକାବୁର୍ ଶୁଣାୟ୍ କିଦ୍‌ନାନା ଇଞ୍ଜି ମାର୍ନେ ଅସ୍ତାନାର୍, ଆନେଙ୍ଗ୍ ୱାରି ଆନାଙ୍ଗ୍ ଆରେ ମିହୁଦାଙ୍ଗ୍ ୱାରି କିନାଙ୍ଗ୍।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୨ ତିମଥି 4:6

ଆନେଙ୍ଗ୍ ମିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା, ଇନେସ୍‌କି ଆନେଙ୍ଗ୍ ପୁନାଙ୍ଗା ଯେ ଆନେଙ୍ଗ୍ ହାଃନି ସମୟ୍ ୱାତାତେ। ଲାଗିଙ୍ଗ୍ ଈଶ୍ୱର କାଜିଙ୍ଗ୍ ନା ଜିବୁନ୍ ଆରେ କାମାୟ୍ ୱିଜ୍‌ଦେଙ୍ଗ୍ ହାନାତା।

ଏବ୍ରି 12:23

ସରଗ୍‌ତାକେ ଲେକାଆତି ଈଶ୍ୱରତି ପାର୍ତୁମ୍ ଜନମ୍ ଆତି ମଣ୍ଡ୍‌ଲି ଲାଗାୟ୍ ୱାତାଦେର୍‌ନା। ସରଗ୍‌ତାକେ ହେୱାର୍ ଆତ୍ମାନି ଦରମ୍ ମାନାୟ୍ ଆରେ ହେୱାର୍ ନଙ୍ଗୟ୍ ପୁରା ଟିକ୍ ଆତାର୍‌ନା, ଆରେ ଏପେଙ୍ଗ୍ ହେୱାର୍ ଲାଗାୟ୍ ୱାତାଦେର୍‌ନା। ୱିଜାକାରିଙ୍ଗ୍ ବିଚାର୍ କିଦ୍‌ନି ଈଶ୍ୱର ଲାଗାୟ୍ ଏପେଙ୍ଗ୍ ୱାତାଦେର୍‌ନା।

ହତ୍‌ତି 1:2

ଲାଗିଙ୍ଗ୍ ହେ ଯୋହନ ଈଶ୍ୱର ୱେଚ୍‌ଚି ୱିଜୁ କାତା ଆରେ ଯୀଶୁ ଖ୍ରୀଷ୍ଟ ୱେଚ୍‌ଚି ୱିଜୁ କାତା ଆରେ ହେୱାନ୍ ହୁଡ଼୍‌ତି ୱିଜୁ ବିଷୟତିଙ୍ଗ୍ ଇ ବହିତାକେ ଲେକିକିତାନ୍‌ନା।”

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।

ହତ୍‌ତି 14:18

“ତାପାଚେ ପୁର୍ତିତିଙ୍ଗ୍ ନାଣି ହୁଦାଙ୍ଗ୍ ବିନାସ୍ କିନି ସରଗ୍‌ନି ବେଦିତାକେ ମାନି ଦୁତ୍ ଗାଜାକାଟ୍ କିଜି କୱେସ୍ ଆସ୍ତି ଦୁତ୍‌ତିଙ୍ଗ୍ ୱେଚ୍‌ଚାତ୍ କୱେସ୍ ବ୍ୟବହାର୍ କିଜି ପୁର୍ତିନି ଅଙ୍ଗୁର୍ ମାର୍‌ତି ୱିଜୁ ହେନ୍ତି ଅଙ୍ଗୁର୍ ପାଡ଼୍‌ ହଣ୍ଡାଟ୍। ଇନେସ୍‌କି ଅଙ୍ଗୁର୍ ୱିଜୁ ହେନ୍ତାତେ।”

ହତ୍‌ତି 16:7

ତାପାଚେ ଆରେ ରକାନ୍ ସରଗ୍‌ନି ବେଦିତାଙ୍ଗ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, ହେୱାନ୍ ଇଲେକେ ୱେଚ୍‌ଚି ମାଚାନ୍, “ଆଁ, ମାପୃ, ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଟିକ୍ ଆରେ ନ୍ୟାୟ୍ ବିଚାର୍ କିନାୟା।”

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 20:4

ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍‌ତାଙ୍ଗ୍, ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାଚି ମାନାୟାରିଙ୍ଗ୍ ବିଚାର୍‌କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍‌ତ ହଣ୍‌ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍‌ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।

ହତ୍‌ତି 8:3

ତାପାଚେ ଆରେ ରଞ୍ଜି ସରଗ୍‌ନି ଦୁତ୍ ଦୁପ୍‌ନି ଆହିକିନି ହନାତାଙ୍ଗ୍ ରସ୍ତି ଗିନା ଆସ୍ତି ୱାତାତ୍ ଆରେ ସରଗ୍‌ନି ବେଦି ଆଗେ ନିଲ୍‌ତାତ୍। ତାଙ୍ଗେଙ୍ଗ୍ ବେସି ଜବର୍ ଦୁପ୍‌ନି ହିଜି ମାଚାର୍, ହେ ଦୁତ୍ ହେ ଦୁପ୍‌ନିତିଙ୍ଗ୍ ଆରେ ଈଶ୍ୱରନି ମାନାୟାର୍ ପାର୍ତାନାତିଙ୍ଗ୍ ମାହାୟ୍‌କିତାତ୍ ଆରେ ହନାତାଙ୍ଗ୍ ରସ୍ତି ବେଦିତାକେ ହିତାତ୍।

ହତ୍‌ତି 9:13

ଲାଗିଙ୍ଗ୍ ଚଅ ନମ୍ବର୍ ଦୁତ୍ ଏଚେପାଦ୍ନା ମରି ତୁପ୍‌ତାତ୍, ଈଶ୍ୱର ଆଗେ ହନାତାଙ୍ଗ୍ ରସ୍ତି ସରଗ୍‌ନି ବେଦିତାକେ ମାନି ଚାରିଗଟା କମଙ୍ଗ୍ କଚଣ୍‌ତାକେ ନିଲ୍‌ଚିମାଚି ମାନାୟାର୍‌ତାଙ୍ଗ୍ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍।